The Point Kitchen (奧海城二期) (已結業)

呢排成日落雨，所以朋友話想行商場，買下衫食下嘢，佢訂咗呢間的餐廳，因為座位舒服，空間感亦足。🥗凱撒沙律$88好大碟😆，羅馬生菜🥬新鮮爽脆，而且清甜多汁，配以香脆麵包粒、煙肉粒、惹味芝士及沙律醬，口感豐富，簡單好味。✨香蒜辣椒白酒煮大蜆$118新鮮白蜆，雖然細細隻，但係都好肥美飽滿，以蒜蓉🧄、辣椒🌶、香草🌿及白酒炒得香口，湯汁十分鮮甜，配以意大利包一齊食。🍕食肉獸披薩(9吋）$108即點即烤的pizza，9吋大，熱辣辣，皮薄香脆，上面鋪滿了不同嘅香腸、芝士，配以燒烤醬，味道甜甜地，都幾惹味。🍨Tiramisu Affogato $58很傳統的意大利甜品「提拉米蘇」，用忌廉芝士、手指餅、咖啡酒製成，上面仲加咗雲呢拿雪糕🍦；食前隨個人喜好的份量，淋上濃縮咖啡一齊食，咖啡伴著香甜的手指餅及雪糕，口感香滑，我一直都好鍾意呢個甜品😋。