影片
港鐵九龍塘站 C2 出口, 港鐵九龍塘站 H 出口
繼續閱讀
電話號碼
59107826
營業時間
今日營業
11:00 - 20:30
星期一至日
11:00 - 20:30
以上資料只供參考, 請與餐廳確認詳情
今日好嘢，lunch有me time又有多少少時間，過咗嚟又一城食嘢。見到呢間喺salon附近，嘅Cafe呢段時間又唔迫，靜靜地環境好舒服。睇完Menu覺得都唔錯，搵到想食咩，就行左入去。我叫咗一個海鮮意粉，有cheese Ham仲有麵包嘅前菜，仲有一杯Cappuccino。因為一餐我一次過食唔到咁多嘢關係，所以杯Cappuccino用咗外賣杯可以帶返去飲唔好嘥。呢間食物質素好好，而且又可以打卡，最緊要嘅係好食之餘仲係夠飽㗎。下次同朋友嚟兩個人喺度慢慢傾傾偈飲咖啡都幾好。
繼續閱讀
自從轉工以後午餐的選擇變得非常少（懷念那些年可以吃遍彌敦道），偶爾也想吃點別的當午餐的我，奢侈的來到距離公司十數分鐘車程的大型商場，最後決定在一家髮型屋內好好享受午餐紅酒燉牛肋條配松露薯蓉及法式麵包 $138（隨餐免費奉送前菜及飲品）這天到訪並沒有太餓，就選了這款份量不太多的套餐～ 前菜隨餐供應可選是日濃湯或沙律，也可以加錢喝龍蝦湯，不過這天就選了是日的蕃茄濃湯！蕃茄味道濃稠，旁邊更會送上幼餅乾條蘸著吃，鹹鹹的餅乾條伴蕃茄濃湯很配呢～ 另一款隨餐奉送的就是白桃茶！帶白桃香氣但不會太甜的也帶茶的甘澀味道，可惜沒有熱飲供應，天冷時如有熱飲會比較好來到主菜了！紅酒燉牛肋條甫上菜就散發著紅酒的香氣，牛肋條份量蠻多，牛味濃郁而且炆得腍滑入味；松露薯蓉入口柔軟，帶有小夥粒的薯仔粒增加口感，散發著濃厚松露香氣但不會有太多調味，配味道偏濃的牛肋條吃很搭，再配上法式麵包吃的話無論是味道、口感跟層次都很豐富！沒想到幾款的都是比想像中好吃啊店家這種以「髮型屋 x 咖啡店」一同經營的概念在香港算少數，但近年數量開始變多起來，對陪伴伴侶或朋友剪髮的人來說真的很好；當然也是可以直接到訪咖啡店來試試手藝啦！這店的位置雖然在大型商場內但位置不是在人氣集中的區域，加上咖啡店完美隱身在髮型屋內會令人難以察覺；座位方面大約只有十多個，咖啡店的部分空間不大，名乎其實是一間小店來～ 也因此有種旺中帶靜的感覺，非常適合靜靜用餐呢！也因為是小店的關係餐點種類也會有規範沒有太多的選擇，午餐來說就主要以麵包為中心，只有少部份麵食，所以想吃意粉的選擇就只有一兩款啊
繼續閱讀
約對新人去又一城，傾佢地bigday影相事宜，我黎到又一城就搵地方先坐，見呢間環境幾好，又冇乜人，就入去坐。對新人一陣就過到黎，我地就叫啲野食，一路食一路傾。叫左煙三文魚凱撒沙律，伊比利亞豬架，芝士焗小龍蝦三文魚配松露薯蓉，同埋菜湯配法式包。湯香味濃，份量幾足，法包脆而唔硬（真係試過有啲餐廳既法包硬過石頭😅😅）唔錯👍凱撒沙律啲菜新鮮，上面加左芝士同麵包粒，三文魚亦新鮮，有陣煙薰味，好食👍芝士焗小龍蝦三文魚，黎到就知係即焗，熱辣辣，香氣撲鼻，小龍蝦碌哂殼，食落冇腥味，我呢啲唔多食海鮮既都食唔停口，啲薯蓉唔係用粉溝既，（侍應話係自家制薯仔磨蓉）掂👍👍👍伊比利亞豬架黎嗰陣已經聞到肉香，切開擺落口，煮得好淋，易咬唔韌，豬肉味香。配菜又係有薯蓉，手磨同溝粉真係唔同味，個人心水推薦👍👍👍另外我叫左杯即磨泡沫咖啡，拉埋花比我，咖啡香好醒神，味濃而小酸味，好飲👍ps:我入去前冇客，坐低叫左野食就好多客，睇黎我都幾旺場😈😈
繼續閱讀
又一城一齊比我嘅印象都係「嚟嚟去去」得嗰幾間好食/抵食，所以嚟親都覺得無咩選擇。朋友話之前食過間既好味又有卡打嘅餐廳，搵咗一陣，原來間餐廳座落於Salon，因為裝修風格都幾融為一體，所以之前一直都留意唔到LOL一入到嚟，呢一面就係餐廳落單嘅地方。因為唔係太肚餓，諗住食d輕食，點知樣樣都好似幾靚又幾好味咁，結果就精選咗3碟嚟食。純粹好想食炸雞+見到有黑松露薯條就好想叫。炸雞原本以為係普通嘢啦，點知食落有驚喜！點解可以外脆內嫩！係「嫩」炸到啱啱好，同埋唔點醬都有味。不過我重口味，點埋松露醬，味道更上一層樓。而薯條，就用嚟睇間餐廳抵唔抵食。廚師無吝嗇d松露粉同埋薯條係即炸呢一點，足以令我下次再嚟encore！再嚟我叫咗個「龍蝦熱狗」，雖然睇返menu有個靚d嘅名嘅Lobster Roll坦白講，睇唔出點解叫Roll，但名唔係最重要，重要係呢碟嘢睇得又食得！滿滿嘅龍蝦肉，再附上魚子醬鋪滿咗個面….同埋中間！呢個真心推介！最後，仲有個side叫咗個薯蓉。朋友仔話睇menu好似龍蝦抵食d，我地就叫咗個「龍蝦薯蓉」。（餐牌好似有另一個名，但我忘記咗，不過正常應該搵到）個薯蓉係焗出嚟嘅，面到有滿滿嘅芝士同龍蝦粒。近睇是咁的。原本以為龍蝦僅限個面啦，點知食落原來內含龍蝦！但張相影得太唔靚，大家有機會自己去試下。不過以我多年食薯蓉嘅經驗，呢個薯蓉同我平時食開嘅好唔同，唔知點解特別滑，同埋唔似粉開嗰種，似係去歐洲/本地高級餐廳用真薯仔造嘅薯蓉。成件事即刻勁抵食！我地仲叫咗杯茶同咖啡嚟飲。我杯茶算係中上品，而朋友仔杯Cappuccino，朋友大讚個咖啡底有料！下次經開可以再飲，而唔再去隔離d連鎖咖啡店（雖然比連鎖貴少少，但好飲好多咁話）。下次有機會再嚟試埋其他款式先！
繼續閱讀
Spending a relaxing morning with a friend there celebrating her birthday. The chef prepared the dessert earlier and surprised her. The food was freshly made after order. We had enjoyable time there.
繼續閱讀
您可能會有興趣的...