影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
食家推介
相關文章
又一城Muji晚餐麵豉雜菜湯 麵豉味濃有些微嘅蕃茄湯底味，鹹中帶甜味，雜菜款式多有海帶紅蘿蔔椰菜香菇，白蘿蔔立立雜雜乜都有啲，係屬於有啲誠意嘅餐湯。海鮮沙律頭盤蝦仁肉質脆嫩，但係食唔到蝦嘅海鮮味，粟米仔夠晒爽脆冇菜腥味，牛油果就比較淡口無味一般般，沙律油混合熱情果果汁味道清爽，而帶子夠新鮮但可惜冇海鮮味，有口感缺口味！青魚Mackerel 魚肉燒得香口，用甜豉油配搭柚子汁味道配合得好好，可惜魚肉較為乾身唔夠油份，青魚本身屬於皮韌肉粗，但係魚肉香味獨特好食口味強勁，魚皮又煙靭香口，甜豉油搭上柚子汁味道酸酸尾尾。秋葵有少少老身但係都夠外軟內脆，口感夠晒特別。香煎封門牛柳試食咗一舊牛柳，口感及味道一般，而且肉質嚡口兼overcooked ，下次可以唔洗再試。16穀米飯粒粒分明香味與飯味略為淡薄，但係口感非常之好，比日本白米更有口感。蒸餾咖啡Arabica coffee style微篋帶苦味，not my coffee❗️食店設計充滿日本及台灣文青氣息，簡單明亮，侍應勤力有禮貌，碗筷清潔乾淨，店舖內有好多靚仔靚女打卡食飯購物，食肆環境別樹一格。
繼續閱讀
昨晚和朋友到又一城傾偈，又一城是一處飲飲食食的好去處。最後揀了Cafe&Meal MUJI，因為旺中帶靜，可以傾偈。女的朋友叫了一件檸檬芝士蛋糕及一杯飲品，另一位男的朋友叫了一個沙律及飲品，而我因為肚有點餓，所以叫了三品料理，這個套餐有一個冷盤、兩個熱盤，配美味的餐湯及特色的十六穀飯，再加叫杯滴漏咖啡，就係咁就十分飽足。😘
繼續閱讀
今日午飯時段黎到又一城，見到呢間Muji Cafe嘅三餸飯都幾吸引，一於試吓😛我揀左明太子醬汁雜菌厚燒玉子、菠菜金蒜薯仔沙律、甜椒醬炸雞、紅米飯。其實冷盤都幾好食，凍嘅玉子燒好特別🤩🤣，炸雞都好好食，我不嬲都好鍾意食薯仔，所以唔洗講😂但份量真係超細🥲🥹，如果多番兩舊炸雞會好好多😭😭 我見外賣平好多，下次買外賣算了🥹 $98三餸飯可一不可再🥶🤣 好彩冇加一咋🧐
繼續閱讀
由細到大一直都買開MUJI既文具，估吾到MUJI都會開文青系cafe，餐廳主要以木系裝修為主，食物都算多樣化，感覺主要係健康、輕食為主😉🩵主食：澳洲和牛肉眼餐$238見到和牛就忍吾住叫左，一上枱就聞到好香和牛味，五成熟既和牛扒鮮嫩多汁，食落好有牛味，配菜方面就揀咗炸薯條，冷盤揀咗芝麻醬拌菠菜冬菇，真係健康又好味🤤🩵飲品：琉球紅茶飲品跟餐配送，食完和牛扒薯條，飲落冰冰涼淡，啱啱好可以解膩👍🏻
繼續閱讀
今日去九龍塘又一城行緊嘅時候有啲悶，於是就入咗去無印良品睇，發現有一間Muji Cafe於是就嗌咗呢一個焦糖布丁，食緊嘅時候覺得布丁動L動L咁幾舒服,消閑時間嘅好去處👍🏻
繼續閱讀