The Food Gallery

屋企人一家大小 5人行 興高采烈期待呢餐自助餐 因為睇到網上都有不少好評 以為有筍嘢 點知失望至極 大家唔好嘥錢試食呢間嘢 是但香港一間無論普通放題定3星自助餐都比佢好😮‍💨😮‍💨屋企人準時到達 但好多嘢已經話已冇供應 請問咁樣係自助餐嗎？ 其他食品亦只有少量供應 用料唔新鮮 面包蟹都未融雪 生蠔冇蠔味 仲有核未整干淨 每人只限每次兩隻 咁嘅質素生蠔 就算一次俾我攞一打都唔會攞囉 刺身 三文魚（冇魚味）吞拿魚（未融雪）八爪魚（超韌）仲要三文魚係粒粒上 吾係切片 壽司超多飯 款式少甜品款式少 唯一最好食可能係泰國嘢 屋企人話為有用嗰啲嘢食飽算 限時三個鐘 屋企人只食咗個半鐘 原因好簡單大家都估到 原本想出post話今日放假食好野 點知相都唔想影多張就知幾差 吾好話出post啦 但係食評一定要出 費事更加多人中招 🤔🤔😮‍💨

一間劣評如潮既自助餐，突然之間咁多好評，相又靚又多野食。好啦，平平地試下lunch啦。點知。。。幾百蚊都嘥埋。野食少選擇，但如果有質數的話係完全冇問題。最愛食海鮮既我極度灰。三文魚刺身咁簡單，竟然可以切唔乾淨啲皮。黑卒卒咁吊住成條蟲咁。甜蝦全部都蝦BB來的，好彩還算可以。生蠔細隻都唔緊要，但排隊拎10隻可能只有一隻食得。隻隻都得返鰓同膜，仲有啲味，想試既朋友可以去試下。不過頭幾轉要排姐，冇幾耐就冇晒人排了。得我唔死心不停試睇下有冇食得既蠔出現。果2個開蠔極慢既員工又真係好，可能知道啲蠔唔得，開慢啲。仲一定要我拎隻新碟先比我。起初我還想罵他們，現在明白他苦心了。原來怕影響埋其他食物。好啦最後講埋麵包蟹，冇糕嘅麵包蟹真係第一次見。成場完全冇出現過有糕既麵包蟹。啲糕去晒邊？到底我食左啲乜？

因為operice 訂枱有八五折，所以你試吓呢間好耐冇嚟嘅自助餐。我覺得呢一間係我近呢比較有水準嘅自助餐，佢哋嘅凍盤同埋魚生都好出色，整體嘢食都好好，至少我覺得性價比高，甜品有少少美中不足但係都可以接受。坦白講以呢個價錢真係超值，應該遲啲到好難約，大家有機會要嚟試吓

之前係度食過蟹，今次到泰國推廣一年去幾次泰國嘅我，梗係要試吓啦熱食估唔到有10幾個菜式都係泰國嘢思鄉味濃，見到開心曬🤪🤪🤪海鮮有龍蝦蟹腳龍蝦仔生蠔細隻啲，但係即開夠新鮮，仲喺法國生蠔添仲有日本刺身咁，正路嘢留咗講，泰國嘢仲有泰海雞仲有泰豬手，個虾卷都好食，今日有船面，差d飽到食唔到，甜品仲有榴連泡夫同千層穌正丫！今次多咗個飲品檔有太奶茶檸茶同排毒水咁唔記得講，員工服務十分好，有耐性，我小朋友出去拎甜品，仲有幫手添❤️❤️❤️

冇咩野食熱盤凍凍盤暖生蠔cheap貨Bad chef 簡平貨應付客人性價比奇低永久不會再食的餐廳，價錢貴野食差。唯一可以稱讚既係d 服務員態度有禮，但除此以外都冇咩優點了

今晚既主題係✨鮑羅萬有✨，聽個名都知道係用鮑魚做主題，如果鍾意鮑魚嘅朋友就一定開心餐廳比想像中細，職員安排我地坐係窗邊位置，拎野食嘅地方唔大，食物種類唔算多，我地既座位距離食物好近，都算係優點，起碼行多幾次都唔覺得攰一開始食海鮮冷盤先，都係有龍蝦蟹腳生蠔等等基本嘢，特別小小嘅係由小龍蝦做冷盤，一般平時通常都係麻辣小龍蝦蟹腳同埋生蠔偏瘦，唔多肉，其他海鮮就一般味道，不過不失喺食海鮮冷盤途中，職員每位上咗一點燴鮑魚，伴碟有西蘭花同花菇，花菇好厚身，如果食晒一隻應該會好浪胃全晚我最鍾意，反而係依個羊架，佢冇平時自助餐醃得咁鹹，同埋一啲都唔韌，煎到兩面有少少焦香，襯埋個燒汁食一流全晚最失望嘅係青口，我係好鍾意食青口，平時起碼食兩打，但我竟然依碟都食唔完，因為好鹹同青口肉質好霉呢度另外有個主打，就係19:30準時敲鐘，準時送上由酒店米芝蓮餐廳「唐閣」烹煮既乳豬，鐘聲一響，全部人都即刻排隊去拎，係難得既畫面，因為今晚實在太少人，拎所有野都唔使排隊拎咗一份返黎試，係好味既，但可能乳豬突出唔到米芝蓮既級數😂😂只可以話比一般嘅乳豬有肉，唔係酒樓乳豬剩係得層皮同肥膏，唔會死咸，要形容既話就係一隻好味嘅乳豬

小朋友生日，訂左一家四口食自助餐當日準時六時先可以入坐先講優點- 服務人員親切有禮- 坐位算舒適跟住講不足- 食物選擇少- 主題的鮑魚亦唔覺有幾主題，印象中得湯，炒鮑魚同每人一客的蠔油鮑魚，唯一覺得個湯係好飲嘅- 海鮮同刺身選擇亦少- 甜品係我見過選擇最少的酒店，味道亦唔好味（好少會覺得甜品會咁唔好味）最後講疑惑- 小朋友生日，有落remark, 食完返尼先見到人地食評有送蛋糕- 去到先知原來openrice個全單75折，只計大人，唔計小朋友 （咁何來全單呢？）睇返terms其實有寫，所以大家記住都要睇清楚，唔好自己誤會了Overall, 自助餐有太多其他選擇了

媽媽生日，訂咗自助餐，生日仲送一件蛋糕仔，仲有得寫生日牌添😆服務生服務好，態度好👍🏻野食又多，海鮮好新鮮唯一唔好係開蠔既阿姨，我諗住一次過拎三隻蠔，比埋屋企人，佢比咗兩隻我，之後我話可唔可以比多隻我，佢啤一啤我，態度勁差👎啲蠔你㗎咩👎👎👎👎👎👎甜品好靚，好多款式😻有機會再去😝

地方不大，食物種類不太多，但地方舒適，服務人員十分有禮，心頭好的龍蝦，剌身都十分ok，只是D蠔好像細了點，其他也ok，價格也可以，openrice 75折，大約680 一個人，我覺得可以

❀ 香港朗廷酒店 The Food Gallery #尖沙咀 ❀❗️任食四小時 矜貴新鮮鮑魚為題自助餐❗️——————————————————好耐無食過自助餐了😆原來尖沙咀朗廷酒店 The Food Gallery 今期推出以矜貴新鮮鮑魚為題嘅自助餐🤤有各式各樣鮑魚入饌嘅菜式，包括避風塘炒鮑魚、鮑魚燉湯、鮑魚荷葉飯等，仲有三星級中菜廳唐閣烹調嘅乳豬，以及多種新鮮海鮮、扒類、甜品🥰.✷𝑀𝑒𝓃𝓊✷☞ 「鮑羅萬有」自助晚餐* 供應日期由即日起至 31/3 (6-10PM)* 網上平台預訂可享85折優惠^星期一至四 $720/位（已含10%服務費）^星期五至日 $758/位（已含10%服務費）.♥ 鮑魚菜式每位客人會免費享獲一份蠔皇鮮鮑扣花菇🥰另外必試避風塘炒鮑魚，夠晒香口入味，亦一啲都韌。另外仲有鮑魚仔茶碗蒸、鮑魚燉雞湯、鮑魚荷葉飯、甚至有罕見嘅泰式鮑魚沙律同鮑魚海鮮凍！淨係鮑魚菜式已經花多眼亂🤩.♥ 海鮮除咗鮑魚之外，仲有多款新鮮海鮮🦞包括法國生蠔、波士頓龍蝦、加拿大蟹腳、太平洋海蝦、瑞典小龍蝦、加拿大青口、蜆！.♥刺身值得一讚刺身肥美又新鮮，仲要幾厚切🥰最鍾意佢哋嘅帶子，另外當然唔少得鮑

15號晚屋企人生日，去咗朗廷食dinner buffet 。餐廳比想像中細，當晚只坐咗三分一嘅枱，但職員嘅數量多，可以好好照顧到每位客人嘅需要，而且態度十分友善。至於食物方面，整體食物嘅選擇唔算好多，不過基本嘅自助餐海鮮都有，例如生蠔，小龍蝦，（波士頓龍蝦，面包蟹）以上兩款已幫你剝殼，藍貝，蜆，鮑魚仔。佢哋嘅甜品色彩配搭好豐富，味道都幾好。

首先必須大讚呢度員工非常好！特別感謝著黑西裝褸嘅男經理因為有bb關係會比較多需要但呢度員工全部都好親切對待令我哋喺呢度渡過一頓開心嘅新年自助餐🥰食物方面都滿足咗大部份人需求有即開生蠔同面包蟹新鮮多膏有刺身同壽司熱食都多樣化特別一讚蒸魚好好食！新鮮得嚟蒸得啱啱好2款湯好飲串燒同天婦羅呢類都爽脆惹味甜品方面亦滿意焦糖燉蛋好好食有pancake甜品tart鮮果puff朱古力鮮橙cake必食！！Haagan Daz 雪芭都係比較少有食完前面主食有時唔想再食heavy甜品食雪芭係啱哂！最後亦想講非常抵食4人仲送一支紅酒！埋單$1000 包加一

講到咁難食，但係又好難book位，試左夜晚嗰個buffet ，食物種類都算多，有生蠔、小龍蝦、海螺、蝦，青口等等。熟食我最有印象嘅係清酒炒蜆同清蒸醉蝦。。不過不失啦，但係應該唔會再食多次。

📍 #尖沙咀 The Food Gallery @langhamhk#羊羊在尖沙咀#羊羊在九龍基本上想試哂朗廷所有餐廳，所以揀咗呢buffet試吓😄之前上網見到一面倒都負評，甚至即日仲有得book，見咁都幾驚唔好食😵‍💫不過入到去就覺得冇大家講咁差，係就係細咗啲，款式少啲🫢但係每一樣都唔差，唔會因為任食就水準下降，最重要係午餐都有生蠔😳最後不足地方係真係人手唔多夠，叫極都冇人理🫠同埋得2h食，時間少過出面30min，剝蟹都用咗好多時間，食唔到幾多🤥🫶🏻誠心推介之選✨哈密瓜火腿真係估佢唔到，仲好食過出面叫一碟🤣未到季節哈密瓜都咁甜，清甜嘅瓜再配埋鹹鹹哋有啲油脂嘅火腿好夾🤩✨麵包蟹好多膏、幾濃味，冇個啲似急凍咗100年嘅味❄️另外蟹鉗好多肉，係個殼硬啲難開咗少少🤏✨生蠔薄身咗啲，但蠔味都有🦪叫得上即開，冇咩人佢就會開定幾隻🙂每次限拎兩隻，除咗有海鮮醬之外，仲有紅酒洋蔥汁配嚟食✌🏻✨甜品全部甜品都推薦🥰唔單止外形精緻，而且味道都好好，唔似得落香精同用街貨😝最最最推介焦糖燉蛋，焦糖厚度啱啱好，燉蛋好creamy而蛋味都有🥚😒唔多推薦之選✨西冷好多地方都做唔好，明明切出嚟都好多肉汁，中間都粉紅色，

之前看OpenRice的食評見到大家對這間餐廳的評價麻麻，但想吃的餐廳又full Booking了，剛好OpenRice又有這間餐廳的六五折coupon，一試無妨吧！食物放得很集中，我們的座位又被安排到勁近取食物的地方。海鮮counter有驚喜，有勁大隻膏蟹、生蠔、小龍蝦、蝦、青口之類。燒烤方面，首選是即場燒牛舌，牛舌超厚很大塊！炸物方面也有炸蠔和各款炸天婦羅。甜品就推薦焦糖布甸、抹茶撻，抹茶朱古力Fountain都很吸引。餐廳的服務非常周到，店員會主動加水和收碟，很有禮貌。六五折之後每位星期日的價錢才370多元， 十分抵吃！