The Flame Bar & Restaurant

營業中

休息中

一年多冇落官塘OCT 食飯，今日專程來到同朋友聚舊 。一行4人 想食西餐，搵到呢度有大家都鐘意嘅牛扒同生蠔 就book 左。要知官塘區先不說高質，比較above average 見得下人嘅西餐可能兩三隻手指數得盡……呢度叫做坐得舒服而且食物水準超於我地所想！有驚喜！～斧頭扒～賣相見圖不用解釋 ：）打咭一流！ 做到有碳燒嘅感覺，肉質都好淋，應該會成為我地下次再來嘅理由！如果想冇咁膩 ，可以再熟少少 e.g. medium well /8成熟。向香港有做斧頭扒嘅餐廳唔多而且一般都好貴（貴一倍都見過食過但質素都唔夠呢度好）今次呢個價錢1388仲有折，我地4個人兩男兩女，係絕對食唔哂 ，如果想試埋其他野，建議有5～6 個人食就剛好。～生蠔～ 點左3款法國生蠔 每款兩隻 ，個名唔記得，但3款都好新鮮好肥美又夠大隻 ，加幾滴檸檬汁就ok, 唔洗加其他汁，本來食完想再encore ,不過又叫左其他野⋯⋯如果我一個女仔食3～4隻飲杯酒，食2塊餐包，其實已經可以當一餐飯 值得一提係師傅開蠔手勢好好，開得好靚同好乾淨 ，連個帶子位都起得好好。~意粉～有al Dante 感覺而且好香口 ，蜆都夠鮮甜有肉（如

高質素多國菜餐廳，環境好優美，適合情侶黎拍拖👫室內裝修好靚適合談心，戶外區域就有d嘈….1.火雞胸肉三文治配薯條 $88餡料非常充足，好大份三文治，滿滿的火雞胸肉，配上沙律醬，口感非常清新，美中不足係有少少鹹，可能d醬太多。2.招牌芝士漢堡配薯條 $128巨大的漢堡，個包可以脆d更好，漢堡好大塊，都係有d鹹😂😂可能大廚重手左。3.卡邦尼意粉 $98呢個意粉好正宗，味道剛好，調味非常好，食曬成碟都唔覺得好滯👍🏿

曾幾何時，在這裡吃過一頓匆忙卻令人滿足的午餐 ;今天，又回到這裡，跟男朋友家人度過了一個悠閒的晚餐。平日晚上7點前都可以直入不用等位，7點後人流會較多，建議先訂座更好。首先講一講加配既生蠔，好新鮮、爽口 蠔味比較濃郁相當鮮甜及好味，生蠔肥美肉厚，而且仲有啖啖清新既海水味，好正。配埋佢個醬汁令生蠔更香更提升鮮味。最後介紹個澳洲黑安格斯殼飼50安士斧頭扒，需時半個鐘製作，整完職員會先給你影相，之後幫忙切開，而且切得很乾淨，基本上都冇乜肉在骨上面。細心欣賞個扒，可見四個面都以火烤過、外皮產生焦糖香.食落仲有很香的炭燒的味道。間餐廳野食都算大份量，多人聚會適合，而且場地好大，還有戶外，現在天氣都比較適合坐外面，唯一一點戶外有點吵，其他唔錯，值得推薦。

位置幾隱蔽低調,位於亞太中心3樓，都係聽老友介紹先知道有間西餐在觀塘。餐廳裝修簡約舒適，食物、飲品方面好多款式！提供二人及四人座位，個場地比較大，而且有沙發，可以多人坐埋一起都可以。性價比極高，果然不論食物跟服務態度依舊保持水準。還發現了經網上平台訂座,可享有折扣優惠.沙律十分新鮮，火箭菜美味，顏色配搭吸引，有切開的橙色及紅色車厘茄而意大利飯味道不會太濃郁，所以不會太漏。斧頭扒不但賣相吸引，而且未切前會先上枱讓食客看看及拍照，然後入廚房在keep warm情況下切好，排列好後再次供應在桌上享用。呢間餐廳 最緊要係我會再嚟食完滿意之外仲覺得可以試吓其他菜式下次有機會 我會再飲吓其他mock tail/酒添

說到食扒就令我諗起呢間餐廳，所以今次諗住試下新嘢。晚餐時段可能假期前夕係滿座。餐廳環境舒適，氣氛輕鬆愉快，適合同朋友一齊嚟享受美食！佢裝修好有西式風格，服務有啲貼心，會自己問使唔使拎碟比你，同推介邊款Cocktail好飲。今次都好好彩可以坐到面對廚房嘅枱位，可睇住入邊個廚房煮嘢食，同埋睇到啲廚師好忙咁，有時有嗰煮野食火光睇下幾有feel。餐廳的份量十分充足。這些菜肴不僅味道出眾，而且盤子上的擺設也非常精緻，很高級。餐廳價位中等，考慮到提供的食物質量和服務水平，我覺得這是一個相當不錯的選擇。

收工想搵個地方飲酒 朋友介紹觀塘亞太3樓有間bar飲酒吃扒唔錯 就來朝聖 一入到來 地方夠大 可以多人坐埋一台 傾計就好好坐 還有戶外 可以帶寵物 有happy hour去到8點 岩曬我

九月是親戚朋友生日月，所以飯局都比平時多；,我們被安排坐在一張二人卡位檯，感覺舒適，餐廳的視覺也覺得非常開陽，望出窗外仍然有溫暖的燈光，在這樣闊大和裝修華麗的空間內用餐心情特別舒暢，聽朋友介紹餐廳的生蠔斧頭扒係必食， 即開生蠔、均是來自法國,味道方面均帶有海水的鹹味，不過前者的海水鹹味較濃，肉質鮮甜，彈性爽口,特別一提其實鮮味的生蠔只需加一點點鮮檸檬汁已經相當足夠，不要加入其他醬料影響生蠔的鮮味 斧頭扒都係招牌之一，肉質豐厚，重牛味，有咬口，越食越想食，可以三至五個人一起食。需要稱讚的是所有餐廳職員都很有禮貌、服務非常到位及貼心。

上星期和朋友慶祝生日 同事問我想食什麼菜 我便一口答他們想食西餐 朋友便推薦這間西餐 樓上西餐依家真係賣少見少 要搵有素質就更加唔容易 好彩事先訂位 上到來先知咁多人餐廳好好 我們說要比較私密的地方 因為我地有20人驚吵到人 佢地就幫我安排比較私密的位置

我一向都喜歡食西餐，因為可能細個係國外長大的原因，習慣食那種味道。朋友知我回來食唔慣，就帶我來觀塘區評價較高的餐廳，由之前酒店總廚主理。間鋪其實都算易搵，就在亞太中心三樓，見到好多人等電梯，其實直接電梯上去唔洗等。去到見到門面都幾大，好多優惠都在門口可以見到，明碼實價，而且價錢貼地。入到餐廳，發覺非常光猛，而且座位寬敞闊落，可以坐多人一台，坐得幾舒服，聽個總廚講個場可以坐到百幾人加埋出面戶外。除了大餐牌外，還有 Lunch set，HAPPY HOUR,價錢合理，都符合香港打工消費。雖然Set Lunch 好吸引，但我專程去試的特色菜，那當然要點餐牌上的主菜啦😁😁😁店員服務也很好，貼心介紹餐廳的招牌菜 ，澳洲黑安格斯殼飼斧頭趴同法國生蠔，火焰法式焦糖燉蛋。頭盤當然要試下法國生蠔，生蠔超級爽口，鮮甜，好食到停唔到口，價錢有小小偏貴，好彩半打起有85折。火箭菜沙律配布拉塔芝士，中規中矩正正常常，做前菜都幾開胃。招牌特級漢堡真係好大盤，配埋紐紋薯條，個漢堡可以2-3個人一起食，岩曬小朋友。好戲在後頭，呢個係招牌，總廚講之前係35安士，現在轉了新餐牌加多15安士同埋轉咗黑安格斯，肉質會比之前好

放完假想在觀塘附近搵野食，得知朋友推薦的一間西式餐廳，可以坐多人，來之前都打電話問有冇得多人坐一起，店員答可以10人以上都OK。來到餐廳先知甘大，一行坐曬，好彩事先訂了位置，上到來都好多人，樓上鋪的好處就係唔洗同人逼，唔洗點等位。生蠔一共有5款有得選擇，我地選了多人選擇的玫瑰，好大只好肥美，呢只法國生蠔聽店員講好多女士都會叫。主角都係斧頭扒，同事一直講呢個扒必食，多人分享會最好，來到店員會幫忙淋火，真係好符合主題，THE Flame.個肉睇落4成熟，唔韌，入口多汁重牛味，食完真係好滿足，啖啖肉。

是日家人生日，所以預約了西餐。同行家人曾到過餐廳進餐，當時牛扒的味道一流，所以今次才預訂了這間餐廳。餐廳的套餐實在超值，份量亦充足，所以當晚我們四大一小，叫了一個二人套餐及一份全份的豬肋骨。可惜豬肋上菜時只得半份，原來是職員落錯單，感謝他的錯有錯著，因為那份豬肋實在過熟了，肉質已變柴皮。猶幸，牛排在一貫水準之上，味道很好。而這店的焦糖燉蛋上菜時有個特色之處，就是用紙包著整個燉蛋，然後燃燒紙張制造特效。

推介在觀塘鬧市中可與舊同事或朋友一起敘舊好地點。我們三人叫了一個二人套餐，份量足夠三位小女子分享。小食什錦拼盤有雞翼，魷魚，薯條等。主菜點了7成熟牛扒，味道不錯，肉質嫩化多汁，不會個靭。有兩個南瓜湯味道濃郁。卡邦尼意粉，甜品有提拉米蘇及招牌火焰法式燉蛋。味道惆當，不會過甜。環境寬躺不會給人侷促的感覺，只是開頭音樂大聲了一點，之後也改為適中音量。服務員有禮貌招待，為我們拍照也顯得樂意，會多角度來幫忙拍照留念。

這間係官塘區，少數食店可以消費換Asiamile積分，可惜佢哋全日做8折，若要儲分就冇得折嘍。週日中午速食， 叫咗個炭燒澳洲穀飼西冷扒(8安士，五成熟)$168，送飲品一杯，加$18要個沙律。沙律有驚喜🤩， 一心諗住淨係得菜/蕃茄 🍅， 點知有兩片parma ham😋。不久，服務員放低一個牛角包🥐， 😅吾覺餐牌上面寫有包喎， 似微波爐叮返熱， 暖暖地。主菜送上時覺得擺盤有點奇怪， 第一次見用隻中小型的橢圓形碟， 中閒微微渦落去，😨鋸牛扒是有點困難，因為碟邊頂住把刀， 通常牛扒用圓形較平的碟🍽。😮‍💨 切開後， 心裏一沉， 起碼有七成熟喎，我叫五成熟㗎! 肉質入口鞋颯颯，而且帶跟， 有點難咀嚼😣。 牛扒下的配菜有5粒紅蘿蔔波波， 一細嚿西蘭花🥦，一細舊椰菜和一嚿個帶皮嘅薯仔。 附肉汁，衹食到咸味。這裏客人唔多， 應可久坐吹水，但要吾介意背景音樂嘈吵。服務算👌。

再臨 The Flame Bar ＆ Restaurant，久違嘅即興飯局，今晚想要點酒精放鬆下，點了幾款配酒菜，就來枝果味夠嘅merlot 來配搭吧＜蜜糖堅果烤金文畢芝士配多士＞Camembert 同 Brie 都係好多芝士控喜愛嘅軟芝品種，表面硬身裡面柔軟。未食睇個樣已經好吸睛，像個甜品蛋糕一樣，蜜糖堅果完美配合，打開下層那個被灸燒過的‘’小蛋糕‘‘，拿一塊小法包點上滿滿柔靭的Camembert，一口法包一口紅酒，愉快嘅飯聚就由這美麗的餐前配對開始＜炸蕃薯條＞邪惡中總要找個健康點🤭🤭，不薯條反來一桶炸蕃薯條，蕃薯甜身，質感會比薯條多了一份實在感不是粉粉的感覺。＜烤美國BB豬肋骨(半份)＞我同友人都怕那種一切就爛或過硬嘅燒豬肋骨。當一切之下，就已釋除了擔心嘅問題。烤醬份量剛好唔會過多致喉涸或太少而不夠味。肋骨入晒味，外脆內嫰，不錯嘅演繹！＜意大利闊條麵配素肉丸＞最後一道亦係唯一一道較失色，素肉丸，闊條麵，醬汁全部味道都係各自各，醬汁不夠濃稠，可能烹調時間，未能令到醬汁食到落去配料當中。

同學生日一行五人嚟咗呢度食，經openrice book位，環境外面ok，入到去背景音樂有點大聲，因為平日，唔full及沒限時，枱面有點痴立立，麻麻地，一陣燒烤嘅味道，整體以西餐，佢不是太貴，仲有折添，但份量少，味道都好食，只係由未落單到食飽，途中不斷都有侍應過你問你食唔食甜品，收餐碟餐具，有點阻我哋傾偈，因為環境太嘈，如果坐滿，三五知己就會更嘈，要好大聲講野，其實咁既環境都不宜久留，味道可以，但不是適合傾偈的地方