The Flame Bar & Restaurant

營業中

休息中

觀塘區的餐廳好多，這間我較喜歡，環境舒適，好有情調，二人餐份量好足夠，服務很好，食物質素好，款式多，有骨豬扒👍蝦多士👍有室內，外，價錢合理，值得再去，好評👍

難得今日人齊就去呢間朋友介紹的西餐廳，聽講氛圍唔錯，食物有水準。今日生日飯局，5個人從頭笑到尾。我們5個人叫了個4人餐，還叫了生蠔 食到飽飽。先介紹下食物先，頭盤有一大碟小食拼盤 ，岩曬我呢D中意食熱氣野的人，仲有4個湯大大碗。前菜還有墨西哥脆餅配牛油果蝦沙律，店員上菜都會講教我們要將個墨西哥餅壓脆來撈埋沙律食，上面有意大利醋有小小酸酸地，好開胃，同牛油果好健康 配埋個餅食真係一流。叫了半打生蠔，因有兩個人唔食生野，我自己一個都食了3個 真係聽聞的是好新鮮好有海水味，一食就知道剛剛開的。香草醬好香的通粉一上到檯面就聞到，加埋芝士粉搭配得剛剛好，蝦都好新鮮好爽口，唯一一點就有小小鹹。叫了7成熟的羊架，口感好好，談談肉好野味。重頭戲都係擺到最尾，主角係我最愛的斧頭扒，聽朋友介紹上次已經食過一次，今日無論如何都要叫多次。個4人餐仲有得半價轉，真係好抵食。多人分享真係真心覺得性價比好好，店員還介紹這是間鋪的招牌，一定要試下多人的話。最後還有個甜品火焰焦糖燉蛋，拍了片但係忘記影像，份量唔大 ，岩曬兩個人分享食。值得推薦的餐廳，氣氛好好，生日仲有播生日歌，好有心，下次還會再來。

記得亞太中心樓上有酒樓同唱K，原來3樓有呢間西餐廳，環境幾好，地方夠大，因為我地加埋都有7個人過嚟食嘢。入到嚟啲職員一早安排好座位，靠玻璃外牆位置，原來出面平台仲有戶外座，不過落雨，都係坐返入面。啲野食都唔錯，豬架，西冷，職員仲sell我哋斧頭扒，同生𧐢，幾個人猶豫左一陣都係嗌，因為全部啱曬我哋呢啲食肉獸。朋友生日，最後個經理仲播左生日歌同影相，送埋張生日卡，幾好，大家都幾開心嘅。佢地甘用心，所以真係畀個讚同推薦下

係觀塘搵咗好多地方終於搵到一間自己心目中最愛 食生蠔的餐廳，自己本身都中意食生蠔，都試過了好多餐廳的生蠔，各有特色，但試過呢間覺得真係性價比好，半打以上仲有85折，而且真係好新鮮，好肥美爽口，食得出剛剛開。叫了半打唔夠喉，加多咗半打。叫咗甘多生蠔肯定要配白酒，因為自己食煙，所以坐了戶外，出面都有冷風機，都唔會話熱。平時係室內坐得多冷氣吹得多，係出面食野都幾寫意，總體來講，搵到個斗食生蠔，服務都唔錯，都係後生靚子靚女，都幾善談，值得推薦。

趁父親節就到，唔想當日出去同人逼，就帶啊爸過來慶祝下，之前都來過幾次，覺得性價比都好好，同比較適合自己味道，來到店員都認得我地。好快其實知道自己想食d乜，餐牌都熟，今次4個人就叫了斧頭扒，因上次同細妹來試了都讚口不絕，所以要卑老豆試下。斧頭扒整得時間都要半個鐘，就叫了D小食同生蠔做住前菜先，飲住杯啤酒慢慢等。個吐司鬆軟易入口，做前菜一流上次試了個黑松露飯 今次試個粉，有小小偏鹹 但味道都唔錯。見隔離幾張台都叫了，之前未試過，份量真係夠曬大份。西冷都係每次到店鋪必點的野食，因自己都比較中意食牛 ，叫多了一份扒。生蠔每樣叫了一款  Girrardeau NO2 係比較肥美爽口。個人中意食呢隻同Tarbourich法國玫瑰。重頭戲都係斧頭扒，今次連爸爸都讚抵食好味，4個人都食到飽飽

難得今日舊同事回來就約埋附近穩野食，聽他們介紹有間西餐都OK，中午可以去試下。我地6個人 以為沒什麼位置，入到來先知甘大。地方都幾好坐，中午唔趕都可以坐低慢慢享受下。室外環境都唔錯，但中午太熱 夜晚可以過來飲杯啤酒chill下，見出面都有冷風機。

男人日間工作時，在忙忙碌碌的工作環境中辛勞了一天。放工時，當然想搵一個悠閒，而不煩擾的落腳地聚下，3/5知己碰一碰杯，談一談閒聊，這裡的環境真的適合：戶內的環境座椅空間佈置靈活，戶外的環境有店員的用心佈置。服務員由帶位，上水，menu菜式的介紹都是跟足貼心，讓我們這種第一次來吃的客人，感受到餐廳的服務和食物的獨特性！！讓我和朋友印象深刻的是店員的餐後對話：記得，9點多的，店員見你們的主菜吃的差不多，清理檯面的食物碟，讓顧客有多的空間傾計。同時會過來閒聊幾句，問下顧客對食物菜式的意見，最後都會友善地問下有沒有想吃什麼甜品⋯等等！！總結：作為顧客在這一餐的用餐過程是愉快的，感受到每一個階段都被餐廳的員工重視！！

今日難得放假約埋一班同事過來聚餐食飯，可能係假期前夕 入到去已經冇乜位。入到去坐低，待應就介紹生蠔半打有8折，因爸爸同細佬都中意食，所以就叫了一打，可能叫得比較多，生蠔等了15分鐘先有得食，，值得等得，來到沒有幾分鐘，連平時少食生蠔的我都食了3個，見到真係好肥美好新鮮。仲有值得推薦就是串燒拼盤，菠蘿好甜好爽口，五花肉都好野味。自己又是食肉獸，問下待應有什麼推薦，話個斧頭扒係招牌之一，多人分享可以試下，不過話要製作時間要半個鐘到45分鐘，所以到就決定叫這個。簡單來講，真係誇張，甘大個仔未食過甘大件扒。份量真係夠，後悔叫多了個肉眼，其實食一個斧頭扒都好足夠足料了。好戲在後頭，因細佬生日，問下待應可唔可以最後甜品寫字，幫我地安排得好好。叫了個焦糖燉蛋，和心太軟。呢兩個甜品雖然份量吾大，但食完個扒已經好飽，最主要有驚喜。今晚在這慶祝真的開心，值得推薦的一間餐廳，就可能當晚比較多人，野食來得比較慢，其他都好好。

經朋友介紹 話觀塘開了間性價比好高的西餐廳 之前聽講 都未有機會試 今日同一班同事過黎試 以為我地20位冇位置卑我地坐 點知黎到餐廳先知咁大 可以坐埋一齊 .岩曬多人聚會或者開party😂入到黎店員都好有禮貌打招呼 同介紹我地多人應該要食d咩比較好 都非常貼心服務.朋友介紹話呢度d生蠔同扒都唔錯 所以我地唸都唔唸 就一定試下呢個斧頭扒聽店員講多人share會比較好 真係巨大份.岩6-8個人食都得.味道比出面都好味好多.小朋友至愛😂個仔6歲自己食左一份卡邦尼意粉.呢個都值得推薦.呢份扒5成熟岩岩好 點埋個汁真係入味好多 仲可以介紹個金文畢芝士 因為太好味 未黎得切影相已經冇曬 .今次體驗十分開心 因有同事生日 店員幫我們安排了甜品寫字 仲有全場播生日歌 十分驚喜.十分值得紀念的一天.見到個場咁大 下次都約埋一班朋友過黎聚會搞生日.眼見可以坐到70-80人😆 總體黎講 值得推薦 下次會再黎.

第一次喺亞太中心呢間食，3個人 嗌咗肉眼扒、炭燒豬架 金文畢芝士 侍應還推薦咗串燒拼盤 蜆肉意粉。總結嚟講，正，下次會再幫襯。服務態度都好好👍，火焰燉蛋個甜品都幾好味👍

點兩個扒，唔同時間上都算啦，仲要隔好耐，一個食完等好耐先有得食第二個，d牛7分熟咁柴？服務又唔好，原本想俾小費，見咁既態度，算吧啦，環境一般，食物差，態度一般，晚餐價錢貴好多，好在打85折

搵食旅遊兵團介紹而選擇呢度。人體驗，環境不錯，窗明几淨。食物不錯，推介的都可以。服務不錯，靚仔靚女好態度。感覺不錯，雖然放生日歌，因為在場賓客都好high, 係聽唔清楚，感覺到個份心。寿星女都好開心❤。最有趣都係玩火。下次或則玩第二種火🔥。蠔揀左淡味都好有海水味，70蚊一隻，唔貴唔平吧。魚幾好味。西冷唔好過5成熟會穩陣D。若天氣好，戶外的打卡位都幾多。係觀塘，閨蜜閒聚，朋友午餐，生日慶祝多一個選擇。

呢排同好多朋友Farewell，諗食乜嘢都諗到有啲頭痛。因為觀塘方便又多選擇，所以大家都比較鍾意喺觀塘搵食。今次就揀咗呢間西餐廳試吓☺️試咗唔少菜式，不過我懶😛 揀兩三個嚟share下啦前菜點咗一個Camembert 芝士配法包，估唔到係整溶咗舊芝士加咗啲核桃熱辣辣咁上菜😲 好特別！另外，餐廳推廣緊生蠔，我哋見幾大隻就一人一隻試吓啦！生蠔有手掌咁大，入口有海水味，好新鮮肉質嫩滑。未食完已經想encore 多round不過因為叫咗個巨量級主菜，我哋要留肚😜 主菜係斧頭扒 🍖 上菜果刻，巨型到大家都嘩嘩聲，侍應都好識做問我地係咪要影相先，再淋咗啲唔知乜成舊著咗火😱 好岩打卡😍 影完相侍應拎返去廚房切細塊方便我地share ，好細心👍🏻 我自己鍾意食外邊多啲因為有燒過既味道🤟🏼入面肉質好嫩，肉味夠，咁大舊可以燒到剛剛medium rare 真係唔係間間餐廳都得大家食飽飲醉，見到餐廳有室外幾岩飲野吹水，希望下次可以再黎試下

觀塘新開西餐廳 (前身為MGB by Manhattan Grill & Bar)。一入門口就係酒吧區，而裡面就有好多卡位，座位闊落舒適，樓底高， 燈光微暗，牆邊仲有火焰做裝飾，非常有氣氛炸薯（脆薯格/旋風薯/幼薯條/蕃薯條）有4款選擇，今次揀了旋風薯，即叫即炸，食落好重薯仔味，香脆可口脆炸鮮魷魚圈賣相幾吸引，魷魚一圈一圈，咬落唔會太韌，又唔會太油膩，配酒一流焗芝士粟米片配牛油果醬，蕃茄沙沙配酸忌廉微暖粟米片食落唔會太硬，配埋牛油果醬，蕃茄沙沙同酸忌廉好夾，食完一啖又一啖，越食越開胃香草雞肉闊條麵配蘑菇忌廉汁香草味特出，雞肉嫩滑，闊條麵軟度適中唔會太硬，蘑菇忌廉汁口感豐富太平洋深海三文魚柳配新薯三文魚皮好香脆，食落質感好嫩滑，煎得剛剛好唔會又乾又柴，加上醬汁鮮味更加特出，配菜新鮮熱辣辣

去了幾次夜晚吃飯 平時都有見到門口有個lunch餐牌 都冇時間和機會去試下 甘岩今日放假同同事過黎試下個lunch套餐 我點了個香煎澳洲鱸魚. 好香好有鮮味.配返個薯蓉食落去 口感岩岩好 呢個值得推薦.我同事點了份扒 7成熟 睇落賣相都ok 配埋個燒汁 好搭配還有一份番茄醬虎蝦煙肉長通粉 份量都好足 我見同事都食唔曬 總體一句 可以再試 其他款式都好吸引 三個人食了3百幾 個套餐仲配送埋飲品 十分抵食！下個月轉過黎觀塘上班 又搵到一個落腳點食飯 .岩曬自己口味 .戶外見到可以帶寵物 一直在附近都搵唔到有什麼地方可以帶寵物又可以食野 這間就岩曬我😆