The Commune

營業中

休息中

見到呢間餐廳對住海景好靚，所以就同朋友喺度慶祝生日，估唔到咁有驚喜。一開始搵餐廳有啲難度，因為好隱蔽，上到去就係另一片天。前一天本身打算夜晚訂枱，點知佢哋原來好早就收工，原來佢哋淨係做早餐時段，係近呢三個月先至開放午餐時段。之前見到有人介紹話佢哋嘅BLT牛肉漢堡好食，所以就點咗一份，牛嘅味道不錯，食嘅時候都係啖啖的肉汁，份量都比想像中大，真係五星好評。另外就叫咗個蟹肉意粉，亦都好出色，真係好叫錯。因為同朋友慶祝生日，預先問咗職員可唔可以喺甜品上面寫Happy birthday ，但原來佢哋只有三款嘢飲可以安排，甜品就沒有了。朋友叫Latte 都有比surprise到~ 望住無敵海景，真係好完滿嘅一日。

約朋友傾計食lunch，唔係朋友約呢度都唔知有個位咁舒服同寧靜。環境同服務都係5星級，但食物價錢只係普通西餐廳價錢，性價比極高。 啱啱病完唔敢飲咖啡同茶，所以叫咗杯熱檸蜜，蜜糖好味，侍應都好主動幫我加水。分別叫咗burger同埋蜆肉意粉，蜆肉新鮮大粒冇沙，肯定唔係雪藏貨，成碟意粉仲要有十幾粒。朋友食嘅burger就份量好大，burger中規中矩，但係薯條好好食。呢度坐得真係舒服，如果今日唔係咁大雨個景會更加好。

同朋友喺尖沙咀K11 Musea行街街, 想找地方食lunch但周圍都多人。聽講最近 做埋午餐，所以就去試一下。難得星期六竟然唔使等位有枱可以睇住無敵大海景，心情大好！有靚景，當然要飲杯酒！食物就簡單一點，兩個人叫了一個香蒜蜆肉扁意粉，意粉有微微辣。以我食辣的程度剛好。另外當然唔少得我最喜歡嘅薯條薯條配上茄汁、蜂蜜芥末和辣蛋黃醬。薯條是粗薯條，剛炸好熱辣辣。嘢食選擇雖然不多，但勝在價錢不貴，在尖沙咀又有海景，性價比一流！

位於K11 artus the commune、午餐時間去景色好靚，可惜去既當日十分大霧，咩都睇唔到。野食唔算太貴亦可食得飽，建議先預約並揀窗邊位置，同朋友慶祝生日亦有寫字服務提供

星期一去唔算多人，順利坐到request嘅window seat，飽覽無敵海景❤️❤️Afternoon tea set睇到點心籠同荷葉，相信大家都估到係fusion tea set，西式tea就食得多，可能因為本身冇咩期望，中西合璧又幾驚喜😍😍職員好細心介紹每款食物同食嘅次序:鹹點 (右邊下至上)牛肉他他🧆油甘魚夾餅🌮炸雞迷你漢堡🍔👍🏻👍🏻五花肉夾包🥪👍🏻甜點 (左邊上至下)栗子蒙布朗撻檸檬柚子圓球🍋法式薑味焦糖布丁🍮👍🏻👍🏻朱古力麵豉泡芙🍫👍🏻英式鬆餅 Scones (原味&朱古力味🍫)最驚喜係法式薑味焦糖布丁，本身唔係幾鍾意食薑，但係呢個薑味唔算好重，冇平時啲焦糖布丁咁膩，又可以中和下鹹點嘅味😍😍飲品我哋揀咗Persimmon Peach🍑同Earl Grey，peach tea好香好清新🌸🌸整體嚟講都幾驚喜，食開傳統西式tea想試下其他tea同鍾意海景嘅，不妨一試❤️❤️

同班好姊妹去K11 Artus Staycation，玩到夜一夜仲一早爬起身去埋佢個無邊際泳池，原本以為會好攰，十點準時到達The Commune即刻被個迷人嘅海景靚到醒曬~ 柔和嘅陽光透過落地玻璃照入每一個牆邊位置，姊妹們當然唔會錯過呢咁靚嘅海景瘋狂影相啦~ 哈哈！我地大部分人都鍾情Tonic健康早餐，Coconut chai pudding with seasonal fruit & granola賣相簡約elegant。有健康膳食纖維同無麩質蛋白為名嘅奇亞籽，自家製麥片食落脆口，配上滑溜嘅奇亞籽布丁同生果有飽肚感又唔會太甜，perfect~醃製三文魚creme cheese & bagel真係超級fulfilling~ 醃製三文魚捲起一個個roll並用青瓜片分隔，粉紅同綠色相間，加上流心嘅poached egg，靚到唔捨得食。Bagel非常煙韌，加微鹹嘅醃製三文魚同creme cheese確實係味覺嘅享受。 仲有鮮果沙律夠曬健康~ 眼前有靚海景加慢慢嘆個靚早餐，勁chill咁完成我地嘅staycation~Menu-

選了兩份Western ☕️🍴太陽蛋或炒蛋，大啡菇，車厘茄，英式香腸， 煙肉，炒薯仔，多士， 自家製原味乳酪，鮮果沙律 整體食物環境同服務都非常之好🫶🏼餐廳嘅安排咗全玻璃幕窗邊的位置，看着美景吃呢個早餐一定是Good morning☺️謝謝酒店與餐廳的安排👩‍❤️‍💋‍👨滿足啊！

朋友生日，今日嚟到　The Commune | K11 Artus🌟餐廳環境舒適，空間感十足！同lunch time 時間都唔算多人，環境清幽😇Lunch set 有幾個選擇，食物質素不過不失啦🙂 但環境搭救，呢到個望住個無敵大海景食物真係特別舒服！🌊南瓜湯夠濃，好香，入口順滑👍🏻炸薯餅新鮮即叫即炸，入口鬆脆👍🏻煎三文魚都好香滑，下層仲有健康豆配埋👍🏻牛面頰都好香稔軟嫩😋之前叫咖啡仲有印花表面，有驚喜，冇預期到咖啡面會有印花👍🏻👍🏻服務態度幾好，可能當天得兩三台客👍🏻👍🏻

呢間餐廳喺K11 Artus樓下，如果要去泳池,必須經過餐廳。 呢度開張嘅時候我都有嚟過，無敵靚景，服務又好，食物又精緻。雖然見餐牌款式簡單，但佢哋嘅廚師好有心思，上碟的時候增進食欲。佢哋午餐有幾款選擇，其實每一個月都會有唔同，有東南亞菜式，又有西餐，mix & match, 一定會給你驚喜。想搵一個靚地方，從三五知己傾吓計靜靜地，呢度相當不錯。

環境｜落地玻璃無遮擋既維港景係幾正！ 不過夏天直對陽光比較熱 可能黎食tea會冇咁辛苦食物｜通常依類景色既餐廳係食西餐多, 不過依道反而係食東南亞菜式 都幾特別！味道唔錯 不過就唔係走超精緻路線 不過加埋個景打卡已經好靚～🦁 前菜亞洲蟹肉沙律配芝麻醬｜亞洲炸飯餅飯餅比較特別 炸得好脆🦁 紅燒牛肋肉肉好淋 肉味香濃～ 個汁都好夾 上面仲有啲脆脆增加口感🦁 咖啡焦糖泡芙｜黑芝麻蛋糕甜品幾出色 2款都好食！個蛋糕仲係流心既～🦁 The Commune 尖沙咀梳士巴利道18號K11 ARTUS 10樓

The Commune 一直都在我的最愛名單因為環境舒適 再加無敵大海景上次介紹完happy hour + dinner今次食下午茶☕️對住個海景 食物都特別好食😋服務員態度非常好💁🏻‍♀️落單時會問你有冇野唔食唔食豬/牛/其他 可以表達 然後會個別換食材咸點🥐豐富 跟換食材後 味道仍然很好😋餐廳主要食fusion 菜咸點主要以包類為主🍔甜點+ scone 都不錯甜點出奇地開胃🍮🍮價錢比起大型酒店划算💰720/ 2 person 可網上訂位 網上亦有menu 可睇總括十分愉快的下午 食物環境很好 性價比高 看到有些客人還相約帶laptop 來工作一個下午🍵推介指數⭐️⭐️⭐️⭐️⭐️性價比⭐️⭐️⭐️⭐️⭐️The Commune 📍尖沙咀梳士巴利道18號K11 ARTUS10樓

The Commune 絕對系CP值超高既餐廳😍😍😍無意中搵到呢間誠意推介既餐廳🏝🏝🏝事前預訂時，已經order左要窗口位。黎到果然冇失望😂😂窗邊，落地大玻璃，直望維港景色🤩🤩剩系個景已經無得彈今次簡左set lunch 食🥩🥩上main course前，有個中式老火湯🥣其實除左西餐，佢都有好多亞洲野🤗講真一睇賣相就冇咩驚喜😂同平時飲個啲差吾多但原來飲落好清甜，粟米味超濃郁🌽，完全吾油膩😋仲有少少柴魚味，好特別👍🏻飲得出落足料煲✌🏼main course方面系 和牛牛肋骨🐮🐮擺盤相當精緻，乎合一般高級西餐廳standard，伴菜仲有薯溶，燒甘筍🥕🥕牛肋條炆得好林，基本上輕輕切開就已經一小口🤤仲好入味，壽喜燒醬油味，甜甜地😂薯溶雖然系伴菜，但都相當用心整🥰好滑，好creamy 👍🏻完全冇一粒粒薯仔系入面，仲好重奶味，食落一啲都吾dry😂個牛本身濃味，最岩伴一啲澱粉質食，好夾Set lunch只系3百幾蚊☺️CP值好高 望著180度維港景 勁開洋🤩前菜有soup or salard簡，main course有素食 又有吾同國家菜式簡 吾怕簡吾到😎

尖沙咀下午茶這裏面對海景，環境非常漂亮，一直很想來試試這裏的下午茶，今次特意跟朋友來試一試。下午茶有鹹點六件、甜點四件和scones 兩件，分量剛剛好。鹹點很多加入Baerii 鱘魚子醬。蟹肉吐司配魚子醬味道很好，吐司微脆，很有口感。煙三文魚泡芙配魚子醬很特別。泡芙裏面有乳酪醬，酸酸的味道令人食慾大振。蛋黃酥皮盒配魚子醬、蛋白牛油果小麥鬆餅配魚子醬也不錯。北京填鴨刈包有一點失望。可能因為拍照大概用了10分鐘，刈包已經冷了，裏面的填鴨有點油膩，而且味道也不怎麼樣。甜點的熱情果香茅燉蛋非常特別。酸酸的熱情果味令燉蛋的味道很有層次，想不到加入香茅也配搭得很好。朱古力松露味噌泡芙的松露味很香濃，跟朱古力味很協調。車厘子開心果撻和士多啤梨薑忌廉蛋糕也很特別。Scones 有原味和朱古力味，是偏乾身的scones ，朱古力味很香濃。這裏的環境和服務一流，食物也有水準，有機會想再來。

去到呢間餐廳未食野已經覺得抵左，個景比住Rosewood更加靚，頭盤選擇左個中湯，暖笠笠，朋友就食吞拿魚沙律，主菜個意粉少少辣，好開胃，另外㨂左個鴨胸，最後個甜品完結，滿足

想享受一個悠閒維港景下午茶，The Commune 係一個不錯的選擇餐廳依傍尖沙咀星光大道，位於K11 ARTUS 十樓，落地大玻璃，採光度極好，用餐舒服，可以飽覽維港景色下午茶有別於傳統，糅合多種亞洲時令食材及西方烹調精髓為您帶來別具一格的海景下午茶體驗品嘗各款細嚼小點的同時配搭K11 ARTUS 及TEACHA精選的手工茶、即磨咖啡或加配香檳，讓大家可以在維港全景下昇華下午時光而且用餐之後，餐廳外的藝術長廊仲有大量藝術品及悠閒空間比大家打卡拍照，天氣好的時侯仲可以影到日落美景，值回票價食物方面:THE COMMUNE 寓館下午茶 下午菜分為鹹點、烘焙、甜點及精美小點鹹點包括炸雞迷你漢堡、油甘魚紫菜天婦羅、叉燒玉子包、峇里香料碎牛肉，款式新穎，可以一次試到各款東南亞美味小食烘焙包括新鮮烘培英式鬆餅、配奶油忌廉及鮮果茶香果醬，除左原味鬆餅之外，朱古力棒子味鬆餅非常特別，超鐘意甜點包括泡芙酥皮菠蘿包、香橙朱古力蛋糕、檸檬柚子圓球及薑味焦糖布丁，當中的泡芙酥皮菠蘿包口感鬆化有驚喜，薑味焦糖布丁口感香滑，味道刺激精美小點 : 是日小點係鬆化的磨菇酥皮撻及酸甜開胃紅桑子慕絲圓球Ours Tip