Terrace in seaside (屯門市廣場1期)

營業中

休息中

自從1月生完仔之後，我嘅人生就不再是我的😢得番番工、湊仔。美食已經消失了。終於仔仔有差不多5個月啦，肥A我終於可以同朋友出去食下好西，me time一下叉下電。呢間餐廳係主打濟洲食物，雖然位置空曠，但裝修都幾靚，好似靚靚cafe，唯一不好就係座位後嘅草太茂密，會拮到背脊。🍴清甜柑橘窩夫濟洲嘅柑真係無令人失望，清甜多汁，貼心嘅係完全無白色嘅衣，啖啖肉。窩夫體唔係空氣形，係厚實，外皮有少少脆，中間有啲柑橘醬，酸酸甜甜，外配嘅柑橘醬有粒粒果肉，不錯，如果可以少啲忌廉就好啦。🍴慢煮雞胸紅菜頭沙律呢個沙律上枱嘅時候，肥A同友人都被佢嘅顏色嚇一嚇，不過食落係好味，紅菜頭有咬口，雞胸一啲都唔柴，健康又清爽。🍴燒醬油黑毛豬白切肉白切肉甜甜地，肥膏同肉體層層分明，一啲都唔靭，配上微辣嘅炒飯，好惹味。🍴清新牛油果飯卷第一次食韓國飯卷有牛油果，感覺特別，而家佢入面得蛋，牛油果同紅蘿蔔，感覺好fresh，可以去掉腩肉嘅油膩感。🍴水果忌廉三文治三文治包甜甜地，水果多汁，好味，個人覺得個三文治包好適合做早餐。🍴濟洲柑橘乳酪&韓式朱古力泡泡柑橘乳酪清新解渴，仲可以解辣，好適合夏天飲，超級透心涼。朱古力就係偏苦嘅，唔

這間位於屯門市廣場的韓式fusion餐廳，主打多款韓國料理，還有多款特色甜品。慢煮雞胸紅菜頭沙律紅菜頭味道清甜爽口，顏色鮮艷更令人開胃，雞胸嫩滑多汁。水果忌廉三文治鬆軟的白麵包夾著忌廉及生果，士多啤梨、橙等清甜多汁，有點似食生日蛋糕。清新牛油果飯卷飯卷裏面夾著紅蘿蔔、蛋及牛油果等，味道清新又健康。燒醬油黑毛豬白切肉飯黑毛豬肥瘦均衡，用了豬腩部位，入口有油脂香味又不鞋口，配上加了辣油的珍珠米飯。煙三文魚芝士窩夫窩夫即叫即做，新鮮熱辣，平時多數食甜版，今次試一試咸味，煙三文魚跟窩夫很夾，窩夫中間夾著些煙肉，別有一番風味。柑橘乳酪淡淡橙香味刺激味蕾，乳酪又不會太甜，味道清新，適合夏天飲用。熱情金菠蘿沙冰菠蘿𦬕味突出，而且味道清新解渴。

"水果忌廉三文治"好有特色，生果釀入三文治入邊，非常之靚有睇頭，生果有🥝 🍓 🍊，真係💜💜眼。"蟹籽雞蛋蘋果薯仔沙律"非常之正氣，有橙色嘅蟹籽，有雞蛋，有爽脆嘅蘋果同埋薯仔，好fresh感覺。“燒醬油黑毛豬白切肉飯”D黑色猪白切肉好香口，配埋有口感嘅米飯，又飽肚又好食。“清新牛油果飯卷”，外型似日式壽司都整得好靚，avocado 🥑都唔少，超好食👍"煙三文魚芝士窩夫"，甜嘅窩夫食得多，鹹嘅就比較少，今次應該係第二次，非常之唔錯。煙三文魚，芝士同窩天原來係咁夾嘅。“濟州柑橘乳酪”係呢度嘅主打飲品，又點可以唔試呢，造型好🥰，乳酪微微酸好吸引 💜

因為家中停電兩個鐘，咁翳焗，不如去市廣場食個甜品，老爸一直想試呢間嘅waffle，一嚟就上哂兩款窩夫，感覺抹茶會帶點苦，先苦後甜，所以食佢先，初時以為白色嘅係cream，原來係芝士奶蓋，鹹鹹哋，好驚喜，濟洲抹茶一啲都唔苦，窩夫好好味。柑橘窩夫帶點微酸，好清新，窩夫內裡嘅顏色黄黃哋，估計係混合咗柑橘汁，四個人share兩份，我同老媽覺得有啲飽肚感。

𝓣𝓮𝓻𝓻𝓪𝓬𝓮 𝓲𝓷 𝓼𝓮𝓪𝓼𝓲𝓭𝓮 是韓式濟洲咖啡廳來一趟海邊chill chill cafe 🌊位於屯門市中心Donki隔離雖然喺中庭位置 坐到入去俾好多植物籬笆包圍着 稍有私隱度 店舖裝修風格簡約 亦用了大地色帶來清新自然嘅感覺👍🏻🐤慢煮雞胸紅菜頭沙律 超健康之選，冇諗過紅菜頭加上沙律醬嘅顏色係天然桃紅色有幾靚喎，亦都沒有草青味 🐖燒醬油黑毛豬白切肉配大醬生菜黑毛豬好嫩滑 同油脂比例係一比一加埋用大醬生菜同泡菜炒飯好夾🥪水果忌廉三文治三文治🥪軟綿綿，使用了水果士多啤梨、奇異果同濟州柑橘配搭鮮忌廉填滿，忌廉綿滑蓬鬆輕盈，甜度適中🥑清新牛油果飯卷份量驚人有成10舊 好夠三個人share食材料新鮮！🍓士多啤梨忌廉窩夫🧇一上枱已經聞到陣陣蛋香味窩夫係行厚實路線 即叫即整 外面香脆而且係XL既size 好滿足!!加上忌廉同strawberry jam 係perfect match 仲有好多粒粒士多啤梨Tin😊飲品：濟州柑橘乳酪🍊餐廳的招牌菜 一見到賣相已經非常吸引Topping係柑橘，好欣賞下層既乳酸唔甜加又有柑橘肉，清新中來一點酸甜，充滿夏日氣息🥤濟洲柑橘乳酸梳打上層係蝶豆花 下層就係柑

🇰🇷韓式特色餐廳圍繞餐廳有幾棵柑橘樹擺設🌴，有渡假嘅感覺都幾chill，餐廳食材以濟洲柑橘🍊為主題點了2人午餐套餐，有前菜🥗、主菜🌮、飲品🍹、甜品🧇前菜🥗慢煮雞胸紅菜頭沙律用紅菜頭混入沙律打出紅色嘅醬，新鮮香甜嘅紅菜頭，烤雞肉好嫩滑，加入沙律菜同碎花生粒🥜，口感豐富。主菜🥙清新牛油果飯卷🥑🍙韓式風味飯卷，爆餡配料，有牛油果、青瓜絲、紅蘿蔔絲、蛋絲等配料，味道清新。韓國硯肉飯🍲硯肉有半碟咁多，味道帶微辣；醬油飯加入泡菜汁增加少辣味，好開胃。甜品🧇水果忌廉三文治🥝🍓🍊🥖香軟白麵包裹住大粒士多啤梨🍓、奇異果及柑橘果肉，口感清新香甜。三文治加入香滑忌廉，配搭新鮮水果，打卡一流📸。士多啤梨窩夫🍓🧇士多啤梨好多，窩夫加入忌廉，咬落細膩飽滿。飲品🍸柑橘乳酪🍊🍹最多人揀選嘅飲品，柑橘外殼做裝飾，香滑嘅乳酪有柑橘味道，細緻清新。夢幻紫薯牛奶🍠🥛濃濃紫薯混以香滑鮮奶，每啖都充滿著醇香紫薯味道牛奶口感順滑香甜。🏡Terrace in Seaside📌屯門屯順街1號屯門市廣場一期UG樓 9-12號舖

平時行屯市Donki同GU都會俾一間開放式cafe吸引到，玻璃櫃嘅食物samples都好靚😍想試好耐🤤因為佢經常性滿座所以無食到😕不過今次下午茶時間經過竟然遇到佢有位😳行得有啲攰就順勢入去試試~🔹清甜柑橘窩夫（$88） 既然cafe以柑橘做主題就梗係要試呢個味啦😚 貌相好Q🤣❤️符合主題，有一塊塊🍊係面 窩夫好大份，夠外脆內軟👍 味道唔錯但唔算特別😗🙈🔹熱情金菠蘿沙冰（$48） 成塊菠蘿插係杯邊👍 幾香菠蘿味🍍甜度適中🔹濟洲柑橘乳酸梳打（$48） 上層紫色 下層橙色🍊好夢幻嘅飲品🤣 紫色應該用咗蝶豆花(?)🧐橙色就係鮮🍊汁，好fresh～總結：食物都好靚，同玻璃櫃嘅samples都一樣，用嚟打卡真係一流🤣😍不過整體食物味道都未算好令人好難忘～定價都偏進取，值唔值得食就見人見智啦😛🔖𝗧𝗲𝗿𝗿𝗮𝗰𝗲 𝗶𝗻 𝘀𝗲𝗮𝘀𝗶𝗱𝗲📍屯門屯順街1號屯門市廣場一期UG樓9-12號舖

開放式的格調，淺木色系，簡約而樸實，非常舒適！👉🏻士多啤梨忌廉窩夫 $88厚厚的忌廉配上新鮮士多啤梨，魅力沒法擋！窩夫內軟外脆，好香好好味！👉🏻水果忌廉三文治 $62呢個係必食之選！！有奇異果、士多啤梨、柑橘，全部都好新鮮！個cream好厚實綿密，又不會過膩！麵包口感夜好鬆軟！大推！！👉🏻慢煮雞胸紅菜頭沙律 $72非常健康開胃的沙律，賣相又靚，爽脆嘅紅菜頭軟硬度適中，份量好足！👉🏻清新牛油果飯卷 $78共有10件，件件都好足料，餡料多，尤其加左牛油果，口感好豐富！👉🏻燒醬油黑毛豬白切肉飯 $105個炒飯微辣惹味，豬腩肉肥瘦均勻，夠淋，嫩滑又肥美！👉🏻濟州柑橘乳酪 $68非常清新好飲，天然嘅柑橘甜味，配乳酪真係好夾！👉🏻韓式朱古力泡泡 $48濃郁但不會死甜，好滿足！

上次經過比佢地既窩夫香味吸引左，今次搵機會黎試下呢間cafe!.除左要嗌窩夫之外，見到佢既黑毛豬飯都好吸引😻另外嗌左份南瓜沙律同飯卷，飲品就order左常溫既Special sweet coffee同柑橘乳酪。.首先講下個飯卷先，佢係比較傳統既韓式飯卷，食材都新鮮，紅蘿蔔味就重啲。.南瓜沙律都唔錯，好fresh😋如果有醋做醬汁會更好.個主食見檯檯都有嗌，除左睇得，原來仲好好味，岩哂鐘意食肥肉既人😆個肉炆到好冧，好入味！.野飲方面，個常溫sweet coffee 都好特別，有少少似橙味咖啡，啲泡泡就係個橙味.柑橘乳酪好似又健康，入面仲有粒粒橙皮，好香好smooth, 岩哂黎打卡影相！.甜品就嗌左期待已久既窩夫🤩即叫即整，好香！士多啤梨好味，cream又唔會好膩，如果有埋雪糕就更好😋.呢間環境坐得舒服，野食又好味，推薦！

今日行經見餐廳環境唔錯，食物又好似幾吸引，諗住試試佢，叫咗個lunch set，有個沙律+飯卷+窩夫$128加多25蚊有野飲，叫咗杯柑橘梳打。沙律正常～雜菜沙律，有少少沙律油但太少唔係好食得出咩味。飯卷好干亦無咩咪，份量好大有成10件，但太干啦食唔完😅。窩夫就正常偏硬，碟邊有cream。柑橘流打係最好味，清新同埋好多鮮果汁，超正。不過服務有d奇怪，入店時只得2檯，唔知點解一定要我座圓檯，應該係我生得矮，如果我合埋腳座又離張檯太遠，我著裙又唔方便分開腳座，擺埋一邊又擰住條腰🙈出咗聲2次至比我轉張方檯🥺但其實到我食完離開，都仲有好多位呢🤔人地檯食完係到吹水佢地又咩行動，我一食完就9秒9執檯.......🙄其他野都ok啦，但應該唔會有下一次。

又係屯門新開嘅餐廳，源於韓國仁川，格局似休閒輕食嘅cafe，但原來都有主食同埋份量都幾夠!!🔘水果忌廉三文治濃郁滑順嘅忌廉唔算太甜，配上生果嘅酸甜味同埋軟綿嘅麵包，味道唔錯!! 🔘清新牛油果飯卷喜歡食韓式飯卷，但香港食到嘅通常都麻麻地，今次呢個牛油果飯卷有驚喜，鍾意佢嘅飯係薄薄地一層，餡料就有好多，特別係牛油果同甜蛋，足料好食!! 🔘慢煮雞胸紅菜頭沙律顏色鮮艷，見到已經開胃，紅菜頭冇草青味，雞胸份量不算多但肉質唔錯!! 🔘燒醬油黑毛豬白切肉飯我同朋友都覺得黑毛豬幾好食，係肥瘦相間嘅五花肉，唔會燒到好乾，食落不會覺得肥膩，炒飯粒粒分明有泡菜嘅辣味，沾上黑毛豬嘅醬汁食更香口!! 🔘清甜柑橘窩夫呢個窩夫意想不到的大份，共有六款窩夫選擇，有咸有甜，柑橘比較特別啲，窩夫外脆內軟有厚度，係我鍾意嘅質地，超多忌廉一啲都唔吝嗇，再加上柑橘味嘅醬汁，柑橘味好出!! 🔘濟州柑橘乳酪🔘熱情金菠蘿沙冰柑橘乳酪適合打卡，乳酪味比較突出，柑橘味道淡淡的，金菠蘿沙冰甜度夠，兩杯都係夏天啱飲嘅飲品，自己更鍾意金菠蘿!! 柑橘出現得太頻繁，上網check吓先知原來係用咗濟州柑，應該係餐廳嘅主打菜式!!

屯門市中心靚靚韓食店餐廳位於商場電梯旁位置，裝修簡潔明亮，座位不多。午餐有幾款選擇，我們因為 不太肚餓，所以輕輕點了3款食品，燒醬油白切豬肉、傳統飯卷和蟹籽蘋果薯仔沙律。❤️傳統飯卷賣相鮮豔簡直大愛，用紫菜飯包裹着雞蛋絲、青瓜、紅蘿蔔和黃瓜，健康好吃有營！❤️❤️燒醬油飯白切豬肉上，上枱香噴噴，韓風賣相，原本感覺會比較乾，一口吃下，豬肉甘香，飯香脆好吃❤️❤️❤️蟹籽蘋果薯仔沙律，新鮮，清新美味，濟洲橙香甜，簡單的人間美味菜色特別，質素滿意，豐富的一餐下次要來試一下 飲品和甜品

屯市新開左依間韓國cafe，餐廳雖然係開放式，但都坐得舒服。首先食韓國嘢梗係唔少得要叫飯卷，叫左個清新牛油果飯卷($78)，都比較少見飯卷入面係加牛油果，相對傳統飯卷黎講呢個就真係比較清新，無咁濃味，但牛油果同其他配料、麻油香味嘅飯都幾夾！然後叫咗個燒醬油黑毛豬白切肉飯($105)，除咗賣相吸引之外，味道都好好！黑毛豬醃得好入味，油脂豐富，另外個飯都有心思，用左韓式辣醬炒。另外叫咗個水果忌廉三文治($62)，個忌廉係鮮忌廉，又滑又香，加埋豐富嘅水果，好似食緊蛋糕咁。最後仲叫埋濟州抹茶窩夫($82)，用濟州抹茶粉打成嘅cream都幾重抹茶味，偏苦唔會太甜，窩夫係外脆內鬆軟果種，食完正餐之後食都唔算太濟。嘢飲方面叫左濟州柑橘乳酪($68)同紫薯牛奶($48)，特別推介個柑橘乳酪，出面好少見，酸酸甜甜非常開胃。紫薯牛奶都好濃紫薯味。整體黎講依間選擇豐富又好味，幾正！

嗰日行Donki見到勁多人排隊，竟然係你！！😍係嚟自韓國嘅Terrace in seaside呀水果忌廉三文治🥪啲超厚cream係唔太食cream嘅我都覺得好好味😘 奶味特濃，麵包嘅牛油味勁香，食一份嘅質量都好高♥️ 但真心好好味😋士多啤梨🍓窩夫🧇又係啲cream多到爆😝 窩夫係蛋香味重，外脆內軟，唔怪得見到勁多枱嗌😆呢碟五花腩炒飯唔好睇佢份量好似好少，其實佢有好香嘅豬肉味，食一兩啖包你會上癮🙈 點解要咁邪惡😈牛油果🥑飯卷係我至愛♥️ 素食者恩物💓 入口即融嘅牛油果🥑香～ 加杯紫薯牛奶🥛真係好夾！乳酪飲品有濟洲嘅感覺，紅菜頭雞胸沙律🥗就走健康路線(˶‾᷄ ⁻̫ ‾᷅˵)全部食物都好啱打卡🤭 唔怪之得咁多人排隊啦😋 #terraceinseaside#coffee #creamsandwich #omurice #cafe #chill #打卡 #度假

直入正題食評，皆因叫得太多食物要慢慢講～燒醬油黑毛豬白切肉飯擺盤同味道都令我諗起去韓國必食嘅烤肉店炒飯。辣度比想像中輕微，亦唔重咸或者過油；腩位白切肉肥瘦相間，入口好嫩滑幾有驚喜！一個感覺咁Heavy嘅飯食落完全唔覺得油同重口味牛油果飯卷平時都好鍾意食韓式飯卷，估唔到走肉換上牛油果味道一樣咁夾，口感好豐富調味亦適中，成為個人私心encore之選。蟹籽雞蛋蘋果薯仔沙律抵受唔到蛋沙律誘惑，冇諗過會咁大份量，味道不過不失，如果蛋沙津可以做沙津個底就更加好啦。水果忌廉三文治見隔離台食好靚，忌唔住叫一份。上到嚟都冇失望，外表100分，忌廉偏厚實，有水果嘅酸甜中和唔會覺得好膩。柑橘窩夫成日見到士多啤梨同抹茶味，遇到冇咁常見嘅柑橘口味要試一試。窩夫外脆內軟質感一流，柑橘元素唔只上面幾塊，仲有柑橘果醬㗎，甜中帶酸味道唔錯！小小建議可以落少啲Cream，或者放旁邊，就更加好啦！濟洲柑橘乳酪台台都有一杯，招牌果然係有原因，柑橘同乳酪好夾，另一加分位係唔會太甜，乳酪亦唔會過於濃郁而搶過柑橘味，整體感覺好Fresh。總體嚟講，食物擺盤真係好靚，打卡一流，味道亦都有兼顧到。上菜非常有效率，當日見到店員好忙但依然