影片
更多
2022-06-13
289 瀏覽
自從1月生完仔之後，我嘅人生就不再是我的😢得番番工、湊仔。美食已經消失了。終於仔仔有差不多5個月啦，肥A我終於可以同朋友出去食下好西，me time一下叉下電。呢間餐廳係主打濟洲食物，雖然位置空曠，但裝修都幾靚，好似靚靚cafe，唯一不好就係座位後嘅草太茂密，會拮到背脊。🍴清甜柑橘窩夫濟洲嘅柑真係無令人失望，清甜多汁，貼心嘅係完全無白色嘅衣，啖啖肉。窩夫體唔係空氣形，係厚實，外皮有少少脆，中間有啲柑橘醬，酸酸甜甜，外配嘅柑橘醬有粒粒果肉，不錯，如果可以少啲忌廉就好啦。🍴慢煮雞胸紅菜頭沙律呢個沙律上枱嘅時候，肥A同友人都被佢嘅顏色嚇一嚇，不過食落係好味，紅菜頭有咬口，雞胸一啲都唔柴，健康又清爽。🍴燒醬油黑毛豬白切肉白切肉甜甜地，肥膏同肉體層層分明，一啲都唔靭，配上微辣嘅炒飯，好惹味。🍴清新牛油果飯卷第一次食韓國飯卷有牛油果，感覺特別，而家佢入面得蛋，牛油果同紅蘿蔔，感覺好fresh，可以去掉腩肉嘅油膩感。🍴水果忌廉三文治三文治包甜甜地，水果多汁，好味，個人覺得個三文治包好適合做早餐。🍴濟洲柑橘乳酪&韓式朱古力泡泡柑橘乳酪清新解渴，仲可以解辣，好適合夏天飲，超級透心涼。朱古力就係偏苦嘅，唔
呢間餐廳係主打濟洲食物，雖然位置空曠，但裝修都幾靚，好似靚靚cafe，唯一不好就係座位後嘅草太茂密，會拮到背脊。
🍴清甜柑橘窩夫
濟洲嘅柑真係無令人失望，清甜多汁，貼心嘅係完全無白色嘅衣，啖啖肉。窩夫體唔係空氣形，係厚實，外皮有少少脆，中間有啲柑橘醬，酸酸甜甜，外配嘅柑橘醬有粒粒果肉，不錯，如果可以少啲忌廉就好啦。
🍴慢煮雞胸紅菜頭沙律
呢個沙律上枱嘅時候，肥A同友人都被佢嘅顏色嚇一嚇，不過食落係好味，紅菜頭有咬口，雞胸一啲都唔柴，健康又清爽。
🍴燒醬油黑毛豬白切肉
白切肉甜甜地，肥膏同肉體層層分明，一啲都唔靭，配上微辣嘅炒飯，好惹味。
🍴清新牛油果飯卷
第一次食韓國飯卷有牛油果，感覺特別，而家佢入面得蛋，牛油果同紅蘿蔔，感覺好fresh，可以去掉腩肉嘅油膩感。
🍴水果忌廉三文治
三文治包甜甜地，水果多汁，好味，個人覺得個三文治包好適合做早餐。
🍴濟洲柑橘乳酪&韓式朱古力泡泡
柑橘乳酪清新解渴，仲可以解辣，好適合夏天飲，超級透心涼。朱古力就係偏苦嘅，唔會甜。
張貼
