Terrace in seaside (屯門市廣場1期)

營業中

休息中

今日行經見餐廳環境唔錯，食物又好似幾吸引，諗住試試佢，叫咗個lunch set，有個沙律+飯卷+窩夫$128加多25蚊有野飲，叫咗杯柑橘梳打。沙律正常～雜菜沙律，有少少沙律油但太少唔係好食得出咩味。飯卷好干亦無咩咪，份量好大有成10件，但太干啦食唔完😅。窩夫就正常偏硬，碟邊有cream。柑橘流打係最好味，清新同埋好多鮮果汁，超正。不過服務有d奇怪，入店時只得2檯，唔知點解一定要我座圓檯，應該係我生得矮，如果我合埋腳座又離張檯太遠，我著裙又唔方便分開腳座，擺埋一邊又擰住條腰🙈出咗聲2次至比我轉張方檯🥺但其實到我食完離開，都仲有好多位呢🤔人地檯食完係到吹水佢地又咩行動，我一食完就9秒9執檯.......🙄其他野都ok啦，但應該唔會有下一次。