Terrace in seaside (屯門市廣場1期)

營業中

休息中

今早心情不好決定食甜品氹下自已，一入到餐廳由於星期日的中午所餐廳已坐滿了人遲一步就要等位，我地當然點了招牌菜士多啤梨忌廉窩夫和抹茶提拉米蘇，真的超高水準。我order 了一杯好特別的咖啡"柑橘湯力咖啡"飲過就知是咩開估是齋啡加有氣梳打水和乾柑橘味道是特別的可以一試。今日結論是反式脂肪萬歲女人的矛盾，又愛甜品又愛减肥

前情提要▶️：琴日約左fd收工去食飯，大家又冇諗定食咩，就諗住是但搵間野食下啦。路過中庭見到呢間唔洗排隊，又都有人坐黎食下野，見個menu都正正常常，以為實冇死啦。結果！伏到我地懷疑人生兼眼神死，Food Maze仲好食過佢！唔明點解韓國菜都可以整到咁，已經唔可以用失望黎形容！係絕望！！.點菜環節▶️：我地好慶幸自己點左唔多野，諗住出黎食得開心吹下水，結果比錢買難受.炭燒雞肉飯卷：本身諗住叫個傳統飯卷，結果話賣晒就轉試呢款啦。上左枱都叫賣相OK既，但個飯卷就配角仲多過主角囉！唔講唔知原來我叫左炭燒雞肉，仲以為我叫既係醃蘿蔔青瓜飯卷大家都知道雞肉本身就冇乜味，咁我expect炭燒雞肉係香口既，起碼要有香味先啦話。結果！乜味都冇！我專登拆左塊肉出黎直接試，同一塊白烚雞胸肉冇分別！我天真咁以為佢個飯卷會同韓國菜一樣，面層掃下芝麻油個啲，結果係乜都冇！我真係唔知自己食左咩落肚，只可以話餓而無選擇既時候可以充下飢，係我眼中同壓縮餅乾既功能冇分別，甚至後者可能仲好食啲.韓式蜆肉飯：如果話飯卷我仲忍受到佢唔熱唔暖，但飯唔熱唔暖就唔多掂囉！本身未上枱之前仲諗，飯卷唔掂啫，飯應該冇死啦話？但我忘記左，飯同飯

依間cafe環境超級靚，好似去左濟洲島咁😛，巧chill。本身比佢個樣吸引就入左去，點知食物都好有驚喜👴🏻🤍。首先係個Tiramisu ！咖啡味夠濃，整體甜度唔高，cream好滑又唔漏又唔會太甜，蛋糕係浸哂咖啡，好濕潤同好香咖啡味～連身為tiramisu fan屎既我娘親都讚既甜品。飲品方面叫左杯柑橘乳酪，係用濟洲既橙整的。賣相100分，成粒橙係杯上面，巧qq😙。飲落好清爽，甜度唔高，有少少橙既酸味，巧開胃巧巧忍～ 食甜品再忍依杯野好夾。最後叫左個濟洲抹茶waffle，都係好好好好食！個窩夫好厚身，外脆內軟～ cream都好滑。 抹茶係濟洲抹茶，味道無平時日本果種苦澀味，茶味夠得黎反而幾清爽😛🤍。 cream中間仲夾左啲咸既曲奇碎，令到成個甜品既味道同口感食落唔會太單調，總之就係巧巧痴啦👴🏻。

•燒醬油黑毛豬白切肉飯 （$105）豬肉用左韓式醬油燒，好夠味～佢係用三層肉整既，食落好腍😍，肥瘦岩岩好，同埋烤哂啲油出黎，所以食落唔會油😝。至於個飯係用左泡菜汁炒～ 好乾身，粒粒分明，硬度岩岩好，好似韓國炒飯😍，好好食🤤。•泡菜豬肉飯卷 （$72）好足料既飯卷～ 飯係用左泡菜炒飯，幾好食😝。•柑桔窩夫（$98）柑桔係用左濟洲島嘅柑，食落好清甜～ 窩夫好大份，好脆😝。cream都係柑桔味既，幾好食，不過我覺得整體太多cream，食多幾啖有少少漏。個人認為綠茶窩夫比較好食同特別～•熱情金菠蘿沙冰（$68）新出既菠蘿沙冰，上面有成粒菠蘿😍，好可愛～ 味道都重菠蘿味，唔會好甜，飲落幾清爽，夏天飲好消暑😝。•柚子茶（$36）好普通嘅柚子茶😀。咁耐無返鄉下太思鄉可以黎依度食下韓國野😝。

主打韓國輕食 海邊cafe〰️坐位設計都有花心思♥️🥗清慢煮雞胸紅菜頭沙律 $72初嘗紅菜頭🫣賣相超級吸引 味道就⋯非常健康🤣！紅菜頭味好濃 如果真係好怕既話 可以加啲檸檬汁🍋有冇人係紅菜頭愛好者？🙋🏻‍♀️推薦一定要試〰️🥓燒醬油黑毛豬白切肉飯 $128每樣野賣相都好靚😳！肉質好嫩滑 油脂分布會比較多 配上韓國泡菜炒飯 超搭的！〰️飯既擺盤仲要有啲個沙灘🏖️🍍仲夏清甜菠蘿忌廉三文治 $68甜食方面 餐廳人氣食品💫菠蘿三文治真係第一次食呢🥪菠蘿超厚身 食既時候要切的😝！菠蘿好甜 爆汁💛🍍夏至菠蘿忌廉窩夫 $88窩夫也試試菠蘿味的 經常食雜莓 芒果味 都會想試下特別既😚窩夫非常厚身 口感比較似雞蛋仔？蛋味突出🧇💛菠蘿一樣超級甜 酸酸甜甜好開胃 唔會好膩😉〰️🍊柑橘乳酪 $68必叫既飲品 賣相超可愛🤣🍊柑橘好香 即刻諗起 #濟州島 🧡🍍熱情金菠蘿沙冰 $68太可愛了〰️小菠蘿在飲品上🍍沙冰感覺會再fresh啲🏖️

Terrace in Seaside 餐廳以綠色植物及柑橘樹擺設🌴，好chill 的感覺。餐廳以韓式食材為主題，食物別有一番特色，每款都好吸引呀！蟹籽雞蛋蘋果沙律🥗鮮甜的蘋果及薯仔，拌入雞蛋蓉令沙律醬更順滑，加入蟹籽，令口感更豐富。燒醬油黑毛豬白切肉飯黑毛豬白切肉，脂肪分佈均勻，口感嫩滑；飯中加入了米飯醬，令白飯更香濃可口，配以香脆的芝麻及秘製調味甜辣醬一起進食，好開胃。仲夏清甜菠蘿忌廉三文治🥪三文治加入軟滑忌廉，麵包香軟，裹住香甜菠蘿果肉，口感清新，人氣必點📸。夏至菠蘿忌廉窩夫🧇菠蘿新鮮爽脆，加入菠蘿醬增添香甜味道，窩夫加入忌廉，口感細膩飽滿。柑橘乳酪🍊🍹掛上柑橘作裝飾，好有特色，乳酪香滑又帶有柑橘味道，有一種清新的感覺。熱情金菠蘿沙冰🍍🍸迷你菠蘿作裝飾，沙冰口感軟滑，每啖都充滿菠蘿的味道。🏡Terrace in Seaside屯門屯順街1號屯門市廣場一期UG樓 9-12號舖

　【Overall 評分】食物質素：★★★★☆環境感覺：★★★★服務質素：★★★★衛生指數：★★★★抵食指數：★★★★打卡指數：★★★☆回頭指數：★★★★🔜 黎到9月，天氣依然好炎熱，然而夏天係我最愛嘅菠蘿當造節，見「Terrace in seaside」最近推出左一系列嘅菠蘿款式，緊係黎歎返餐「盛夏之菠蘿宴」啦！────────────────────【韓國蜆肉飯 $118】。泡菜炒飯粒粒分明，辛辣又惹味，口感帶嚼勁。蜆肉同樣以泡菜炒香，肉質嫩滑香辣。啖啖炒飯配蜆肉，好滿足.【蟹籽雞蛋蘋果薯仔沙律 $68】。好適合夏天時食。蘋果粒同薯仔都沾滿哂沙律醬。薯仔軟腍，蘋果粒清爽，仲有粒粒蟹籽增添層次感.【仲夏清甜菠蘿忌廉三文治 $68】。三文治中間夾層係鮮菠蘿及忌廉。菠蘿大大塊，鮮甜多汁配上綿密忌廉同鬆化三文治。果香十足，好JUICY.【夏至菠蘿忌廉窩夫 $98】。窩夫外脆內軟，奶味同蛋味balance 得恰到好處。配上夏天當造的鮮菠蘿及柔滑忌廉。淋上菠蘿果醬，酸酸甜甜，甚是開胃.【濟洲柑橘乳酪。熱情金菠蘿沙冰 $68】。兩杯飲品都好eye-catching，仲係igable。前者酸酸甜甜

話說早排見屯門市廣場中庭開咗間新餐廳見佢新開張時打晒蛇餅 又見網上咁多好評有日平日晚行過見冇咩人 就入咗去試但係食完我黑人問號 係咪我味覺有問題❓******************************食物s:🥑清新牛油果飯卷 ($78)擺盤係幾好嘅 牛油果飯卷份量就唔太大牛油果份量亦唔多 睇落仲有少少過熟 就嚟爛咁😵反而其他配料 如蘿蔔、玉子、醃蘿蔔等份量較多整體嚟講好淡 牛油果味亦唔明顯外圍嘅紫菜淋得好緊要 似擺咗好耐咁 嚴重影響口感伴碟沙律亦唔太新鮮 連個橙都係 食左啖已經冇興趣食呢碟喺好肚餓嘅情況下食 只能當作填肚用🐷燒醬油黑毛豬白切肉飯 ($ l05) 餓鬼等咗呢碟好耐 要催先肯上菜成碟飯壓到扁平狀 雖然可見飯粒粒粒分明但個飯一入口已經有陣怪味 唔好食陣味係類似啲飯煮過咗火果種""味🤢個飯真心唔啱我哋胃口 ....完全估唔到呢碟都可以出事但係又見冇人提過 見個個都讚到上天咁 ...好彩佢個肥豬肉整得算唔錯 肉質肥瘦分明 連埋肥肉一齊食都幾好調味亦足夠 表面用火槍燒過 會再香口啲可惜以呢個價錢嚟食豬肉...性價比實在太低喇🙈**********************

發覺呢間餐廳會用時令生果做唔同主題，變換菜式。今期係菠蘿🍍，之前試過係蜜柑🍊。兩款都好好味。環境好舒服，木枱，木凳，橘樹，冇壓迫。仲夏清甜菠蘿忌廉三文治 $68菠蘿超級Juice一咬爆汁，一啲都唔酸，好清甜。白麵包鬆軟，夾住一件大菠蘿，塗滿忌廉，韓國蜆肉飯 $118好多粒粒蜆肉，每啖飯都有蜆肉，好滿足。個炒飯好惹味，少少辣辣地，有泡菜蒜香味。蟹籽雞蛋蘋果沙律 $68蘋果清甜爽脆，有薯仔粒，卜卜蟹籽，雞蛋，簡單好味嘅沙律。夏至菠蘿忌廉窩夫 $98飯後甜品，窩夫既蛋香味和牛油味好重，超級大件，好厚身，兩個人share食岩岩妹。有8件新鮮菠蘿🍍，Juice清甜，菠蘿醬又係好出色。如果個窩夫再脆d就好啦。飲品柑橘乳酪 $68上面有大大個柑橘🍊，打卡一流。味道有少少似益力多，柑橘乳酪結合，好清新，酸酸甜甜，人氣飲品之一。熱情金菠蘿沙冰 $68有個菠蘿仔喺上面，裏面仲有肉。夏天熱辣辣最啱飲沙冰，清涼唔會太甜，菠蘿味突出。

哩間韓國cafe開左喺商場中庭位，open area，但裝修得好簡潔清新，感覺似置身室內花園。因為熟食不多，所以晚市唔算多人。我同朋友2個人叫左3樣野食。紫米鰻魚飯卷較普通，唔夠平時食嘅韓式飯卷香口，鰻魚有但味道唔太出。燒醬油黑毛豬白切肉飯，有驚有喜嘅菜式。估唔到個豬肉燒得咁香，好夠味。但個飯就好失望，好淡冇味，好似冇加調味咁，而且同燒肉唔夾，如果用泡菜炒飯會更好。窩夫係店入面主打，士多啤梨酸酸甜甜，而且好香，窩夫亦做得好好，厚實夠香，唯一挑剔係cream加太多。

因為病咗所以本來約定歎四季的法式餐廳都要延期，難得中秋長假期，甸甸約我去屯門食生日甜品（食咩都無所謂也，最重要係同自己喜歡嘅人吃咋嘛☺️☺️）1️⃣7️⃣5️⃣0️⃣ 食甜甜🍡🍰🎂🍰 士多啤梨提拉米蘇出奇地香！佢嘅甜係新鮮生果香配濃郁牛奶，士多啤梨唔酸亦唔係假甜，個cream 亦都唔膩，其貌不是一鳴驚人，但食落去好回味！真心可以再encore！🍰 朱古力忌廉窩夫本人係朱古力控，呢個甜品貌相好靚，粒粒朱古力脆鋪面，個窩夫夾住好實朱古力忌廉係無敵！不過我一個人食真心食到尾係膩咗嘅😋🥤紫薯牛奶牛奶面加上滑滑紫薯忌廉，下層牛奶香濃，瞬間感覺肥左又滑左😝

Terrance in seaside has a seasonal promotion for pineapple dishes. I decided to try their drink and sandwich.However, both items had their flaws. For the pineapple smoothie, there was quite a large amount of ice in the drink that was not blended fully, resulting in the drink to be quite coarse. It was a bit difficult to drink it through the paper straw. In the end, I decided to use a spoon instead.For the fruit sandwich, the combination of the the juicy pineapple with sandwich was not a good cho

Terrace in seaside依間係韓國仁川的人氣打卡餐廳 裝修走韓風簡約風周圍都有🎍綠色植物同柑橘裝飾🍊 呢次經過見咁啱有位就入咗去試🐔 炭燒雞肉飯卷個飯卷係紫色ga 幾特別 不過食落其實同普通既飯卷無太大分別🐷 燒醬油黑毛豬白切肉飯一黎到就覺得賣相好得意 泡菜炒飯壓平咁鋪咗係碟面 黑毛豬份量都唔少 每舊都好入味 脂肪感十足有小小漏口 賣相色水非常得 份量亦都十足🍰 士多啤梨 Tiramisu☕️ 濟州泡沫黑咖啡

屯門市中心原來有間餐廳咁靚環境非常之開揚餐廳主打木系裝修行完donki之後，可以出嚟食個飯餐廳主打韓國特色美食亦非常之啱打卡之用走簡約輕食路線，見到個Menu，樣樣都想試餐廳感覺非常之舒服😌而且非常之文青💓 仲夏清甜菠蘿忌廉三文治以一層厚厚的奶油包裹新鮮菠蘿，酸酸甜甜幾開胃，但略嫌菠蘿出水有點厲害，上枱之後要盡快進食，甜食控記得試下啦💓蟹籽雞蛋蘋果沙律香甜嘅蘋果配上沙律醬汁，味道清新鮮明，越食越開胃。💓 韓國蜆肉飯第一次嘗試依個韓國蜆肉飯，蜆肉配上韓式炒飯，盡吸收了醬汁的味道。💓 夏至菠蘿忌廉窩夫香甜嘅菠蘿🍓鋪起窩夫面上口感非常之鬆軟，喜歡甜品的不能錯過。💓柑橘乳酪裝飾非常之特別，原個柑橘🍊放在飲料上飲落酸酸甜甜，而且好有飽腹感。💓熱情金菠蘿沙冰同樣都係有個菠蘿做裝飾，夏日炎炎冰沙就最好解暑。

Terrace in seaside最近推出咗一系列菠蘿新品🍍岩岩上個weekend就去咗try try佢😆-🍍仲夏清甜菠蘿忌廉三文治 $68水果忌廉三文治一向係餐廳嘅主打之一🥪佢地呢期就用上時令水果菠蘿🍍軟熟嘅白麵包夾住大件菠蘿 入面再塗滿忌廉菠蘿清甜juicy 係又打卡又開胃嘅輕食☺️-🥗慢煮雞胸紅菜頭沙律 $72唔想太heavy嘅食呢個紅菜頭沙律就岩晒喇!慢煮過嘅雞胸粒都幾嫩滑 除咗爽口清甜嘅紅菜頭沙律亦伴上桃、洋蔥同花生 味道甜甜酸酸!最緊要係呢個沙律可以抗氧通便😳 要有🤣-🐽燒醬油黑毛豬白切肉飯 $128白切肉層次分明 頂層有一層厚厚嘅骨膠原口感軟腍 飯底係帶微辣嘅韓式泡菜炒飯🌶同甜甜地嘅醬油燒汁撈埋食份外滋味🤪-🧇夏至菠蘿忌廉窩夫 $98屯門分店限定🌟 窩夫size成塊面咁大🤩蛋味重之餘亦好厚身 配埋唔膩嘅菠蘿果醬做飯後甜品好滿足😝-黎得梗係要嗌佢地超可愛嘅水果特飲🍹濟州柑橘乳酪($68)帶柚子奶香味🍊熱情金菠蘿沙冰($68)清爽又唔會太甜Bellofood更鍾意夏天飲沙冰呢~❄️