影片
更多
2022-09-24
76 瀏覽
前情提要▶️：琴日約左fd收工去食飯，大家又冇諗定食咩，就諗住是但搵間野食下啦。路過中庭見到呢間唔洗排隊，又都有人坐黎食下野，見個menu都正正常常，以為實冇死啦。結果！伏到我地懷疑人生兼眼神死，Food Maze仲好食過佢！唔明點解韓國菜都可以整到咁，已經唔可以用失望黎形容！係絕望！！.點菜環節▶️：我地好慶幸自己點左唔多野，諗住出黎食得開心吹下水，結果比錢買難受.炭燒雞肉飯卷：本身諗住叫個傳統飯卷，結果話賣晒就轉試呢款啦。上左枱都叫賣相OK既，但個飯卷就配角仲多過主角囉！唔講唔知原來我叫左炭燒雞肉，仲以為我叫既係醃蘿蔔青瓜飯卷大家都知道雞肉本身就冇乜味，咁我expect炭燒雞肉係香口既，起碼要有香味先啦話。結果！乜味都冇！我專登拆左塊肉出黎直接試，同一塊白烚雞胸肉冇分別！我天真咁以為佢個飯卷會同韓國菜一樣，面層掃下芝麻油個啲，結果係乜都冇！我真係唔知自己食左咩落肚，只可以話餓而無選擇既時候可以充下飢，係我眼中同壓縮餅乾既功能冇分別，甚至後者可能仲好食啲.韓式蜆肉飯：如果話飯卷我仲忍受到佢唔熱唔暖，但飯唔熱唔暖就唔多掂囉！本身未上枱之前仲諗，飯卷唔掂啫，飯應該冇死啦話？但我忘記左，飯同飯
.
點菜環節▶️：我地好慶幸自己點左唔多野，諗住出黎食得開心吹下水，結果比錢買難受
.
炭燒雞肉飯卷：本身諗住叫個傳統飯卷，結果話賣晒就轉試呢款啦。上左枱都叫賣相OK既，但個飯卷就配角仲多過主角囉！唔講唔知原來我叫左炭燒雞肉，仲以為我叫既係醃蘿蔔青瓜飯卷大家都知道雞肉本身就冇乜味，咁我expect炭燒雞肉係香口既，起碼要有香味先啦話。結果！乜味都冇！我專登拆左塊肉出黎直接試，同一塊白烚雞胸肉冇分別！我天真咁以為佢個飯卷會同韓國菜一樣，面層掃下芝麻油個啲，結果係乜都冇！我真係唔知自己食左咩落肚，只可以話餓而無選擇既時候可以充下飢，係我眼中同壓縮餅乾既功能冇分別，甚至後者可能仲好食啲
.
韓式蜆肉飯：如果話飯卷我仲忍受到佢唔熱唔暖，但飯唔熱唔暖就唔多掂囉！本身未上枱之前仲諗，飯卷唔掂啫，飯應該冇死啦話？但我忘記左，飯同飯之間本是同根生，飯卷都冇味啦，飯又好得去邊上黎個下，我地都o左嘴，一個望落有啲顏色既飯壓平左，有啲沙律伴碟，主角蜆肉都係隔離坐埋一碟，內心已經有啲wt⋯我等咁耐你比啲咁既野我？好啦，我fd子身先士卒咁做左氣味尚宮試毒，佢食左啖望住我⋯嗰個眼神真係⋯一切盡在不言中，真伏！！我鼓起勇氣食左啖，先唔話個飯咩味先，個蜆肉味就係爭鮮買既螺肉壽司味我好無語見個飯顏色OK，以為有味？你就錯喇！我完全想知邊個咁叻仔發明左呢啲有色無味的調味料，但凡你落啲鹽咸死我，落糖甜死我都得啊，起碼我食到有味！但佢⋯我真係懷疑自己味蕾有問題。我哋本身食左啖就想放棄，但睇在都小貴既份上食多幾啖，但越食就越覺得啲蜆肉有浸怪味，好似唔新鮮，為左掩飾而搞到螺肉咁既味。然後，我fd子仲食到蜆殻⋯⋯救命，之後我地停左手，死都唔想食落去。如果我有罪應該用法律懲罰我，而唔係食埋啲又貴又難食既劣食
.
P.S. 值得一提既係，我一路食係一路自己灌水清清個口，所以我懷疑最後有1%既飽既感覺係我灌返黎，而唔係食返黎既我哋好唔開心咁比錢走人，但仲好肚餓，所以去左food maze食pepper lunch，然後好後悔當時應該食美食廣場算
.
總結：一啲都唔推薦，一啲都唔抵，冇下次！一次機會都唔想再比佢！想為打卡食都得既，但都唔係真係好靚，去第二度打或者直接飛韓國打算啦唔明點解可以有咁多好評，又唔係特別靚，但又真係特別難食
張貼
