Tamarind

營業中

休息中

今次嚟到通菜街嘅呢一間泰國菜。估唔到下午茶時間都一樣咁多人😲。環境好有泰國街頭感覺，周圍都有好多泰國夜市嘅佈置裝飾，有少少去咗一轉曼谷嘅feel🤣。泰式燒豬頸肉 $68一上枱就聞到好香嘅炭烤味🔥，燒到表面有少少焦脆嘅感覺，未食已經流晒口水。食落個豬頸肉好Juicy，口感好軟嫩，邊邊位微脆🤩，面頭嘅炸蒜亦為豬頸肉增添口感，配上少少醬汁一齊食令到豬肉嘅鮮味更出，好惹味😋！虎蝦金邊粉 $88好足料，虎蝦有好多舊，而且大大隻，肉質鮮味，夠晒彈牙🦐。碟邊有好多花生辣椒粉青檸等配料🥜，好有泰式風味。金邊粉好有勁道，食落好有鑊氣配埋旁邊嘅花生等配料一齊食令層次更豐富。重口味人仕仲可以加埋側邊嘅辣椒碎🌶！泰式甲拋豬肉飯 $78打拋豬肉份量好多，蛋係煎過嘅流心蛋🍳，打拋豬肉味道好足，辣椒偏辣，食嘅時候建議小心啲辣椒籽🔥。一啖打拋豬肉，配埋飯同流心蛋蛋一齊食，送飯一流，啖啖都好滿足😛。要讚嘅係佢有配青瓜俾你解膩同解辣🙌🏼。芒果糯米飯 $58擺盤好靚，係好正宗咁用炸綠豆做Topping，仲另外配一兜椰漿。芒果好大舊，好甜🥭，糯米飯好香糯米味，椰汁味道好香，口感好sticky，但唔會黐牙🍚。配埋炸綠豆脆脆哋嘅

之前見到有新開嘅泰國菜仲要都幾多人排隊餐廳裝修係泰國街頭風好特別所以特意去試試(⁎⁍̴̛ᴗ⁍̴̛⁎)🐂 泰式牛肉炒河我勁鍾意食泰式牛肉炒河特別一定係寬河粉依個係完全泰國食到嘅味道🥹個鼓油調味岩岩好 魚露加泰式鼓油無得頂寬河粉好煙韌彈牙仲要炒得好香(⁎⁍̴̛ᴗ⁍̴̛⁎)牛肉片都幾林唔老好足料又大份推介一定要叫(⁎⁍̴̛ᴗ⁍̴̛⁎)🦐 泰式虎蝦金邊粉啲虎蝦好大隻又新鮮彈牙色水就淡啲但調味係正常發揮都係酸酸甜甜嘅炒金邊粉🥬 飛天炒通菜飛天炒通菜就食落辣味十足聞落炒得都好香但蒜香未爆得好夠同埋可以多啲葉～食落比較普通🦪 泰國炸蠔餅泰國炸蠔餅超大份食唔晒🤣不過炸得唔錯好香脆而且蠔都好大粒都新鮮同埋都整得好鮮嫩唔會炸到老晒都幾好食～🥭 芒果沙冰同泰式咖啡芒果沙冰大大杯都好甜好綿冰泰式咖啡就重奶味多啲個人覺得甜左啲啲值得欣賞係食完之後店員主動問我意見可見係一間用心經營的餐廳～（想要意見改進係好重要❗️）會支持下！同埋其實都有好多嘢食想試例如個火山骨同拋豬飯🥹🥹🥹所以我會下次再去食🤣不過平日真係好多人排隊要試大家記得預早時間呀～

Tamarind中午難得有得早放，走去搵老公食午餐～見到旺角新開左一間泰國餐廳，外面望入去好吸引，佢嘅裝修環境都好泰國地道風味～亦都見到有唔少客人喺入邊，質素應該都唔差！泰式牛肉炒河粉🥩呢個大泰式炒河好夠鑊氣，佢嘅牛肉份量唔少，河粉仲炒到條條分明，但唔會太多油🥳沙嗲豬串燒🍗見佢有幾款串燒，問職員邊款會比較特別，佢就推薦豬肉串燒，呢個串燒肥膏同肉分布平均！每一啖食落去都好有咬口～再配埋佢嘅特製醬汁(⁎⁍̴̛ᴗ⁍̴̛⁎)真係好好食！佢一份仲有三串🫶🏻泰國炸蠔餅🦪平時去打冷舖都有食過炸蠔餅，都係第一次喺泰國舖頭食!!平時出去食炸蠔餅會覺得啲蛋煎咗炸粉，成口都係油味，但係佢呢個炸粉做得唔錯，脆口之餘又無油壓味泰國綠奶茶☕️呢款我覺得有少少似舊式以前飲嘅台灣奶綠🤣貪得意可以試一次整體嚟講，我覺得好高質，食物價錢唔算好貴，但係佢嘅質素係對得住呢個價錢，服務亦都好💕💕

呢間泰菜餐廳唔單止價錢親民，餐廳裝飾仲有濃厚嘅泰式街頭餐廳Feel，絕對係一個聚會好地方！✨ 🔥**泰式燒豬頸肉**：夠晒炭燒香，每塊都厚切又Juicy，食落啖啖肉，滿足到呢！ 🍜**泰式牛肉炒河粉**：$78一碟，炒得超有鑊氣，牛肉嫩到入口即化，河粉吸晒醬汁嘅香味，絕對係一試難忘！ 🐟**泰式街頭炸魚**：外脆內嫩，配埋甜酸醬汁，酸酸甜甜嘅滋味，完美平衡，食完一啖又一啖！ 呢度每一道菜都認真地道又抵食，再加上親切嘅裝修，好似真係坐喺泰國街邊食晚飯，幸福感爆棚！💖想試嘅朋友記得早啲去，因為門口成日大排長龍呀～ 揾埋朋友一齊去，咁就可以試多幾道菜，開心程度Double！😋

好有泰式風格嘅餐廳，好似去咗泰國嘅夜市咁，裝修有種東南亞風情，唔會太擠迫，平時食lunch 或者朋友聚餐都好適合🈴泰國街邊豬手飯（$78）豬手勁大份，好好食煮得好入味，豬肉軟腍，飯粒吸收咗煮豬手嘅汁，白飯小偷！飛天炒通菜（$68）通菜爽脆岩岩好，少少辣好惹味，愈食愈辣，過癮豬肉碎生菜包（$78）味道幾好，生菜新鮮，肉碎包生菜或配白飯都好食，記得要加檸檬汁，少少酸酸地更fresh 椰子水 （$22）椰子水飲落去清涼解渴，完美搭配呢餐！今次食飯體驗相當滿意，食物新鮮又有水準，服務亦都幾周到，總共$246，性價比高，值得推介！下次再來試下其他菜式！

香港呢一兩年多咗人 鍾意食泰國大排檔嘅風味泰式大排檔以其獨特的氛圍和多樣美食而聞名街頭氛圍 用餐環境通常輕鬆隨意顧客可以看到廚師在廚房忙碌的情景今日呢一間係通菜街新開嘅泰菜冇華麗嘅裝修 真係好地道泰國大排檔 簡單直接咖喱濃郁 配上一隻咖喱雞髀 因為炸過嘅蛋面 會變成金色，所以叫金麵食緊普通蛋麵嘅同事亦有脆卜卜 嗍晒咖喱湯汁半脆口嘅金麵辣椒粒 酸菜 洋蔥 青檸等香料有別於平時食嘅泰國麵食泰式生蝦新鮮生蝦搭配特製醬汁，味道清新酸甜生蝦質地彈牙，搭配香菜和檸檬汁酸爽係我最鍾意食嘅泰國菜

平時好少寫食評,但這間餐廳絕對值得好評及推薦因有親友從外國回港短聚平常好少外出用餐都要四圍搵食，無論出名與否餐廳都有中伏。親友上機前話想食泰菜，初初一心打算去九龍城揾泰菜，但旺角就腳D就選擇這間。竟然有驚喜，樣樣都好味。最正係火山骨酸酸辣辣好惹味，豬手飯唔太肥膩，椰子雪糕好香椰子味仲有脆口花生，串燒好香炭燒味外脆內軟,粉絲蝦煲都好正,蟹肉煎蛋反而相對失色冬陰公唔辣好開胃,以前從末食過泰北咖哩麵好香口。總之係親友在香港最滿意一餐👍👍👍

大家好今日去了旺角通常街一間隱世既泰國餐廳食野Tamarind呢間店既裝修一入去好似穿越左去了泰國既街頭大排檔首先坐底點了個泰式奶茶感受下呢度既奶茶係同港式唔同味不過我好難用文字去型容主菜方面先點了個主菜豬肉碎生菜包豬肉碎夾雜左好多香料洋葱等等好有果種泰式酸辣咸既風味生菜就好新鮮主食我點了曼谷火車炒飯呢個都係辣既不過其實係小辣炒得好夠獲氣用料有牛肉芥蘭蕃茄葱頭等等香料都幾豐富都幾惹味但其實唔算係好咸果種仲有一條青瓜俾你解辣最後上埋甜品泰國街頭椰子雪糕椰子雪糕係放在椰子上面雪糕才身幾清甜加左椰子肉同埋粟米同少少綠豆都幾有特色總括呢間店裝修似泰國之餘食物都好有泰國正宗既風味

今日出咗旺角竟然俾我見到有間裝修咁似泰國夜市嘅餐廳！有啲位係篤篤design幾有心思呀吓！款式都多 價錢都公道幾十蚊都有交易由於我同朋友唔係好肚餓所以一人叫咗一款麵 要個鹹蛋青木瓜沙律 同兩杯嘢飲嘢飲可以跟餐平啲非常感動 佢哋嘅河粉真係泰國嗰種！闊嘅同煙煙韌韌嘅！味道同喺泰國食嘅真係非常相似very good朋友個船麵可以揀河粉或者金邊粉但係我已經叫咗河粉，所以佢都係試吓金邊粉個船麵同喺泰國食嘅差唔多呢碗有豬肉片 有肉丸 豬皮同埋通菜有菜balance下真係唔錯麵類我覺得係正常泰國味發揮沙律我就覺得好驚喜木瓜沙律係可以揀辣度嘅你睇吓佢個份量同碗麵差唔多鹹蛋都係大大粒而且同沙律好夾我同朋友都不停夾停唔到口第日泰國癮起可以嚟呢度止癮先

今日又約左朋友一起去搵野食，呢間位於鬧市通菜街1號威達商業大廈地下K&L號舖的Tamarind，裝修超有泰國風格，好似置身於泰國一樣！幾特別，還有不少打卡位！泰式甲拋豬肉飯，飯一上，果然無失望，肉碎超有鍋氣，配上蛋加豆角加炸過的金不換，口感超豐富！泰式燒豬頸肉，估唔到分量都好足，豬勁肉燒到外層少許焦香，內裡多汁，又幾爽脆，點上個醬，真係食不停啊！泰國虎蝦金邊粉，呢個簡直係最愛，鍋氣超够，又有最愛的虎蝦，還是已經去頭去殼，不用自己動手去剝，幾好，每條粉都炒得均勻，入口帶有酸甜，都幾開胃！配上芽菜，花生，簡直係享受！當然，吃完小食，主食後當然要來杯泰式綠奶茶和泰國龍眼水，解解渴啦！今日又是超滿足的一日！

店名: Tamarind地址: 旺角通菜街1號威達商業大廈地下K&L號舖油麻地站A2出口，行5分鐘環境: 4.5/5價錢: 4.5/5味道: 4.5/5呢間位於旺角嘅泰國餐廳🇹🇭裝修充滿泰國風味，有泰式大排檔feel，仲有篤篤車，真係好似去左泰國咁🥳想食嘅記住早啲排隊，佢哋成日都大排長龍🙈泰式虎蝦金邊粉❤️❤️❤️❤️❤️$88食泰國菜🇹🇭點少得pad thai😆金邊粉炒至啱啱乾身，加上雞蛋🥚、豆乾等，配有青檸🍋‍🟩花生，加上彈牙虎蝦，惹味又夠鑊氣😙炭燒牛小排❤️❤️❤️❤️❤️$148牛小排油香豐富，肥瘦相間，燒至入口即化，充滿肉香同油香😆再加上炭香，再點上秘製醬汁，惹味十足🤩泰式奶茶❤️❤️❤️❤️❤️+$8泰奶一定係泰國經典，味道唔會過甜，奶香十足，口感醇滑可口😝

Tamarind 📍 ：Shop K&L, G/F, Witty Commercial Building, 1 Tung Choi Street, Mong Kok🚗 ：港鐵油麻地站 A2 出口，步行約5分鐘）☎️ ： +852 2613 8099📍招牌蟹肉炒飯 $138金黃米粒裹著絲絲蟹肉，鑊氣十足！蟹肉的鮮甜與蛋香交織，都真係堅多蟹肉更是驚喜。份量足，適合2-3人分享，若蟹肉比例再高些更完美。📍曼谷火山排骨 $198視覺震撼！堆疊如火的排骨淋上泰式酸辣醬，肉質軟嫩脫骨，辣中帶檸檬清香。份量豪邁，適合嗜辣愛肉者，但小胃人士慎點。📍春式燒豬頸肉 $68炭香誘人！豬頸肉肥瘦均勻，外皮微脆，蘸上特製魚露酸甜醬更提味。略嫌切塊稍厚，若能薄切口感更佳。📍春式奶茶 $26茶香醇厚不澀，奶味溫潤順口，甜度適中帶淡淡煉乳香。冰塊稍多，建議走冰更能細品層次。📍芒果沙冰 $32盛夏救星！果香濃郁無人工感，沙冰細綿如雪，頂部綴以新鮮芒果粒，酸甜平衡。若能附贈小勺更方便食用。總結： 菜單兼顧經典與創意，價位中上但品質對得起價格。蟹肉炒飯與火山排骨必點，搭配一杯春式奶茶，飽足感與儀式感兼具，店面位置便利，鄰近旺

喺旺角行街，見到呢間泰國餐廳好吸引，裝修非常有特色，成間舖頭內部有泰國嘅味道，仲有篤篤車卡位坐！我哋睇咗餐牌，見到價錢都好相宜，一般泰國嘅食物都有齊，就入去試吓🤭🤭我哋四個人嗌咗唔少嘢食啊，大家都好滿意泰式牛肉船麵$88- 我認為呢隻船面嘅精髓在於個湯底！非常香濃，好有泰國風味😆泰式牛肉炒河粉$78- 呢個炒河好有鑊氣，值得一提係餐廳採用半開放式廚房設計，你落咗單之後真係可以探頭睇吓廚師即席炒你碟河粉🤣🤣招牌蟹肉炒飯 $138- 蟹肉份量非常多！好抵食呀！ 好有穫氣☺️ 呢度食炒野一流🤗🤗飛天炒通菜$68- 正！ 好正宗泰國風味！☺️☺️芒果糯米飯 $58- 哈哈😄一餐飯一定要有甜品！呢個芒果糯米飯別無他選👍🏻👍🏻鮮椰青$22 三個- 好鮮嫩，椰青肉一筆就甩，椰汁非常清甜🥳🥳見到隔離食火山燒排骨，好吸引呀，打卡一定一流😆😆見到隔籬枱男女老幼都食得津津有味，下次嚟就一定要試🤓🤓Tamarind (旺角)旺角通菜街1號威達商業大廈地下K&L號舖

進入這家店感覺是別有洞天，泰式街頭大排檔的風格，還有色彩斑斕的卡座，打卡也好靚啊！### 泰式牛肉炒河粉又寬又薄的河粉咬起來很有柔韌的口感且滑順，高溫快炒有點微微焦香，融合了鮮嫩牛肉的鮮香，搭配小栗米、番茄和青菜，清新脆口，增添了層次感！### 泰式豚肉船麵湯底是用多種香料熬製而成，散發出濃郁的香氣，讓人忍不住想要立刻品嚐。細滑的金邊粉吸收了湯的精華，口感滑順，彈性十足，味道相當醇厚！### 沙嗲雞串燒\豬串燒沙嗲醬的香濃和微微的甜感提升了雞肉和豬肉的鹹香味，讓人無法抵擋！

今日同朋友去咗Tamarind食晚餐，呢間餐廳主打泰國菜，環境充滿東南亞風情，裝修帶啲泰國傳統元素，坐得幾舒服。餐廳嘅燈光柔和，音樂帶啲泰國風情，整體氣氛好適合聚餐。我哋點咗個泰式生蝦刺身做前菜，生蝦新鮮爽口，配上蒜片、辣椒同秘製醬汁，酸辣醒胃，真係令人胃口大開！再來係青咖喱雞，咖喱香濃得嚟帶少少椰奶香，雞肉嫩滑，配埋茄子同豆角，送飯一流！另外仲試咗個泰式炒金邊粉，金邊粉炒得乾身唔油膩，配料豐富，有蝦、豆腐乾同蛋絲，味道酸甜適中，好有泰國風味。甜品方面，我哋試咗個芒果糯米飯，芒果香甜多汁，糯米飯軟糯得嚟帶少少椰香，整體甜度剛剛好，為呢餐畫上完美句號。服務方面，侍應生態度友善，會主動介紹菜式，上菜速度都算快。唯一可以挑剔嘅係，餐廳嘅座位比較密集，人多嘅時候會覺得有啲嘈雜。不過，食物質素同價錢相比，性價比都算高，值得一試！