Tamarind

「Tamarind」環境設計以泰國街頭風格為主，牆上街頭塗鴉作為裝飾，另外仲有以篤篤車設計的卡位雅座，恍如置身於泰國街頭一樣😚😚週末午市人流超多，想食好東西的話就唔好介意要排隊🤭🤭我哋叫咗兩款主食同埋一個小食一齊分享，每一款都相當有驚喜，尤其係比較少見嘅泰北咖喱雞金麵😆🐮泰式牛肉船麵船麵湯底以牛骨熬製，湯頭濃郁不膩，牛肉片薄嫩入味，仲有爽口彈牙爆汁嘅牛丸同大量揸到脆卜卜嘅豬皮，麵底配以豆芽脆爽與香菜清新，熱騰騰入口，層次豐富🍲，口味純正，真係好似喺置身於泰國一樣❤️🐔泰北咖喱雞金麵金黃麵條吸滿咖喱汁，原隻咖喱雞髀🍗軟嫩juicy，咖喱帶點微辣，但飲落唔會嗆喉，配青酸菜同埋生紅蔥一齊食別有風味🥰🐷沙嗲豬串燒沙嗲串燒可以揀豬肉或者雞肉，一客有三串可以當做小拼盤分享😍豬肉用秘製醬料醃製後腱炭烤，焦香邊緣juicy彈牙，沾自家製秘製辣椒豉油，辛辣口味當惹味👍🏻👍🏻見到隔籬枱嘅雞肉串燒賣相亦都相當唔錯，下次再一定試一試💯飲品方面亦都有唔少選擇，🥥鮮椰青解渴首選，椰青水清甜涼爽，椰肉嫩滑可刮，亦有辣之效😋另一款芒果沙冰更為驚喜，以新鮮芒果🥭果肉打成沙冰，當季芒果甜得很，夏日消暑必點🤗🤗…查看更多

幾次路過都見到餐廳門外誇張嘅人龍，今次終於扚起心肝排隊試下！大概八點門外仍有超過20位客人等待！餐廳氣氛唔錯，好熱鬧，店員勤快有禮貌，不過食物款式唔係好多。🍽️泰式青芒沙律 $68泰國青芒配上青瓜絲、洋蔥等，加埋酸辣嘅醬汁好開胃惹味！好鍾意佢嘅乾蝦仔，帶有濃郁嘅鹹香蝦味。青芒果爽脆得嚟偏軟身，酸味過後會有芒果嘅甜香飄出嚟，唔錯，可以接受酸辣程度較濃郁嘅人可以一試。🍽️泰式虎蝦金邊粉 $88食泰國菜絕對唔少得嘅Pad Thai！雖然顏色偏淡但味道正宗，唔會太甜，辣味亦剛剛好。值得一讚係金邊粉條條分明，乾身得嚟仲帶有彈性，煙煙韌韌真心唔錯。🍽️泰式街頭炸魚 $138幾乎枱枱都叫蠔餅，但怕太大份所以冇叫。結果叫咗份炸魚試下，以為係魚柳size諗唔到竟然係原條炸魚！炸魚顏色好靚，色澤均勻。魚肉濕潤滑溜，骨比較粗身大條唔多骨刺仔。外皮焦香加上炸蒜味道大大加分，點埋醬汁酸酸辣辣更濃泰式風味。🍹芒果沙冰 $32芒果沙冰打得好勻循，冇碎冰粒，入口軟滑感覺似奶昔質地。芒果香氣十足，甜味中帶微微酸味飲到停唔到口！成杯沙冰唔會過甜~「泰」滿足，價錢喺旺角嚟講亦唔算貴，下次可以挑戰埋炸蠔餅同火山排骨！…查看更多

星期日放假去旺角入貨之餘，搵到間人氣泰國餐廳tamarind，下晝時間去都排晒長龍，食物10分地道，猶如置身於泰國大排檔！1. 泰北燒雞（Khao Soi Gai）泰北燒雞，是一道源自泰國北部的傳統麵食。它由濃郁的咖喱椰奶湯底搭配雞肉和手工拉麵或米粉製成。湯底香濃且略帶辛辣，常搭配醃製的酸菜、洋蔥、酸檸檬和酥脆的炸麵條，風味層次豐富。2. 泰國炸蠔餅（Oyster Omelette）泰國炸蠔餅是一道受歡迎的街頭小吃，以新鮮的生蠔、雞蛋和粉類混合製作，炸至外酥內嫩，表面金黃酥脆。通常會加入蔥花、辣椒和一些調味料，配上酸辣醬或甜醬，味道鮮美，既有海鮮的鮮甜又有酥脆的口感。3. 泰式牛肉船麵（Boat Noodle）泰式牛肉船麵是一道具有悠久歷史的街頭美食，名字來自於傳統上用小船盛裝的麵食。它以濃郁的牛肉高湯為基底，加入牛肉片、牛筋、牛肚和米粉，湯頭香濃且略帶酸辣，通常配有豆芽、青蔥和香菜。這道菜份量豐富、風味十足。4. 飛天炒通菜（Pad Pak Boong Fai Daeng）飛天炒通菜是一道泰國常見的炒菜，以空心菜（通菜）為主要材料，快速用大火炒熟，加入蒜末、辣椒和魚露調味，炒至通菜微微焦香，色澤鮮亮，口感爽脆。📍 Tamarind (旺角)📕 旺角通菜街1號威達商業大廈地下K&L號舖…查看更多

旺角🚇呢間 Tamarind 絕對係近期大人氣嘅🇹🇭泰菜餐廳，因為佢裝修有特色，出品口味正宗，而且價格合理💰，所以每日晚飯時間大排長龍已經成為呢度嘅標誌🔥。餐廳嘅裝修超級用心💖，完美還原泰國街頭大排檔嘅風情，一入去就好似穿越咗去泰國咁，餐廳以🇹🇭泰國夜市為主題，有霓虹燈牌、塗鴉牆、串燈天花板🏮，加上復古鐵皮裝潢，每一個細節都令人眼前一亮✨。芒果沙冰係呢度必試嘅飲品之一🥭，夏天飲落去透心涼❄️，芒果味道真實自然，入面仲食得到芒果粒，清甜解膩，🍹絕對係炎炎夏日嘅最佳選擇！泰式燒豬頸肉入口肉質爽口彈牙🐖，用泰式香料醃製，帶有獨特嘅香料味道同微辣口感🌶️，豬頸肉呢個部位特別嫰滑🐷，配埋泰式甜酸醬就更加惹味！呢度嘅泰國街頭炸魚金黃香脆🐟，外皮酥脆但魚肉依然鮮嫩，配上泰式酸辣🌶️醬汁，酸甜帶辣嘅味道層次豐富🔥，就好似喺泰國夜市食到嘅地道風味🇹🇭咁樣！蟹肉奄列絕對係招牌必食之一🦀，蟹肉多到好似唔使錢咁塞滿成個奄列，每一啖都食到滿滿嘅蟹肉，雞蛋煎得好嫰滑🥚，蟹肉又鮮甜，賣相同味道都令人驚艷🌟！以芒果糯米飯做甜品🥭係完美嘅ending，糯米飯軟糯香甜🍚，配搭新鮮芒果片，旁邊仲有椰汁俾你自己加。芒果清甜椰汁香濃🥥，呢個甜品真係唔錯。佢哋用心嘅裝修、地道嘅食物🤤、親切嘅服務，加上合理嘅價錢💰，難怪會成為旺角新嘅美食📸打卡熱點！…查看更多

今日嚟到Tamarind 食泰國菜，午市差唔多坐滿晒，最鍾意呢度嘅泰式牛肉炒河粉同埋燒豬頸肉。想食地道泰式風味嘅朋友，就要過嚟試試呢度嘅鑊氣同調味呀～✨泰式虎蝦金邊粉金邊粉炒到鑊氣沖天，每條都染勻咗泰式甜辣醬色，仲有脆口花生碎同青檸汁吊味，酸甜辣鹹一次過試下，真係食到舐舐脷！✨泰式牛肉炒河粉河粉炒到油潤亮身，夾起嚟唔會斷到一嚿嚿，牛肉片嫩滑唔韌，口感一百分🤤✨泰式燒豬頸肉炭燒豬頸肉燒到邊緣焦脆，裏面肉汁爆發，加埋酸辣汁，油膩感瞬間消失！✨熱香茅茶熱辣辣嘅香茅茶，淡淡草本香喺口腔迴旋，暖胃又消滯！✨鮮椰青 原個椰青一啖落去，清甜嘅味道透心涼，食完濃味嘢飲簡直係天堂～…查看更多