Tamarind

營業中

休息中

這間在女人街人氣很高的泰國菜，一直想黎好耐，終於揾日放工，扚起心肝來試。星期一晚八點多，門口大概排了10個人，但入面已經坐滿了人。我們排了約半個小時齊人就可以入內。餐牌選擇不算多，比較精簡。上菜算快。泰式奶茶，茶味夠，但是煉奶不夠，所以沒有泰式奶茶的順滑感，因為奶不夠，所以入口有澀味。招牌蟹肉炒飯，蟹肉份量算足夠，飯炒得乾身，幾好食。泰式生菜包，份量不俗，味道不錯。泰式炒肉碎比較有辣度，怕辣的一定要點嘢飲。算是最滿意的一道菜。炒金邊粉味道偏甜，而且金邊粉質感黐埋一舊，蝦乾很黐牙，豆腐粒很硬，硬到咬唔到！雖然配料很足，但味道不怎麼好，主要是因為口感黐埋一嚿嚿，沒有很乾身又甜又漿牙！OpenRice上面大多數好評，但是我試完之後覺得沒有下次，因為唔見得好正宗，價格亦偏貴，而且環境特別嘈，都係適合18 22的後生仔女居多。

呢排見好多人黎食呢間泰國菜，俾個火山排骨燒到，鍾意食泰菜嘅我梗係即刻嚟試吓啦😌當日八點左右嚟到都排咗一段時間先入到嚟，人氣甚高。呢間餐廳嘅裝修好有泰國地道大排檔vibe，一秒置身泰國😌◾️沙嗲豬串燒 $48直接用咗豬腩肉嚟燒，肥瘦均勻，啲肥肉都係偏爽口嘅，本身啲肉已經醃到好入味，本身啲肉燒到幾香，加埋個醬汁勁好食🤤◾️炭燒小牛扒 $148 小牛扒有炭香味，點埋佢個特製醬汁，直接令成個口感昇華◾️豬肉生菜包 $78 肉碎微辣，但有少少青檸嘅酸味，包埋生菜一齊食，勁清爽，俾咗好多生菜🥬對比平時食泰菜啲餐廳得幾片，呢度明顯大方好多😂◾️曼谷火山排骨 $148 火山排骨係今晚最驚喜嘅菜式，啲排骨嘅肉已經炆到好軟腍，淋上有大量香料製成嘅酸、辣、鹹、甜醬汁非常吸味，必點！

最近去咗一間泰國餐廳，真係食得好滿足！首先試咗牛肉炒河，牛肉嫩滑，夠入味，炒到香噴噴，河粉嘅口感亦好滑，搭配埋啲蔥同豆芽，真係一絕。接住試咗豬頸肉，呢個菜式真係意想不到，豬肉烤得金黃香脆，肉質鮮嫩，淋上特製醬汁，味道好濃郁，令人一口接一口，根本停唔到手！再嚟係飛天炒通菜，呢個菜色清新，通菜炒得剛剛好，保持住脆感，加上蒜蓉，味道好香，仲有啲微辣，正好解膩。燒春雞亦唔可以錯過，雞肉烤得外脆內嫩，配上檸檬汁，味道更添清新，真係好好味。最後，甜品方面我試咗龍眼冰，清爽又消暑，龍眼味道濃郁，搭配冰沙，喉嚨一啖就過癮，完美結尾！Overall 黎講，呢間泰國餐廳真係值得一試！jenggggggggggg!!

呢間位於旺角小巷內嘅人氣泰菜，每次經過都大排長龍！因為呢到嘅食物價錢親民，味道地道正宗，裝修亦非常之有氣氛！唔怪之得長期都人氣爆棚啦～✨泰式牛肉炒河粉牛肉柔軟又帶有香濃嘅肉香！泰式寛河粉滑嫩軟糯，仲有雞蛋絲同埋多款蔬菜去增添整體嘅口感！有鑊氣得來又比人一種油而不膩嘅感覺～✨泰式牛肉船麵泰式牛肉份量十足！除咗有生牛肉之外，仲有牛丸、炸豬皮同埋芽菜等！湯底濃厚鮮甜！麵底叫咗河粉，冇諗過都係泰式嘅寛河粉，掛汁能力高，咬落去爽滑又美味～✨飛天炒通菜通菜鮮嫩爽口，味道微辣，夠晒地道正宗～✨芒果沙冰表層有粒粒芒果果肉！沙冰入口順滑，啖啖都散發住芒果嘅果香～

上網找到這間位於旺角女人街的泰國菜餐廳，而且好評如潮，晚市亦有不少人排隊，於是我們便大概5點到來打算吃個早點的晚餐 5點時餐廳內已差不多滿坐，未到6點已見門外開始出現人龍！餐廳的廚師都是泰國人，菜式想必是非常正宗！ 🦀招牌蟹肉炒飯（$138） 蟹肉炒飯超有鑊氣👍🏻炒飯粒粒分明，蟹肉亦鮮甜無雪味，還可根據個人喜好加入辣椒魚露！份量多，建議分享 🦐粉絲大蝦煲（$138）大蝦新鮮，還加了爽彈的豬肉，粉絲吸收了以花椒八角、薑、芹菜及芫荽等香料調味的汁，味道好味又有層次！ 🍖泰式燒豬頸肉（$68）燒豬頸肉燒得十分香👍🏻且爽彈 🥗泰式燒牛肉沙律（$138）燒牛肉伴以青瓜、小蕃茄及生洋蔥，沙律以魚露及辣椒調味，酸甜微辣 🍹芒果沙冰（+$14）因我們入坐時只是大概5點，還是lunch time，所以可以蟹肉炒飯加購沙冰！芒果沙冰十分香甜🥭推介！ *6點前都免加一

推推推，泰國菜人龍店👍🏻泰式牛肉船麵同喺泰國當地食到嘅船麵，味道幾乎一樣，有牛丸同牛肉，牛肉肉質夠嫩，鍾意上面嘅脆脆泰式虎蝦金邊粉蝦肉彈牙，呢個金邊粉炒得好惹味，會想不停狂食嗰隻👍🏻👍🏻👍🏻芒果糯米飯芒果清爽又甜，同自己喺街市買到嘅唔一樣👍🏻👍🏻仲有糯米飯好煙靭，又唔會過甜，好啱香港人口味泰式咖啡入口係香滑嘅，同上面一樣又係唔會太甜芒果沙冰沙冰打得好滑，真係用芒果肉嚟打，好香，仲要唔係化學加工👍🏻👍🏻純天然嘅味道係最正

19/7晚上一家三口大約21:45到店門口，當時店舖經理已經說明因為颱風關係提早閂門… 10:00截單，10:30清場.咁我哋就打算兩個大人各點一個飯加一個湯應該趕得切10:30前走，所以就繼續入去食.好快我哋喺21:47已經有侍應幫我哋落單～未夠10分鐘嘢食已經上枱⋯食到咁上下大概10:10經理就開始幫客人買單埋數⋯⋯跟住佢有個紮長頭髮紮馬尾戴眼鏡嘅女侍應粗聲粗氣咁同我哋講話要收返枱面上面嘅筷子筒，收嘅時候仲要整跌晒我哋啲嘢….咁到算數，諗住嗱嗱聲食完啲嘢就走⋯⋯ 長頭髮紮馬尾嘅侍應收完筷子筒之後，又開始拖地，拖地期間大大聲拉動枱凳～眼見同場仲有兩台未食晒嘢⋯感覺好似話俾客人聽我哋要閂門呀食快啲！！！點知到咗10:17又有一個短直頭髮嘅女士應大大聲兼無尾音同同場四台客人講仲有10分鐘佢哋就要閂門，當下我就覺得呢個女侍應十分之冇禮貌，覺得好似阻住佢哋收工咁～竟然，隔咗1分鐘10:18…長頭髮紮馬尾嗰位女侍應又諗住向每一台客人挨佢哋10分鐘後要閂門（因為佢嘅語氣都係一樣大大聲冇尾音又冇魔術語），當佢諗住同我哋講嘅時候，我就忍唔住就同佢講：我聽到啦！唔使吹我哋⋯我哋仲未食晒嘢！而家先

位於旺角的 Tamarind 餐廳，充滿濃厚泰國夜市風情——復古鐵閘、霓虹吊燈、泰國嘟嘟車，彷彿置身曼谷街頭。餐廳既餐牌只有一張，下午6點前免收加一服務費，點選粉麵飯仲可以優惠價加配飲品，非常抵食。首推泰式牛肉炒河粉：份量十足，河粉煙韌不黏，牛肉炒得香嫩入味，加上惹味配菜，令人食指大動；泰國街邊豬手飯，豬手燜得軟嫩、膠質豐富，與泰式咸酸菜相得益彰，加上秘製醬汁，街頭風味十足。飯後甜品不可錯過芒果糯米飯，香甜芒果配上熱辣辣的糯米飯，再淋上椰漿和脆米，既有泰國街頭甜品的親切感，又不失精緻。飲品方面，鮮椰青水清甜消暑；芒果沙冰則是芒香濃郁、滑順清爽，是炎炎夏日的最佳解渴良伴。總結，餐廳食物呈現地道泰式風味，加上親切服務和實惠價格，絕對係泰迷必去之選。

成日係網上見到人地推薦呢間餐廳，今次去都係大排長龍，所以對味道期望值好高😭泰式虎蝦金邊粉：$88 味道ok！不過粉嘅份量偏少，同埋金邊粉係配花生粒🥜唔方便食，配花生碎會好啲🥺沙爹豬串燒：$48 本身諗住串燒會配沙爹醬，但係無🥲唔緊要，但串燒本身都無咩沙爹味，肉質都好嚡，令人有啲失望🍢泰式燒豬頸肉：$68 呢個係最好食！肉質都ok🐷醬汁同豬頸肉都夾🍖蟹肉奄列：$158 期望好高，但覺得有啲overcook，蟹肉的味道普通🍳唔值呢個價錢🥹總結菜品味道一般，仲要等成個鐘，未必會再黎了😭

算係唔錯既泰國菜，唔算貴，落單5分鐘已經上哂，快到有啲似整定。7點左右到已經full哂，前面仲有8個人，幾多人去等左半個鐘左右，外面熱小路又窄，等得有啲唔舒服，野食都正正常常，唔會中伏，一黎就叫芒果糯米飯，但佢竟然話冇哂，沙嗲豬肉串幾正 $48/3串，唔記得影相 ，我比4粒星，呢個值得推薦叫。總結：幾好，食物唔會伏，唔太貴，但要等，等既環境又窄又熱。如果唔洗等咁岩係旺角又想食泰國菜，會去食。泰式虎蝦金邊粉 $88豬肉碎生菜包 $78沙嗲豬肉串 $48泰式奶茶 $26芒果沙冰 $32$272+10%服務費=$299

環境擺設好似泰國當地大排檔咁樣，個人覺得值得推介嘅係牛肉炒河粉，豬頸肉，同埋鹽燒魚。見佢Menu寫住呢個係人氣之選，所以就叫咗個炒河粉 。個牛肉炒河粉真係食落去真係有驚喜。特別係個牛肉好滑啦，同埋唔係嗰啲平時嘅肥牛 。豬頸肉份量size都好足夠。而且仲要配埋個醬汁一流，個人特別鍾意佢個醬汁 。再加埋個鹽燒魚諗住會鞋霎霎，點知又好滑 。份量嚟講，兩個人食好足夠。再叫埋個芒果糯米飯，簡直係完美 。建議如果想食嘅話真係早啲嚟排隊，或者夜啲先嚟。當日排咗差唔多成個鐘。

朋友話想食火山排骨 ，話旺角女人街有間泰國餐廳唔錯，叫做 Tamarind ，就決定一齊去試吓。星期五收工之後，大概6:20pm 去到餐廳，真係哇一聲，條隊長到懷疑人生。排隊等左大概一個半小時，大概8:10pm終於到我哋。好彩餐廳冷氣都好夠，又安排我哋坐Tuk Tuk 卡位，侍應服務都好好，好有耐性同有禮貌。………………………………………………鹹蛋青木瓜沙律 ⭐️⭐️⭐️⭐️⭐️青木瓜絲切得好幼細，酸甜開胃，口感清爽，夾雜小蝦米同咸蛋黃碎，味道層次好豐富。泰式魚餅 ⭐️⭐️魚餅味道同口感都普通。冬陰公湯 ⭐️⭐️⭐️材料好豐富，有好多大蜆、魷魚、蝦、菇等等，味道濃郁，不過我哋都一致覺得太咸。豬肉碎生菜包 ⭐️⭐️⭐️⭐️生菜好新鮮，豬肉碎比較大粒，肥瘦比例適中，調味剛剛好，夾埋生菜一齊食，好味。泰國炸蠔餅 ⭐️⭐️⭐️蠔肉大大隻，炸粉亦都好脆口，但係炸粉好似同啲蠔肉唔friend咁，食的時候好多時都分離左，變左炸粉還炸粉，蠔還蠔咁，所以都一般般。曼谷火山排骨 ⭐️⭐️⭐️⭐️今次晚餐嘅重中之重，份量十足，有4大舊肉骨，用酸辣汁煮到肉質軟林，餐廳有提供膠手套，可以用手拆骨撕開啲肉嚟食，食落啖啖肉，點埋個汁一齊食，好開胃惹味。泰式

話說上次朋友介紹我地去食呢間泰國菜，但係最後太多人排隊，所以冇食到🙂‍↕️今日趁早啲收工，再次同朋友去食！未過6點係餐廳坐低，都已經唔少人！一入去已經有泰國feel🤣 望入去仲有啲枱凳係篤篤車concept😆 最後同朋友叫咗幾碟一齊share😆🍽️泰國甲拋豬肉飯食過泰國既打拋豬飯，呢間既打拋豬飯做得唔錯㗎😌 以香氣四溢的豬肉碎為主，搭配新鮮羅勒葉和嫩煎荷包蛋，口感層次豐富。隻蛋又唔會太熟，有蛋汁撈埋啲豬肉碎同飯，唔錯唔錯👍🏻 不過食唔到辣既朋友就要留意了，會有少少辣！🍽️ 泰國虎蝦金邊粉雖然話係炒金邊粉，但係又唔算好油膩，色香味俱全，蝦肉好彈牙！比起打拋豬飯，金邊粉會冇咁辣，食落去酸酸甜甜咁😋🍽️ 沙嗲豬串燒豬肉串燒一份有三串，食落去外酥內嫩，唔會覺得好乾好硬😍 搭配濃郁醬汁和香菜點綴，肉質juicy，口感極佳。🍽️泰式奶茶見到舖頭既泰奶包裝都係平時常見既手標泰奶😍 雖然叫正常甜度，但係又唔會好甜！

走進這間藏身於旺角的泰式餐廳，仿如瞬間穿越到曼谷鐵道夜市！🎢✨霓虹燈、塗鴉牆、串燈天花板，加上復古鐵皮裝潢，每一處細節都超有氣氛，📸好拍又好食！🌟 曼谷火山排骨（$148）最浮誇的一道！乾冰煙霧一上枱就超有戲！大份量豬骨疊成小山，排骨炆得入味不柴，帶點酸辣香草味，食落夠惹味又唔會膩。份量超足，適合多人share，味道打卡都滿分💯！🌟 招牌蟹肉炒飯（$138）炒飯乾身粒粒分明，蛋香與蔥香都有做到，但蟹肉份量比預期少，混在飯中唔太突出，整體味道偏普通，沒有特別驚喜～屬於安全但不出色的一道主食。🌟 泰式牛肉船麵（$88）湯底濃郁微甜，是傳統泰國街邊口味～配料有牛肉丸、炸豬皮、生菜和香草，牛肉丸彈牙，湯頭香而不膩，熱辣辣超暖胃🫶 非常適合喜歡重口味湯麵的人！🌟 泰式奶茶（$26）📍旺角通菜街1號威達商業大廈地下K&L號舖味道：🌕🌕🌕🌕🌘環境：🌕🌕🌕🌕🌗價格：🌕🌕🌕🌕🌑

最近我去了一家位於旺角的超人氣餐廳，門口大排長龍，雖然餐廳內人潮洶湧，但氣氛非常好，讓人感到愉快。曼谷火車炒飯這道曼谷火車炒飯辣味十足，飯粒略偏濕潤，搭配的配料有番茄、菜心、玉米和牛肉片，整體味道豐富，非常開胃。泰式燒豬頸肉接下來是泰式燒豬頸肉，這道菜需要20-30分鐘的預備時間，但絕對值得等待。豬肉軟嫩，炭燒的香氣與甜甜的醬汁完美結合，讓人一口接一口。豬肉碎生菜包最後，我們點了豬肉碎生菜包，這道菜小辣，使用半肥瘦的豬肉碎，搭配清新的生菜，吃起來既清爽又滿足，特別適合作為開胃菜。整體來說，這家旺角的餐廳提供的菜品味道出色，絕對值得一試。餐廳採用開放式廚房，能看到廚師現場製作，讓人感覺更加新鮮和放心。如果你在旺角，不妨來這裡品嚐一下！