Sweet Craft

營業中

休息中

一個女仔食一杯粉雪冰可能會有啲多。cp值好高，50蚊一大杯，想食冰嗰陣會再嚟食！店面好靚，又有開放式廚房📸係個打卡好地方。.🍨焦糖海鹽粉雪冰 HK$50✨Topping：焦糖爆谷、焦糖脆脆、牛奶忌廉粉雪冰刨得好似椰絲咁，淡淡嘅牛奶味🥛擺耐啲都唔驚溶👍🏼打卡再食都無有怕！Topping嘅焦糖爆谷+脆脆都好香甜🤤夾埋粉雪冰一齊食，有口感又好味。中間嘅粉雪冰夾住焦糖海鹽醬🍯唔驚食晒啲Topping之後得牛奶味。挖到落去有驚喜😍香濃牛奶雞蛋布甸🍮.🍧果蜜白桃粉雪冰 HK$52✨Topping：白桃果肉、脆果乾、牛奶忌廉相比焦糖海鹽更清新，白桃清甜加牛奶粉雪冰🥴桃控可以一試！牛奶忌廉都同個粉雪冰好夾，特別重牛奶味，亦令杯冰更加甜🍯脆果乾食落就無乜味🤔令個口感豐富啲。底部有白桃奶凍🍑香甜清新，好加分！！

呢間餐廳我收藏咗好耐，睇YouTuber嘅介紹，同埋身邊朋友嘅介紹都令我非常之想去，而且其實我成日都會經過呢一度，但次次都冇勇氣入去，今次終於去咗試啦，好開心！ 今次叫咗一份粉雪冰！我覺得餐廳非常之舒服好開揚，而且望到嘅風景幾靚，枱唔算多，我當日去到有幾對情侶同埋一啲閨蜜團去食，我得自己一個有少少尷尬！不過唔錯啦，畢竟啲甜品好吸引！🍧焦糖海鹽粉雪冰 $50呢一個粉雪冰果然名不虛傳，佢有非常多層次，食落每一層口感都係唔同嘅，我最鍾意佢面頭好似蜂巢一樣嘅甜甜地嘅嘢，確實，我都唔知道佢係乜嘢，不過真係好好食呀！又甜又脆，配上冰，一啖食落去真係完美！另外，有少少好似cream咁樣嘅嘢，食落去冇乜味，但係質感好好！非常之綿滑，我覺得爆谷都係一大重點，真係粒粒都充滿着焦糖嘅味道，完全唔係坊間嘅咁。而佢嘅冰非常之綿，佢刨到非常之細、密，所以入口即溶，透心涼！最底呢就會有少少好似布甸咁樣嘅質感，我自己唔太鍾意食布甸，但我覺得有少少其他質感嘅配搭，令成件事新奇晒！👍🏻

1️⃣⭐️焦糖海鹽粉雪冰⭐️ $50 (8.5/10)無論賣相同味道都好好😍 上面嘅蜂巢脆餅 Honeycomb同刨冰好夾💕 仲有焦糖炮谷，同焦糖海鹽cream😋 怕焦糖死甜嘅Pooh都覺得好食🥳 下面仲有個布丁，加分加分🍮 刨冰有混入焦糖醬，唔怕食到下面冇味👍🏻 兩個人share做甜品啱晒☺️

好似椰絲咁乾身、粒粒分明既牛奶粉雪冰，中層都有平均地擠左海鹽焦糖醬➡️每啖都有綿綿雪花冰+焦糖醬（感覺到製作過程既認真誠意😉）雖然個人唔太中意食甜既甜品，不過都可以一個食晒成杯😌另外，見到佢地有d整抹茶既工具，可能下次可以試吓抹茶飲品🍵不過坐既位唔太多，室內只有4-5張枱+門外1張，2人限聚下，枱又要隔得疏，可能要等下位 🤪

外型有別於一般雪糕，仔細睇會見到磨碎左既黑芝麻，芝麻味幾香幾濃，加上杯底米通、穀物片，咸咸甜甜咁同時增加口感，兩人share剛剛好，都可以一試，佢哋除咗甜品仲有多款飲品

｜胡麻雪花 🍨 $32｜冷冷的天氣來吃雪糕真的很爽🤣❄️不會那麼快溶掉 可以慢慢品嚐看似小小的一杯 其實份量也夠兩個人分享黑芝麻味道很濃郁不像一般雪糕的順滑口感 間中有點像沙冰的感覺個人比較喜歡質地更細滑的雪糕😛但配著底層的脆米來吃 鹹鹹甜甜的挺特別下次再試試刨冰～

休閑嘅下午⛅️ 未婚妻要去紅磡參與安息禮拜我同狗狗Hoji就去咗附近搵個地方等～就腳地搵左哩間（雖然Boxing Day但食冰又唔太凍😝）到步啱啱開門（1點開），買咗杯果蜜白桃雪花冰🧊$52價錢不高不低，賣相好靚🤣面頭嘅cream喺有啲甜嘅，要搭啲冰食下面啲冰有漿汁，食到最底仲有奶凍，如果想口感豐富同甜度適中，配料搭冰+奶凍一齊食😋桃味幾好👍🏻有果肉粒有桃肉乾室外對馬路，同隔離嘅油煙飄過嚟都幾勁，不宜久留，但有狗嘅就要坐室外留一陣🙊因為聖誕飾物，Hoji🐶好似無意做咗生招牌🤣吸引途人目光😎

每次search紅磡美食都會搵到好多報道介紹依間甜品舖上次同朋友食完之後一直掛住 冇耐就再嚟🤣舖頭環境舒服 有四張枱可以坐大約十幾個人舖頭外面亦都有張枱可以坐兩個人今次嗌左兩個甜品一個冰一個雪糕🍧 海鹽焦糖粉雪冰依款甜品其實有好多材料 樣樣都好好食同埋好夾最上一層有焦糖粒 芝士奶蓋同焦糖爆谷🍿我好鍾意芝士奶蓋嗰陣鹹香味🥰中間嗰層係牛奶味嘅雪冰 亦都有淋到焦糖醬雪冰牛奶味好濃👍🏻最後一層係原味燉蛋🍮好鍾意每層都有驚喜 真係好好食😋🍨綠茶雪花軟雪糕朋友叫咗個綠茶雪糕 唔好睇佢細細杯分量超多食完超飽綠茶雪糕好有茶味🍵出面好少食到底層除咗米通之外仲有果乾 個人覺得果乾味道同綠茶雪糕唔係幾夾 可以唔落🙈

約左朋友去黃埔行下Aeon👯‍♀️,醒起見過有ig好多人post呢間野，於是走去試下。我揀左個No.1 既「焦糖海鹽」$50開頭以為係雪榚，食落覺得似牛奶刨冰，而杯身吱左啲焦糖醬，兩者搭住食都唔錯💜但最好食係上層既芝士奶蓋、自家製焦糖脆脆&爆谷，無論外貌同味道都係我杯茶💘朋友個杯係「抹茶紅豆」$52，試食左一兩啖認為個內餡一樣，只係其他野轉曬抹茶味👽um...我都係鍾意焦糖個隻多啲🧐但呢間野會再黎食😇

📍香港📍紅磡📍Sweet Craft📍紅磡黃埔天地百寶坊(第3期)地下G33號舖📍星期一至日 13:00~23:00🦄 焦糖海鹽粉雪冰 Sea salt caramel ice flake $50🦄 評分: 8/10(焦糖爆谷, 焦糖脆脆, 海鹽芝士奶蓋, 粉雪冰, 布丁)個芝士奶蓋好出色🍼 咸甜好夾好好食🤩 最頂層既焦糖脆脆當然比較甜🍯 但份量唔會太多岩岩好😁 而焦糖爆谷仲keep到脆口 粉雪冰好滑入口即溶但奶味唔夠濃郁🥺有一半都係完成無味! Overall唔會話太甜 多層次口感😋 會有下次🙋🏻‍♀️🙋🏻‍♀️

之前幫襯食咗焦糖海鹽味嘅雪花冰，好好食，所以今次再食其他口味試吓呢個味道比較清新，有白桃乾同埋白桃牛奶冰咁成杯有淡淡地嘅桃味，不過我反而覺得好似太淡味，冇焦糖海鹽咁有驚喜。下次都係食返焦糖海鹽算

最近天氣凍左，但係阻唔到我食凍野既決心，估唔到咁多同路人，晚飯過後呢間雪糕專門店要排隊等位😯店鋪裝修係走日式簡約風，加上食物賣相都吸睛既，亦不失為打卡地🤪▪️ 抹茶雪花 💲34雪糕口感比較厚實，所以未算得上好順滑，但都中規中矩，尤其近冬天都唔會話溶得快❄️抹茶味道甜甜地，及後帶點微甘既餘韻，不過個人身為抹茶控黎講會覺得唔夠濃郁🙈底下有唔少穀物乾果，增添左唔少層次感，可惜米通同埋脆米都偏鹹，味覺有相對大衝擊，加上黏身有咬口既提子乾，整體配料唔係特別夾👉🏻👈🏻始終都係傳統紅豆、白玉或者蕨餅等會比較匹配🤔不過都仲係想試埋個胡麻雪花🔎 整體評分（6/10）

呢個真係不得不介紹！！大熱天時 去食呢個一日既心情都會超級好☺️☺️ 之前見好多人介紹放假就即刻去試！試左海鹽焦糖同白桃🤤海鹽焦糖 最頂層係海鹽芝士奶蓋、焦糖脆脆、焦糖爆谷！！中間層係粉雪冰、下層係布丁！！超推薦大家食呢個！奶蓋超好味 鹽度岩岩好 配埋焦糖醬 一流！焦糖脆脆 唔會太甜！如果有我都想買一包返屋企當小食🤣粉雪冰就有好香牛奶味！布丁夠滑有蛋味！！10分滿分比足10分😆😆白桃頂層係新鮮白桃、白桃干、芝士奶蓋、奶蓋真係好出色、好好味！新鮮白桃非常清甜 大大粒果肉！白桃干就有少少偏酸 但爽脆爽脆口感唔錯！同樣中間層係牛奶冰、下層係桃味啫喱 反而驚喜就唔太大！不過整體黎講係好食！！夏天消暑一流！！

翻兜‼️紅磡粉雪冰店🍧 — Sweet Craft✨之前已經嚟過呢一間十分日系嘅甜品店😆 由於上一次淨係食咗焦糖海鹽味 冇試到其他味☹️故此今次特登再嚟試一試另一個好想食嘅味 — 果蜜白桃🤩美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨期間限定 — 果蜜白桃🍧 $52呢一個粉雪冰嘅配料同之前食嗰個完全唔同🤔 佢係走偏向清新啲嘅味道 上邊有果乾 (應該係有蘋果乾) 小小白桃 而且仲有奶蓋😍 食落去佢嘅牛奶味都好重🐄 甚至蓋過咗佢本身嘅蜜桃味🤭 脆嘅果乾 + 白蜜桃 + 非常鬆化嘅冰 👅 整體口感都非常豐富👍🏻 食到落底仲有pudding添！感覺都幾清新大家可以試吓😋不過就個人而言都係比較鍾意上次嘅焦糖海鹽味😌 今次揀咗閑日嘅下晝嚟 的確係冇咁多人嘅大家可以就番時間過嚟試😤

「香港篇 - 紅磡」“Sweet Craft 🍦” 🌟🌟🌟🌟/5係一間好日式既🍦店🥰有少量座位😉食完飯 整個飯後甜品都唔錯😆😆🔻焦糖海鹽粉雪冰 🍮 ($50)🌟🌟🌟成杯野幾有層次💯表面佈滿cream, 焦糖脆脆同焦糖爆谷🍿下面係有拌有焦糖醬既雪冰❄️底層係雞蛋布丁🍮依個組合實無死💯不過可惜係焦糖醬唔太夠 雪冰冇咩味😕雞蛋布丁仲超香🥚味🥰配料都豐富🤩🔻胡麻雪花🍦($32) 🌟🌟🌟🌟依個好驚喜🤩🤩以為係死甜芝麻糊味🙈點知係好清幽既芝麻雪糕🍦幾幼滑🥰唔係死甜 又夠哂大杯🤩加埋底下既米通同果乾 增加口感同香氣😋💁🏻‍♀️我見佢好似有自家打磨抹茶🍵下次會想試🍵產品😆😆