Surasang 수라상

營業中

休息中

主打新派韓國菜餐廳環境優雅舒適有格調 空間感十足店員服務周到 用餐體驗不錯!🌟韓國鮑魚釜飯將鮑魚切花 賣相夠靚口感爽彈且鮮嫩鍋飯乾濕度剛好 帶米香兼有飯焦加埋韓式辣醬 攪拌均勻食更好味👍🏻🌟布拉塔芝士奶味香醇口感又順滑既burrata 剛好中和左泡菜豬肉既油膩感兩者配搭得剛好😋🌟韓牛肩肉食韓國菜必須食韓牛🇰🇷牛肩肉油脂分布均勻 油香肉味濃而且店員會席前幫忙烹煮控制好生熟度 💯另外仲會配埋泡菜炒飯夠哂豐富‼️

今次黎到圓方surasang食高級韓國料理，餐廳環境乾淨，裝修環境佈置很高級，坐位挺舒適，設有多個包廂卡座，私隱度高，吃飯聊天更加自在。前菜附上多種泡菜，調味做得很好，我尤其喜歡這裏的辣白菜，不太辣，不太酸，反而帶點甜，適合港人口味。海鮮煎餅煎餅香脆，配搭香蔥，魷魚，小魚，味道和蠔餅有點相似，但加了很多蔥和小魚，令海鮮煎餅吃起來比蠔餅更香一點，附上的醬汁不咸，有少少甜味，配上醬汁更能帶出海鮮的鮮味。烤風川鰻魚釜飯鰻魚肥美，入口即化，沒有細骨，配搭搭香濃鰻魚醬汁，十分下飯，最後再以隨餐附上的麥茶淋上米飯，清爽解膩。韓牛大蔥卷侍應首先會送上煎爐，把未煮的的韓牛卷送上，滿滿一大碟，未吃先來一個視覺衝擊，單是看到油花豐富，油脂分布平均的靚靚韓牛就已經好想食，之後店員會即場把韓牛卷煎熟上碟，然後再用剛剛煎完韓牛卷，充滿高級油脂的烤爐炒飯。味道方面，剛剛煎完的韓牛油香四溢，香蔥十分juicy，趁熱吃很正。

熱愛韓式炸雞既我又好想食韓國嘢啦上次食過圓坊既韓式咖啡店好好食見隔離韓國菜都好吸引一於叫埋朋友一齊去食🤤裝修勁grand環境勁大好有酒店feel 坐得好舒服前菜有 菠菜 芽菜 泡菜等等都好食 可以refill我哋叫咗以下嘢食半半炸雞 $208蜜糖同甜辣味好新鮮熱辣辣 甜辣好酸酸甜甜 好好食蜜糖都幾香甜各有特色韓牛大蔥卷 $880D油花靚到呢😍即刻心心眼有專人負責燒埋 一定燒得好食仲會好細心提我地小心比油花陣到燒起上黎牛味勁香 流曬口水啦入口有即溶既感覺 好幸福呀🥰煎完剩低既牛油精華用嚟炒埋皇帝菜同飯充滿牛油既滋潤 d菜索晒啲精華好好味 烤風川鰻魚釜飯 $185鰻魚無骨架仲要勁肥美第一次食咁好食既鰻魚菠蘿梳打$38 青檸梳打 $38兩杯都唔會好甜 飲完好解渴食完已經好掛住啲炸雞同牛肉啦🤤下次再去過Surasang 수라상 (尖沙咀)尖沙咀柯士甸道西1號ELEMENTS圓方水區1樓1028B號舖十

餐廳寬敞舒適，紅木餐桌佈置，配上簡約陶製餐具，不失優雅。入座後職員已快速奉上韓國小碟，包括泡菜，豆芽，波菜，泡菜魷魚，魚糕等6款。泡菜味道正宗，辛辣開胃，正好幫助打開味蕾！韓式海鮮煎餅以新鮮海鮮和蔬菜為主要材料，包括魷魚、蜆肉、大蔥、辣椒等。煎餅外皮酥脆，內裡鮮嫩多汁。海鮮的鮮味與蔬菜的清爽相輔相成。搭配的醬料酸甜可口，增添了層次感。韓牛大蔥卷職員即席煎烤牛肉大蔥卷，牛油及大蔥的香味瀰漫，令人食指大動。切成薄片的鮮嫩韓牛，油脂分布平均，呈雪花狀。韓牛包住新鮮的大蔥中，用大火煎烤牛肉至5成熟。牛肉的鮮香與大蔥的清爽相互融合。若搭配韓式汁醬一同食用，更能帶出牛肉的甜味。韓國鮑魚釜飯米飯質地Q彈，而且吸收了香菇的精華，帶有濃郁的香氣。鮑魚輕輕磯燒過，柔軟不失鮮味。底部的米飯形成金黃酥脆的焦糊，配搭麥茶沖泡食用，別有一番滋味。飲品分別點了柚子梳打及青檸梳打， 味道鮮酸，不會過甜，配搭煎餅食消膩開胃。韓式海鮮煎餅的外酥內嫩、韓牛大蔥卷的香氣四溢、香菇鮑魚釜飯的濃郁口感，都讓人回味無窮。絕對值得一次。

Surasang 수라상 📍尖沙咀柯士甸道西1號ELEMENTS圓方水區1樓1028B號舖━━━━━━━━━━━━━━━━━━━━━━━━━━━━終於有時間來西九看聖誕樹 順便也在圓方吃了晚餐 ! 這次吃了一間高級韓國料理餐廳 精髓在於還原食物本身的味道 食材品質不錯 而present的形式也很新穎~餐廳店面很大 裝修也透露著高級感 韓國菜也可以很精緻很優雅呢!━━━━━━━━━━━━━━━━━━━━━━━━━━━━🐮 韓牛大蔥卷 $880 +10%▶︎ 席前製作的韓國菜是first try! 韓牛薄切卷著海量大蔥 另外最後會有泡菜炒飯▶︎ 韓牛油脂四溢 口感軟嫩 因為沒有額外調味所以能吃到濃郁牛味~ 建議沾麻油鹽吃!▶︎ 泡菜和飯端上來之後以為已經炒好了所以直接吃了 米飯顆粒分明且微微黏 吃到一半發現...原來還要炒一次阿(喂 好味指數:●●●●◯━━━━━━━━━━━━━━━━━━━━━━━━━━━━🍚 烤風川鰻魚釜飯 $185 +10%▶︎ 釜飯蓋有烤鰻魚 還有蛋絲 薑絲 紫菜等配料可以拌在一起 另外提供辣醬可以自行添加▶︎ 鰻魚軟糯香甜 戳碎與飯拌在一起很不錯 建議多放些辣椒醬飯才會更

朋友住新界，比較遠，通常大家的中間點都是旺角或尖咀搵食，最近朋友上網搵到呢間喺圓方的餐廳，非常吸引，覺得地點稍遠，但因為太想食，所以就答應了朋友。餐廳環境氣氛很好，燈光暗得來可以開枱燈補光，很舒適的感覺。一開始餐廳會提供韓式前菜。餐廳選擇都很多，我們點了以下食物。韓式炸雞（$208）最多可選兩款口味。原味：外皮炸得香脆，雞肉嫩滑，因為是原味，更能突顯雞肉本身的甜味。炸雞是無骨的，方便進食。蜜糖味：蜜糖味炸雞淋上蜜糖醬，帶有蜜糖甜味，亦能減低熱氣感覺。烤風川鰻魚釜飯（$185）：打來蓋，看見烤鰻魚和蔬菜，七彩繽紛很美觀，可配上韓式辣汁進食，鰻魚的肉質柔軟多汁，帶有淡淡的烤的香味，和飯很配襯。提供麥茶倒在飯焦裡吃，另有一番風味。韓牛肩肉（$852）：最期待是這個肉了，肉非常大塊，本身已煎了很漂亮的格紋，之後職員會在我們面前煎熟，再幫我們剪開，肉的油脂很香口，分佈均勻，是高質的牛肉。配上麻油鹽很香由牛肩肉的油再炒皇帝菜，令菜更香口。之後亦會炒泡菜飯，微辣很開胃。柚子梳打（$48）：很多柚子肉，味道清新，帶酸甜風味。冷壓橙汁（$68）：味道鮮甜，橙汁冷壓後，可以保留橙中的營養價值和天然香氣。

🇰🇷升呢版韓國fine dining🇰🇷剛接朋友機 一見面 佢即刻話飛機餐食唔飽 要去圓方食餐好 我哋最後揀咗間幾decent嘅韓國餐廳-🍕海鮮煎餅 $226圓形外邊脆卜卜 焦香味誘人😚 薄餅柔韌 有魷魚粒加持特別chewy薄餅大個其實幾飽肚 紅辣椒絲🌶正好中和一下油膩感-🥓牛肉三合配泡菜炒飯 $552必食單品‼️ 食勻牛嘅三個部位 牛小排肥瘦各半 西冷好大塊又薄薄地 牛胸腹肉牛味濃 我哋要五成熟 每邊受熱均勻 牛肉嗰種入口即溶嘅口感好正😊 無論係鍾意肉味濃定係like油脂豐腴 兩者兼得 夾住大白菜香菇🍄食嘅話 多一分爽脆-🐙八爪魚釜飯 $175厚切八爪魚有嚼勁 微辣甜鼓油增加食慾 加埋蓮藕山菜更有風味 最正都係底下嗰啲飯焦 燶燶哋脆脆哋 食到舔舔脷😋-🥂Goheung 柚子酒 $88/杯非常易入口 味道清新淡雅 杯身幼長 似飲sparkling wine -🍹柚子梳打 $48-📍Surasang 수라상尖沙咀柯士甸道西1號ELEMENTS圓方水區1樓1028B號舖

去完西九影聖誕樹，去Elements 呢間好有情調既韓國菜。我地預早訂檯仲有85折，點餐後先送上韓式4小碟，辣八爪魚、泡菜、大豆菠菜、魚腐片，仲可以添食。特別中意辣八爪魚，鮮辣煙韌。🥢韓式豬手套餐配上韓辣醬魷魚、泡菜片、咸菜豬手泡韓式甜醬油，豬手皮炆到軟淋淋，皮層帶深啡色有光澤，入口厚身彈彈地，充滿濃厚膠原。豬手皮連肉一口食又得，配大葉或生菜卷住豬手，同樣滋味。肉質Juicy軟嫩，加上芝麻粒更香口。🥢韓牛大葸卷韓牛一大盤，極級豪華。店員席前幫手燒，不用動手。大火香煎，韓牛牛脂好高，用返本身既牛脂去煎，真係好香。一客16件，一大片韓牛卷住大蔥，牛味香濃入口帶著大蔥既清爽口感，🥄韓國鮑魚釜飯飯香粒粒飽滿，配料十足，拌勻淺鍋入面菇菌、黑木耳、葱花同米飯，層次感豐富。主角既半殼鮑魚一人一隻，爽彈鮮味。想點枝酒配食物，店員介紹左8%酒精既柚子酒Goheung Yuja wine 🥂柚子味剛剛好又唔太甜身，配牛好match又解膩，好介紹 👍🏻

餐廳主打新派韓國菜，環境高級雅緻，落地大玻璃感覺闊落又開揚，與朋友傾偈聚會最適合不過😌入座後就送上幾款韓式前菜，味道都唔錯😌🇰🇷泡菜煎餅（$198）煎餅賣相呈橙色，又香又熱辣辣好吸引，味道辣辣地又有泡菜爽脆口感，若粉漿再薄少少會更好😌🇰🇷韓牛大蔥卷（$880）韓牛片肥瘦均勻且有光澤，卷住大蔥同食可減低膩感之餘，蔥香亦令味道會更豐富，另店員會幫忙代燒至要求生熟程度😌🇰🇷韓國鮑魚釜飯（$220）鮑魚烤至表層帶焦，切成薄片較易進食，口感煙韌帶嚼勁；按個人口味加入拌飯醬後，再與多款配料拌勻同食，口感豐富又惹味😌🇰🇷Pineapple Soda（$48）🇰🇷Lychee Soda（$48）菠蘿與荔枝梳打均加有薄荷葉及水果，味道清新又解渴，更令整杯梳打更豐富😌

今日嚟到尖沙咀圓方行街，行經見到呢一間Surasang 수라상，見到餐廳環境非常優雅，好有韓式居酒屋嘅感覺。-韓式生牛肉粉嫩嘅生牛肉上面有一顆橙紅色嘅蛋黃，賣相相當吸引，側邊仲有四款伴菜同炸海苔，真係好IGable，撈埋一齊之後放上海苔道一啖食落口，生牛肉相當嫩滑，脆口嘅海苔，令到成個口感更加有層次感，勁推薦。-烤風川鰻魚釜飯大大條鰻魚放喺面，見到就已經流晒口水，下面嘅飯仲有香濃嘅鍋巴，釜飯嘅撈伴醬汁亦都好有風味，都好咗之後嚟食認真惹味。-韓牛大蔥卷估唔到都幾大份，足足有12件大大塊嘅韓牛捲住大蔥，店員會親自喺我哋面前用個Gas爐幫我哋煎熟，睇住啲韓牛卷由PinkPink色慢慢煎熟，啲香味慢慢咁漂嚟，真係流晒口水。而味道口感方面亦都好出色，韓牛加大蔥令到成個口感更加豐富，食落口又充滿油脂感，飯嘅嘅時候仲可以沾少少麻油，真係色香味俱全。-

我地兩位，點咗一個前菜醬油帶子，其實就係醬油味嘅帶子囉，一般般；一個八爪魚拌面，都算可以，幾清新好食；一個烤牛肉，好過吉野家少少。但重點係服務真係好差，佢地10點先關門，9:30已經問都唔問就尼執枱，未食晒嘅野都照收碟，啲侍應趕收工趕到咁。

韓國嘢不嬲都係我既favourite 之一，早排同朋友去圓方行街🐾行下行下就俾我見到間好似好高檔嘅韓式居酒屋🇰🇷 第一眼☝🏻就俾餐廳🍴嘅高貴格調所吸引🤩餐廳走木系風格🪵以深灰同深木色作主調，加上木製嘅佈置，令到餐廳格調十足🫶🏻有種高貴大方嘅感覺🥰睇埋門口餐牌，好多野都好吸引，就拍板決定試下😜總括嚟講💬呢間韓式居酒屋無論喺服務、用料、裝修同氣氛都好高大上💯😊為左個碟香港比較少有、勁入味既辣雞腳豬皮，我應該好快會再梨過😂📍 Surasang 수라상 🇰🇷尖沙咀柯士甸道西1號ELEMENTS 圓方水區1樓 1028B號舖

同事聚餐，已經第二次來食呢間新開既高質新派韓國菜，味道香口濃郁，推介燉牛骨煲同海鮮煎餅。甜品芝士蛋糕都幾好食。整體嚟講樣樣都幾好食。餐廳既燈光偏暗，比較有格調，空間寬敞，坐得舒服，而且服務唔錯。

位於尖沙咀Elements的韓國菜🇰🇷，環境很好，價錢是中價，份量頗大試了三款食物：芝士泡菜煎餅，石頭飯，24個月泡菜包五花肉芝士🧀泡菜煎餅好好食，石頭飯唔算太特別，員工會係你面前問你加唔加辣醬，再幫你拌勺本身見到24個月泡菜包五花肉覺得好特別，想試下24個月既泡菜係咩味，但食落都係好一般，入面舊豬肉不太嫩，比較鞋口，成個菜式感覺有啲粗糙，前菜個碟泡菜仲好食個呢碟🫣🫣總括可以一試，但不會再試🫣

朋友介紹下去左圓方既一間韓國餐廳食晚飯，餐廳內部裝修以黑色、雲石同木紋為主加上昏暗既燈光，整體環境好有格調。•🔸醬油帶子 $98帶子本身已經用醬油醃製過唔洗再調味，幾有新意，不過略嫌有啲遮蓋左帶子原有既鮮甜味，有比較下相對鍾意原味嘅帶子。🔸辣雞腳豬皮 $88雞腳完全無骨食起黎超方便。食豬皮前見到佢好厚，都驚佢會好油膩好似扣肉咁，咁我就會唔想食，但原來同想像中唔同，完全唔會有油膩感，口感好有彈性完全feel到係食緊啲骨膠原，加上韓國嘅辣醬煮埋一齊好惹味，有驚喜！🔸辣八爪魚拌麵🐙$98呢個係我最中意既菜式，八爪魚好柔軟唔會韌，麵底過咗冷河咁好有彈性，吸收晒啲甜辣甜辣既醬汁，夾埋啲爽口嘅伴菜，非常之開胃👍🏻🔸紅辣醬五花肉🐷$118五花肉肥瘦分明，加左秘製辣醬一齊煮，再用鐵板熱辣辣咁上枱，非常惹味同香口，而且出奇地唔會覺得脂肪位置好淋好油膩，讚。🔸韓牛牛胸🐮$660好驚喜原來呢個菜係會有專人喺你面前煮🔥，將牛胸肉同其他蔬菜、醃菜等配料喺你面前一齊煮熟，再排列整齊，外貌已經非常吸引，加上直接聽到煎肉嘅”炸炸”聲，配合埋啲牛肉飄出黎嘅香味，不得了🤤未食已經流口水，當然韓牛嘅牛味真係好香好食。———