SuperNormal (淘大商場2期)

營業中

休息中

與友人逛完德福，來到淘大，來到淘大商場Supernormal.雖6點鐘，但都有食客，環境感覺幾舒適chill.望下餐牌，野食都算多選擇。我地叫左招牌德國鹹🐷手和牛油蜆鍋配蒜蓉包和燒茄子。柚子德國鹹🐷手欣賞細心體貼，香噴噴的🐷手上檯前已經切好，小白碟上伴有柚子醬。唔客氣來一口先，皮脆肉嫩，加上柚子醬更清香 ，不愧係招牌菜。燒茄子茄子🍆上鋪滿木耳，與傳統做法不同，唔油膩。牛油蜆鍋配蒜蓉包蜆份量足多肉，咬起來，淡淡牛油香，蜆肉飽滿。個人喜歡它配搭西藍花🥦，感覺好健康。整體而言，滿足的晚餐。

朋友打畀我，話好耐冇見，不如嚟個快閃飯聚。佢話不如就佢，去佢住嘅地方，九龍灣附近食飯。呢間餐廳之前都同佢食過，朋友話呢間餐廳都幾好食，所以就再去encode。呢度環境依然乾淨整齊，坐得舒服。今次由朋友發板，朋友話肚餓，先叫一個前菜，然後同叫兩個主菜。前菜係拿坡里肉腸，裏面肉腸都唔少， 肉腸入口彈牙，唔太鹹。旁邊仲有幾塊印度薄餅，配埋拿玻里醬一齊食，味道甜甜酸酸，開胃好食。其中一個主菜係煙三文魚蟹籽忌廉天使麵，煙三文魚份量都唔少，有大塊的，有碎碎的，蟹籽咬落卜卜脆，裏面帶點紅黃青椒嘅味道，食落爽口。意粉亦煮得爽口，仲有一啲菇，啲菇同意粉一樣，充滿忌廉汁嘅味道，呢個主菜清清淡淡，唔重口味，唔錯。另一個主菜係香煎蘆筍鵝肝牛肝菌意大利飯，鵝肝入口有油香，蘆筍爽口，牛肝菌同意大利飯都沾滿醬汁，意大利飯煮得軟硬適中，整體夠味道夠之餘又唔太鹹唔太傑身，我就比較鍾意呢個濃味嘅主菜喇。

6點鐘左右去到餐廳，未算好多人，就咁walk-in都仲有位可以坐，好好彩☺️雖然表面係一間西餐廳，但menu入面仲有串燒，望落超吸引，忍唔住叫咗幾串試下🥰-🌟串燒墨魚咀、茄子、牛舌特別要讚下牛舌，燒得啱啱好，好軟熟，其他串燒都不過不失，唔會好似出面有啲串燒舖咁，全部燒出嚟都好似一樣味lol-🌟鵝肝牛肝菌意大利飯、蒜片大蒜扁意粉兩個主菜都好好食，特別鍾意個意大利飯，鵝肝超香，又唔會太膩🤤🤤🤤蜆肉粒粒都好肥美👍🏻-最後埋單每人$200鬆啲，食到幾款唔同又好味嘅菜式，都算抵☺️推介大家去試下！

不只是normal咁簡單墨西哥粟米片 Mexican Nacho.墨西哥粟米片嘅精髓就係用粟米片種類同埋咩芝士，呢度用嘅粟米片， 感覺就好似doritos 個隻咁厚實，超脆口。粟米片嘅份量好多，上面鋪滿左一層超厚嘅車打芝士，可以連埋中間既牛肉，sour cream同埋牛油果醬黎食。柚子麥啤浸脆皮德國鹹豬手 Roasted German Pork Knuckle Pomelo Wheat Beer .店內推介柚子麥啤浸豬手，柚子味就唔係太突出，不過豬手都好食，皮脆而肉唔會好鹹 (配蜜糖芥末醬)，仲有啲酸菜伴碟，無叫啤酒配都好岩食。明太子原隻軟殼蟹漢堡 Mentaiko Soft Shell Crab Burger.個人覺得都幾抵食，但本身私心鍾意明太子，加埋仲有成隻軟殻蟹，仲有蝦，熱辣辣送上枱好好食，另外仲有成盤薯條，非常唔錯。.SuperNormal九龍灣牛頭角道77號淘大商場2期地下196-199號舖

收工後跟老友晚餐聚一下, 佢提議到呢間SUPER NORMAL食, 因氣氛很好, 令人有放鬆感覺,餐廳燈光較暗, 裝修是酒吧形式的, 播住輕鬆音樂, 真的不錯. 點了二人餐, 餐湯, 沙律, 前菜, 主菜, 餐飲齊全, 而且很豐富. #是日餐湯 湯夠熱很Creamy，配上香脆蒜蓉包, 很好吃😋。 #櫻花蝦蟹肉沙律櫻花蝦蟹肉鋪滿沙律菜上, 夾埋一併食新鮮爽甜, 配埋沙律醋，酸酸的很開胃, 份量多夠晒2人食。 #日本池魚仔炸到香脆我地連骨都食埋, 此小食送酒認真一流啊~ #燒剌身級油甘魚配飯團魚同個飯團都煎得略帶焦香, 魚肉身特別豐厚, 咬落唔會韌有肉汁, 點埋個特制醬汁食很MATCH. #帶子龍蝦汁意大利飯帶子很厚, 煎得外脆肉質鮮甜, 意大利米的米粒質地很有嚼口,  配上濃郁的龍蝦汁, 鋪滿了米飯上, 飯粒索晒濃汁的精華, 真係啖啖滋味~
食物食材新鮮而且份量十足, 真係一點都唔NORMAL啊~

我成日經過都見好多人等位，今日早啲食晚飯見不太多人，一於試吓！入內後，發現環境都幾舒服，好適合傾計！我同妹柯打德國咸豬手，酥炸鮮鱿魚加西班牙海鮮燴飯！酥炸鮮魷魚好大碟，即炸熱辣辣，魷魚好彈牙，但炸粉較厚，咸咸脆脆好適合送啤酒！柚子德國咸豬手足足一整隻脆皮大咸豬手，豬手用自家釀製柚子麥啤浸8個鐘，所以塊皮很鬆脆，配上甜甜秘製醬汁！西班牙海鮮燴飯用料十足，有青口、蜆丶蝦、魷魚，帶子，芝士味香濃，色香味俱全！正

一早相約朋友去食好野，互相補慶生日。放工後，試食九龍灣呢個類似Bar既餐廳，地方唔算大，未至於擠逼，也寬敞舒適，燈光較為暗一點，傾計都幾舒服😌點左個出名柚子麥啤浸脆皮德國鹹豬手（$188）、白酒忌廉煮法國🇫🇷藍青口配蒜容包，檸檬蜜桃青蘋果梳打和玫瑰荔枝梳打。兩杯野賣相唔算𥄫睛，算一般。蒜蓉包好好食，新鮮出爐，夠鬆脆和香濃；青口都算多，配個忌廉好夠creamy，整體來講，唔錯的。等得最耐是呢只主角，味道可以，個皮真係焗到好脆卜卜，略偏乾，肉比較上較乾，唔夠juicy，冇想像咁好好食，還有進步空間。

好耐無黎淘大商場食野啦😂😂多左好多餐廳，眼見食評唔錯，今晚一於係到解決癲拿😎😎🍟黑松露薯條 $68麥當勞身型既薯條，份量幾多😌幾乾身唔油，不過唔講真係唔知有黑松露係到😂😂縱使條薯條上面有一堆黑松露啦，佢既存在度都係～零🤭🐮法式紅酒燉牛膝 $228上枱時，職員會係你面前點火🤣🤣記得拎定手機影相📸淡淡既酒香帶有少少澀，我就麻麻地陣味😌😌而朋友們都幾喜歡。牛膝燉到非常非常稔，一野就切得開👍🏻啖啖肉好滿足😋好似要配碗白飯先岩數喎🤪🐷柚子麥啤酒浸脆皮德國鹹豬手 $188 擺盤好靚😍鹹豬手焗得勁香脆可口！！最鍾意食肉位連少少皮😍😍肉質稔唔會鞋唔乾😆😆👍🏻亦唔會過鹹！幾出色呢part😆個蜜糖芥末醬都要讚讚，甜甜地又辣辣地好唔錯好醒胃👍🏻

朋友屋企剛剛裝修完，今日去參觀下，為屋企裝修揾下靈感，跟住我哋就去樓下商場食晚飯，佢話呢間SuperNormal酒吧餐廳幾好食，經常爆場，同我去試下🤤餐廳英倫風格，餐牌選擇十分多，可以單點，或者係套餐都有，串燒、扒類、意粉、漢堡，應有盡有🤭我哋叫咗個二人套餐💰398頭盤我哋揀咗日本櫻花蝦蟹肉沙律🥗沙律菜新鮮，大大份，櫻花蝦同蟹肉都幾多，撈埋醋一齊食，正😋餐湯西蘭花忌廉湯，炸池魚仔炸池魚香口，乾身唔油，連骨都食埋😅主菜燒刺身級油甘魚配飯糰，俄羅斯烤雞焗飯燒油甘魚微燶，有兩大嚿，魚味鮮甜，肉質比較實，點少少甜豉油食，perfect🤩俄羅斯烤雞焗飯上枱熱辣辣，雞肉，什菇都幾多，配洋蔥汁即叫即焗，焗飯味道唔錯😋朋友真係好介紹，餐廳食物出準都幾高，唔怪得經常滿座，仲有好多其他款式想試，遲D要再來食😍

今日過九龍區做野，收工約老婆去九龍灣食埋晚飯，我們行到呢間supernormal，見餐牌都幾多款式選擇，餐廳環境都唔錯，就決定揀呢間。侍應安排我們坐高腳吧枱，餐廳播放著輕鬆嘅英文曲，坐低一陣，餐廳已幾乎滿座。我們揀咗一會，點咗煙三文魚天使麵，經典安格斯牛肉漢堡，酥炸魷魚同兩杯飲品。煙三文魚天使麵麵條軟硬適中，煙三文魚肥嫩，醬汁配蟹籽，creamy好食。經典安格斯牛肉漢堡，漢堡扒肉粉嫩，五成熟，牛肉味濃，配菜新鮮，個包好鬆軟，而配漢堡嘅薯條比較粗身，份量都唔少，香脆好食👍酥炸魷魚酥脆好食，咬落魷魚唔太乾，有嚼勁😋

朋友約食飯去左九龍灣這間叫suppernormal 西式餐廳，真係非常非一般 normal. 門面確實像一般西餐廳咁普通，但店內的食物超出一般水準。我地點左刺身級帶子牛油果沙律，這個香煎帶子真係不得了，超大隻，配上新鮮沙律牛油果，加埋特製醬汁，非常match.Main course 點香蒜茄蓉大蝦點意粉及香煎鵝肝露筍鵝肝菌意大利飯兩個主菜都色香味俱全，食材新鮮，份量十足。大蝦烤得好靚意粉source 很濃郁。意大利飯無得彈，鵝肝入囗即溶化，意大利飯十分足料，啖啖都食到露筍鵝肝菌😋😋飲品點左丁香肉桂檸蜜☕味道特別淡淡肉桂香配上蜜糖，飲後感覺很滋潤。👍👍

位於淘大食街，匯豐銀行隔離，有室內室外座位，味道78分，水準不錯，食材幾新鮮。.🔸黑醋鵝肝安格斯牛肉漢堡($148)漢堡重牛味，咬落都算juicy，包軟熟。鵝肝好香，不過大塊啲肥美啲會更加好。漢堡仲落咗少少黑醋，少許酸甜，中和油膩感。粗薯條即炸，外脆，中間熱辣辣，跟少少沙律菜。.🔸蒜片紅椒蟹肉扁意粉($120)除咗蒜香之外，落咗啲紅椒辣辣地，相當惹味。原條蟹腳幫你拆左殼，意粉都撈左一絲絲既蟹肉。意粉有口感，唔會煮得太淋，亦都好入味。.🔸燒羊架(2pcs) ($76)厚肉，大塊，熟度剛好，唔會韌，咬落有肉汁。配薄荷醬，淡淡薄荷清涼，少少甜味。

又受到朋友邀請去淘大食晚飯。好耐之前曾經食過呢間，印象都係十分之好，特別係扒類做得唔錯。menu同印象中差唔多，我上次食過二人餐，今次就選擇左散叫。美國頂級肉眼扒12oz我地叫5成熟，佢煮得剛剛好。扒有兩條細筋，但佢係可以切到，同埋食到，唔會痴牙個種。肉質既纖維都頗粗，但係又唔會鞋或者韌，肉味亦都幾濃。配菜有用心煮，唔係白烚既菜。我同朋友都覺得質素好好。經典安格斯牛肉漢堡又係我呢期成日食既漢堡，佢既漢堡扒相對細少少，但肉味超香濃，芝士既味道亦好突出。佢地用既薯條係粗薯條，唔會炸得太燶。Summer tree呢杯係一杯相對甜美又清新既cocktail，有熱情果，又有橙同青檸汁，有滿滿既水果香味。而且飲落去感覺上酒既濃度唔高，大家都應該好易接受～出到門口又見到佢個豬手既牌，成日都想試下佢地既豬手，但又次次都比扒吸引左，到底我幾時先試到豬手呢？🙊

今日路經淘大 見到唔洗等位就入去試試平時食飯時間要排隊呢嗌左2個set lunch 可選餐湯/薯條/凱撒沙律 再包1杯飲品是日磨菇奶油濃湯很濃郁 薯條剛剛炸起熱辣辣主菜點了蕃茄大蝦意粉同西冷扒個意粉有加入辣汁 更能帶出蕃茄汁的甜酸味牛扒叫了七成熟 唔會有血水啱啱好總括而言十分滿意環境有酒吧feel 侍應也很快手 cp值很高

好彩預先book咗位，因為超多人，睇得出好受歡迎👏🏻👏🏻！裝飾見天花板好多舊式飛機，引起我嘅「旅行癮」，相信都幾岩男仔心水，幾適合朋友相約食飯，不過座位編排有啲逼，希望貴餐廳可以快啲擴張，到時環境會舒服啲😌～食物方面簡直一流，三文魚天使麵超好食，汁又唔漏，三文魚同魚子又足料，唔會好似出面餐廳咁得好少，非常值得一試。朋友叫咗漢堡包都話好好食，薯條唔錯，可以再炸脆啲！酒方面叫咗啤酒好大好抵飲，另外咖啡味麥香手工啤好一般，無咖啡味。