Sup 1

期望過高！我很喜歡吃牛肉他他的，但凡有此菜色也必點無疑．來這裡也是因為朋友推薦這裡的生牛肉他他．賣相不錯，牛肉的份量也不少，足夠塗完厚厚的四片多士．調味比較濃郁，但吃這個菜也不是吃牛肉的味道，反而是吃刴肉的手法及調味的平衡，整體來說是不錯的．只是因為期望過高而有點失望罷了．…查看更多

受到邀請時, 不知道在甚麼地方, 上openrice 一查, 評價一般, 故抱著不高期望!當晚我們包場, 20多人有點迫, 但勝在大家親密d, 氣氛好d!先講食物:1) 西班牙火腿 - very good, 好香! 2) 魚生 - 其中以左口魚較為少食, good, 好肥美! 其他是一般品種, 三文魚, 牡丹蝦之類, 全部都好新鮮. 但沒甚麼特別! 3) 煎和牛 - excellent! 夠juicy! 可惜份量太少了!4) 生蠔 - 好重海水, 証明夠新鮮, 不夠唔夠肥, 可能品種問題?5) 龍蝦沙律 - 酸酸地, 好開胃!6) 燒雞 - 相比之前幾道菜, 有點失色, 不過d肉都好滑!7) 海鮮意粉 - 不過不失啦!8) 燒豬 - 同中式唔同, 塊皮比較鬆化, 比較瘦!9) 甜品 - 拿破崙, 內層夾水果, very good! apple crumble, 個底太硬, 唔鐘意! 因為係熟客兼包場, 所以唔包酒, 人均約500元, 應該係友情價! 而且服務都好好! 同openrice 上的評價有點出入!如果有15-20人, 包場開party, 是一個唔錯的選擇! …查看更多

那天一行四人齊到中環Sup 1 食dinner, 此家法式 fusion 餐廳, 好友之前一直推介, 大讚好味有特色, 所以一早訂位, 在訂位時, 更一早訂定喜歡菜式, 菜式有各國類型, ＋分吸引.蟹膏豐滿, 香氣十足, 蟹肉鮮甜, 更配巳特有醬汁, 拆蟹的餐具齊備.…查看更多

又到一年一度聖誕節交換禮物喇~ 今年揀左响呢間餐廳慶祝﹗我地一行6人，成個月前已經book定位喇，仲pre-order埋3款主菜是夜6個人總共吃了1客洋蔥湯3個前菜3個主菜3個甜品仲開了2支酒（一紅一白），都已經很夠飽了~呢個黑毛豬都幾好食，唔太咸鵝肝醬上面有層脆焦糖，做法像creme burlee，都幾特別~ 好味﹗我覺得呢個係最好食喎~ 酸酸地，幾juicy，好開胃有d煙肉薯仔伴住黎燒，隻雞都幾滑，ok啦估唔到都幾大隻幾多肉地，仲好香口添...同行友人話中式嘅乳豬好食d喎~ 我就覺得塊皮都真係幾油口個皮似似地走糖嘅冬甩，都幾得意，個朱古力雪糕好好味 ^^ok不過果層焦糖厚左d囉...食左咁多嘢仲開左2支酒每人都係$3xx，算抵囉呢餐~…查看更多

慶祝遲來的生日飯，3人點了洋蔥湯~熱騰騰的湯面放有一件美味的多士，而碗內則放滿洋蔥，在微涼的天氣下，喝一口香濃熱湯真是”窩心”；忌廉蠔湯~普通忌廉湯味道，湯只是微熱；炒芝士什菌伴多士~香濃的芝士配脆多士，當然是絶配啦；燒雞全隻~看似很大碟，但件數不是太多，雞肉沒什麼特別，但配料薯仔、洋蔥等因吸收了雞肉及煙肉的味道，反而比雞肉更誘人；鴨腿煲仔飯~每人分了差不多一碗飯的份量，粒粒飯焦混和咸咸的鴨腿絲，一個宇”讚”；Cream Brulee~超厚及脆的焦糖面，但內裡有點凍，像吃凍燉蛋，一般。 特別要提的是，到這裡吃晚飯必須要有耐性，尤其點燒雞及煲仔飯的話。 美味指數8 …查看更多

朋友推薦，所以訂枱一試，咁啱黎之前見openrice有２篇負面意見，不過朋友試過話ok，抱住姑且一試的心態睇下有冇驚喜．訂枱時店員主動問要唔要預留燒豬or燒雞，見食評好多人都試燒豬，雖然都有人話唔好食，不過都留咗一份燒豬．朋友拍板，叫咗白汁什菌同他他牛配多士，另外再點生蠔．生蠔先上，名唔係太記得，頭３隻都麻麻，最後個隻無記錯係Fine de Clarie，呢隻先有番ｄ鮮味食食下先記得叫酒，不過呢度無wine list，你講個價錢佢先介紹比你，感覺唔係咁好，於是求其叫咗支白酒同意其他comment話無乜肉味，比d sauce搶咗，d配菜沙律好油白汁味濃，多士香脆，配埋一齊幾好食燒豬比想像中好，皮脆而香，唔錯唔錯．賣單剛過一千，咁既價錢似乎應該有其他較好的選擇．…查看更多

第一次幫襯, 同朋友慶祝生日, 燈光陰陰沉沉 ,當時胃口大減, 而且座位較窄, 唯獨是侍應的服務能度OK,可惜食物又比較差一點, 忌廉磨菇配多士不夠香, 生牛肉配多士吃不出肉味, 白酒煮硯酒味過淡, 酒落得不夠, 羊架有點膻, 西式燒乳豬皮脆完全不脆, 咬落牙都軟了最慘的是洗手間太細, 只能容一人, 男女共用!總括來說太多要改善的空間!…查看更多

朋友快離港到外地進修, 特地為她辦farewell飯局, 想吃特別一點, 於是找到這間位於歌賦街的小店。見到openrice的食評大多都是讚, 心想應該質素不差, 於是預早一星期已訂好檯, 還預先order一份乳豬。這天晚上來到Sup 1, 店員為我們留下最近門口的檯, 我們見到梳化的座位還沒有人坐, 所以要求想轉坐sofa, 但店員說那些坐位的對正風口, 可能會冷一點, 最後我們還是坐回原位。心裡想著店員都幾細心, 會怕我們太冷, 這時我們還暗地讚店員服務好。在我們還沒有點好菜, 店員已經走來提我們預留了一份乳豬, 還說他們會先把這個乳豬先拿去焗... 我們當然不會反對, 當時我們太肚餓了。我們點了湯和一個頭盤...法式洋蔥湯... 很普通的說。洋蔥味不太夠, 有點像喝canned soup, 湯面的麵包, 預先烘過, 但不知為何, 浸在湯中, 吃起來太韌了... 焦糖鵝肝醬配法包... 做法像creme burlee, 有點驚喜~ 鵝肝醬不錯, 幾香, 但法包烘得太脆... 有點像吃無印的脆多士... 香蒜炒什菜... 話明是香蒜炒什菜, 但一點蒜味也沒有!! 差...我們吃完以上的, 等了半小時, 也沒有菜上。明明我們還有一份乳豬和意粉... 好吧... 我們等了又等, 見到店員為隔離兩檯食客送上乳豬, 但明明是我們比他們先到餐廳而且先落單, 為什麼我們還在等, 而遲來的反而有得先吃?! 我們找店員來問個究竟, 換來只是冷冷的一句: 你們叫的乳豬還焗。他拋下這句說話就走了。這是什麼服務??!?!! 在我們投訴後十分鐘, 這等了很久的乳豬終於來到。講真, 乳豬不是特別好食, 雖然乳豬皮非常的脆, 但肉就沒有味, 好明顯沒有怎樣醃過。等到40分鐘, 最後換來是失望。最後, 蒜香紫蘇大蜆扁意粉終於也來。大蜆很新鮮, 蜆肉好味! 意粉做不到al dente, 再次失望。紫蘇味加白酒, 味道不錯。本來我們還想吃甜品, 問店員有沒有甜品menu, 再一次是冷冷的說出了三款甜品, 沒有詳細的介紹, 然後就走了。面對這樣的服務, 我們連僅有吃甜品的胃口也沒有了, 還是無癮地埋單。由於得到這樣的服務, 而店家也有收加一服務費, 所以我們決定不再額外付TIPS。當找回零錢, 我們將所有零錢也拿走, 而我們還沒有離檯, 店員走過走, 把夾帳單的皮夾拿起, 在我們面前打開, 好明顯是想看我們有沒有留下TIPS....這樣也太不雅了吧!! 就算要看, 也都拿走後才看, 不用在客人面前看吧。總結, 這間餐廳我不會再光顧, 食物不吸引, 服務又差, 真的沒有再光顧的理由吧!…查看更多

已是多月前的事,但感受深刻實在不得不寫. 話說貓兔Noho食遊記的某周末到了此店. 未知是否因為生客又是walk-in,店主一開始已沒有好面色給我們看. 還好我們被安排坐樓上,由另一侍應招呼,不用炭精餸飯. 二人點了:- 法式海鮮湯: 為食貓愛bouillabaisse, 每次見到menu有都禁不住點, 可惜只有很少地方弄得好, 而此處的更是奇腥,選料質素可想而知. - 法式洋蔥湯: 似金寶湯.- 大蜆意粉: 意粉未能做al dente, 蜆有沙.- 紅酒牛尾意粉: 不夠稔. 連平常不愛浪費食物的兔兔此時亦決定放棄. 連試甜品的念頭也一併打消. 從menu見有sashimi開始,已不明白此餐廳何解自定為法國菜, 極其量算是西餐吧(不是把不同國家的菜式放在一個餐牌內便可稱之fushion, ok!). 到試過食物後, 更加百思不得其解為何不少食友盛讚此店. 是次晚餐,除了肚皮得不到滿足,腦袋還載滿十萬個為什麼… 點解點解點解??? 由餐廳音樂,裝修,招呼,食物選項至味道,全給貓兔港式feel. 若然是次食物差是因為選錯項,店主的態度都絕對令本貓不會再訪. …查看更多

第一次食法國fusion菜, 足足食左五粒鐘, 好耐好耐都未試過一餐飯裡面, 幾乎每一道菜都要慢慢dap清楚, dap真D。如果死前想做隻飽鬼, 食飽呢餐後, 絕對唔想死 XDD自己買左兩支法國Languedoc白酒, 年產20000支, 話會有蜜糖味 & 花香味, 我真係唔識飲, 不過支酒每食完一道菜再飲, 都有少少唔同味, 幾豐富。(要收開瓶費)魚生拼盆, 平凡中ge不平凡, 順時針由牡丹蝦開始, 劍魚, 三文魚, 鮫魚, 左口魚邊, 海膽墨魚, 紅衫....特別抽幾種講下牡丹蝦: 非常鮮甜, 質感唔同出面食果D, 可以用特大甜蝦去形容。蝦頭之後拎去炸, 估唔到個蝦頭可以成隻趙, 感覺好似食鮮蝦片咁, 蝦頭內ge羔又多, 頂! 有少少後悔冇影到相。左口魚邊: 我食第一件時, 乜醬都唔點, 油脂十足, 果種鮮魚味last好耐, 我到而家都唔知點形容好, 有少少罐頭吞拿魚, 但又唔係好似, 總之好得! 第二件我點柚子醋, 嘩~ 原來係再突出左口魚ge味道, 得得得得!紅衫魚: 第一次食, 心諗紅衫魚, 都唔科好食, 第一啖食落去, 意外地鮮甜, 好好好食。海膽墨魚: 似乎冇乜特別, 因為只要夠新鮮一定好食, 不過, 佢入面配左塊紫蘇葉, 呢個先精粹! 有少少薄荷味ge感覺。半打生蠔, 老闆親自介紹左每隻名稱, 不過, 好老實, 我唔會記得 XDDDD 生蠔雖然都好食, 不過佢俾其他菜式比下去, 因為其他菜式真係好食!!西班牙36個月黑毛豬火腿: 呢個初初上桌時, 心諗一定乾爭爭又咸又盛, 點知我又錯!!! 一片唔係好大, 但每片都再切一小片出黎咀嚼, 質感un un地, 估唔到油脂好適中, 火腿味重之餘, 但唔太感, 唔需要好似parma ham咁, 配蜜瓜食, 淨食已好得, 唔好睇佢得果幾塊仔, 我地兩個人食左差唔多廿幾分鐘, 因為真係慢慢dap!! 爽!!!!燒乳豬: 招牌菜之一, 用上越南豬仔, 皮下過多脂肪會整走, 脆皮非常, 係有漏果種感覺, 但呢種漏係令你唔想停口, 即係等於D白汁芝士, 好多人明知漏, 但都停唔到口, 話個脆皮好食, 我更欣賞佢下面D肉, 好鬼死香, 又淋又唔乾身, 肉汁好豐富, 有少少羊架果種羶味, 但又未到咁濃, 配埋D黑醋汁沙律同甜薯仔, 好食到冇朋友, 必食必食!!! (需預訂)牛肉他他多士: 生牛肉溝左香料及醬, 用黎搽上多士面食, 牛肉係好滑, 味道酸酸地, 有少少沙律醬及蕃茄味, 稍嫌冇左牛肉味道, 但幾得意~!法式鴨腿煲仔飯: 第一次食外國式ge煲仔飯, 用左法國臘鴨& Ham去做, D料好鬼十足, 每一啖都保證有飯有肉, 味道偏咸, 可能洋蔥再多少少會好D, 仲有種唔知係果皮定花椒八角ge味, 飯好乾身, 唔錯唔錯!雪糕蘋果酥: 當然唔少得甜品, 底部個蘋果酥好得好得, 有合桃味, 蘋果味, 酥底質感煙煙un un, 有咬口, 不太甜, 配埋個雪糕一齊食, 一個絕字!! 可惜呢個係是日甜品, 可遇不可求。…查看更多

有好朋友從英國回來, 今年平安夜特別跟他們慶祝, 很開心.唔知點解第一間就想起 Sup 1. 其實已經很久沒有光顧, 香港餐廳那麼多, 以我來說revisit 三次已經不簡單. 當然 sup 1 是我其中去的一間啦. 平安夜兩個星期前訂了位, 要付$200一位的訂金. 我們沒有選他們的 christmas set dinner (@$498). 我們寧願付每人$500 的最低消費, 選自己喜歡吃的. 他們也不停叫我們預定菜式, 我想是他們怕到時忙吧.他們那天分兩段時間, 我們選了晚上8:45. 當晚 full house, 我們想點一些沒有預定的食物, 例如 parma ham等 都沽清. 我們結果照原定食了乳豬, 很不錯, 脆而不肥又不咸. 需然等了三十分鐘但值得. 還有白酒煮蜆, 跟以前一樣好味, 但我總覺得比以前的份量少了很多. 龍蝦墨魚意大利粉, 有驚喜, 龍蝦很新鮮很入味, 汁醬夠濃又香. 小食點了雞泡魚肝, 不錯. 牛舌串燒, 很特別的味道, 一串簡單的牛舌竟然有外面找不到的味道, 出色! 雞翼當然合格啦.最後我們再加上生蠔, 他們提議我們選法國來的, 很新鮮, 有不咸的海水味, 也有不錯的蠔味. 其實比起外面一些 oyster bar 更好味, 不是巧合, 因在sup 1已不是第一次食蠔, 水準保持得很好.我們帶了自己的紅酒, 開瓶費$100很合理, 之後我們再開了一枝智利的紅酒, 是年份幾新的酒, 但味道還可以.最值得稱讚的是, 以前我覺得他們冷冰的服務, 那天晚上很是不同, 整天晚上沒有停止幫我們加添清水和換碟. 服務態度也比以前熱情. 很想多去 sup 1，唯獨他們的 menu 變化不大, 所以有點不容易做得到.…查看更多

今晚的聚會一早已給安排好了.我的角色就是吃!菜式有(1) 攪手提供的36 個月的西班牙黑毛豬火腿 甘香可口(2) 勁新鮮美味的四式刺身：　 墨魚包海膽（中央） 日本紅衫魚（上） 左口魚群邊刺身（下） 忘了是不是靖魚剌身（左）(3) 焦糖鵝肝配多士 焦糖甜脆 鵝肝香滑可口 但多士就麻麻 (4) 生牛肉TarTar配多士 生牛肉TarTar 鮮美 可是個人口味覺得太酸了一點 這個多士不錯呵(5) 白汁忌廉菇菇配多士 白汁忌廉菇菇勁好味，但勁fattening 多士一般 但同行友人同意：這個白汁忌廉菇菇，若跟意粉會是絕配～(6) 薯件伴燒雞 薯件好好吃，充滿了燒雞的惹味. 可是燒雞呢, 在這裡來吃有點怪怪的感覺．．． 可能是因為它的賣相吧？！　　(7) 特色炒飯？？？ 還是那個感覺，有點怪怪的．．． 不知這個飯,　　是不是跟其他食評中提到的："法式鴨腿煲仔飯" 的非煲仔版本？　　可能賣相太過中式吧，　　總覺得在中餐廳裡吃，　　感覺會好一點．(8) 桂花皮蛋 專人代購：永樂街傳奇呀婆糖心皮蛋(9) 法式燉蛋 很不錯，中等甜，好吃．…查看更多

繼上次的 Amigo 貴價法國菜後, 今次到中上環區的親民價法國餐廳品嚐美食. 由餐湯, 前菜, 推介加拿大凍蟹, 招牌主菜, 以至特色甜品...... 該試的都不放過, 繼續堅守為食兵團精神 餐牌上的湯大致分2個價錢, 我們把所有平民價的都點了, 法式洋葱湯/周打蠔湯/周打蜆湯. 洋葱湯味道較鮮味特別, 所以加碼 order 多1客. 蠔湯內有鮮蠔1隻, 蜆湯內有連殼的蜆數隻, 蠔肉蜆肉皆新鮮, 而然周打沒有我想像中的海鮮味, 只是普通的忌廉湯味道. 說到洋葱湯, 最令我念念不忘的還是元朗 Savour Cafe 的最好, 他們的湯鮮濃香甜, 真是無法代替.飲完湯吃前菜, 分別是 Beef Tartar 和雜菌多士. 生牛肉真係好少食, 因為怕佢血淋淋, 又怕有生肉的腥味, Sup 1 的 Beef Tartar 就很不錯, 完全冇我最怕嘅血腥, 而且 sauce 的調味好食到令我食完想再食, 再配埋脆脆多士就無敵~!! 另外, 外表平凡嘅雜菌多士真係睇佢唔出, 最好味係佢煮嘅 cream, 好滑, cream 香十分特出, 同時不會很漏很滯, 又係食完想再食.輪到食凍蟹 ($4XX/隻), 來自加拿大, 有 1KG 重, 蟹蓋滿載蟹膏, 啖啖肉, 拆開奉上, 省卻最繁複的拆蟹步驟, 我最欣賞餐廳自己調製的醋汁 (右上角的水滴形器皿), 令蟹吃起來更鮮甜, 豐富味覺不少.第一招牌主菜法式燒乳豬出場, 需預訂, 是我期待已久的菜式, 製作時間要 45分鐘. 中式乳豬吃得多, 法式是首次嚐試, 是另一種風味, 豬皮不是中式豬的化皮, 脂肪不多, 皮薄, 烤得香脆, 肉很嫩, 沒有過咸的醃製, 可以吃到豬肉原味, 連伴碟的沙律一起吃, 很清新.第二招牌主菜燒雞, 亦是 openrice 食家勁推的菜式之一, 用香料調製, 烤出來雞皮特別香, 雞肉保留肉汁, 所以連帶墊底的蒜子/薯仔/蘑菇/洋葱都充滿雞汁, 滋味惹味~另一招牌主菜法式鴨腿煲仔飯, 亦是我期待的菜式, 店員幫我們分開一份份上, 少了原煲上菜的那份驚喜. 吃起來有飯焦, 有 Parma Ham 及已拆肉的鴨腿, 分量不多, 有机會真係要再試真佢嘅味道.好喇好喇, 話明生日點少得蛋糕, 訂枱時已問過店員拿破崙係最好食, 食落口就知道真係掂 (個人認為仲好味過 Amigo 的拿破崙), 每一層酥皮都鬆化到不得了, 感覺輕盈不油膩, 酥皮之間有鮮什果和蛋黃醬, 什果令甜品食落更 fresh, 蛋黃醬是餐廳自家調製, 甜而不漏, 味道很清甜很吸引. 一個小小的拿破崙幾個人分真係唔夠喉, 想再添食又唔得, 因為只供預訂, 我們唯有向其他甜品著手........ 先食什果仁朱古力撻, 賣相係靚, 味道就不及, 因為什果仁內的核桃有點油"益"味, 撻底很硬身, 不知道是否此甜品特色之一, 還好硬身得來都脆, 朱古力都香.Cream Brulee很受歡迎, order 完1客再1客, 皆因面層的焦糖做得好靚, 好似一片薄冰咁, 勁脆. 如果 Cream Brulee 內有雲呢拿籽增加香味層次, 我會俾足100分佢.最後呢款甜品梳乎厘 Pancake, 一聽到梳乎厘就好開心咁 order 左2客, 嚟到先知同平時食開嘅梳乎厘唔一樣, Pancake 裡面係暖笠笠嘅梳乎厘泡泡, 跟挺身焗爐出來的梳乎厘是2種形態及口感, 剛出爐的那一種當然更啱我口味~今次晚飯試左好多不同款式嘅湯, 前菜, 主菜及甜品, 個個都吃得飽飽. 餐廳整體食物特色是不會過油/過膩/過甜/過漏, 呢個價錢, 我地大家都好滿意, 有机會想食多次. 還有想讚下餐廳嘅咭片, 有一系列顏色選擇, 好 sharp 好搶眼 …查看更多

相當大雨的一天, 想了又想, 還是一同出來吃個午餐, 由地鐵站上到來這裡已經濕得好緊要. 不過這麼大雨這裡還是全滿, 沒有訂位相信就不能入坐了, 人氣是高企的一家店.剛到轉餐牌的交接期, 午餐餐牌上有好幾樣食物都沒有供應, 三揀二之下, 就一羊一牛吧.洋蔥湯: 9分, 想不到是相當精彩的洋蔥湯, 一大達洋葱芝士, 好濃郁,. 但味道又不會太濃, 剛剛好. 有點後悔另一個餐跟了沙律.沙律: 8分, 菜夠新鮮, 加上黑醋, 其實也是夏日的好選擇, 不過就真的被洋蔥湯比下去.燒羊骳肉配薯條 $88: 7分, 本來是還有跟比得包, 但已經售罄, 唯有加大薯條. 羊用上了羊骳肉, 是幾嫩滑, 但就沒有了羊的騷味, 不知還以為在吃豬肉. 薯條就變成主角, 即炸, 熱辣辣, 好香口.扒澳洲和牛配薯角 $148: 8分, 火候剛好, 切開帶肉汁, 牛的肉質不俗, 吃落口有燒烤的香味. 薯角比薯條厚身, 炸得香脆, 是這裡不能錯過的項目.餐後要了伯爵茶, 用壺上, 能夠慢慢的去享受這週六下午.環境是幾舒適, 服務也幾好, 食物整體有水準, 令人滿意的一道午餐.…查看更多

左上~D生蠔係好新鮮,最正係舊檸角旁隻美國唔知乜野蠔(個老闆話架...),類似kumamoto!中上~幾ok的一味,但自己都識整...勁多牛油,cream & cheese炒mushroom......右上~japanese dish...燒牛脷...定係燒沙膠(擦膠都不如)...一舊都咬唔爛!勁咸!cancel左!左中~等到發呆...身後嗰個就係老闆!中中~認住佢叫拾壹!右中~環境ok但略吵...左下~厚切低級parma ham...D邊位一陣臭豬膏味...中下~平平無奇的foie gras...薄切非上等貨色...入面夠生(special request)但出奇地外層好老...表皮完全唔脆但又食得出有上粉...好明顯溶雪溶得唔好...調味不配亦稍咸...食後口中留有餘"穌"...右下~等左個幾鐘先上枱既燒乳豬,我地一人食左啖就"lur"都"lur"唔切!D皮唔夠脆,勁豬油味!D肉調味不足,仲要肉質勁"梅"!唔知雪左幾多年!同個老闆講,佢答我"冇呢個可能性,我地用既係"新鮮""雪藏"乳豬!"...是日埋單兩個人食過千,碟遲到豬百零蚊唔肯cancel我絕對豪得起,但個冇logic的老闆D待客態度就真係頂住朕條氣!…查看更多