Sour Dough

營業中

休息中

一試愛上有齊我鐘意嘅元素本身都成日去Passion食沙律 一查之下先知係同集團唔怪得咁有水準門口呢個琳瑯滿目嘅玻璃櫃所有靚靚酥餅同包包一目了然賣相咁靚點捨得唔叫包類菜式太高質了極推番茄牛油果包面頭啲芝麻味好重一咬落去好正成個口都係香味包亦好脆充滿牛油果另一款包係烤雞芝士包醬汁甜辣兼備個包有少少pizza feel口感一流焙茶latte好香滑少甜更加飲得出茶同奶嘅原味好味到想叫多杯攞走最後想講講環境一片綠油油好啱打卡好好彩可以坐到窗口位欣賞到街景之餘一啲都唔嘈雜反而好愜意relax搞到我放假就想去嘆一嘆添

麵包控必到！位於灣仔的Sour Dough主打各式酸種麵包，而Pastries的款式亦多樣化，沙律更有不同選擇，款款都想試！🍛印式烤雞配乳酪及酸辣醬 Tikka Chicken ($60)烤雞用酸乳酪和酸辣醬醃製，味道頗辣，十分惹味！三文治亦烘得外脆內軟，整體有驚喜！🥧椰菜花芝士酸種千層盒 Sour Dough Panier Cauliflower & Cheese ($33)外層十分酥脆，餡料豐富；椰菜花偏乾身，混入暖暖的芝士溶，口感層次分明，配搭完美！

放假幾日食個brunch ~ 一睇餐廳個名，顧名思義係食酸種麵包！餐廳內有好多不同款式三文治麵包都用酸種麵包製成，亦有多種沙律甜食選擇！🔸Pastrami Sauerkraut 熏牛肉，酸菜配上芝士。麵包香脆，餡料豐富澎湃，加上酸菜比較開胃，但因為冇任何添加醬汁，整體比較乾身。🔸Green Salad 青豆、西蘭花、青瓜、青椒，清爽爽脆！喜歡新嘗試的朋友可以選擇呢個配搭👍🏻🔸Feuilletine Tart Vanilla 雲呢拿千層撻，微甜帶有淡淡雲呢拿清香，配上酥皮酥脆香甜總括🔹店內選擇豐富，適合休閒brunch 或者下午茶☕️所有食物新鮮製作，店員有善，值得一試！

今日同閨蜜二人去朝聖灣仔既人氣酸種🍞Cafe👭🏻入到去望到好多唔同款既麵包 鮮果酥 蛋糕已經食慾大增好快我地搵左位坐低就岀去點餐林林總總既🍞🥖🥪 花多眼亂 果然係麵包迷天堂古巴三文治份量好大 有芝士火腿仲有手撕雞 包入面有啲醬 配搭非常豐富♥️芝士司康呢個scones咬落去好重芝士香味 就咁食都唔會太乾原味可麗露口感外脆內軟 同朋友share岩岩好開心果花瓣不得不說佢花瓣系列真係好吸睛 開心果同朱古力味都好突岀 中間會有啲車厘子醬中和返 酸酸地 唔錯👍🏻下次黎會想試店內其他麵包🫶🏻

掃街日第一站- Sour Dough 我特別喜歡吃canele ,但通常都是在fine dinning 後廚師送上homemade canele .而這家灣仔人氣cafe 是很多朋友都推介，他們有各式各樣的pastries. 我買了他們三款口味的Canele ：伯爵茶可麗露- 我會比7/10外脆內軟甜度適中有濃厚伯爵茶味。焙茶可麗露- 我會比6/10有點兒苦澀味不回推介。原味可麗路-我會比9/10非常好味，同樣外脆內軟，但本人覺得有點兒太大，如果能夠做細三份一，口感會更好。同行友人也買了四款不同的自家製pastries，我下次也要嘗試。整體氣氛- casual fun 適合人群- 同事，三五知己，一人價錢- 中上

食完午飯，便在PP行吓，之後便想飲咖啡坐吓，便去這店。近來，如在灣仔，這店也是個好選擇。唯一不太好的便是座位比較迫夾。這店另外的好處，當然食物的選擇多，又美味的pastry 鹹點和甜點都有，也有不同的酸種三文治（三文魚,雞塊，ham 等等），當然再加咖啡或茶。今次我們點了一件apple turnover, 大件，也只不過是$38, 再加一杯Americano, 一杯espresso, 一共只是$103, 我覺得很平。當然最緊要是好食。Apple turnover 一層層的酥皮，做得非常好，有口感而又不是太甜，也可以食到一粒粒的蘋果。除了咖啡外，每一杯都加送一塊朱古力，這點值得讚。很少這一類的咖啡店，竟然上咖啡時還送你一塊朱古力。當然這塊朱古力的價錢，是已計在咖啡成本內，但比這價錢，香港好少咖啡店會這樣會做。

raspberry petal 紅桑子花瓣$58 ✨：6.5/10個人覺得質地係介乎芝士蛋糕同朱古力之間😂甜度就係白朱古力左右所以對我嚟講太甜底有餅底 似芝士蛋糕咁紅桑子味有嘅 不過唔濃 始終太甜Feuilletine Tart Blueberry 藍莓千層撻$32 ✨：7/10撻皮都酥脆嘅 內餡偏甜不過算正常好食但冇乜特別Dark beer sourdough bread (half) 黑啤酒酸種麵包 (半個)$21 ✨：8.5/10好食😍店員會幫手翻熱 外脆(薄脆!)內軟(棉花咁)Early grey cannelé 伯爵茶可麗露$22 ✨：9/10高質! 都係外脆內軟🤤但係表皮唔會好明顯嘅膿味 內餡有啲煙韌加埋香香地嘅伯爵茶自己一個食曬都唔會好漏😚

Sourdough一聽就知道專賣sourdough，仲有各類型甜鹹酥皮、曲奇等等。座位有分室內、半室外，室內好迫，坐得唔舒服，半室外嘅位比較有空間感，會舒服啲。*Mille feuille tart Salmon $40三文魚千層鹹撻，千層外皮酥脆，冇牛油嘅油膩感。配搭餡料嘅蛋漿+三文魚塊，口感豐富而且好夾，但三文魚徵腥。Apple turnover $34千層酥皮，真係有千層又好酥脆！餡料係蘋果蓉，切開仲會熱辣辣，份量少而且偏甜，少到淨係食到酥皮🙈Pastrami sauerkraut $69麵包烘脆，比較乾硬，餡料有熏牛肉、酸菜等，牛肉有啲韌，偏乾，整體感覺清爽，酸得開胃。Café Mocha $40牛奶味>>>朱古力味>>>>>咖啡味，100分唔推薦。*Chocolate Viennos $49一杯espresso加滿滿嘅忌廉，超濃奶香能夠平衡espresso嘅苦澀，同時間都幾油膩。

Cafe 以半開放式設計，當日雖然落雨，但望住外面人來人往，坐係入面反而有一種寫意嘅感覺，仲有機會享受倒雨後陽光添😌杏仁酸種牛角包🥐 ($28)面頭鋪滿杏仁、開心果等果仁，咬落散發淡淡牛油香，中間更加左一層custard，食落更有滿足感😈

“Mille Feuille Vanilla Tart with Bitter Orange”($25)“Matcha Canele”($23)“Pistachio Petal”($58)“Matcha Latte”($43)之前喺金鐘返工見到呢間Sour Dough新開嗰陣日日大排長龍有次早走發現冇咩人就決定試試原來除咗糕點,仲有沙律,主食提供不過我一個人只叫咗3款糕點同飲品😆只可以話味道其實非常一般🤗件Pistachio Petal更係令人大開眼界係超級超級甜又超級超級硬😵‍💫連我平時珍奶飲開全糖少冰都唔係好頂得順簡直食到懷疑人生杯matcha latte味道偏淡呢間真係食過一次就夠想食pastry都係行多幾步去bakehouse好過😛

同事派散水餅都成日黎呢間麵包專門店買😍，因為選擇極多，價錢又唔貴，$20~$40左右一件，豐儉由人🤣。呢次影低左同事買左咩餅🤤，呢到只係佔店內款式既一半🤣。基本上每款都無伏，撻又好精緻，scone都超大隻！不過最推薦都係佢既朱古力曲奇🤤，建議大家焗返熱先食！入面既朱古力粒溶左口感一流🥺，$20有找好抵食✨。💬無記錯散水餅可以預訂，同埋有得request跟埋紙袋，方便派俾同事👍🏻。推薦俾灣仔區返工既朋友，派散水餅升職餅真係無得輸🖖🏻。唯一挑剔位係堂食位置實在比較逼，個人覺得都係買返公司食好啲🤣。

路經門面不錯既coffee shop,入去試左Apple Turnover, Chocolate Crossiate & Mocha,咖啡就一般，Pastries yummy,但又係自助斟水拎餐具，其實都吾平，why not cant provide service lol!?

一直都知道灣仔有一間食酸種麵包好出名，每一次都大排長龍，今次嚟到竟然唔使排隊，所以就去試吓嗌咗個好出名嘅朱古力牛角麵包同埋一個雲呢拿千層酥前面嘅人都嗌咗牛角麵包，所以我都覺得好好食所以嗌咗，佢係好酥脆，切落去嘅時候嘅酥皮跌晒出嚟，食落去都幾香嘅，但係就冇乜朱古力味，唔係好有牛角包嘅感覺，冇乜特別反而個雲呢拿千層酥就好吸引到我，食落去甜甜地，脆脆地，呢個反而我覺得幾好食，但係佢個焦糖就去到，後尾有啲硬有啲黏牙有啲刮嘴

又是經過這店非常多次, 今次入去食午餐. 先點了一個蘑菇批,再加一份酸種三文魚三文治,再試一個日本南瓜千層酥. 飲品便叫了一杯double expresso 和一杯Americano.這樣食每人要$115左右.這裏食物如批類, 千層酥（甜或鹹）,三文治類, 餅類選擇非常多. 質素也很好. 話平又不是平,話貴又不是太貴. 我覺得好食.唯一要彈的,便是座位太逼夾, 坐得不太舒服,人貼人！

今日原本準備擺爛，約了朋友逛街， 早上起來想先去吃早餐，再等朋友出來， 誰知突然開了個電話會議，一開就是兩個鐘， 結果早餐變了午餐。不過算吧，當減肥了。今日選的是Sour Dough, 主打酸種麵包及烘焙店，想坐門口靠路旁的位置，但太冷了， 只好搬回室內。太餓了，我就要了份燻牛肉配酸菜三文治，加杯 Flat White。點好單就可以坐著等送餐。我最愛他們的酸種麵包了，皮焗熱了很脆，麵包帶點煙韌，煙燻牛肉質地唔錯舖上半熔的一片芝士，酸菜是點晴之作，加了整份三文治就不膩了。咖啡是不過不失，奶味偏重。