Sick Burger (MOSTown新港城中心(5期))

營業中

休息中

第一次光顧雖然等得有點耐，但証明多人幫襯都係好事我們要了2人餐 198元選了單層牛堡，鱼堡隨餐有炸雞翼，炸薯條，蕃茄芝士(Tomato Mozzarella)兩罐飲料牛堡和鱼堡制作用心，包是脆的，好多醬料，好食炸雞翼好食， 外脆內嫩，有辣粉在面好開心有mozzarella 食,so miss it

曾經經過好多次，但因座位太少，從未入過去食。今日剛好要買外賣，就買返屋企食。計埋車程+腳程，差唔多隔左三十分鐘先返到屋企開餐。一打開個外賣袋，仲暖嘅，香噴噴😋Sick Burger (單層牛肉漢堡）：牛肉有牛肉味、有少少肉汁，唔係乾柴，好感動。有洋蔥、酸瓜，正常嘢，加埋醬汁配搭開胃，ok.薯條：用真薯仔切條新鮮炸成，裝滿一盒，唔孤寒。水準係合格之上，略嫌有啲鹹，只有鹽味有點單調，如果調味可以再豐富啲就好啦。茄汁：用亨氏蕃茄醬，反映老闆係有要求嘅人。仲有4包咁多，落足本。青檸梳打：有驚喜，一罐330ml梳打水，另外一個小盒子裝住一角青檸，盒面寫明Lime💚，有誠意，係加分位。整體黎講，$84食到呢個水準，無投訴啦。（唔知係咪呢排減價？印象中剛開業時好似貴啲）Anyway, 期待下次再試下其他包😋😋

最初開店嘅時候，我買咗黑啤整嘅洋蔥圈，一個雙層牛肉漢堡加埋一樽康普茶，食過之後就好想食第二次，但每次經開都要等候，我今日4:00去到，當然比較少人(佢話而家可以打電話訂定，到時候就即攞走)咁就好好多。今次我買咗豬肉漢堡，加一片(新鮮菠蘿)10蚊雞，值得一提，佢哋老闆樣樣都親力親為，無論係個包或者係醬汁，都係自己做，唔係外面買返黎，所以我覺得72一個豬肉漢堡，都值得食完再食。

我很喜歡這裡的Onion Rings, 就像黑麥啤酒加麵包再加洋蔥層層疊的感覺。頭一啖是Crunchy的，然後是Mochi 的，then 是新鮮的洋蔥鮮味。 Superb 🌈跟住便是Sweet potato fries 了， crispy 的外層內軟，我選了點Mayo sauce，鹹甜融合了Chemistry 的。 很愛。亦很satisfying。 可能是加了黑啤的deepfried platter 。但這令成個旅程豐富多彩。 多謝🙏🏻。Sick Burger 🌝

Have been bookmarked this burger shop for a while, I finally had time to try it tonight 🥳woohoo! Ordered a beef burger combo set 🍔+🍟+🥤($90). The burger tasted much better than it looked. When taking a bite of it, many juices came out and that moment was soooo beautiful ✨😻. It will be perfect to have double patties, double cheese & double onion next time❤️🤣, since the potion is way too small for big stomach persons like me. Apart from that, the 🍟sweet potato fries and 🐥salsa chicken wings were cru

星期日中午12點幫襯下此新漢堡包店小伙子經營， 有禮貌。未夠12點開門， 見有客在門外等， 會主動請客人入內座等， 雖然未開始營業 。店內及門口已掛滿聖誕裝飾， 有節日氣氛🎄🎁12：05分可以落單， 點了炸雞漢堡$62。🍔《7分》剛開門， 未ready 食物， 所以要等15分鐘。炸雞排有醃咖哩味， 有肉汁， 炸粉厚(應該調較下個炸槳， 唔好太厚）包沒有茄汁， 芥辣， 沙律醬， 辣醬等， 如調配個特色醬加d落個包到， 會更出色。因為覺得個包dry 及乾d,.欠少許醬汁+洋蔥圈🧅(跟包+25）。《8分》4片， 炸粉粉槳ok熱及脆+mirror 啤酒 🍺。＜跟包+30＞ 《5分》手工啤酒？見個罐招紙幾靚便見來飲一拉開罐， 氣泡不斷升， 飲左1／9 才停。味道麻麻， 又唔啤酒。 炸雞翼 🍗$34 ＜6分＞4隻， 又係粉槳出事， 太厚槳同炸得太黑及乾身d.雞翼有咖哩醃味， 肉有汁， 只是粉槳又厚又乾。改善粉槳， 薄d啦。可口可樂 $8【【個人意見】】 總評7.5分 如果假日多單多客， 店舖應該早些準備食物， 否則要客等太耐，會miss 左單。【 見到有幾個客要等25-30分鐘都唔等】°店舖員工

沙田友有福啦‼️ 馬鞍山一向係美食沙漠🏜️ 最近xxg發現咗一片綠洲🤣🍔🍟▪️8.5/10▫️<< 雙層牛肉漢堡 配 洋蔥圈topping >> $90+$5 手工漢堡扒好厚身 double令包身超高🤣 牛味濃烈 肉汁豐富 配合熱溶芝士🧀 同鮮炸洋蔥圈 真係塞爆晒個口 勁滿足👍🏻 包身獨特配方釀咗洋蔥碎🧅 口感煙韌 重空氣感 令成個包昇華咗😋▪️8.5/10▫️<< 雞肉漢堡 >> $62 超脆嫩滑炸雞腿肉大大塊 激讚用印度馬沙拉醃料 食落勁惹味‼️😱 配合紫蘇葉🌿同大量酸沙律 食落酸甜帶微辣 味道夾得來之餘層次感十足💥▪️8.5/10▫️<< 洋蔥圈套餐（連飲品） >> +$25 啤酒脆漿厚身 食落超酥脆 有明顯黑啤麥香🍺🤩 洋蔥炸得乾身 外脆內軟 私心覺得比大部分酒吧好食👅 大推🤤💯▪️8.5/10▫️<< 炸番薯條套餐（連飲品）>> +$28 外皮焦香微脆🍟 咬落啖啖番薯肉 冇粉咁制 呈橙紅色 勁香甜‼️ 基本上食緊真甜薯一樣 極上癮😈🌿餐廳地方不大 座位只有4個 配合打卡ab

星期四晚上我先在「新蒲崗」食完「牛腩飯」晚餐之後，立刻步行橫過「彩虹道」，前往港鐵「鑽石山站」在「新蒲崗」旁邊的出口，轉乘港鐵「屯馬綫」，直接北上前往「馬鞍山站」。我之所以選擇在「新蒲崗」享用「牛腩飯」晚餐之後，乘坐港鐵「屯馬綫」前往「馬鞍山」，皆因我在「西貢」乘坐小巴前往「新蒲崗」期間，親眼目睹有車在「飛鵝山道」跟「清水灣道」交界發生交通意外。我預期我在「新蒲崗」享用完「牛腩飯」晚餐之後，根本沒有可能能夠在「采頤花園」小巴站裡面，直接乘坐專綫小巴返回「西貢」，令我沒有前往「馬鞍山」尋找享用「雞肉」晚餐食店，然後才返回「西貢」。我在「馬鞍山」本來計劃好，會考慮光顧位於商場「新港城中心」商場地下的漢堡包食店「Sick Burger」，但是我卻被「Sick Burger」在「開飯喇」提供的「地址」資料所誤導。因為「Sick Burger」在「開飯喇」提供的食店地址資料，是在「馬鞍山」「新港城中心商場」，面向「鞍祿街」的地下舖位裡面，但是我來到「新港城中心」面向「鞍祿街」後，卻發現「鞍祿街」完全沒有地舖舖位。於是被迫「還原基本步」，暫時返回「新港城中心」商場一樓位置，詢問「新港城中心」商場裡

知道馬鞍山呢個美食沙漠開左間新嘅burger小店今日餓餓底就即刻去試試先～門口有個霓虹燈招牌🌈🌈真係好有feel 件tshirt設計好靚 差啲想問有冇得買😂😂😂入到去店員好熱情咁打招呼 仲同我介紹左個餐牌 order完之後仲會同我傾下計 呢啲真係小店先做到嘅特色🥰坐左大約十分鐘之後就有得攞了-----------------------Food review: 🍔Sick!Burger ($62) +Bacon ($5) +Mushroom ($5)🥰聽店員講佢地個bun係自己食譜整嘅 好有心思 食落好軟 細心啲食仲有啲洋蔥碎添 🍖就算帶返屋企先食 啲肉都好juicy 煎得啱啱好 🥓加咗Bacon同Mushroom真係好正 啲煙肉煎得好脆身 啲蘑菇味又好出 好夾❤️overall個口感好豐富 有唔同嘅醬 最鍾意佢地個plum jam 估唔到burger都可以加布冧醬 意外地好夾😆 絕對會回頭再試其他包!!!!!! (想試下個Sick!Pork🐽 聽店員介紹 入面除左個patty之外 仲有慢煮24hr嘅手撕豬肉🥺🥺🥺🐟Fish&Sweet Potato Chips ($4

漢堡小店位於新港城第五期地下，烈日當空下行到去已經汗流浹背了。小店空間有限，已經有另外兩位客人等待外賣，我匆匆下單後，店員也非常貼心地說：因為訂單比較多，需要等待約15至20分鐘，所以店員為我留下電話，我可以稍後再來取外賣。漢堡價格算是比較進取，一個單層牛肉漢堡要 $62，而且漢堡較小，男士未必會夠飽。漢堡內配料十分夾、十分好味！值得再試！加 $23 跟餐有兩隻雞翼和罐裝可樂，坦白說只有兩隻雞翼有點貴。目測好像很乾，但味道出奇地好味，肉質亦不會很乾，配合附上的辣醬非常好味！另外店舖新張期間 like FB & IG 就送一份洋蔥圈（原價 $32 或跟餐加 +$25）。第一口咬下去時會感覺沒有很脆，但很夠味，忍不住一口又一口的繼續吃！

二訪burger 店，上次試完Double Burger之後，有d念念不忘，所以今次再同朋友嚟試佢個fish burger, fish burger都係好似 double burger 咁厚，個塊魚都好後生，而且出面嘅脆醬好薄，再配上沙律菜，簡直係Perfect match，有好fresh 嘅感覺😊另外，朋友叫咗個Double burger，照舊一樣，唔可以一口擺落個口度😝，因為真係好厚，同埋朋友個口好細🤣🤣🤣，佢要一層層咁食😆最後洋蔥圈，同埋雞翼都係依舊咁好味👍🏻，由於洋蔥圈平時喺屋企都好難整，所以小編極力推介💪🏻😻

今日行開馬鞍山，咁啱見到個店舖設計幾有型嘅小店，原來係食美式漢堡，因為只係下午茶，即係叫咗個包試吓。估佢唔到，平時喺中上環食開，今次呢個漢堡包都有港島區嘅質素，但係價錢60幾蚊算係性價比好高。個包係特別好食，可能佢唔係直接喺嘉頓麵包嗰度買，照咁睇應該係每日咁出嚟，而最精粹嘅係塊安格斯牛肉，肉汁超香，有啲爆汁，真係唔錯。佢個汁都有啲特別，酸酸甜甜，帶出肉嘅鮮味。返兜機會指數都好高，下次應該試吓雙重漢堡，到而家都仲記住佢塊安格斯漢堡扒。

一路食一路滴緊汁既burger好耐冇試到咁高質！除左個招牌sick burger佢地個雞都好正外脆內juicy夠雞扒仲要好大舊好抵食不得不提係佢地個包…同出面好唔同好彈好有空氣感好奇心驅使問左啲廚佢哋話homemade…that’s why!好難得會夠膽推薦比人 對於一個唔係burger專家但相信自己冇老點人仲有佢個炸洋蔥圈首先我唔食🧅我都覺得好好食同埋佢炸得好香脆 隔一陣食都唔淋身 當然趁熱食就最好佢炸得啡啡地 問過係話用黑啤值得一試

上網見到網上開咗間新嘅burger，所以入咗去試吓，店舖唔係好多個位，不過入到去都好多人，同埋都好多外賣單，可能係因為星期六日關係😄今次小編就叫咗雙層牛肉漢堡，叫完之後真係有啲後悔，因為嗰兩塊漢堡真係好厚，一口都食唔得晒😅，真係唔係講笑😂😂，真心厚過”S”字頭嗰間，所以下次都係叫返單層，然後再加配料😂，漢堡除咗厚身之外，仲好Juice，而且當日小編喺店裏面食，即叫即做，好新鮮！😋另外，而家like佢哋社交平台，仲送洋蔥圈添，所以就試埋洋蔥圈，洋蔥圈好脆身，而且食到有陣黑啤味，好好味😈下次小編都有興趣佢嘅豬肉漢堡同魚柳漢堡😜，不過唔知仲有冇位啦😖

最近馬鞍山⛰新開咗間Burger店🍔，也米當然要試吓啦！餐廳唔大，雖然有堂食位置，但係得好少🤏🏻，而且都係bar枱，應該係以外賣為主。也米😍星期六晏就去買，買完之後要等25分鐘先有得拎🤭，亦可以留低電話比店家，整完再通知。漢堡作出主打，真心唔錯😚，不過小食就一般🤭。-🍴雙層牛肉漢堡🐮🐮🍔($62+$28) - 牛肉漢堡好多配料，例如生菜🥬、青瓜🥒、蕃茄🍅等等，係餐牌上面會列咗出嚟，方便比客人睇吓有咩係入面。今次試咗雙層牛肉漢堡，雙層充滿肉汁嘅肉扒，超級滿足🤩！不過冇諗過兩層有啲多，下次都係叫返單層😂，加埋配料，個口差啲就唔可以一口由頂層食到最低層。-🍴炸雞翼套餐🐓(+$23) - 套餐會包括漢堡、炸雞翼同飲品。雞翼有2️⃣隻，但睇落好似有少少過火🔥，食落偏鹹，好再外脆內軟，入面都仲會有啲肉汁。-🍴炸洋蔥圈🧅(細)(贈送) - 係新開張期間，只要Follow曬店家嘅兩個social media，就會贈送一客細洋蔥圈。有4️⃣舊，附有少少沙律醬，洋蔥食落好香脆，不過如果個炸衣無咁硬身，反而脆多啲會好啲。-🍴青檸梳打🥤(跟餐) - 見字理解，就係梳打水加青檸。