Sick Burger (MOSTown新港城中心(5期))

營業中

休息中

今日早收工，於是又去漢堡包小店試食。之前食過佢最基本嘅牛肉漢堡，亦試過佢今期嘅signature蟹肉漢堡，味道都相當不俗。今日試食佢嘅雞肉漢堡，原來雞肉漢堡嘅餡料，係咖哩味嘅脆雞，入口有咖哩嘅辣味，而雞肉則外脆內嫩，味道果真有驚喜！除咗食漢堡包之外，今日亦試咗佢嘅黑啤炸洋蔥圈，同埋鹹蛋黃薯條。洋蔥圈表面嘅顏色稍深，食落除咗脆口之外，無甚特別，反而佢嘅鹹蛋黃薯條有驚喜，外貌看似平平無奇，跟一般薯條無甚分別，但食落有好濃郁嘅鹹蛋黃味。我好奇問老闆點樣可以整到咁有鹹蛋黃味，佢話佢哋嘅做法跟其他店鋪唔同，佢哋會先顏碎啲鹹蛋黃，然後再加牛油去調製，所以先至有咁濃嘅鹹蛋黃味。

評分係比個services，唔關食物事本來聽人講唔差諗住叫個外賣試下🙃去到見無乜人應該好快，但因為即叫即整都要啲時間，所以坐喺cashier 前面等然後愈來愈多人，就廢事吹佢。結果一等就等半個鐘，直到我見到幾個外賣遲黎先上岸走左我先問下，原來佢地係整完放係到唔叫號碼，同埋就算我坐係佢前面、佢又知個餐係我的都好，都係唔知叫你🙃由得你9坐係到直到你問佢，原來係要係咁吹先得的，唔可以見佢忙唔問佢。咁的服務真係無下次

睇過好多網上食評都讚好，今日滿懷希望去試，點左漢堡、薯條同沙律。漢堡：包算軟熟但係塊肉唔係咁有肉味，芝士有加熱整溶但係唔算香薯條：薯條係即炸但係薯味唔係咁濃沙律：普通Caesar Salad無乜特別整體感覺：所有食物係即叫即整夠新鮮，但係明顯食材用料一般，如果同Five Guys比係有啲距離，portion亦算細，估計都係成本考慮，當支持本地小店可以，但真心講性價比唔高。

早前睇完X紙介紹馬鞍山美食, 趁放假練車就即刻去試試🚗💨店面不大, 只有一張長枱可供4個人坐低食, 以🥡外賣為主🍔漢堡選擇✔️牛豬雞魚, 另可加$轉套餐(小食🍟＋飲品🥤)🔸Sick! Burger 牛肉漢堡🍔 $68 7/10安格斯牛肉堡｜生菜｜番茄🍅｜車打芝士🧀｜洋蔥🧅｜酸瓜｜沙律醬➕另外也可根據個人喜好再加extra配料~牛肉juicy, 煎得唔乾有肉汁~😋包都幾鬆軟, 仲用🧈牛油煎香過🤩整體配搭👌🏻口感豐富😽當日單量都多, 要等約30分鐘如果踩單車🚴‍♀️過開嚟馬鞍山, sick burger 都係一個唔錯的充饑選擇

在自己Sick之前再來Sick Burger, 意頭一般, 但能夠品嚐到其招牌炸蟹餅漢堡, 真的夠高興. 蟹餅外表酥香, 就算有大量蔬菜, 水果和醬料, 也沒影響其脆度. 內裡蟹肉份量十足, 不會以其他餡料濫竽充數, 價錢不便宜, 但吃完會覺得物有所值. 洋蔥圈件頭夠大, 同樣外脆內爽, 原件厚洋蔥吃起來微辛, 如果炸皮可以再薄一點, 就更完美.雖然炸蟹餅和炸洋蔥圈相當熱氣, 但漢堡包內裏充足的菠菜和西柚中和其肥膩, Brioche吸收當中的水份和醬汁, 底部相當濕潤, 但不至於糊化, 依然保持牛油酥香, 表面依然乾爽而光滑, 沒因菠果而破壞整個包的結構. Top-Up了海膽作為漢堡包的配菜, 當然夠Luxurious, 海膽沒有臭味, 咸鮮味ok, 只是質感比較稀, 有點像附加了的醬料, 可能在漢堡包的配料上, 特別是蔬果上的份量作調整, 更能突出這Signature Burger.The deep fried crab cake burger at Sick Burger is nice. With the excellent quality of crab cake that i

馬鞍山美食沙漠的地位, 應該要被油塘取代, 至少特式小店比起油塘多得多, 例如今次介紹的Sick Burger, 無論是用的麵包, 漢堡扒和醬料也相當不錯. 這裏最出名的是炸蟹餅漢堡, 連新鮮海膽也可以用來做配料, 這種Luxurious的程度可以媲美Burger Room及Electric Ave. 主理人Chef Lai之前在澳門的Robuchon, 倫敦的Tom Aikens及芝加哥的Alinea等米芝連星級食肆工作過, 吸收了大量Fine Dining的經驗, 除了令其CV更豐富外, 事實上也令他的漢堡包更美味.以我吃的雙層牛肉漢堡為例, 麵包是加了洋蔥碎的brioche, 以brioche為漢堡包的麵包並非第一次品嚐, 但這裏的牛油香配合洋蔥香, 和漢堡扒的肉香有化學作用. 麵包外酥內軟熟, 吃起來不會成口粉, 是我喜歡的質感. 漢堡扒是安格斯牛肉, 肉香肉汁豐富之餘, 加上脂粒和軟骨粒令其更香, 口感層次更豐富. 醬汁更起了令整個漢堡包畫龍點睛的作用, 包圍着漢堡扒的柚子醬中和其肥膩之除, 其果酸和甘香令漢堡扒更吸引, 再在外面的布冧果醬不但沒有破壞整體的味道, 更令味蕾在

如果想食burger, 一定會揀呢間小店外賣馬鞍山小店勁有人情味😍收工撘巴士打電話去叫定,一落車就攞得完全講個信字🥰 叫咗一個牛肉漢堡 另外加錢加配煙肉,蘑菇,芝士😋 另一個雞扒漢堡兩個都係套餐有小食同埋飲品 !!小食叫咗炸雞翼同埋炸番薯條💕呢兩個小食都係我至愛! 每次都必叫 特別想講一講雞扒漢堡個炸雞扒好出色!多汁肉質嫩滑,食得出佢用咗咖哩粉去炸,所以有少少咖哩香😍 另外炸雞翼都係佢哋自家醃製嘅所以好好味😋😋真係十分推介！！！

行過突然發現馬鞍山有新開burger店，行過都已經聞到好香，講真馬鞍山又好似真係冇淨係食burger嘅店，咁就試吓新嘅burger小店啦。真係小店因為入面只得一張長枱4張凳可以坐低食，店面都好細。漢堡主要就牛豬雞魚，可以加套餐有小食同飲品，仲有炸魚薯條同其他小食。入面冇人，我哋揀坐低食。都好快，5分鐘左右就有得食。第一次試，叫咗牛肉漢堡，入面已經有芝士酸瓜，再可以根據個人喜好再加配料。牛肉都幾香，啲汁有啲酸，個包都ok軟熟加咗炸薯條套餐炸薯條好食，好脆又好薯飲品，揀青檸梳打都唔洗錢店員塞左舊青檸落罐梳打度

朋友仔呢排間唔中會去馬鞍山返工，當晚就約好係馬鞍山食飯。呢排keep住落大雨，呢間burger店鋪面細細，只有一張窄長嘅bar檯，最多夠坐三個人。以做外賣為主，我地食嘢期間外賣order完全係停過，人氣十分旺。我地叫咗兩個set，每份都係一個漢堡+一份小食+飲品。單層sick burger(牛肉）牛肉漢堡煎到超級香，麵包胚鬆軟，搭配pickle、cheese同埋少少沙律菜，簡單又滋味。炸魚漢堡雖然炸魚本體同平時食到嘅漢堡差唔多，但個sauce就有驚喜！類似青木瓜沙律嘅醬汁，中和炸魚嘅熱氣油膩，食到真係想叫佢多醬阿洋蔥圈及蕃薯條洋蔥圈份量唔多，味道正常反而蕃薯條望落去平平無奇，但炸得有少少焦香，反而愈食愈香口！Staff都好有禮貌好nice,如果有機會都想再黎食過

終於終於有時間食這個一直都好想食既burger牛肉有肉味，唔似某某美國連鎖店既又乾又無肉味，本來唔食芝士既我，唔記得叫走芝士，但啲芝士都好好食，有佢馬鞍山之福呀，下次會試吓佢其他野

馬鞍山真係冇咩食，好彩搵到呢間小鋪，舖頭好細主打食burger，不過一個都唔平$68，加套餐就要過$100，不過一場嚟到就試吓啦！🍔牛肉漢堡 $68 (8.5/10)個包比較細個，用咗蜜糖芥茉醬，好多菜，酸黃瓜，煎得好香，肉餅鬆散，有牛味，煎得唔乾有肉汁，自家製麵包甜甜地有咬口，煙靭，底層有個肉醬，口感好豐富，都幾好食嘅，不過食完就唔會好飽肚，只係啱啱好，男仔應該唔係好夠食。🧅洋蔥圈套餐 +$30 (7/10)洋蔥圈有四舊，炸得香脆，金黃色，唔會太乾身，配左蛋黃醬都幾香口。🥗凱撒沙律套餐 +$28 (7/10)欣賞佢哋有沙律揀，食burger都冇咁Heavy！沙律用咗凱撒醬，上面有芝士同埋麵包粒，牛油生菜都爽口嘅，醬汁都好夠，酸酸地都幾好食，不過份量就比較少，食兩啖就冇🤣🥤青檸梳打 跟餐 (5/10)好搞笑俾咗一小粒青檸，自己放落個梳打度，不過個青檸太少啦冇乜味🤣🤣同普通梳打冇分別，冇乜味，不過跟餐就算啦。推薦指數: 8/10覺得佢哋嘅burger真係幾好食，有心去做嘅，但份量偏小價錢都有少少貴，不過間唔中食下OK的👌🏻見到超級多人買外賣拎走，坐低食都冇見到佢哋停過，一直有人買外賣，堂

This beats Shake Shack and Five Guys hands down. The only “complaint” I have is I want a loyalty program because I order every single week and I want a VIP status lolThe chicken, beef, and fish are AMAZING; I personally don’t care about the pork, but that’s just meAlso the staff answering the phone are always nice, that I love

發現馬鞍山開了漢堡店，決定要來試試。叫了牛肉漢堡🍔洋蔥圈套餐🧅飲品要青檸梳打（無糖）。牛肉漢堡還不錯麵包幾香，醬汁也好味，但牛肉不算是特別Juicy那種。洋蔥圈幾有水準，試得一試！外層炸得香脆，配蛋黃醬一流。青檸梳打原來是罐裝梳打水，罐上面放到一小片青檸，用上新鮮青檸和無糖梳打水當然很好，但那片青檸有點太小了，擠完青檸汁也喝不出有青檸味。

馬鞍山終於有burger食🥲事關其實我覺得有小小貴所以都忍咗一排諗緊試唔試但每次經過都好香加上Openrice而家有優惠就買咗kuku雙層牛肉芝士漢堡+薯條雖然睇落去好似好膩 但match埋一齊竟然唔會好膩 可能因為有啲蔬菜加上其實唔多醬牛肉漢堡都幾厚唔會好多肥膏 而且唔會好乾 加埋都幾好食不過surprise位竟然係薯條！佢係有片嗰隻薯條！勁好食！！一定要嗌！呀妹話有誠意唔係cheap cheap薯條sls 包都係有加牛油烘過的Overall細節位同誠意都好足！如果有折會再買過的🤣師奶sor

位於馬鞍山站附近的手工漢堡店，我哋叫左4人套餐，牛肉漢堡，肉質豐富、有牛肉香味，豬柳漢堡，加咗菠蘿，口感豐富、層次突出，沙律酸甜爽口開胃 ，好好味，還有炸雞翼炸得非常脆口、味道嘢味，仲有洋葱圈，成份套餐份量十足，值得再食的餐廳！