ShowTime Sports Bar

營業中

休息中

慶祝父親節唔一定要去傳統酒樓食飯； 喺eatigo搵到有全單半價， 就約埋去ShowTime Sports Bar食晚飯。 主力講下野食先；🥢燒雞泡魚乾 - 普通， 似食緊「梅」咗嘅牛肉乾一樣， 份量小。🥢煙三文魚沙律 - 好食， 蔬菜算係新鮮，煙三文魚亦都好味。🥢避風塘魷魚鬚 - 好味， 香口， 小辣， 用嚟送酒一流！🥢龍蝦汁意粉 - 龍蝦汁略嫌多咗少少黑椒嘅味道，意粉overcook. 🥢燒物 - 叫咗雞翼、雞皮、春蛋、羊架 ； 比起其他主食， 呢度嘅串燒係相對高水準， 全部都好食！整體感覺ok, 但諾士佛台仲有其他好多嘅選擇，下次會試吓其他。

今日同男朋友放工諗住去諾士佛台搵間酒吧放鬆，見到評論呢間好似不錯就入咗去。因為九點前有happy hour，我嗌左杯ping pong，個樣好靚好啱打卡，飲落甜甜地，男朋友就嗌左杯mai tai, 都不錯。我哋嗌左一個波士頓龍蝦配龍蝦汁意粉，隻龍蝦幾大隻，問侍應生拎咗個鉗鉗開，好多肉食，都有蝦膏。 另外我哋仲嗌咗燒春雞，好大隻，皮幾脆啲肉都好嫩，不過味道有少少淡。途中我哋出咗去玩飛鏢，問咗老闆桌球都係可以免費玩，不過要同餐廳講聲幫我地排隊。我哋玩完飛鏢之後發現啲食物同埋酒俾侍應收咗，但其實我哋只係食咗一半，同老闆反映左之後佢幫我哋處理得好好，補返俾我地，好人到我有啲唔好意思。😭之後餐廳倒咗幾shot showtime俾每台客人試飲，係荔枝味好好飲，最後老闆仲請我地飲多咗幾shot，太好人了，下次一定帶埋朋友嚟再試！

3月6號晚 星期六1)門口有個女staff 問我有無book我話有 環境有啲嘈 佢自己聽唔到我講野就有少少燥底 燈大對眼 咁問多我一次 我當時都無事 正常語氣答番佢 我book 左11:00 outside 但門口個女staff同我講「你book果陣已經無晒outside」咁我地坐其他位都無問題 OK2)量體溫我地幾個量完一次體溫後 個staff無同我講 原來我體溫過高好啦佢再同我量多一次 都依然一句說話都無講我地完全唔知發生咩事 係度等入座然後女staff講左句「得既入先 唔得既等多陣」咁我地就準備入去啦 然後有個黑人話「you have to wait」 我先恍然大悟 我唔明白 量完體溫 得或者唔得 係咪都要講句？你唔講野 我地全部人都以為入得3)門口可以企既位置唔多 比較多人有幾個人企左係度等 加埋我地差唔多十人我地已企無可企 轉身都怕整到人我好似阻住左個女staff 佢竟然「唧」我我真係無言 咁多間酒吧 你呢間唔係有寶既飲都未開始飲 就要接受呢啲差劣態度？然後我地去咗第二間感覺非常良好好彩我無洗過一蚊係呢度

目的：與朋友慶祝記念日場地：環境裝修不錯，可惜坐位十分擠迫,人與人之間沒有一點距離，多點選一些酒水食物只能盡快完事，曾經要求多獲一張小枱...當然回答～沒有，當時場內只有兩枱客人，如果不是太親密的朋友建議分枱坐，也許空間會比較舒適。（8位顧客只獲得三張小枱）服務：職員只有一位真正在上班，也許客人全是鬼魂，呼天不應 叫地不聞，只能直接走到吧檯下單，奇妙的回答發生在吧檯員口中"你返去張枱度嗌人幫你，你咁樣唔知邊張枱（有枱號已說明，場地有多大？有枱號也會錯嗎？）朋友重復遭遇。每位服務員的回答令人無言與無奈。食物：難道是頂級的食材來做串燒嗎？兩串的價錢能在同店內點選一個大蝦意粉，（傻傻沒有看價錢，亂點一通後悔莫及，結帳時才發現，怪自己沒有看價錢吧～哈）龍蝦意粉味道尚可，但是大蝦意粉難道廚師忘記了落鹽？但多款意粉味道不錯👍避風塘魷魚鬚非常之美味，可惜只見炸蒜，魷魚可是每個吸管切開，全碟數量大約十小口，只能多點兩回，在坐各位朋友才可以淺嘗。酒水：調配酒及無酒精飲品，冰塊過份多，數量真驚喜，不足幾口只能等侍冰塊溶解，味道不過不失。如真的要大口大口喝，推薦hoegaarden大大杯。調配酒的裝飾10分

今日同同事放工冇嘢做，又唔想成日一放工就返屋企，所以就去Happy hour 傾吓計先。我通常Happy hour都會揀啲有好嘢食嘅酒吧，呢間係諾士佛台嘅酒吧環境非常好而且都好大，放埋桌球枱同Beer Pong枱都感覺非常寬敞。至於食物方面，我就點左日本串燒同西餐。日本串燒$118餐大蔥豬腩肉，大蔥鴨腩，大蔥雞肉，炸豆腐，青椒，雞翼同牛舌。串燒燒得唔錯，脆邊而唔會燒得太乾，最適合攞嚟配啤酒，$118有咁多樣嘢食簡直超值。避風塘午餐肉未食過避風塘風嘅午餐肉，食落辣辣地另外啲蒜粒脆脆地，感覺新鮮得來都幾開胃。卡幫尼意粉食咗咁多乾嘅嘢食都應該叫啲濕嘅食物，呢個意粉味道調得好好，能夠做到糊身得來唔會太咸，加埋隻蛋非常好食。飲品方面都係叫咗一般嘅啤酒同梳打。總括嚟講，Happy hour 嚟呢度食嘢確實係幾抵。

放工想chill下飲下酒都會想起諾士佛台，今次我就來到一家樓上bar，這裡地方好闊落，環境雖暗但有氣氛。這裡除了有NowTV可以看足球直播⚽️，還有美式桌球🎱、飛標🎯、一些酒吧小遊戲等。⭐️特式烤春雞全隻配薯條 $178⭐️避風塘炸餐肉粒 $78⭐️Cosmopolitan $58⭐️Boddingtons $50⭐️Hoegaarden Rosee $45餐肉粒又香又惹味，皮脆外軟，滿滿的炸蒜，是配酒的首選。全隻烤春雞吃上去很滿足，肉質不錯，再點上醬汁，又是一個啤酒佳伴。叫了杯cocktail小嚐一下，另外兩杯啤酒，飲飽食醉，人生樂趣。

日日都話有幾多人染病，又話要隔離，又話唔俾返工，又話要在家工作，個人都會發霉㗎嘛，所以今日就約埋啲同事一齊去咗玩，喺公司附近有個地方上網見到評價唔錯，就上咗去同啲同事一齊happyHour，可能因為嗰個都唔出街嘅關係，我哋有鋪頭開門玩到走，基本上全程都係包場，但係你見到一個咁靚嘅地方，又有得掟飛鏢，啲嘢都幾好食，點都要嚟支持下，如果唔係到時做唔住就少咗一個地方玩我哋叫咗啲小食，有一部份係串燒，佢嘅串燒種類唔算太多，但係套餐來講都算幾抵，我哋四個人嚟，佢有三個set就每人叫一個，材料都幾新鮮，調味方面做得唔錯，除咗全消之外我哋仲叫咗炸魚薯條同埋水牛城雞翼，基本上我去食西餐嘅地方如果有水牛城雞翼我都會叫一份，因為我好鍾意食嗰隻酸酸辣辣嘅味道，而佢呢度個調味又真係做得唔錯，不過講到尾嚟呢度食嘅係個環境同埋個氣氛，雖然其他嘢都係次要，但係真係有啲酒吧可以做到好難食，而呢度啱啱好可以做一個平衡，當你食着咁好食嘅嘢同啲三五知己一齊落嚟訂下飛鏢，真係乜嘢病都會好返，講起呢樣野，一入場嗰陣時雖然係得我哋四個人，但係呢度都好嚴格咁樣要幫我地談一談熱，見我哋冇發燒先俾我哋坐低玩，所以我諗呢個都可以經常過嚟

An educational and enjoyable evening of fine food and whisky.The whisky selection from Macallan, Glenrothes and Highland Park was well balanced and complemented each dish.Principal wine educator, Stephen, a European speaking fluent Cantonese, shed light on each glass, its ingredients, preparation and history; including the branding some of which dated back to pre-1800's! (Glenrothes) The introduction to whisky sampling techniques was eye opening, differing slightly from other liquors.Dinner star

今晚同班fd 去咗諾士佛臺飲野，呢到不嬲都多酒吧，個fd今次帶咗我地黎 Sports Bar 話呢間夠多野玩😆真心冇介紹錯，呢度有飛鏢、波枱、beer pong，仲有得睇波🎱⚽️🍺玩到餓又可以叫下野食😋 串燒套餐勁抵，叫串燒送飲品🍺🍸🍹🥤加$20就可以揀Stella ，正呀!!!!!串燒都唔錯，大蔥雞肉同雞翼都燒得唔錯，好Juicy♥️呢份避風塘午餐肉真係飲酒必叫，要 encore🛎我地未食晚飯就已經黎篤波，所以仲叫咗意粉同Burger 食😬卡邦尼意粉既濃濃芝士味令人又愛又恨，黎飲野就唔好理卡路里啦🐽 呢個青口都好鮮甜，加埋個薯條以為自己去咗英國酒吧🌃呢份burger用咗竹炭麵包，令成個Burger都有淡淡的竹炭味，幾特別👍🏻食食下又可以再去玩😆 真係超級岩一大班人黎玩

星期三又係時間去relax一下😆, 聽同事講e幢大廈有幾間唔錯嘅酒吧, 今次就去試下e間ShowTime Sports Bar😉! 酒吧環境幾闊落, 除左飲酒🍻食下野之外仲有得睇波📺⚽️, 擲標🎯, 篤波🎱, Beer Pong等等……Jade Green🍹底酒係Rum酒嚟, 帶有微微嘅蜜瓜味🍈同少少嘅檸檬🍋酸味, 口感清新幾特別!Elder Wine🍸淡淡嘅接骨木花味混合埋白酒, 味道帶甜微酸, 配搭得唔錯!😊香脆炸蝦配芒果甜酸醬🦐炸蝦色澤金黃, 非常脆口, 蝦肉口感幾爽唔霉, 芒果甜酸醬入面仲有洋蔥粒不但刺激味蕾, 而且令人覺得非常開胃!😋德國咸豬手配薯蓉及雜酸菜咸豬手份量幾足, 外層十分鬆脆, 肉質粉嫩, 油脂甘香, 食落去口感軟熟, 肥而不膩, 薯蓉充滿住牛油香, 雜菜酸酸地平衡番咸豬手嘅味道, 非常不錯!總結: 酒吧嘅食物質素唔錯, 環境幾大而且夠哂多元化, 適合情侶👫🏻, 兄弟幫👬, 姊妹淘👭🏻, 大班人👨‍👩‍👧‍👦👨‍👩‍👦‍👦都可以👍🏻

嚟得諾士佛台基本上都預咗係要玩同埋飲酒，今次朋友介紹左呢一間sports bar俾我哋一邊睇波一邊玩遊戲一邊飲酒食嘢Menu嘅食物選擇都幾多，而且價錢喺呢度來講唔算貴有得篤波有得掟飛鏢有得beer pong包你唔會悶!間鋪仲有露台位要飲住野食煙都冇難度竹炭漢堡包配薯條同埋沙律都幾好味,個包食得出有竹炭嘅香味 而塊扒都尚算juicy 都住得唔錯㗎 Queenie卡邦尼意粉都煮得唔錯夠creamy忌廉汁酸菜青口出乎意料咁煮得幾好味，因為通常青口都會整得臭酸菜同個汁都做得好好！避風塘午餐肉送酒一流，炸得香脆一啖一粒超正佢個串燒套餐真係好抵，一個set會送一杯嘢飲，而且仲燒得好好食，尤其係雞翼同埋雞肉同埋雞皮燒得啱啱好唔會過老好難想像叫串燒竟然會送啤酒

Tsim Sha Tsui is quite a central and convenient spot with restaurants and bars, especially in Knutsford Terrace area. And this time, we were at ShowTime for some drinks and snacks.We ordered a bottle of Shiraz - Heritage Road ($380) and it was quite smooth and easy to drink! We also ordered a number of Japanese snacks and skewers. My favourites were Chicken Sternum ($58) and Chicken Thighs with Leeks ($68). The games here were also rather reasonably priced and the staff were friendly. We will be

再次來到諾士佛臺這裡 與朋友享受Happy Hour來到這條酒吧街選擇真的很多 樓上酒吧感覺不同去了一家在樓上的酒吧 環境裝修挻美打卡不錯😍這家酒吧有挻特別的打卡位 令人感覺置身異地像摩洛哥的梳化 還有小樹林在旁 仿佛去戶外用餐由天色開始轉變時拍照片的話會拍到不同效果照片另一邊是露天酒吧的位置 也可以拍到很有個性風格📸·墨西哥玉米片脆脆 HKD$78我們也喜歡食這款小食 味道脆卜卜又惹味伴酒不錯還有兩款醬汁配著 其中一款是牛油果醬豐富口感🤤🤤·白汁海鮮意大利飯 HKD$98 這個味道挻好 份量一般 裡面有青口/魷魚/大蝦等等飯質不會太硬 意想不到酒吧也有不錯的主食呢·什麼都沒有(Nothing) HKD$58 Vodka, Melon Liqueur, Malibu, Pineapple Juice味道帶甜味所以容易入口 然後再飲到小小酒精味道賣相是用小雪球型狀挻可愛的 顏色挻像忌廉🥂·莫吉托(Mojito) HKD$68Light Rum,Sugar,Fresh Lime,Mint Leaves,Soda Water這杯賣相像薄荷飲品 飲下去的感覺不像Cocktail呢~說是薄荷梳打

位於尖沙咀酒吧集中地，諾士佛台的這間樓上酒吧，環境十分之大，有情調，還有特色裝修。一邊是望大廈的吧台，另一邊是望叢林的居域，地方寬敞，滿有民族風的設計，還設有電視看球賽。兩邊都好適合打卡，望樹林個邊坐得好舒服。而且酒吧中間有很多娛樂玩意，有飛標、桌球、ping pong，去這裡喝東西一定不會悶。食物份量不多，但質素挺好。尤其推海鮮意大利飯，挺鮮香美味。雞尾酒精緻，不錯喝，點左一杯mojito同nothing, 兩杯都靚，好岩女休飲。想和朋友輕鬆一下。是性價比不錯的地方

同朋友吹水去酒吧就最好，同朋友去咗諾士佛台，之前朋友介紹過一間樓上酒吧唔錯，食物都不錯，就同朋友上去試吓！環境都幾好，有得睇波、射飛鏢，幾啱一班朋友落嚟！呢度仲有個好處，就算唔太飲酒都唔怕，仲有好多食物，我哋推介串燒，款式多達20多款，有雞翼、雞肉棒、燒丸子、大蔥豬腩肉、煙肉車里茄卷、日本蠔肉等等！仲有個主食餐牌，有小食、意粉、扒等等！我哋點咗一set海鮮串燒組合，有白鱔、虎蝦、日本蠔肉和銀鱈魚！另外仲有2杯酒！有白酒配海鮮不錯！白酒都幾有果香！白鱔幾肥美，油脂豐盛！我地都點咗煎美國肉眼扒配紅酒燒汁，五成熟，牛味濃郁，煎得好好，肉汁封鎖喺肉裡面！個燒汁同牛扒都好夾！估唔到主食都咁有驚喜！