ShowTime Sports Bar

營業中

休息中

The staff and waiters are completely racist towards white people. Given a terrible table and service, being checked if we paid for every order or not, given 1 round of playing billards within 2 hours(meanwhile the locals played 2-3 times right front of us).We spent a lot, and still received terrible service. There are better bars with shisha, beer and pool. I don’t recommend this place at all.

因為見呢間完全冇差評感覺上應該要試一下但試過後感覺根本是覺得被人欺騙，唔明白點解咁多好評，食物串燒真係好一般!10點幾去到，唔係好多人，已經話得返吧台同露天坐位，咁我地食煙既，咁都okay ge!叫左1碗蕎麥面1碗叉燒拉麵先，之後再加串燒，叫完話要放低張信用卡係收銀度，好奇怪，唔知係咪怕走數，另外本嘢食Menu又唔比放喺坐露台位嘅客人張台，唔明點解，之後其他嘢食差不多食曬，再叫飲品既時候，碗叉燒拉麵都未到，叫左個男waiter跟，當時又無覆我地，再叫第2round串燒時，再叫個女waitress跟, 先話原來無落單，等左45分鐘，好離譜落兩碗面都可以漏單，order食咩雞肉串,雞翼又冇晒，再叫佢俾個嘢食Menu又俾錯咗，個年紀大嘅男waiter 好唔得，女洗手間得2格，一入到去已經成地水又冇人理，重點賣單要$11xx，5杯飲品得3杯有酒精都咁貴，感覺好不值, 我明白尖沙咀諾士佛台都唔會平得去邊但落去樓下啲酒吧飲好過，同埋好在冇坐裏面，因為原來有人搞生日派對，嘈到呢⋯⋯⋯⋯只係個女waitress 做野比較好少少。

食物 : 串燒，拉麵，麥蕎面賣相 : 8.5/10 ，所有嘢食都整得好靚，尤其係嘢飲，就連唔識影相嘅人都隨便影得好好睇味道 :9/10，寫咗食評咁耐第一次比9分，全消真係好好食味道好適中，杯酒都好啱我自己味道好，重嘅水果味環境 : 8/10價錢 : hkd 260/1人性價比 : 8/10，我覺得算平，因為未食晚飯嘅關係， 叫咗兩個主食，所以晚餐連飲野呢個價錢算平

今晚去紅磡睇女排，約咗阿妹食完野先至行過去，最佳選擇梗係尖沙咀啦！於是去咗諾士佛台食下串燒飲下啤酒再去睇比賽係咪好爽呢！哈哈諾士佛台本身就已經有好多酒吧，7:00我哋上到3樓都竟然有好多人！入到黎環境都幾舒服，幾有feel原來仲係happy hour時光, 於是可以試吓唔同嘅啤酒Murphys 不錯，好重麥味串燒有好多選擇，全部都燒得好香，送啤酒一流另外有主食Menu泰國菜happyhour時段都有30%discount泰式炒粉絲炒得乾身好好味泰式辣雞肉碎生菜包，有青檸味而且有啲辣，啱晒食得辣嘅朋友泰式炒飯又咸又香夠晒鑊氣青咖喱斧頭扒配薄餅，青咖喱汁10分野味，件斧頭扒我哋懷疑係豬扒，薄餅酥脆可口下次如果要再beer一beer我應該會再返嚟呢度

很久沒有去酒吧了，這天心血來潮想帶女朋友去浪漫一下，於是在諾士佛臺找到了這家樓上餐廳SHOW TIME SPORT BAR，店內環境蠻乾淨舒服的，可能因為是平日，我們又很早到，所以人不多，沒有那麼吵。而且顧名思義這裡是運動主題，適當喜歡看球賽的我們！咖哩蝦片這是店裡送的小吃，剛坐下來就會送一盤，讓客人可以先點個飲料，邊吃邊等上菜。各式各樣的日式串燒因為我們沒有很餓，所以每款串燒都先點一串來試試看，雖然看起來份量偏少，但的確蠻好吃的，不會太咸，而且happy hour時段有折，好划算！泰式鳳爪這是我們吃泰國菜必點之一，這個份量算蠻多的，而且不算太辣，連不太能吃辣的女朋友都能吃！青咖哩斧頭扒配薄餅上菜就聞到香香的咖哩味，斧頭扒煎得很剛好，不會太乾，最喜歡是那個薄餅，牛油味很香，想多點幾片～

工作完成心情鬱悶，在諾士佛台最正係美麗華後巷可以比人放鬆心情。今次選擇sports bar。環境算係清場，可能我地剛剛放工太早的原因。但HAPPY HOUR都係5-9小食出乎意料好味，雖然好細份，但睇得出用心造物。雞肉鬆軟，不要被它的"雞塊普通樣欺騙"雞軟骨落左啲椒鹽，黑胡椒鹽更加惹味。在酒吧，當然。黎一兩杯cocktails 放鬆心情。棉花糖之夜的cocktail送給在座每一位女士。每日好似都不同的優惠，我地一行4人，兩位女士都有。自己order的就少不了，呢間鋪頭自家homemade的cocktail，呢杯水果種類多。適合女仔口味。而呢杯叫Jade green，就同傳統nothing差不多個口感。個人喜好淡淡的風味。店內各自討論傾談的聲音其實不算太大，每個人都獨立而私密。如果遇到唔識選擇的飲品，職員都會主動幫手，認真有笑容有熱情。下次再HAPPY HOUR 再黎放鬆喇呀。

好耐冇去過酒吧，想去熱鬧吓，於是約了朋友去飲下嘢食吓嘢。位於諾士佛臺的這間酒吧地方大，又有games枱，又有電視，約朋友一起聯誼或睇波好正！點知剛巧遇著反「送中」運動，平時熱熱鬧鬧的氣氛沒有了，只有數枱客人，但又別有一番滋味，感覺既輕鬆又自在，可以和朋友盡情談天說地，也不怕嘈住隔離枱。串燒啤酒少不了，這裏有抵食串燒組合$118， 有4串串燒和一杯飲品，但draft beer 就要+$20。4串吾夠，又可加其他抵食串燒。生啤大大杯，冰涼可口。串燒種類繁多，有虎蝦、多春魚、雞肉、雞軟骨、牛肉、牛舌、豬腩肉、銀杏、蔬菜... 還有豆腐添，串燒佐酒一流。 除了啤酒，signature cocktails 也不錯。賣相吸睛，酒味不太重，淡淡酒香之餘，還有清新的果香味，感覺透心涼，飮落好舒服。Luigi Ping Pong食完一輪串燒之後，我哋又叫了兩碟泰國食品。Massaman Chicken雞肉嫩滑，醬汁滋味，有酥餅伴食增飽肚感。泰式豬頸肉豬頸肉燒得又腍又軟，大大塊，份量也不少。係咁有氣氛的環境和柔和燈光下又飲又食又傾計好享受啊，但奈何明天要返工，唯有下次再蒲過啦！

靖-尖沙咀諾士佛臺係酒吧嘅世界，我哋就走去呢度整番餐，落吧喺心目中多數都係夜晚去嘅，不過呢次落嚟係早就早咗啲，諗住去食返餐晚飯咁，完全係唔同感覺嘅，因為早咗未到係夜蒲時間，再加埋清淨好多，人流又少，所以喺嗰度食餐飯跟住再傾耐啲完全冇問題呀，咁我哋就留低咗 三兩個鐘，啲人都仲未嚟。我哋叫咗一個綠咖哩牛扒，再加一個青木瓜沙律，在整個海鮮湯，雖然叫嘅唔多，但係夠食呀，兩個人食落真係唔錯，價錢兩個人三兩百蚊落樓㗎啦，所以得閒走下呢餐廳酒吧，食返一餐半餐，都係一個好特別嘅享受。仲有呢間吧等嘅時間需要時間一段時間青咖哩牛扒份量原來都唔細， 味道都係驚喜，估唔到酒吧餐廳出品都可以有新嘅感受， 兩個人食完加埋沙律等等都有啲飽。青木瓜沙律唔係我哋想像中夏威夷木瓜，係切開一條條絲木瓜，上枱食落銀爽爽地唔錯㗎!海鮮湯真係出乎意料，蝦都有幾隻，再加埋其他的海鮮，味道淨係啲蝦，都已經好正，唔使落其他調味料配料

昨天和兩個閨蜜去了酒吧聊天，喜歡酒吧的輕鬆氣氛，可以放鬆心情盡情傾計。蹅入門口已經有很輕鬆的感覺，不太光也不昏暗，地方也寬敞。先問侍應介紹一吓飲品，她很詳細介紹了幾款，我們三位女士都選了她介绍的飲品。第一杯送來的是一杯橙红色的飲品Ping Pong，有藍梅和士多啤梨等水果配襯，先聞一吓,淡淡的水果清香，我已急不及待試飲一口，真的没令我失望，甜甜的果香加上冧酒，真的是绝配。再送來的是一杯帶点憂鬱的Jade Green，這可能是我對篮色的感覺，朋友說這款飲品不會太甜，带点酒香，有清新的感覺，正適合她。再來的這杯Luigi 也很吸睛，銀色的杯子上配襯了一片O檬和一棵小草，自然请新，飲品不太甜也不淡，真的停不了連飲了幾口。叫了多款串燒，燒得剛好， 鹹淡適中，用來伴飲品正好。另外叫了一個泰式肉碎飯，最初大家沒有太大期望，始终不是泰國餐廳，但吃了後大家都覺得有驚喜,絕對有水準。也叫了一碟豬頸肉，肉質新鮮，稔稔地，味不太濃也不太淡, 很快给我們吃完了。與姊妹們邊談邊吃，時間過得特别快，有些意猶未盡，奈何明天要返工，約定下次再來 聊個痛快。

去完東歐旅行，便帶少少手信送給朋友，就響尖沙咀約個面見下傾下，當然唔少得食下啦! 話說呢間雖然係吧!但係傾偈真係好舒服，因為都幾悠閒下，唔似以前年輕時落吧嗰種嘈雜，有桌球枱和猜會抬不過成晚都冇人猜會，😂又有露台，今日天氣麻麻有微雨，如果天氣好坐露台應該更加舒服吹吹風都幾爽。👍一坐低侍應生就放一桶好似蝦片嘅食物，真係好大桶呀!有少少微辣。侍應生還說而家好多人都中意落吧食個晚餐，傾傾偈偈咁就兩粒鐘啦!我哋當然心態上都係一樣啦！😂今晚仲有特價添。✨✨✨✨我哋就叫咗青咖哩斧頭扒配薄餅$90斧頭扒配青咖哩汁好夾呀!味道夠淋，而且仲好大塊添，侍應生話要趁熱食，連食法都好介紹👍講真食一塊已經好飽仲有薄餅添。😁泰式青木瓜蝦沙律$62可能唔係好識食泰國嘢啦!木瓜係好硬㗎，不過酸酸甜甜好開胃仲有一隻大蝦添。仲叫咗兩個海鮮湯添$24(1客)個湯一送埋嚟，我聞到陣味，未打開蓋就覺得似冬蔭功湯，原來食泰國嘢啲湯味係一律嘅冬蔭功味，不過海鮮好多呀！而且好新鮮，超值👍👍青咖哩斧頭扒配薄餅$90食食下邊咗條鯨魚笑鬼死😂泰式青木瓜蝦沙律$62 海鮮湯$24

係尖沙咀最常去諾士佛臺飲酒Showtime係其中一間我鐘意既bar環境好乾淨舒服佢有outdoor同indoor有哂會變色既小盒係檯上好有氣氛因為天氣熱所以今日坐室內佢既職員好有效率入到去即刻幫客人安排位置非常好而且比梳化位我地坐冇幾耐有staff拎住個抽獎箱過黎原來佢地做緊抽獎活動只要係女仔就可以抽一張卡佢背面寫哂唔同獎品SHOWTIME唔同英文字母代表唔同獎品有現金獎，有送酒，有送shisha我抽到$50可以即時享用我叫左signature cocktailJADE GREEN主要係奇異果同蜜瓜味賣相好靚 藍藍綠綠味道好清新好鐘意同朋友黎chill環境好 cocktail又正

今日收工ot 但又約咗朋友夜晚飲嘢吹下水 就索性搵間有正餐食又有嘢玩嘅bar啦呢間位於諾士佛臺嘅樓上bar 入面有beer pong, 卓球，飛鏢，睇波！而且設計好靚好新潮，服務都唔錯！咁啱佢哋推廣緊串燒 我同朋友就決定成晚都食串燒同埋飲啤酒！我哋叫咗個串燒set 可以揀八串！我哋叫咗兩串牛舌，兩串雞翼，兩串大蔥雞肉串，一串秋葵，一串大蔥鴨胸肉，配支Corona同杯紅酒。本來對吧入面嘅串燒唔算有太大期望，純粹係想戒下口癮，但估唔到都燒得幾好，啲肉類全部都外脆但保持到肉汁同埋肉嫩 啲大蔥都燒得好香Corona加咗lime真係即時加分，因為我哋去嘅時候大約8:30pm，唔算好多人，朋友傾吓計飲下酒呢度都幾舒服！

吃過晚飯後，在附近的商場THE ONE逛了一下，逛到商場也差不多要關門了，便到諾士佛台找間酒吧吃個宵夜。走到諾士佛台中間的位置，在龍騰閣3樓有一間叫showTime sport bar，便上去試一下。進到酒吧後，感到很有氣氛，而且很多元化，有些人在玩桌球，有些人在玩遊戲，有些人在看球賽，有些人在聊天。這間酒吧的背景音樂不是太嘈，反而令人有一種放鬆的感覺，看看電視和看看別人玩遊戲，也感到好消閑的。我們點了些飲品和串燒，串燒很好吃，不會燒得很乾身，而且他們有歡樂時光段，好抵吃。看看他們的餐牌，原來他們還有晚餐時段的，下次可以過來試一下他們的晚餐，晚上吃完飯，又想找個位置聊天，這間酒吧會是首選。

是日整天都在下雨，行街都行到累就想搵間野坐低等朋友放工食晚餐，經開就上左呢間8:45左右，暫時不太多人，入口對住有張桌球枱，中間有beer pong玩，d座位唔會太逼對我黎講坐得舒服好重要開頭有諗過懶得郁就係度食，但朋友已訂好位，唯有下次太多頁紙選擇，我有點懶又有點渴，影左少少開頭唔知飲咩好，bar tender幫我拍板，有d似mojito, 但多左d甜甜地既荔枝味，唔記得個名MARGARITA 我最愛重鹽邊，可以揮發到裏面酒味出黎，入口甘有小小青檸既酸，夏日炎炎真係好適合做餐前酒原來happy hour做緊抽獎，我中左shisha啊😆下次同朋友去試

今晚約咗人去睇世界女排，中國對荷蘭果場開8:30，放工之後梗係先去一轉happy hour, 飲返兩杯輕鬆下，順便食下野先。位於諾士佛台樓上吧Showtime 係數一數二好環境兼食物質素好嘅一間酒吧餐廳。佢嘅happy hour時間好長，仲要唔係逼你買一送一嗰種，而係真係價錢減半，你就可以飲完一杯再嗌其他唔同類型嘅飲品。Murphy 呢隻麥啤好香滑！今期除咗串燒之外，餐廳仲推出好多泰式美食。我哋叫咗泰式肉碎生菜包、泰式海鮮炒粉絲、同肉碎炒飯！全部酸酸辣辣嘅配合，所以唔叫多兩杯啤酒都唔得。、