Sawadee Chef

踏入六月天氣又濕又熱 🥵 成日心思思想食泰國嘢，又唔想特登走去九龍城，就同朋友去咗奧海城覓食，Sawadee Chef 由著名中菜紅棉主廚邵師傅主理，結合中式烹調及泰國風味，呢間新派泰國菜味道如何呢？🇹🇭
午市套餐有我見到必嗌嘅香葉肉碎飯 ($118)，鹹香肉碎加埋辣椒、九層塔同豆角 🌶️ 泰國街頭風味層次好豐富，半煎炸嘅荷包蛋完美流心，撈飯食一流 🍳套餐加 $48 泰式椰菜苗，蒜香味濃好有鑊氣～鴛鴦胡椒炒虎蝦（$198）係驚喜之作，大大隻虎蝦炸得酥脆，肉質彈牙，黑白胡椒嘅香味好突出，辛辣得嚟又唔會搶咗蝦嘅鮮味肥瘦適中嘅燒五花肉用生菜包住，伴以爽脆清新嘅青木瓜沙律好適合夏天 ☀️如果調味重手啲，點埋佢哋個酸辣醬，真係好開胃！
甜品當然要試流心芒果糯米飯（$88），軟糯糯米飯，切開中間仲有流心椰汁 🥥 椰香伴埋清甜芒果，邪惡得嚟好滿足；三色冰有而家少見嗰隻紅色馬蹄粒粒，隻花花杯好 cute 😝🌼 食咗咁多嘢飲返個話梅檸檬青檸梳打（$58），酸甜冰涼好 Refreshing！，整體環境寬敞舒適，食物質素不錯，有機會再嚟試吓其他嘢 😋📍 Sawadee Chef大角咀海庭道 18 號奧海城二期地下 G21-G23, G25-G27 號舖…查看更多

大部份嘅價錢都去咗個裝修度 🩷開多陣等，紗煲冷餐都幾靚，打卡可以🤗但態度惡劣，冇禮貌，冇笑容，冇服務可言嘢食好難食，得酸味嘅鳳爪性價比極低同大角咀一間地踎泰國菜完全冇得比喺度食一餐，可以喺嗰度食三餐…查看更多

.📢奧海城商場二期地下嘅位置，選擇咗呢間都算多顧客光顧嘅泰菜餐館 。發現原來都係來自 @lubudsfnbgroup 飲食集團旗下，定價係中高檔次但勝在有信心嘅保證，水準絕對係保持穩定 。.📢點選咗幾款簡單嘅菜式，有🍢串燒拼盤（包括有豬串同雞串）、🫔炸泰式春卷、🍲泰式炒牛河、仲有🥬蠟腸炒芥蘭，再加多兩杯非常有誠意嘅🍹特飲 。就這一次體驗，食物端上枱色香味都俱全，份量亦都唔算少，相信係會食得好滿意 。…查看更多

今日冇帶飯，就同隔離team同事出去食晏。點知俾同事快手揀咗呢一間。價錢唔算平，但唔係成日食就一試無妨。午餐選擇唔算多，咁就叫咗個湯河配咗個龍眼冰。個湯就比預期中較清淡，不過連埋d蒜粒嚟飲就好啲。肉丸都算實淨唔會咬空氣。牛肚同埋牛筋就比較偏淡，另外牛腩同埋牛肉片就肉味都尚算濃。當中比較失望就係個河粉，實在太過碎，完全夾起上嚟就係圖中嘅情況。如果唔係用個匙羹兜住嚟食，真係好難掌握。好彩個龍眼冰勁多龍眼肉，甜度尚算適中，呢個挽回少少好感。…查看更多

冇服務，冇人斟水，8:50pm話last order，9點逼人埋單我仲成枱嘢，牙籤得返一支，好意思攞落嚟俾我。離晒譜！上菜又慢，又唔係好好食，價錢又唔係平。你想受氣就入嚟啦，否則冇乜必要都唔好唻呢間嘢食。仲一開頭比個QR code係落唔到單，…查看更多