Sawadee Chef

今日冇帶飯，就同隔離team同事出去食晏。點知俾同事快手揀咗呢一間。價錢唔算平，但唔係成日食就一試無妨。午餐選擇唔算多，咁就叫咗個湯河配咗個龍眼冰。個湯就比預期中較清淡，不過連埋d蒜粒嚟飲就好啲。肉丸都算實淨唔會咬空氣。牛肚同埋牛筋就比較偏淡，另外牛腩同埋牛肉片就肉味都尚算濃。當中比較失望就係個河粉，實在太過碎，完全夾起上嚟就係圖中嘅情況。如果唔係用個匙羹兜住嚟食，真係好難掌握。好彩個龍眼冰勁多龍眼肉，甜度尚算適中，呢個挽回少少好感。