Sawadee Chef

踏入六月天氣又濕又熱 🥵 成日心思思想食泰國嘢，又唔想特登走去九龍城，就同朋友去咗奧海城覓食，Sawadee Chef 由著名中菜紅棉主廚邵師傅主理，結合中式烹調及泰國風味，呢間新派泰國菜味道如何呢？🇹🇭
午市套餐有我見到必嗌嘅香葉肉碎飯 ($118)，鹹香肉碎加埋辣椒、九層塔同豆角 🌶️ 泰國街頭風味層次好豐富，半煎炸嘅荷包蛋完美流心，撈飯食一流 🍳套餐加 $48 泰式椰菜苗，蒜香味濃好有鑊氣～鴛鴦胡椒炒虎蝦（$198）係驚喜之作，大大隻虎蝦炸得酥脆，肉質彈牙，黑白胡椒嘅香味好突出，辛辣得嚟又唔會搶咗蝦嘅鮮味肥瘦適中嘅燒五花肉用生菜包住，伴以爽脆清新嘅青木瓜沙律好適合夏天 ☀️如果調味重手啲，點埋佢哋個酸辣醬，真係好開胃！
甜品當然要試流心芒果糯米飯（$88），軟糯糯米飯，切開中間仲有流心椰汁 🥥 椰香伴埋清甜芒果，邪惡得嚟好滿足；三色冰有而家少見嗰隻紅色馬蹄粒粒，隻花花杯好 cute 😝🌼 食咗咁多嘢飲返個話梅檸檬青檸梳打（$58），酸甜冰涼好 Refreshing！，整體環境寬敞舒適，食物質素不錯，有機會再嚟試吓其他嘢 😋📍 Sawadee Chef大角咀海庭道 18 號奧海城二期地下 G21-G23, G25-G27 號舖…查看更多

今日冇帶飯，就同隔離team同事出去食晏。點知俾同事快手揀咗呢一間。價錢唔算平，但唔係成日食就一試無妨。午餐選擇唔算多，咁就叫咗個湯河配咗個龍眼冰。個湯就比預期中較清淡，不過連埋d蒜粒嚟飲就好啲。肉丸都算實淨唔會咬空氣。牛肚同埋牛筋就比較偏淡，另外牛腩同埋牛肉片就肉味都尚算濃。當中比較失望就係個河粉，實在太過碎，完全夾起上嚟就係圖中嘅情況。如果唔係用個匙羹兜住嚟食，真係好難掌握。好彩個龍眼冰勁多龍眼肉，甜度尚算適中，呢個挽回少少好感。…查看更多

冇服務，冇人斟水，8:50pm話last order，9點逼人埋單我仲成枱嘢，牙籤得返一支，好意思攞落嚟俾我。離晒譜！上菜又慢，又唔係好好食，價錢又唔係平。你想受氣就入嚟啦，否則冇乜必要都唔好唻呢間嘢食。仲一開頭比個QR code係落唔到單，…查看更多

新派泰菜🥳點咗幾款招牌菜，每道都令人驚喜💫環境仲好舒服，同朋友一致好鍾意餐廳個落地大玻璃~🛶招牌泰式船河（本地新鮮豬）$118選用本地新鮮豬肉，有五花肉、肉丸、扎肉同碎肉🐽 湯底濃郁而且有層次～ 個人強烈推介！炒[真係]泰國通菜🥬 $98呢一碟炒通菜同平時食嘅唔一樣，主要係莖係冇咁多葉嘅，比一般嘅大條好多🥬煲仔上通菜爽脆，配上蒜蓉同辣椒嘅濃烈香氣，調味恰到好處💚原隻鮮魷🦑 $168賣相超震撼，長過前臂嘅鮮魷烤得外焦內嫩，肉質彈牙鮮甜，搭配泰式海鮮醬，酸辣嘅醬汁完美提升魷魚嘅鮮味。份量大到三四個人分享都夠🤤🍖藤椒豬頸肉 $58薄切嘅豬頸肉醃得入味，藤椒嘅麻香同泰式香料融合，燒烤後外層微焦~泰式牛肉炒河🍝 $128充滿鑊氣有啲似港式嘅乾炒牛河，河粉爽滑，吸收咗醬汁，配上新鮮豆芽，係食唔停口嘅🥹🥭自家製流心芒果糯米飯🍚 $88流心芒果糯米飯係整餐嘅完美收尾！糯米飯軟糯香甜，搭配新鮮芒果，酸甜清新，仲有自家製流心椰奶醬，濃郁嘅椰香同芒果嘅果香完美融合，入口絲滑，甜而不膩😙🧡最後連個椰青🥥都超好飲！係真係超級超級之清甜，我食親泰國菜都會點椰青，但真係呢一度嘅我飲過最清甜！！…查看更多

家人一行7人到 Sawadee Chef 午市聚餐，整體體驗順暢愉快。餐廳環境乾淨闊落，燈光舒服，枱距充足，人流不多，談天有私隱；員工有禮，添水換碟主動，出菜節奏恰當。菜式以經典泰菜為主，味道偏正宗但不過鹹：冬蔭功酸辣平衡、海鮮鮮甜；青咖喱雞椰香濃郁、辣度適中；泰式炒金邊粉炒得乾身帶鑊氣；菠蘿炒飯粒粒分明不油；炸蝦餅外脆內彈，連小朋友都喜歡。蔬菜如炒通菜保持爽脆，甜品椰汁西米清香解膩。份量適合分享，七人點幾款菜已相當飽足。以質素與環境計，價錢可以接受，結帳沒驚喜亦無驚嚇。整體適合家庭聚會，用餐氣氛輕鬆，建議訂位並註明辣度需求，體驗更佳。…查看更多

呢間餐廳我食過好多次午餐，水準唔錯，但呢次食晚餐食到肚痾第一次喺openrice留負評🤢琴日叫左碟肉碎煎蛋飯，啲醬汁好咸，啲飯黎到超級硬同痴住一舊舊，好似唔熟咁🤢原本諗住將就下，但食食下，搞唔掂，全部都超級硬，根本食唔到。同侍應反映，佢比左碗白飯我，其實都偏硬，但起碼冇痴住一舊舊。重點係，食完幾個鐘後，我開始肚痛，肚痾！痾左成晚！佢仲要唔便宜，$130 per person，茶餐廳起碼煮啲飯都好過佢唔好比佢嘅裝修呃左😫😫😫😫😫😫😫😫😫…查看更多

嚟到奧海城，想食下海南雞， 是到一間地下泰國菜 ，款式好似幾吸引 於是入去試下....海南雞飯， $138； 普普通通啦 唔算太有驚喜， 值得進步的地方油飯可以香啲 ，雞的份量可以多一些， 豆腐湯 都算okay 三 款 醬汁幾特別。烤魚用嘅係盲曹， 中間夾著 香茅燒烤 ，$148， 中午時分食就比較化算， 味道我覺得香香地算係唔錯。跟餐嘅凍咖啡我就覺得好一般喇， 如果你真係好需要享受一杯 美味咖啡你可能唔收貨， 你當係 免費送贈咁就冇問題。環境都算寬敞， 中午時分盡量唔好靠街邊因為陽光曬到好熱。…查看更多

這間餐廳在奧海城二期開了咁耐，我今日也是第一次幫襯。光顧時段是午餐時段，因此午市套餐叫海南雞飯，普普通通。再叫肉鬆菠蘿炒飯，水準一般。再跟餐叫了串燒牛、豬、雞各一串，最後食曬先上。另外，再加購一個炒菜，全部都係辣椒調味，根本食不出什麼味道。而小朋友喜歡食原隻魷魚，但選擇了不辣，什麼味道也沒有，不值$168。最後埋單要行出門口有人理，俾咗錢一句多謝都冇。食物一般，服務水平更差。怪不得在繁忙時段，整個商場只有它沒有食客光顧。…查看更多

呢間泰國餐廳坐得又舒服，裝修又靚😍出面睇仲以為係西式餐廳同酒吧😂 - 鴛鴦胡椒炒虎蝦：$198呢個菜未上菜，就已經聞到濃烈嘅胡椒香😚因為用咗一個鐵布煲住，上菜嘅時候仲聽到渣渣聲但一碟得六隻虎蝦，我覺得份量可以多番少少🤏 - 泰式辣滷水豬手飯：$98估唔到呢個價錢會有咁多舊豬手而且仲要每一嚿都炆得好入味，勁好餸飯😋啲豬手同啲肥膏，舊舊都入口即溶🤤 - 豬肉鬆菠蘿雞粒炒飯：$108滿滿嘅肉鬆啊！呢個炒飯份量好足夠，亦都炒到粒粒分明，每一啖都食到菠蘿甜甜酸酸嘅味道，其實都幾開胃🤤 - 泰式炒椰菜苗：$98又係勁好好送飯嘅一味餸，馬拉盞鹹鹹辣辣咁，而且用一個砂鍋上呢碟菜，食到最尾都仲係熱辣辣☺️ - 沙嗲拼盤（豬、牛、雞，各兩串）：$98沙嗲醬份量好足夠，絕對夠沾晒6串串燒串燒每串都細細串，全部都燒同調味得好惹味😋 - 招牌海南文昌雞飯（配海藻肝膏豆腐湯）：$138海南雞飯滑就一定㗎啦，呢度嘅油飯亦都一流，又好香嘅椰漿味👍🏻 - 自家製留心芒果糯米飯：$88成個賣相都好靚，上枱嗰陣時好驚艷😍個芒果超級甜，中間個流心就係滿滿嘅椰漿同芒果汁 味道：🤤🤤🤤🤤🤤/5性價比：🤤🤤🤤🤤/5…查看更多

朋友推介屋企附近呢間Sawadee Chef, 話佢質量好，份量又足。 擒日家人早收工，特意去試吓以振興香港經濟。去到見佢拉banner 推介平日一至四有指定小菜優惠，有海南雞，椰子雞湯，冬蔭功湯，咖哩虎蝦拼薄餅。大概係menu價錢七折到。入座後用手機落單，見特價菜式要向侍應查詢，落單前查詢就advise每檯只可點一款， 都明嘅、gimmick嚟講都算make sense.終於二人叫咗半隻海南雞、蠔餅、咸蛋黃軟殼蟹。上菜海南雞（$118）份量正常、質量係唔錯嘅。即使雞胸都夠滑。但醬料無傳統豉油膏，換咗類似XO醬就有點畫蛇添足⋯⋯蠔餅($148)嘅蠔新鮮得嚟又算大粒，但廚師明顯無用心造，浪費咗食材。首先蠔餅炸過籠，成舊嘢炸到硬晒。另外上碟前無開大火迫返啲油出嚟，成塊蠔餅超過九成係粉，又硬又油淋淋，我哋食咗1/4件已經太油膩食唔到。咸蛋黃軟殼蟹($178)嘅敗筆同蠔餅一樣，上碟前無開大火迫油。由於軟殼蟹係急凍貨未炸前本身較濕身，炸唔到脆身。加上無大火迫油，同蠔餅一樣油淋淋。最終只食晒海南雞, 另兩樣都剩返超過一半，為免太浪費唯有打包拎走。 請侍應幫忙打包，佢話每個盒要收$2。 要收費當然無問題。之後佢竟然只放低兩個膠盒就走咗去。我心諗食開呢個價位嘅餐廳、從來無試過掉低膠盒叫客人自己打包。仲要講明要收外賣費但連外賣紙袋都唔提供。到之後埋單，伸手向侍應示意。對方竟然叫我哋自己行去門口等找數。Conclusion, 環境闊落好坐，硬件好。食材唔差但廚房手勢馬虎，侍應服務直程令你嘆為觀止，已經係手機落單，侍應只負責上菜，連埋單都叫你自己行出櫃檯等佢。仲要見張檯無晒位，旁邊張檯又係吉嘅，佢竟然叫你幫佢清空張檯，佢再將碟餸夾硬塞係你張檯就走咗去。經歷完全同茶餐廳無異。完美演繹當年我老爸嘅提醒⋯⋯星期三晚不應出街食埋單連飲品、油飯差不多$650，人均$3xx. 以中上價位餐廳價錢，提供茶記服務。 只可講句作為街坊都只可以到此為止。…查看更多

唔難食嘅，但都唔特別好食。我哋兩個人，食咗8百幾，主要系朋友本身好食得，普通兩人應該唔洗呢個價嘅，朋友話唔值呢個價，我覺得響奧海城呢個場，呢個價都正常嘅，但唔會再去。首先我坐低時，帶位嘅人無同過講要掃QR code落單，無同我講攞要QR code 出去埋單，我好肯定佢無講過。到我朋友到咗，我哋舉手想點餐，佢哋語氣好唔耐煩咁話我知QR code落單。埋單時同樣，你無同我講要QR code埋單，點知你想點埋啫，反正你舉手叫佢哋埋嚟都覺得系你嘅罪過。可能果度個個都系老細，唔慣俾人叫，以佢哋嘅態度，我淨系諗到呢個可能公道啲講返食物，味道唔差嘅，但味道唔系好泰式，港式泰菜嘅味，有鐘意食泰菜嘅朋友應該明我講乜。環境，唯一最好嘅地方，舒服、闊落，整體用餐體驗，攞走服務態度不計的話，叫ok啦…查看更多

有間想食好耐嘅泰國餐廳，今次終於有時間去試。lunch set連嘢飲大概$100，性價比好高。泰式生蝦生蝦的擺盤真係靚到無得輸，透明的蝦肉在燈光下閃閃發亮，令人一見到就想食。每隻蝦都好新鮮，肉質彈牙，咬落去口感超爽。再加埋泰式青汁，味道真係好開胃！酸酸甜甜，配上生蝦的鮮味，每一口都好有層次。炸蝦餅蝦餅炸得香氣四溢，真係好吸引！一咬下去，感覺好紮實。這啲蝦餅裡面滿滿都是蝦肉，咬開時還能感受到蝦肉的彈性，味道超級鮮甜。外面炸得金黃酥脆，伴隨著蝦的鮮味，真係一口接一口停唔到！再配上醬汁，味道更上一層樓，可以一試。串燒串燒有雞肉、牛肉同埋豬肉三款。講到味道，豬肉最突出！豬肉串燒外脆內嫩，醃得岩岩好。至於牛肉，冇咁驚喜，味道就麻麻，可能冇豬肉咁多層次感。雞肉就中規中矩，味道亦都唔錯，但相比之下，豬肉真係令我印象深刻，食完之後真係好想再食多一串！整體來講，豬肉串燒值得一試！海南雞飯海南雞份量好大，目測都有出面例牌嘅size。海南雞肉啱啱好熟帶有小小粉紅色，皮帶有小小啫喱。略嫌個油飯有少少乾。燒豬頸肉豬頸肉燒到外脆內嫩，出邊有少少燶邊，但係入邊嘅肉仲有汁，食到好香嘅藤椒味好特別。推薦一定要嗌呢個！最後個金邊粉同牛河已經食唔落，打包左屋企做dinner。…查看更多

去奧海城這麼多次，吃過Bep、拉麵，這次朋友說很久沒有吃泰菜，這間看起來又「是是正正」，所以便決定試一下！雖然價錢不算是便宜的選項，不過餐單選擇很多，而且賣相不錯，味道也比想像中好！（因為這間很少聽說，所以原本不抱太大期待）整個用餐空間很寛敞，枱與枱之間有一定距離，家庭、朋友或情侶用餐都坐得舒服，服務態度也很好，沒有遇到其他食評所說的問題。🇹🇭 𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 —ꜰʀᴇꜱʜ ʙᴇᴀɴ ᴄᴜʀᴅ ꜱᴋɪɴ 泰式鮮腐竹醬汁酸酸甜甜，腐竹的口感剛好不會過硬，會有一點辣但很惹味，平時不能食辣的我也一口接一口吃，是很refreshing的前菜之選！ᴄᴏᴄᴏɴᴜᴛ ᴄʜɪᴄᴋᴇɴ ꜱᴏᴜᴘ 椰子雞湯看到是它們的推薦菜式，就點來試試看！沒想到原本對椰子味的食物不太感興趣的朋友，都一致覺得這湯很香甜好吃！椰子的清甜與雞湯的濃郁非常平衡，湯裡也有雞肉、菇和豆等配料，很暖胃～～ꜱᴛɪʀ-ꜰʀɪᴇᴅ ᴍᴏʀɴɪɴɢ ɢʟᴏʀʏ 炒「真係」泰國通菜（少葉）鑊氣十足，上菜時離遠已經聞到香氣，吃下去果然很好吃！與平時很幼的菜莖不同，這款泰國通菜莖較粗，所以很掛汁，很推薦🤍ɢʀɪʟʟꜱ - ꜱᴀᴛᴀʏ ᴘᴏʀᴋ & ᴄʜɪᴄᴋᴇɴ, ᴏx ᴛᴏɴɢᴜᴇ ꜱᴋᴇᴡᴇʀ 串燒（沙嗲豬肉、雞肉和牛舌）沙嗲香氣很足！最驚喜是牛舌富有嚼勁，咬下去很多汁，好吃！！ᴘɪɴᴇᴀᴘᴘʟᴇ ꜰʀɪᴇᴅ ʀɪᴄᴇ ᴡɪᴛʜ ᴘᴏʀᴋ ᴀɴᴅ ᴘᴏʀᴋ ꜰʟᴏꜱꜱ 豬肉鬆菠蘿雞粒炒飯超大碟的炒飯3個人也吃不完，飯粒是粒粒分明的類型，配上肉鬆口感不錯！ᴛʜᴀɪ-ꜱᴛʏʟᴇ ɢʀɪʟʟᴇᴅ ꜰɪꜱʜ ᴡɪᴛʜ ʜᴇʀʙꜱ 泰式香草烤鮮魚見到這是優惠款式所以點來試試！魚的份量也很大，烤得很香脆，尤其是近魚尾的部分特別香口，用3款不同的甜辣醬混合來吃，很有新鮮感！3人吃的話，平均每人二百幾都已經吃得很飽，下次有聚餐都會想再來！…查看更多

朋友在奧海城相遇一齊食個午餐菠蘿炒飯肉鬆好多，味道一般覺得偏鹹菠蘿唔係好多招牌海南雞飯雞肉嫩滑，而且真係冇骨油飯都唔會好肥膩嗰三個汁係配海草肝醬豆腐湯， 普普通通l椰香湯喇沙味道帶甜味，食落椰香濃鬱要咗米線湯底非常濃鬱又好掛湯材料都算好多成個面都係 裏面有蜆肉有大蝦食落冇乜雪味香葉肉碎煎蛋飯畀想像中辣,肉碎份量多送飯一流 煎蛋仲有蛋汁,撈埋飯食確係一流餐廳喺奧海城二期,價錢偏貴,但係環境都坐得好舒服, 朋友相聚都ok…查看更多

見到間泰國嘢，裝修環境幾靚走入去試，八點幾見到冇乜人，見到個餐牌都幾多嘢食揀，價錢尚可接受，應該唔錯. 最後叫了幾樣嘢試吓. 首先落order,叫咗個大叔落單（應該係經理），不停講仲有冇野要落，好似好趕時間咁就走開，問多句都唔可以.叫咗個炒金邊粉，炒椰菜苗，同埋一份燒豬頸肉.嘢食等咗10分鐘，唔使點等，值得讚，當時侍應放在枱上時，當我以為一切會向好發展，後來我發覺誤會咗菠蘿炒飯，平平無奇，茶餐廳級數炒椰菜苗，得青菜味….. 唔掂啦燒豬頸肉，得過油味，啲肉好似冇醃過，頂唔順冇食到.總結食物和服務水平屬於茶餐廳級數這類餐廳價錢大把選擇，除非前世冇食過泰國嘢，否則個人認為可以不試.…查看更多