RUD燒肉 (好順福大廈)

營業中

休息中

自從去完日本旅行返嚟之後對燒肉念念不忘😂😂，於是今日心血來潮去試吓屋企附近嘅性價比高抵食又好食嘅燒肉喇。下午2點幾去到，過咗繁忙時間，店內比較少客人，攞位都容易啲，用餐都靜啲🤩。揀咗牛小排及牛胸腹嘅200g 組合定食$118, 有味噌湯，飯及時菜。加$6 可以白飯升級做紫菜珍珠飯。🥓牛小排同牛胸腹都幾有牛味，味道唔錯。每款有6塊左右。幾抵食。😋😋🍚紫菜珍珠飯都幾大碗。白桃烏龍茶 加$12 比起飲可樂，我覺得飲呢啲冷泡茶健康啲。總消費$150

行過見到新開韓燒，初時看到門面，心諗價錢應該好貴，點知一看見餐牌，叫一份份餐，有豬肉或牛肉選擇，已100g,150g/200g數叫法，最啱不同人仕選擇，跟沙律菜一碟，另加$6轉紫菜飯，另加1支白桃冷抱茶和青蘋果疏打，幾特別！覺得牛小排好諗有牛肉味，超抵食，重無收加一！燒汁有3款選擇，鹽也有2款，照顧周到衛生很好，有濕紙巾供應，加上抽風很好，走時身上沒有留下太大油煙味，有限時60分鐘，要急急食飽走人，我因為6點左右比較早等位，很快有位！另外叫左份牛舌和玉子燒，牛舌切到很簿，好快就燒熟和很諗，玉子燒也很好味👍🏻⋯⋯

復活節第一日假期，早上11點半入去食頭輪，有驚喜嗌咗牛胸腹牛小排套餐，有湯有飯有菜，加$6可轉紫菜飯牛小排好好味好正，牛胸腹有些比較多肥膏，但食落口充滿牛香，所以都係正嘅，自己燒可以控制幾成熟，唯一唔好係反肉時太多牛油滴出嚟，引太大火有啲驚女仔都可以食哂成碗飯，60分鐘係夠時間食嘅，食完時間岩岩好，感覺唔趕，咁嘅價錢食到算抵食

Rud 我食牛🐮我食牛 ♥️肉食之選因為我好鍾意食牛肉 所以我揀左個300g 牛之盛合 一人前食量大嘅人食，呢個就岩岩好夠飽🫶🏻醬汁有三種 不過佢個調味盤只有兩格 🤫飯方面加咗$6要紫菜 侍應唔記得幫我加紫菜不過我同佢講完之後好快就加返俾我服務態度 可以😌 飲品方面，我揀咗蜜桃梳打汽水幻彩色 都靚🤣店鋪晚市有限時，只能食60分鐘一個鐘其實都夠食啱啱好 如果想慢慢嘆，就可能要夜啲九點後 入場整體嚟講都算唔錯 ，有下次

牛の盛合(牛小排+牛胸腹+Karubi牛肉片)呢個價錢有300g 真心抵食，不過最後都食唔哂俾左友人食，下次都係叫200g嘅肉就夠lu🤣三款牛嚟講牛小排最正，雪花比例幾好🥰其他兩款都ok的。肉有d厚度得嚟，燒耐左都唔會韌❗️但覺得最驚喜嘅係佢嘅醬汁🔥🔥柚子蒜蓉汁幾清新，兩者比例啱啱好，食完個口都唔覺有蒜味🔥辛辣檸檬薑汁檸檬味為主調，但又有d辣辣地嘅後勁，好特別，Yummy鐘意到拎佢嚟撈飯食❤️紫菜珍珠飯 本身個餐跟白飯，今次加左錢要紫菜飯，加埋燒肉汁扮牛角飯☺️☺️ 但可惜當日個飯煮得濕左少少。洛神花白桃乳酪梳打 還好但白桃味偏假d🙈熱情果菠蘿梳打 呢個唔錯，有菠蘿渣同埋飲落幾開胃

呢間RUD燒肉真係超平價！經過門口 見到個價錢牌 我都懷疑緊自己係咪睇錯🧐$48就可以食到一份燒肉定食 小毒毒本身費事又一丁友去食 見到咁平都忍唔住想試一試🤣豚雞之定食100g $58$58就有個定食 唔洗$60就有找！完全係低價之選 窮人恩物💸💸份量上都唔差 有沙律🥗海帶湯、白飯🍚沙律係一塊塊椰菜 味道一般般🙊白飯 比起平時食開既無咁有口感 偏淋身🥲肉就不過不失既🤣整體上，價錢偏向比其他一人燒肉店平價 但質素都okay既 對得住價錢 但有冇話好好食🤣

星期日同朋友係元朗唔知食咩好，到到都好多人，之後search到呢間新開嘅燒肉，價錢都實惠，都等左20分鐘先入到去🫠。一查先知原來呢間原來已經有5間分店，但之前都未見過。套餐包左麵豉湯，有個野菜沙律，飯同肉 (有牛肉🐮、豬肉🐷、雞肉🐔揀)。整體黎講，正正常常，呢個價錢同佢質素成正比。🥢牛の盛合 300g ($158)🐮有齊牛小排(右邊)、牛胸腹(左上)及Karubi牛肉片(右下)其實佢攞上黎個時就覺得牛胸腹同Karubi牛肉片差唔多，牛胸腹睇落就應該肥啲，Karubi牛肉脂肪比例應該小啲。🧂入面有5種調味料，燒肉汁本身油油地。味道同平時出面嘅無咩唔同。😗用無煙烤爐，入去同出黎好似都無咩油煙味

日式一人燒肉店 進駐元朗順福糧倉 前身係好順福商場已經變身美食店舖，好多間吸引既餐廳，牛魔更係要試燒肉看喇😋 RUD是一間以日本一人前燒肉體驗的零油煙燒肉店。嚴選不同上等、優質、CP價高的肉品，價錢仲相當抵食❤️門口仲有個打卡位可以打下卡，另外想試就預返小小時間，因為一路食都一路見到出面排晒長龍等位

環境衛生唔錯，一入去完全感覺唔到好大浸油煙味，抽風設備唔錯，起碼唔會食餐飯，變咗個人肉燒烤爐，服務態度都幾好，食物味道都唔錯，份量都OK，燒肉來講呢個價錢都算幾抵食，希望keep住質素，一個人食飯都唔使食頹飯，可以去食一人燒肉