RUD燒肉 (好順福大廈)

營業中

休息中

聖誕party之後，倒頭大睡了一整天，又再覓食。到了元朗見到大大個RUD招牌，很吸引，隨即取票，大約等了十多分鐘就可以入座。喜歡RUD，因為選擇多又富彈性，套餐性格比高，大胃王可以追加不同款式的烤肉或配料，滿足不同口味和需要。我選了200g牛小排牛胸腹套餐，包括了日式湯，前菜，白飯，加配了蘋果汁，只是$146。燒牛小排時香氣四溢，入口肉汁豐富，加點燒肉汁伴飯吃，十分美味。而牛胸腹則十分嫩滑，微微的加點鹽，更加帶出肉的鮮味。新鮮的選料，就算不加調味，都已經很好吃。朋友是大胃王，給他精挑細選下，點了360g燒肉拼盤套餐，配日式湯，前菜，紫菜蛋飯連飲品，都只是$134，豬牛雞有齊，實在是大滿足！豬腩片的油香令人垂涎，然而入口絕不肥膩，好有咬口，而雞肉十分新鮮彈牙，配合香蔥薑汁，更加帶出鮮味。各款肉類伴着窩蛋紫菜飯吃，又香又滑，實在是人間美味。由於太豐富，看朋友不停忙着燒烤追進度，有點搞笑！ 我倆也是饞嘴之人，追加了日式玉子燒和薑漬魷魚仔。小魷魚燒好之後配檸檬汁，將整隻放入口，整個口腔充滿煙韌、彈滑口感和燒烤香氣，鮮味到不得了！全單剛好$333，性價比極高！想試的選項還有很多，要再機很多次才可

RUD 燒肉主打無煙燒肉，平時食完燒肉成身都係燒肉味，但係食完 RUD 燒肉身上係完全無燒肉味，好神奇！定食選擇有成 10 款，有牛有豬又有雞，牛既都有好幾款，平既有牛胸腹、牛舌、Karubi 牛肉片、牛小排、牛五花，貴既有美國CAB 安格斯肉眼扒、北海道十勝黑毛和牛片。燒肉一碟 100g，可以揀 g，定食包括：日式海苔味噌湯、飯、椰菜絲，可以升級 +$6 紫菜珍珠飯或者 +$10 紫菜玉子飯，唔夠食既話可以加配各款肉類、燒物、小食...... 個人覺得RUD既牛係最出色，不過只係食牛可能悶左D，所以揀左必食之選牛胸腹同 CP 值 UP 豚腩肉，誠意推介燒物 $12 日式一口甜薯、$12 泡菜小食。牛胸腹連紫菜珍珠飯真係絕配，估唔到200g好似都係唔係好夠，好彩仲有 100g 豚腩肉，好滿足既一餐！

今天點了一分牛胸腹，一份豬腩肉，牛肉是ok的，醬汁、紫菜飯、沙律菜、湯也不錯，比較嚇人的是那一份豬腩肉，豬腩肉最底下藏著的三件每片約有三分二是脂肪，由於真的肥得太可怕了，直接告訴店員把它們收走掉了，因為跟本看見也吃不下，肥得太可怕了，只能當垃圾直接丟掉。

放假遇著氣溫驟降，去RUD吃日式燒肉吧！對著火爐暖暖的過冬！午飯時間也非常多人，幸好座位多，不用等太久就可入座。這裏吃燒肉，性價比很高！豬、牛、雞肉套餐，有不同份量，視乎自己胃口，掃QR Code自助下單。點了燒肉盛合$122，有齊豬、牛、雞共360g，套餐還包括海苔味噌湯，和日式胡麻醬沙律。火很快便燒旺，見到牛肉和豬肉脂肪慢慢滲出，並在肉的面上爆油脂變成金黃色，味道醃得好好味，咸淡適中，而肉質新鮮爽口，喜歡燒得乾身一點又得，得咗！升級紫菜蛋飯，有雞蛋伴在白飯裏更加滑溜，紫菜香味拌珍珠米飯，真的簡單而美味，有燒肉肉香，配各種醬汁，真的胃口大開。把沙律吃完，海苔味噌湯都喝光，還有這裏的特飲蜜桃乳酸，套餐加$22，喜歡蜜桃味香甜，又有乳酸味，酸酸甜甜的。吃完燒肉濃味，再喝一口特飲，非常清新怡人，整個人很舒服，不會覺得上火。埋單共$144，吃得超豐富，好味又滿足。這裡最便宜的豚腩肉100g 燒肉定食才$48，絕對值得一試，附近街坊有口福呢！

原來燒肉店有丼飯，有燒肉，仲有飯或者烏冬揀！逢星期一至五都有特價餐，非常抵食如果下午茶燒一個燒肉tea都幾開心～場內有茶可免費飲用，亦有其他飲品加購。上餐快，火力夠，所以一小時用餐都足夠。

今次帶大家黎食元朗抵食RUD燒肉，之前已經試過藍田店，今次試下元朗有冇唔同先！今次叫左一份$98 牛舌牛胸腹，同一份牛板腱，牛舌係薄切，但200g會有大概8片，一人食都好滿足，加上口感爽彈，燒得香脆更好食牛胸腹不過不失，好食既，畇嫌不夠牛味牛板腱大大塊，食落爽脆口感，配上佢地特製醬汁都好好食Overall性價比都高，又可以一人燒肉，份量足，仲有白飯麵豉湯沙律，中意食燒肉既人又想一人食既，絕對推薦大家食呢間

呢間夜晚都試過幾次，一人燒肉都幾好食有次見佢原來晏晝都有做lunch set，所以今餐買個外賣試試佢叫了一個薑汁荷蘭豚五花丼，$46除左個飯，仲有味噌湯同日式時菜沙律講左個沙律先，沙律菜用胡麻醬來拌，味道都幾好，份量剛好個湯就有啲怪，佢攪碎曬啲豆腐，賣相黎講實在唔太好而且海帶太少了，味道也太咸，飲左幾啖就冇飲了而個飯呢，好大碗好多飯大碗到食唔曬但係個飯有啲太硬了五花肉每一片都太細片了，不過都有十片嘅，味道就不錯，但幾塊都太硬但系菇同洋蔥多過豬肉所以整體感覺差左啲但系價錢挽回了$46有咁多野食系幾抵

屋企人想食，咁係Apps 攞定飛，同係3人飛，我C013，到店時店機顯示己經叫到C012， 咁諗住下張C 檯到我地啦，點知店員出黎叫C014入得，我問佢點解唔係C013 先，C飛明明係3人飛，店員話佢哋有小朋友，我見佢地有小朋友就算啦，我叫店員唔好要我再等咁耐，之後到我入座，店員又話係佢地攞飛時間早過我，我話唔係呀，你咁都講得出，我C013，佢地C014喎！係咪個出飛系統有問題呀？！到底攞飛既次序係點計？ 完全癲覆左攞飛既概念😡

午餐和家人黎到元朗搵食醫肚，見到有間燒肉店好受歡迎，好奇心下決定試一試😆餐廳係一人燒肉，每人面前都有一個燒肉架，感覺幾特別我揀左一份燒肉定食——牛胸腹(100g)，對於胃口比較細既女仔份量已經足夠。如果大食，亦有200 g和300g選擇👈🏻呢個套餐包括: 牛胸腹肉🥩➕白飯🍚➕沙律菜🥗+面豉湯🫕，另外亦可跟餐加配餐廳特色飲品和小食⭐️牛肉紋理清晰，肉質鮮嫩，搭配餐廳附送醬汁: 燒肉汁/柚子🍋‍🟩蒜蓉汁/辛辣檸檬🍋薑汁，別有一番風味😋而且定食價錢親民，值得一試👍🏻如果唔想燒肉，餐廳另外也提供午餐之選套餐家人揀左一份咖喱玉子配氣炸雞球丼，不得不說呢個飯好多咖喱汁，送飯一流🤩炸雞球食落肉質嫩滑，唔會乾。今餐真係食到好滿足

平日晚餐來到元朗呢一間RUD燒肉店👍🏻 以為要等好耐先入到去，原來入去嘅時間不到1分鐘，就可以即刻有位啦！😀 即刻同我阿妹點咗星期二嘅大激安餐「香蔥牛五花200 g」 ！ $78 （呢個價錢未包嘢飲） 如果加嘢飲，例如玄米冷泡茶、白桃烏龍腩泡茶，都係只需要跟參加$10 👍🏻✅ 好抵食。 200 gram肉有兩盒，即係有兩層肉。 肉質鮮味，又有蒜蓉汁、檸檬薑汁、同埋燒肉汁可以俾你點牛肉食。 🙌🏻 配料仲有海鹽、黑胡椒。 如果想食紫菜飯，只需要加$6 ，如果要食紫菜加蛋飯，只需要加$12。 😍

今日去食燒肉，上次嚟嘅時候舖頭冇人店員叫我哋喺部機度攞飛冇問題，我哋照攞，到今日我哋見餐廳入邊滿人我哋就去返部機度攞飛，係出面等左半個鐘，一直有客人入去無出過嚟，我哋以為入去搵朋友或者已經有朋友係入面喇，但原來唔係，而且一直無店員叫號碼，我哋就入去問下咩情況，原來多人既時候係唔需要攞飛嫁，咁個部野有咩用？ 雖然係性價比，但呢一樣野我覺得需要做返好啲，咁樣會令到人哋嘥咗好多時間喺度白白等，其餘食物都無咩問題

星期日去元朗探朋友，朋友話屋企附近有間好味又抵食嘅燒肉店，於是帶我同阿仔去試試。平時阿仔都好鍾意食燒肉，因為可以自己控制塊牛肉有幾熟，但以前我哋去其他燒肉店，叫碟肉幾十蚊但只有幾片，阿仔話食唔飽喎😅今次我哋2大1小，叫左一個300g嘅牛の盛合套餐，再叫一個200g的安格斯牛套餐；套餐有飯有湯。幾盤牛肉都相當靚仔，不同部位有肥有瘦，燒完蘸少少醬汁，放上白飯，再一啖放入口，非常滿足。醬汁有幾款，有燒肉汁、蒜蓉汁同比較特別嘅檸檬薑汁，全部都好好味；另外，亦可撒上鹽及黑胡椒，咁就更加食到牛嘅味道。我哋叫埋2支果汁，埋單都係三百幾蚊，3個人食左500g牛肉，我覺得真係超值👍🏼😍

天氣開始涼涼地，最岩就係食燒肉架啦，相對起傳統燒肉，我更加鐘意而家非常流行既一人燒肉餐，份量岩岩好，又有唔同g數選擇，唔使驚做大嘥鬼❤️RUD 係我食過咁多間一人燒肉，質素最高，雖然佢有好多間分店，但係我自己心水偏愛朗屏分店，一嚟地點非常就腳，西鐵一出5分鐘就到，而且我覺得食過咁多間肉質素係最好嘅🤭我通常都係9點後食，主要而家有個超抵優惠，叫餐可以加10蚊有100g 牛胸腹/豚肉/雞肉,我通常都係選擇 牛，烤起上黎有d焦香，特別惹味今次叫既係100g 牛配埋 紫菜飯 真係忍唔住成碗食哂

之前已經試過幾次呢間一人燒肉店 今次嚟到都係食返牛小扒加牛胸腹100g $78✨.午餐想平平哋食餐燒肉 呢間係幾好嘅選擇 兩點幾嚟到嘅時候唔使等位 套餐價錢算幾抵 相信女仔食100g套餐已經夠晒飽～雖然肉唔算多 但係套餐再包埋湯,飯同沙律一定夠飽👍🏻今次仲試吓佢個香蕉蘋果荔枝芒果果汁 不過不失 下次可以試埋其他嘢飲.餐廳裏面嘅環境都幾舒適 唔會好大油煙 食完出嚟唔會一浸味 亦好貼心地提供左一個置物籃喺櫈下面可以放晒啲隨身物品落去 總括嚟講 可以一試

經過見到入面都幾乾淨企理，價錢又唔貴，就食左個tea~豚腩肉100g定食($48)+牛胸腹100g($32)肉既質素就普通啦，但$48就有湯有肉有配菜，真係收貨~但個人覺得最好食既就係佢個雞腿肉(朋友叫 無影相)，甜甜地得來又juicy，下次要encore雞腿肉！