room 3

營業中

休息中

位於尖沙咀中間道H zentre 的Room 3是近期新開的酒吧餐廳之一提供了各式各樣的串燒及美食當然不少得主打的signature cocktails首先點了2杯特色雞尾酒Geisha Story Gin 酒做基調配上蜜瓜、蘋果、檸檬及紅酒做了一個漸變色嘅效果，每一啖飲落都好有層次Gurepufurutsu Sawa用sake 作為基調配上鐵觀音茶底最特別之處是酒杯上的西柚啫喱都可以食用雞尾酒還帶有蜜糖味，很容易入口飲酒當然要配送酒小食串燒🍡🍢點了日本白蝦、翠玉瓜、銀杏、日式燒蠔、厚燒牛舌、虎蝦、雞胸軟骨、白鱔及免治雞肉配日本溫泉蛋🥚串燒都烤得剛剛好，做到皮脆內嫩的口感作為送酒小食簡直一流👍👍另外仲有主食提供松葉蟹冷拼烏冬，細細碗但松葉蟹都好多，肉質鮮嫩再配上彈牙的烏冬，正啊👍牛小排丼非常有日本風味，用上粒粒日本珍珠米與獨製醬汁融為一體，飽肚又美味😋

餐廳位於中間道的新商廈 H Zentre 的 UG，從地面上一層便能看見這型格而隱密的入口，掀開了柳暗花明，裏面是貫徹的型格吧枱與高檔而舒適的環境，被安排了坐在吧枱位置，正好欣賞面前女調酒師的英姿。Gurepufurutsu Sawa，以西柚汁，SAKE及蜜糖調配而成，入口清甜爽身；杯上的是自家製的西柚啫喱，面頭還灑上了點點的爆炸糖，口感異常衝擊。餐前開胃小食是醃漬牛蒡、炸日本白蝦以及日本鮟鱇魚肝，白蝦炸得香脆，乾身而不帶半點油份；鮟鱇魚肝口感軟腍，入口散發著魚肝獨特的香氣，魚肝軟腍的口感正好和白蝦的香脆相輔相成。燒鳥拼盤，拼盤計有大蔥雞腿肉、雞軟骨、雞頸肉及雞皮，雞皮燒得香脆，令人難以忘懷；雞腿肉嫩滑，與大蔥配合得剛剛好。燒大頭虎蝦，虎蝦新鮮，蝦頭位置蘊藏蝦膏不少，肉身亦是相當誘人。汁燒美國牛小排，廚師把牛小排的熟度控制得剛剛好，鮮嫩的粉紅色與日本照燒汁的確好極。鱈場蟹肉冷拌烏冬，以少許澱粉質作結，充實。水信玄餅，很久沒吃水信玄餅了，黑糖的甜味為是夜畫上一個圓滿的句號。

這一間日式型格酒吧【Room 3】位於尖沙咀中間道一棟新落成的 大廈【H Zentre】。 這一棟大廈位於喜來登酒店旁邊，地點便利。食完飯之後到海旁散步， 或者到商場購物都只是幾分鐘的步程， 方便指數一流。這間【Room 3】集日式串燒居酒屋與西式酒吧於一身，除了有各種創新的cocktail之外，亦有各款日式串燒來佐酒，和朋友聚會happy hour一流。餐廳推出了一人份的《Champagne set $298》 同埋二人份的《Deluxe Champagne Set $828 for two》， 無論是飯前happy hour 抑或和朋友把酒談歡都相當適合。這間餐廳的裝修走高尚路線，既保留了日式木製裝修的簡約風格，亦加入了各款燈具以作點綴， 令環境氣氛更加有情調。而坐吧台的朋友就可以近距離欣賞到調酒師的技巧，更可以和調酒師交流一番。今次和朋友點選了Deluxe Champagne Set for Two， 這個套餐包含了各款不同的串燒和主食，最適合我們輕談淺唱。在食之前點了一杯呢度的特色cocktail【 Minty Highball】， 這款cocktail最特別就是用了GIROV

情人節，原定安排了晚飯後緊接的節目。但這一餐等了又等的情人節晚餐，令之後的節目泡湯了。在openrice上訂座，優惠提及主餐牌 套餐65折。但係及後才發現原來指定套餐才是65折……主餐牌沒有折扣啊～訂座後電話確認時，職員沒有提及有最低消費。到點餐時卻被告知最低消費$700。因為第二天要上早班的關係，所以未能點酒精飲品。點了兩杯無酒精飲品，侍應端上飲品時，未能說出飲品名稱，感覺很不專業。前菜及串燒很快就上枱了。燒海鮮的味道很不錯，但前菜份量感覺很少。吃完了前菜及串燒，等待主食花了差不多一小時。催了又催，飲品早被喝乾，終於端來一小碗飯上有幾片燒肉。味道普通得很，實在令人感到十分之失望。等待的途中，不少客人都因沒有食物氣憤離座，更有客人質問經理上菜的邏輯。在我而言，要客人等了一個小時的主食，以及端上甜品卻不給客人匙羹，這間餐廳的管理存在很嚴重的問題。結賬時最有效率。讓客人們這麼乾等，這價錢，我們應該有更好的選擇

經openrice訂座情人節當晚18:00入座。因為選擇了最早的晚餐時段，入座率尚低，第一輪食物（包括酒、串燒、主食）上菜速度，質素及溫度亦令人滿意。然而，大約到了19:00，入座率漸增，第二輪已點選食物上菜速度完全離譜，甚至出現漏單情況。以我為例，我只點過兩輪食物，由18:00入座至差不多20:45離座，第二輪食物竟未完全到齊。期間曾兩次催單均無效，僅獲店員循例回覆會跟進。更令人費解的是，幾乎全店每桌顧客也有催單、漏單情況。在我離開店舖前，已見幾桌不同的顧客曾經走出座位，跟店員反映、投訴上菜速度問題，不難發現全店幾乎每枱顧客也在東張西望，枱上並無食物，或只有少量食物。直至我放棄繼續無止境地催單而離場為止，尚有串燒及甜品並未上菜。而甜品更是我經openrice訂座時已備註預留的品項，店方早幾天confirm booking 時也確認及承諾會加上情人節祝賀字句，可惜當日最後三催四請也不見該甜品蹤影，原本為同桌伴侶準備的驚喜也泡了湯。（等待）進餐期間，我也發現樓面店員為數其實不少，不過落單及上菜的情況頗為混亂，亦無能力回應顧客對上菜的查詢。當中，我見過幾次幾個店員聚集在一起，面對待上枱的食

Room 3 is a bar hidden in the rather new H Zentre in Tsim Sha Tsui.  The bar with a high ceiling is spacious and chic.  Servers are patient.  One can enjoy the promotional Happy Hour Set, which comes with 1 appetizer, 1 yakitori and 1 drink, at HK$108/set during the daily 4-7pm Happy Hour.  Snack quality is quite good for bar standards.  Highly recommend the crispy Chicken Skin Dumpling, the crunchy Chicken Soft Bone, and the flavorful Chicken Gizzard!

同事介紹尖沙咀有間正嘅串燒店，話裝修同嘢食都頗好，特登過嚟幫襯一下，裝修感覺較時尚，唔係舊式嘅串燒居酒屋，好有feel，啱曬情侶拍拖食飯或者朋友聚會聊天，座位寛敞舒適，招呼亦主動親切，Gurepufurutsu Sawa西柚味的cocktail，搭配著啫喱，好特別，大部分女生都應該會喜歡，Ananas Epice這款是菠蘿味的cocktail，味道有點酸酸甜甜，配有一大塊菠蘿，鱈魚干烤得金黃色，剛剛好，非常香脆，佐酒一流，雞肝外皮微脆，咬開口感軟嫰，醬汁惹味，雞腎彈牙爽脆，調味不會過鹹，正！炸日本白蝦很香脆，而且師傅炸得非常乾身，一點也不油膩，日本燒蠔配上蔥蒜同燒，好鮮味，肉質爽脆，仍然很juicy，厚燒牛舌超厚身，口感彈牙，外脆內嫰，個人認為呢款必點！雞胸軟骨脆口的軟骨，軟骨上又附有肉，香脆惹味，免治雞肉配日本溫泉蛋免治雞肉口感豐富，混合了軟骨，又充滿肉汁，蘸上蛋味濃郁的日本溫泉蛋，超滑溜，鯛魚燒內裡的餡料是紅豆，不會過甜，外面香脆，內裡軟滑，為這頓晚餐畫上一個完美的句號。

夜晚同朋友食完晚飯，佢話想飲調酒，所以去咗呢間。佢個門口都幾隱蔽，幾高私隱度我同朋友每人一杯，侍應都同我地介紹左每杯有咩特色，我揀左杯咖啡味偏重嘅調酒，我朋友叫左宇治抹茶紅豆，幾特別同少見

今晚同朋友團年, 餐廳裝修甚具時尚感, 花左唔少心機時間, 無論燈光, 傢具, 都好有心思, 感覺與別不同.Kissaten (黑蘭姆酒, expresso咖啡, 紅莓, 雪利酒, 焦糖)外觀好靚, 甜酸微苦有齊, 易入口, 酒精量不多, 不錯既餐前酒雞心燒得啱啱好, 不會太硬身, 秘製醬汁好夾炸日本白蝦好脆, 超級鬆化, 放入口即刻碎晒, 蝦味濃郁, 佐酒之選章魚丸子燒有彈性, 內裡帶煙韌, 配埋紫菜, 沙律醬, 和風醬汁, 大阪風味浮現出來雞肝燒到香味四溢, 肉質粉粉綿綿, 同樣配秘製醬汁, 食後香氣依然留係口腔裡面雞翼燒到外皮脆卜卜, 但裡面肉質依然嫩滑, 不需特別香料, 優質既雞肉本身已經散發香味免治雞肉配日本溫泉蛋堅實既免治雞肉, 燒到香噴噴, 配埋新鮮日本雞蛋, 又滑又爽, 滲出濃濃既雞味炸雞件熱辣辣既炸雞, 乾身但內裡充湖肉汁, 嫩滑非常, 配少少沙律醬已經足夠魷魚一夜乾原條魷魚, 燒後非常香, 好惹味, 外脆內嫩, 不油不膩松葉蟹冷拼烏冬新鮮既松葉蟹肉已經鮮味十足, 配埋冷烏冬不二之選燒菠蘿平時BBQ就試得多, 估唔到餐廳都有, 外面燒到微微燶, 收乾少少水份, 食落香

今日出左花紅，就同同事一齊去慶祝一番，同事介紹呢間居酒屋，主打食串燒同飲cocktail，裝修非常時尚，好有氣氛，得閒黎飲返杯都唔錯。Ujikintoki呢杯cocktail好特別，用宇治抹茶做底，再加入紅豆，同威士忌，比較甜。炸日本白蝦白蝦好細隻，將白蝦炸到脆卜卜，好香口。章魚丸子燒外皮酥脆口感扎實。日本大蔥雞肉串日本大蔥非常鮮甜，配雞肉非常夾。免治雞肉配日本溫泉蛋食落有雞軟骨既口感，再配上日本溫泉蛋蛋汁，味道調較得岩岩好，相當惹味。炸雞件雞肉炸到外脆內軟，肉汁被鎖住，非常juicy。日本燒蠔生蠔非常新鮮，滿滿海水味，放上蒜粒一齊燒，非常鮮甜。魷魚一夜乾鮮甜中帶有魷魚獨特的濃郁鹹香。肉質脆彈帶有嚼勁，細緻而不油膩。松葉蟹冷拼烏冬松葉蟹肉質扎實，味道鮮美，冷烏冬非常彈牙。燒菠蘿菠蘿燒過更甜，食落啖啖都有菠蘿汁。

話說知道呢間Bar係因為割烹，環境舒服，適合情侶談談情、閏蜜說說心底話，三五成群就不太好，聲浪一定會影響其他客人呢🫠呢度嘅clocktail都尚算不錯，當中有杯用紫蘇葉嘅最為特別（The Fiction)亦都係呢度嘅signature clocktail, 尤其侍應會連同一個橙味乾冰遞到客人面前，提升層次，但當日那個侍應倒水落乾冰時炸水，令到成張枱連同我上半身都彈濕晒😶‍🌫️😶‍🌫️😶‍🌫️😅點了幾款串燒，白鱔、雞肉棒都不錯！

Happy Friday 當然就係同朋友出去小酌兩杯，輕鬆一下，傾吓計啦～ 尖沙咀酒吧大部都比較熱鬧，想搵一間靜靜地既酒吧不容易，所以朋友就帶我到這間日系酒吧chill 吓，酒吧位置非常方便，一出地鐵站就到，而且內裏環境精緻優雅，最適合想靜靜地傾計既朋友仔～ 這裏的雞尾酒好有特色，調酒用上好多re-distillated 或infused既烈酒，令味道更豐富，也令雞尾酒變得更多樣化，所以佢地既特色雞尾酒值得慢慢欣常，又靚又好飲，啱晒我地🥰 🌟Fiction 呢杯cocktail 上枱時仙氣滿滿，打卡一流👍🏻。上枱時店員以橙味煙燻加持，真正睇得又飲得，Fiction 以香檳及日本gin 做酒底，加上紫蘇葉，所以味道比較清新，酒味不會太濃，啱晒女士 🌟Uisuki 呢杯相對就比較低調，用月光寶盒呈上，以日本威士忌做酒底，加入無花果糖漿，及少許甘苦味的cynar，酒感相對較濃，唔會太甜，像人生的一杯酒。🌟Ananas Epice 呢個係店員特別介紹我地飲，話係童年的味道，又真係好唔錯，以re-distillated 青檸皮的Vodka 做酒底，配以菠蘿，柚子檸檬，所以有少少鳯仙的味道

閒時喜歡和朋友把酒談歡，早前來到位於尖沙咀H Zentre 的「room 3」 ，餐廳取名「room 3」，就是以3個不同風格劃分不同用餐區。走進餐廳已經被長長吧枱和無數調酒吸引，加上室內燈光會隨時間調暗，在如此氣氛下，一邊品嚐調酒師調製的雞尾酒，一邊用餐，令人賞心樂事 🥃ᴜɪsᴜᴋɪ 先來以煙霧帶來視覺藝術，用上日本ɴɪᴋᴋᴀ ғʀᴏᴍ ᴛʜᴇ ʙᴀʀʀᴇʟ作為基酒，加入番石榴酒、無花果糖漿，調製出強中帶甜的雞尾酒🍹sᴀᴋᴜʀᴀ ᴄʜᴀ 以ʀᴏᴋᴜ ɢɪɴ和櫻花酒為主酒，加入茉莉花茶和ᴘᴇᴀᴄʜ ᴛᴏɴɪᴄ，人口散發著花香果味，相對容易接受！ 食物方面同樣出色，以日式居酒屋串燒為主 🥢免治雞肉配日本溫泉蛋 - 免治雞肉鮮嫩，飽滿多汁多汁，沾上溫泉蛋汁可增添味道🥢日本鮟鱇魚肝 - 如鵝肝般細滑，入口即化🥢燒白鱔 - 外皮香脆，鮮嫩多汁🥢雞心 - 口感有彈性，富有嚼勁🥢雞肝 - 柔軟滑嫩，口感味道都很好🥢燒秋葵 - 灑上鹽花，少少鹹，口感爽脆🥢燒迷你甜薯 - 一口一粒，相當清甜🥢炸日本白蝦 - 香脆可口，佐酒小食🥢炸雞軟骨粒 - 外脆內軟，極為惹味🥢炸雞件 - 外層酥脆，入口鮮嫩多汁🥢

呢間Room3好有格調 有feel啱晒鐘意HAPPY HOUR 約friend傾計飲嘢嘅朋友嚟感受下氣氛👍🏻😍音樂有house music chilling vibe令你一踏入個場就好似上咗電咁身體自然想郁郁下😜😂飲料有酒精🍷及 非酒精🍹可以乎合所有喜好嘅朋友仔我目測好似所有酒類都有 滿足到愛酒之人而食物方面都係一啲佐酒小食為主串燒烤串 都好可口 送酒一流😍我哋叫下叫下 都唔記得叫咗幾多串有三款我覺得幾出色燒白鱔、厚燒牛舌同波特菇白鱔、燒牛舌同燒大菇 推薦大家試下今次嚟都係主要同閨密傾下計 放鬆下酒水其次 盡訴心中情先係重點😇

今天同朋友慶祝生日，散叫食物，所以食物的味道不錯，除了炸白蝦的溫度是室溫，其他鰻魚飯，鮟康魚肝都不錯，最令人驚喜的是炸池魚，芝士年糕同紅豆鯛魚燒，熱辣辣好好味。另外，餐廳處理餐具的衛生有待改進，由於我懷孕只能飲暖水，問了餐廳員工要了兩杯熱水，其中一杯竟然發現大量灰塵，嚇到我唔敢再飲。最後，本身同餐廳說好要order甜品慶祝朋友生日，openrice已寫了註明，另外whatsapp 再次確認，但最後餐廳卻忘記了，最後來了一個沒有寫happy birthday 的甜品，要問後才上一個寫了慶祝語句的甜品再外加四小杯試飲，而寫了慶祝的甜品是要另外付錢的。