Riverside Grill

營業中

休息中

今午經過海濱想搵間露天餐廳，見人唔多加上上次又試過，便入座去。今次想試啲新嘢，主餐order 咗份fish and chips, house special pizza 同兩個凍飲。上枱見條炸魚都幾靚仔，點知好眉好貌，一切落去，啲魚肉已散哂，仲好快淋哂，收得呢個價錢，質素真係勁一般，整體都係一般，應該唔會再試了！

今晚去到不需等位，首先侍應問我坐室內定室外，我話想坐室外，佢就話得返室內😓。坐底咗諗住叫嘢食，d侍應企哂喺度傾計，但都你推我讓咁，等咗好耐先過嚟。啲食物到咗，佢哋竟然無意識俾餐具我哋，莫非要用手食😡魷魚圈只食到油炸味，無魷魚味牛柳叫咗5成熟，但都好硬，唔夠肉味三文魚寛條麵就夠味最後我哋先發現到間餐廳侍應竟然唔帶口罩🙈

哩間正呀逢星期四就會有扒餐買一送一同老公黎試過大滿足今日同朋友再黎過一黎就點主角四條友點左Tenderloin and Rib eye各二環境近海，優美但唔靜架，好多人黎飲酒🍻傾計，享受人生肉是外脆內軟的夾著點脂肪食，牛香味十足7成 近邊的自似全熟，但肉汁是鎖死的食到咁上下就見到肉汁豐富架喇人就係咁衰，見到抵食就叫多一兩樣一齊食，意大利芝士pizza同薯皮🤪唔洗描述，睇相睇相！有圖有真相！建議pizza黎到即食左件先，拉絲必須要襯熱好！4個人埋單6百鬆d，抵食到震！如明天放假我地好可能叫杯酒飲下，襯下牛扒，享受人生，可惜翌日是星期五，我哋冇叫野飲。餐廳會提供清水，唔洗口渴😊整體上是超正的👍🏻除地點唔太就腳海濱長廊旁邊唔可以泊車另外，坐outdoor 有個缺點，樓上係有米業主，佢地要早瞓所以晚上十點前就要離開（扣左丁點分）建議將軍澳起左激安殿堂後，shopping完行出海濱再來享受美食，不過唔知到時有冇星期四買一送一優惠呢🧐

大少生日，佢話唔洗去咩地方唔洗特別做啲咩，搵間可以同個女一齊食飯嘅餐廳一齊坐一齊食飯就滿足😚咁簡單嘅生日願望當然冇問題啦😉Caesar Salad 🥗 $95滿滿嘅芝士碎🤩🤩🤩沙律菜好新鮮，又好多煙肉粒同脆麵包粒呢啲先叫做沙律㗎嘛😋Potato Skin 🥔 $95呢款焗薯皮，好似比較少食到😄入面有肉醬、牛油果蓉、幾款唔同嘅芝士，外皮又焗到脆卜卜好惹味😋Seafood Pizza 🍕 $155好大塊😆但唔會好厚，咬落去係脆的👍🏻pizza餡超多又唔會焗到乾

要知道將軍澳好多日本菜、中菜，搵一間有特色、味道唔差既西餐廳都要想幾秒。個人覺得Riverside Grill幾值得去，位於海旁附近，適合大班朋友或家人，坐低飲杯酒、鋸下扒。BBQ烤雞薄餅，燒烤醬味濃郁卻不會過膩，雞肉肉質嫩滑，薄餅口感軟熟，配上拉絲芝士、香烤蘑菇、紫洋蔥和燈籠椒，令香味昇華。平時屋企都會整BBQ Baby Ribs食，點左半份惹味醬汁燒排骨，侷得耐左少少，但醬汁惹味可口，排骨大大條，啖啖肉好滋味，燒得微焦的排骨邊脆口帶有一種獨特香味。香草番茄海鮮意大利飯最適合不好辣既屋企人，番茄味道濃郁，意大利飯吸收曬番茄、海鮮、雞湯既精華，同事食到番茄的甜味和海鮮的鮮味，飯粒口感算是不錯，再硬身少少就正。每次都抗拒唔到香辣蒜蓉白酒蜆肉意粉，呢間醬汁做得不錯，意粉滲滿蜆肉鹹香、酒香和蒜香，看似簡單既一道意粉，要煮得入味唔係一件易事。

When we get into the shop and arrange have a seat outside, the shop need us keep silent (like a library), we confused that how to go dinning under this non-scene “restriction” like to stopping talking anymore.Especially the boss who shout us and iterate stop any sound when we just have a seat and feel not very well.An unfriendly place convince us would not come again.

意外地選了這間餐廳 , 沒有book 位，唯有walk in ！等左一陣，已經有位！叫左炸魷魚圈，做得好好，炸粉唔會太厚，外脆內軟，加上檸檬汁，正意粉，硬度適中，唔會太硬或太淋，白汁都creamy 仲叫左個10 oz 牛扒，叫左5成熟，偏熟，但都ok. 外脆內軟叫左杯Mango smoothie...普通芒果奶昔，沒特別。-今日好多人生日，侍應會一同唱生日歌，氣氛唔錯。加上outdoor, 感覺很chill !-侍應服務態度很好，很有禮貌，亦都唔覺侍應唔鍾意🐶🐶。因為眼見都有逗🐶玩。埋單每人都係2百幾蚊，CP值很高，回頭率非常高！！

今晚去左將軍澳同朋友食飯 & 慶祝生日🥳。餐廳距離將軍澳地鐵站大約15分鐘路程, 如果唔係朋友住附近, 我真係唔知點行過去。朋友話之前食過幾次, walk in 入OK, 唔需要等位。但今日我地去到既時候, 係門口已經有一條人龍出現, 朋友有少少諤然。我地要等4-5張枱 (因為人多👫👭), 不過我地排既時候都未齊人, 所以一路排隊, 一路等朋友。我地總共有7個人, 等左20分鐘左右, 然後咁岩有兩枱人離席, 店員幫我地將戶外的兩張方枱拍埋一齊就入得。Prawn Al Fungi香濃芝士大蝦意粉 ($120)無改錯名, 芝士味好香濃, 上枱時除左見到意粉好掛汁之外, 面頭都鋪左少少芝士絲🧀。意粉唔會林, 有咬口, 仔細食落仲有少少松露既味道。另外, 一碟入面都有幾多隻蝦🦐, 而且隻隻都好大隻。BBQ Ribs (Full) 惹味醬汁燒排骨 ($240)托賴今次飯局人數多, 可以叫到full ribs! 呢個Ribs 無令我失望, 上枱既時候我已經聞到好香的BBQ醬味道, 因為整排Ribs面頭鋪滿左BBQ醬, 閃令令! 🤤而且份量好多, 勁大碟 (同我前臂差唔多長), 我地平均每個人都食到

今日去到將軍澳新區～鐘意外國feel就岩哂黎呢到~餐廳係對住海邊～員工係尼泊爾印度人佢地好nice☺️全部都係講英文唔洗怕溝通唔到 ～估唔到呢到好多外國人黎食野不過要黎就要預早排隊啦～我七點去到排隊己經好多人等～肉眼扒12安士$218肉汗juicy～入口肉質鬆軟配搭埋醬汁更帶出牛味更濃郁～加埋薯菜真係食唔停口脆炸焗薯皮 $95一客有六件～薯皮真係勁好食焗至脆口～一邊係肉醬加爆香左既洋蔥另一邊係牛油果～再係面上加cream cheese ～可以食到唔同既口感😋惹味又香口～真係不得了～希臘沙律 $95好多配料～芝士粒入口即溶～再配酸酸既沙律汁另到個人好開胃～

將軍澳好吃的西餐不多，特別是性價比高的就屈指可數。這家店自從開了以後就成了每週必吃餐廳，基本上想過的菜式都非常的好吃。店內環境很好，座位之間不會太擁擠，特別是餐廳也提供patio給大家，天氣好的時候坐在外面非常舒適。這家店有thursday special， 非常抵食，週四兩塊牛扒只需要$248就可以享用！ 要知道平時一塊就已經賣$228。牛肉的質量也很好，還會配上薯條和沙拉。特別值得一提的是他們的牛扒燒汁，味道非常好。平時的話會點pizza，avecado chicken salad，pasta， 都非常好吃。 大家一定要試下！

呢一個星期六，老友終於有時間house warming，不過，都係出街食😆😆，睇完佢間靚屋，欣賞完一套好戲，就去附近餐廳食，之前 call 訂位，無添！ 好彩 walk in 都有😁👍🏼坐下來，研究一陣，就叫咗一個沙律，一個小吃，一個主菜！ 沙律先到，賣相唔錯喎！食落都唔錯，材料新鮮，配料特別，好味😋小吃到，potato skin，好味😋 比以往食開嘅薯皮多少少料，幾好，本人幾鐘意😁主菜到，雞肉意大利飯，嘩！乜咁大碟！賣相ok啦，味道都係ok😅😅

Coffee Delights 一大杯泡Mango Smoothies 成杯Mango Juices👆🏼我問點解杯Smoothies. 成杯汁、啲啲冰都無！個啲垃圾侍應生問我！係咪要冰！smoothies 咩唔係沙冰？佢問返我轉頭！野食幾好都唔應該點答人😡🤬🖕🏼🖕🏼

終於都畀我等到將軍澳有bar & restaurant......唔使下下跨區出去飲野喇。。。。。。呢間的shisha重要只係 $138 ( around this range, exact price唔記得左 )shisha cocktail 都係正常價位 $70 -$90 。但有海景喎，乜都抵番晒喇今次叫左佢個芝士薯條同心太軟。正常發揮。下次一定要試下佢既dinner

呢間餐廳開正將軍澳海濱中間經過好多次 望落環境幾chill 今次同朋友第一次試 閒日夜晚8點黎到 坐左一半人 唔洗book位因為天氣好熱 坐左入面環境黎講係有少少嘈 傾計唔算好岩 但都坐得舒服服務好好 望住出面有少少赤柱既感覺食物方面偏貴少少 份量唔算大

抱住隻貴婦狗想入去食嘢，問吓個外國人waiter係咪唔可以比狗入去食嘢，佢即刻好大反應好惡咁話No! 全程黑面！Pet lover please don’t go! We just search for pet friendly restaurants! But finally get there to see their horrible black faces! The foreigner with bald head and glasses! He’s definitely a dog hater!