Restoran SAYA

營業中

休息中

.閒暇星期日去大角咀小區遊走.一探米芝蓮泰國餐廳有兩款餐牌早午brunch set 餐牌 正常餐牌價錢中等大概係$100至 $200內1️⃣ 泰式濕炒牛河2️⃣ 泰式炒空心菜.兩人食過 份旺適中 有5份飽味道👅不錯 可以一試但CP值偏低店內環境很chill的南洋風.剛好用了OP買的代用現金卷💰 $50買100用兩張都夠兩人食個午餐服務好一般連清水都沒有 just Tap water但侍應要俾濕紙巾🧻.留意會收加一服務費

位於奧運嘅泰式餐廳見到係米芝蓮推介 餐廳裝修好似東南亞風 無論打卡同用餐到好舒服 座位唔算逼夾 <泰式木瓜沙律> 呢個係每次喺泰國餐廳都會叫嘅前菜 雖然睇落好簡單 但每間嘅調味都會好大唔同 呢間嘅味道唔錯唔會太鹹或者太辣但唔知係青木瓜本身嘅問題 定係crush得唔好 青木瓜條偏硬 而且唔入味< 炭火燒牛肉>牛肉燒得唔錯 可以見到佢中間仲係粉紅色 以外面燒到濃濃地 有微微嘅炭燒香味 可惜 佢上菜嘅時候已經凍左 而佢中間嘅garlic oil好好味<泰式青咖喱雞> 黎嗰青咖喱係配蒜蓉包 傳統嘅咖喱雞應該係無皮嘅 佢咖哩做得唔錯 creamy同埋夠香

好耐無食泰菜之前bookmark左呢間係大角咀既泰菜餐廳餐廳唔算難搵環境都乾淨企理都算係打卡able我地係Sunday 5點時間去餐廳無其他客人等我地一枱食物種類唔算多價格都正常但份量有d少同朋友2個叫左一個金麵一個炒寛河粉覺得金麵有少少唔夠味道但有個炸麵都特別既炒寛河粉係和牛牛肉都林河粉味道鹹啖適中另外仲叫左薑菠蘿沙冰同堆coconut沙冰2杯飲品味道都唔夠濃覺得食物同飲品都有改善空間但見到餐牌係米之連就有點不解了

餐廳以湖水綠為主色調搭配藤製家具充滿熱帶風情，洋溢著渡假感覺自然光透過落地玻璃進入，營造寫意氛圍牆身掛帶有搞怪海報，增添點趣味✾ 蟹肉奄列 $178奄列金黃厚身，蛋皮微微焦香切開內鬆軟濕潤帶點蛋汁，滿滿鮮嫩蟹肉搭配是拉差辣醬增添風味✾ 泰北辣肉碎生菜包 $128滿滿肉碎充斥檸檬葉、九層塔和洋蔥香味入口酸辣清爽且帶點油香用生菜包著吃口感豐富又惹味✾ 泰式魚露炒椰菜 $88椰菜搭配胡蘿蔔和菇一齊炒入口爽脆帶點魚露香✾ 芒果糯米飯 $78一大朵芒果花放在糯米飯上，相當誘人再加入玫瑰花花瓣作點綴糯米飯軟糯煙韌，淋滿濃郁椰漿搭配香甜芒果，每一口都很有滿足感✾ 椰汁沙冰 $58炎炎夏日最適合飲沙冰，透心涼沙冰幼滑充滿椰香，消暑解渴✾ 菠蘿青檸蜜（熱） $38入口清甜滋潤富果香

Happy Friday 約了友人到大角咀食飯，本身想去的店子full左，即轉場去左米芝蓮必比登推介的Restoran SAYA，泰國東北菜餐廳，依善料理，有幾好食就一試究竟。因為即慶去冇book位，都等左一段時間(半小時以上)，星期五來講等耐點都正常嘅。餐廳面積頗大，以湖水綠為主調，坐的是藤椅，大自然之感有著泰國的風情。餐牌，一場來到，試下個主打。泰式椰子咖啡，$68，有咖啡香味同時又有椰香甜味，味道平均，不俗。椰子沙冰，$58，友人的。泰北咖喱金麵(Khao soy)，$128，賣相整齊，份量正常，咖喱味濃郁，椰香味重，少許辣，但又唔算好好食，味道中上，金麵一半係炸一半湯煮，炸麵脆口，煮麵口感煙韌，各有特色，炭燒雞扒，幾香口但肉質唔算好滑，正常水準。依善辣豬肉生菜包(Larb Moo Isan)，$118，爽脆的生菜配上豬肉碎，香料馥郁芳香，味道酸辣帶鹹，清新之感。芒果糯米飯，$78，賣相十分精緻，玫瑰花造型的芒果，味道清甜，椰香味唔算好濃，糯米飯口感軟糯，正常味道。食物正常水準，服務態度一般，價格尚算合理。

位於奧運站既Restoran SAYA環境裝修不錯 餐廳以湖水綠色為主調 打卡又唔錯wo😆🔸冬陰功蝦片蝦片夠香脆上面佈滿冬陰功粉辣辣地 好開胃🔸蟹肉奄列之前見到話係呢間餐廳既signature dishes都幾大份 2個人食都好夠👍🏻蟹肉餡料豐富 配上秘制醬汁都幾惹味🩷🔸泰式香茅燒雞 (半隻)需時大概25分鐘 但都值得一等 雞皮茅燒到好脆口 雞肉鮮嫩多汁🤭醬汁滋味恰到好處 酸甜帶點微辣👍🏻🔸泰式咖喱蟹汁軟殼蟹咖喱汁好香 唔會過辣 濃稠度剛剛好 唔會太水軟殼蟹炸得啱啱好 唔會好油又脆口😚🔸芒果糯米飯芒果片仿玫瑰花瓣 又幾靚wo芒果量多 食落清甜配埋浸透滿椰汁既糯米飯一齊食 絕配👍🏻

唔講真係未必知大角咀原來有間🏆米芝蓮泰國菜餐廳—Restoran SAYA😍價錢仲好合理! 餐廳以湖水綠為主調, 裝修時尚且有格調😳✨🦀泰式咖喱蟹汁軟殼蟹原來佢已經跟埋3塊蒜蓉包，咖喱汁好濃郁，入面仲好多配料！🦀軟殼蟹炸粉厚咗D,但唔會覺得好油膩❗️✨🥭 芒果糯米飯 $78 芒果砌到成朵花🌸咁，夠晒賞心悅目😳鍾意佢糯米飯唔會太多😍芒果肉同椰香味則滿滿！✨🦐蝦片 $38同傳統嘅泰式蝦片唔同，上面有唔少冬陰功味粉，味道酸辣🌶️✨🥬泰式炒通菜 $88通菜炒得夠腍身，味道唔錯✨🐷生菜包豬肉 $118份量都幾多，食落真係啖啖肉😳✨🍋‍🟩青檸茶 $38✨🧋 泰式奶茶$38

榮獲米芝蓮推介—Restoran SAYA，位於奧運站附近一間別致特色泰國菜。餐廳整體以湖水綠為主色，配上花紋瓷磚地板、牆上特別既貼圖等，令裝修充滿時尚玩味風🔰 食物方面，特別推介泰式咖喱蟹汁軟殼蟹，濃郁咖喱醬汁配上蟹碎、軟殼蟹，再點上蒜蓉包上食，相當惹味開胃；而和牛炒寬河粉，河粉質感特別Q彈，有別於一般坊間中既河粉，值得一試～ 個人認為每一道菜式都有其特別之處，睇得出廚師背後花嘅心思，係幾唔錯既泰國菜👍🏻

隔籬枱有人生日播歌，個staff 操作失敗，將聲量推到最高並且發出震穿耳膜既尖銳聲音，好似耳仔貼住個火警鐘咁ring 左5-6秒😵‍💫 全場人都嚇親，好慘，希望聽力冇受損😓 不過冇staff feel sorry.食物- 唔太掂，炭火牛唔夠熱，唔似炭火燒; 咖喱普通，有啲似即食意粉d醬汁; 蟹肉奄列，味道普通，不過夠熱。唯一可以讚係打電話嚟confirm Booking個女仔好有禮貌。Staff tried to play birthday song but accidentally (inattentively) turn the volume to the max, putting ears next to the ringing buzzing fire alarm bell doesn’t fully describe how painful it was. Everybody was scared by the piercing sounds, I hope my ears are not damaged 😵‍💫Food - tbh below average, beef a

大角咀嘅🇹🇭泰菜餐廳🌟Restoran SAYA🌟，連續兩年獲得🏅米芝蓮必比登推介，人氣極旺🔥！🥗小食拼盤 $148有別於一般有蝦餅魚餅雞翼嘅拼盤，SAYA嘅拼盤係香脆嘅蝦片、特色清邁腸、粒粒飽滿嘅依善糯米腸、同埋外脆內綿嘅雞棗！🦀泰式咖喱蟹汁軟殼蟹 $188咖喱汁香郁得嚟，仲充滿來自蟹肉嘅鮮味同埋蛋香！軟殼蟹炸得啱啱好，脆口又美味！🐂炭火燒牛肉 $208粉嫩誘人嘅燒牛肉，軟腍之中帶少少炭香，燒得靚過唔少扒房！🍮泰式焦糖奶茶奶凍 $58泰式奶茶味嘅奶凍再加入焦糖漿，甜得嚟又不失茶香！🥭芒果熱情果沙冰 $58｜咸檸7 $38沙冰綿滑，甜美香郁！咸檸7清爽怡人！

食物質素唔錯，上野食快，店員有禮物泰國菜黎講野食少貴，不過水準水準符合價錢2人食-蛋包蟹 足料-咖哩雞麵 雞滑，炸咗嘅面筒煮咗嘅面撈埋一齊食係有少少特別-烤牛，係夠淋，不過唔夠味，同埋冇烤出黎既外脆內軟-泰奶茶 好飲二人枱嘅位置同隔離坐得好近好埋，有少少唔舒服，如果我係去九龍城嘅泰國餐廳我覺得咁樣正常，但呢度個價錢同裝修日嘅感覺應該係要相對較輕鬆relax唔建議將客人group得咁埋坐，所以係星期日晚上但係未見話全場滿咗啲枱可以移動開少少另外，冷氣機滴水，買單嗰陣先生又同店員反映，希望有待改善

2023及2024年米芝蓮餐廳推介🏅Restoran SAYA 裝修採用湖水綠色背景，配搭藤製傢具同壁畫，帶有泰國風情。泰籍廚師團隊主理，還原正宗泰菜，個人好推介炭火燒牛肉同埋泰式炭火鹽燒魚👍🏻🐮 炭火燒牛肉 💰$208牛肉燒到五成熟，唔會過熟好嫩滑，切嘅厚度啱啱好，唔難咬，配埋個醬汁汁好好食🔥 泰式炭火鹽燒魚 💰$288魚嘅size夠大，炭火燒完魚既肉質都仲好嫩滑，多肉唔多骨，可以夾埋生菜同兩款醬汁食🦐 泰式柚子蝦沙律 💰$128好欣賞柚子係一嚿嚿，唔係碎濕濕，食落去先會咬到柚子嘅口感，泰式汁惹味但係唔會好辣，另外蝦好新鮮好彈牙🥭 芒果糯米飯 💰$78芒果好甜，而且份量好多，糯米飯係熱身，而且夠腍夠煙靭，椰漿味都好出🍹 芒果熱情果沙冰💰$58沙冰份量好大，芒果熱情果味道好夾，味道清新🥥 泰式椰子咖啡 💰$68平時出去飲椰子咖啡都係椰子味偏淡，但今次依杯咖啡椰子味幾出，咖啡味又出，有驚喜

大角咀咁多好野食，呢間主打泰國依善(Isan)地區嘅泰菜，就連續兩年成為米芝蓮必比登推介餐廳🤓 湖水綠裝修充滿熱帶風情，打卡一流！周末中午嚟到唔算多人都坐得幾舒服，部分菜式都比較少見，值得一試～-🦀蟹肉奄列 ( $168 ) Kai Jiaw係呢度嘅招牌菜，用蛋皮包住滿滿嘅嫩滑蟹肉，蛋皮略乾，點埋特色辣醬就啱啱好！🥩炭火燒牛肉 ( $208 ) 燒到7成熟左右，好香炭燒味，肉嫩冇筋，唔點醬都夠晒味😋 亦可以配埋醬汁同生菜一齊食😙🍜泰北咖喱金麵 ( $128 ) Khao Soy椰漿味重，咖喱易入口，蛋麵一半湯一半炸都幾有特色，烤雞亦夠嫩滑，難怪每枱都嗌🤣 🥘泰式荔枝紅咖哩燒鴨 ( $148 ) 配搭較少見，入面竟然有荔枝同菠蘿🤣燒鴨皮香肉彈，紅咖喱相對辣同惹味，蒜蓉包索晒啲汁超正🤤🥭甜品試咗芒果糯米飯 ( $78 )，擺得好靚好似花咁，而且芒果好鮮甜！P.S. 前菜炸蝦片係冬蔭功味，辣得好過癮👅

嚟呢間餐廳食飯，係因為有一日喺openrice主頁見到呢個廣告，心諗米芝蓮泰國菜都唔會平，但係睇睇個menu，都還可以，係中等價錢，但打著米芝蓮旗號就去試試。喺openrice book咗位，7點鐘店內都差唔多滿座，我哋坐嘅係窗邊高吧台，要排排坐望住窗口食飯。椰青 $58好熟，啲肉勁淋，都算香，但唔凍，只係室溫，椰青夠凍會比較好飲。泰北咖哩金麵 $128聽講係招牌菜，叫翻個試吓。啲咖哩都幾辣的，見到好大堆個啲係脆條，又或者係脆麵？浸啲咖哩汁會好食啲，不過我哋覺得一般所以只食咗好少。麵喺個堆洋蔥下面，有一堆正常煮過浸住咖哩汁嘅麵，樣子同口感都似伊麵，煮淋咗同埋浸住汁幾入味，好食過脆麵。旁邊仲有一堆燒雞扒，燒得幾香唔錯。炭燒豬頸肉 $138燒得唔夠，偏淋，亦冇乜炭香味，都偏薄炭火燒牛肉 $208有十舊，份量都算ok都係燒得唔係好夠，又唔係好熱，有啲位比較難咬，同埋唔太濃牛味蟹肉奄列 $168呢個好似都算招牌菜，同埋其他餐廳比較少見。上菜個樣幾靚，入面唔算好多蟹肉或者好香蟹味，但都有的，呢舊奄列會食到好滯。

餐廳門外不太吸引但裡面裝修非常別緻以湖水綠為主色調加上盆栽植物及藤椅等傢具配襯下可以令客人走進泰北的氛圍中座位算多，但部份座位空間感不足桌子偏小，有置物籃提供留意餐廳週一全日及15:00-17:00休息作為米芝蓮2023推介的話男職員服務態度有待改善泰北咖哩金麵 $128(KHAO SOY)-金麵是因麵條金黃色而命名 為泰北著名麵種之一 餐廳安排一半脆炸一半煮至軟熟 同時享受兩款金麵的口感 咖哩偏重椰香味，微辣 雞扒經木炭烤熟 未算好滑但可以接受依善辣豬肉碎生菜包 （含粉米碎）$118(LARB MOO ISAN)-此菜為泰北依善地區風味的生菜包 肉碎份量好多，惹味香口 除生菜外，另配有九層塔、檸檬葉等香草 餐廳另有一款含豬內臟的泰北辣肉碎生菜包 點餐時要留意～芒果糯米飯 （可轉配芒果雪糕）$78(MANGO STICKY RICE)-芒果分成厚粒狀及切成片狀做玫瑰形上碟 可以滿足兩種口感外 亦可以滿足打卡之用 芒果香甜，椰汁屬微甜 糯米飯微暖但軟熟度不平均椰汁沙冰 $58(COCONUT SMOOTHIE)-清爽解渴 上面還有椰子脆粒 夏天飲用一定更有風