RBTea

營業中

休息中

每次嚟到旺角，食完後就要急急腳離開餐廳，但這間就好適合同朋友一路食一路傾計，就算食完坐耐少少都唔會俾人趕走☺️——————————🔹白汁海鮮意粉 $89這個海鮮意粉煮得很creamy，每條意粉都掛滿白汁，海鮮的份量也很多，未食已經好滿足🤤果然味道不錯，海鮮也很新鮮，但唯一不足的是意粉煮得有點稔，配上白汁一齊食會有點膩🥴🔸炸魚柳他他汁鬆餅三文治伴薯角 $74這個炸魚柳鬆餅，賣相和份量非常吸引😍魚柳新鮮炸起，脆卜卜，配上外脆內軟和帶點甜味的鬆餅，非常地夾，好吃😋🔹帕爾馬芝士薄餅 $70這個薄餅很薄很脆口，配上鹹鹹的Parma ham，味道剛剛好！店家亦會事先切成四片，分別食客進食👍🏼

已經嚟過幾次，係朋友介紹的，可以坐得耐d都五會被人用眼神同行動起趕走，特別是晚餐的時間段。呢度係先自己去櫃位比錢買單，再有侍應幫你送嘢食來你張檯。食物質素同價錢都很平民。香腸西蘭花芝士薄脆餅底夠脆夠薄，芝士好好味，熱辣辣食有拉絲的效果。窩夫三文治配薯條

今日收工朋友嚟搵我食飯 近近哋嚟咗呢間餐廳 大半年前嚟過 感覺都唔錯 但今次就覺得退步咗好多我叫咗一個set dinner 係矮瓜魚柳焗飯 實質名就唔多記得 因為真係冇心機 本身個飯賣相唔靚不在話下 但舊魚真係冇乜魚味 然後重災區係個飯 佢本身飯嘅質地煮得太冧 好似落得太多水咁 然後又焗得太燶 有一部分嘅飯又變咗飯焦 成件事錯曬 失望至於餐湯都還好蘑菇湯嚟嘅 都幾有香味 質地都creamy 野飲方面叫咗檸檬紅茶 正正常常不過不失 都有茶嘅香味 ok嘅

話說今天與朋友聚餐,他是來自新加坡的所以他也想嘗試香港的甜品,由於已經9點30分所以選擇不多,所以變到附近的差別添尋找甜品｡我們九時半入座,職員提醒出要盡快下單，因為last order, 我們看不夠2分鐘職員便走過來說已經截單了， 我反問她截單為什麼要給我們入座, 然後她就離開了，態度非常差｡甜品其實不多,我們只選擇了waffle那一款, 這個Waffle, 很明顯是放了很久，翻熱然後給我們吃， 味道不好, 沒有外脆內軟,硬有不好吃｡

已經好耐無去太子搵食，今日剛考路過太子，突然好想食下宵夜，但又唔想去茶記喎. . . . .  靈機一觸，想起始創有間台式餐廳幾叮緻，一於同朋友試下先！ 從餐廳外面看，內裡裝修陳設比人好溫暖休閒感覺, 時已晚上9點幾，客人唔多，我地坐係窗口位置梳化卡位，最特別係有一個卡位雙人梳化係用威也吊住的，感覺更加休閒。 宵夜時段唔係太餓，主要想飲下野傾下計啦，我地點左 三文魚凱撒門沙律脆香鬆餅套餐 配 凍0 茶 ($99) ，同 水果茶 ($39)。 三文魚凱撒門沙律脆香鬆餅， 鬆餅好食，其實係普通格仔餅黎，軟硬啱啱好；三文魚沙律就一般啦，以$99  連飲品價錢來說，CP 值唔算好；至於水果茶 $39，係合理水準，味道唔錯。  食品質素一般, 雖然感覺休閒，但用上布料梳化，好難清理，不難見到梳化面上有好多污積，感覺好唔舒服!!!   

今日夜晚約左朋友食飯聊天，特登搵一啲唔限時既餐廳我選擇左all day breakfast,炸魚柳窩夫套餐，份量比較細，如果男士就會唔夠了但窩夫食落幾脆，加上糖漿食落更香。朋友嗌左忌廉鴨胸焗飯，不過不失。建議甜品應該更好食！

與友人們一行四人來到此餐廳吃午餐。不設入座時間能讓我們坐下來聊一整個下午。點了一份海鮮芝士薄脆、海鮮忌廉意粉、草莓雪糕鬆餅（大），各人都點了一杯飲品：Oreo朱古力冰雪樂、黑糖珍珠鮮牛奶、新鮮水果茶、蘋果甘菊茶（熱）。水果茶跟店員要求微糖，微糖後的茶飲甜度適中，酸酸甜甜，十分開胃；黑糖珍珠水準跟一般茶飲店的無差，屬正常水平；友人的熱茶就沒什麼特別的；不過Oreo朱古力冰雪樂則有點失望，因為味道太甜了，而且飲料中的朱古力質素是很普通的那種，不建議喝，還是來喝台式茶飲比較好。海鮮芝士薄脆一碟有4塊，是很香口的小食，不錯；海鮮忌廉意粉的調味剛好，醬汁能掛在麵條上，海鮮給的份量也不少；多重小食拼盤有炸餃子、炸雞翼雞鎚、炸薯角及炸蝦，多人來點這個能分享幾種小食，不錯。最後還點了一份草莓鬆餅（大），跟一球雲呢拿雪糕，這裡的鬆餅是蛋糕般的質地，帶濕潤的口感，配上草莓醬汁及雪糕一同吃味道剛好，四人分剛好，吃完也不會覺得太膩。整體來說，食物及環境質素不錯，是聊天的一個好選擇。

已經多次行經始創都冇食過呢間，今次有朋友主動話要食，只因為位置方便大家。冇得訂位，我哋3個人，2位到達便可入坐。在 menu 選擇嘢食，再 mark 在點餐紙上，要親自出 cashier 點餐及俾錢，餐具亦可以自助拎。 唯獨是服務員會送餐到餐枱。食物份量不大，我哋3個人可以食4人餐 食物質素不錯，似日式西餐。各種意粉，雞翅，薯角，沙拉小食都有供應。環境簡簡單單，坐得舒服。不過，9點就 last order 已食完既餐碟，服務員好快收起。好似服務不錯；但是，感覺想我哋快啲走

旺角通常都係一班人黎食下放題個D，今次就同一個朋友去餐廳到食!!!聽聞呢間台灣野性價比好高，之後就叫埋朋友黎食先其實黎到都比較夜，8點幾9點，但人流都一樣多!!!白汁海鮮意粉不過不失，白汁未算好濃，勝在海鮮份量多同新鮮意粉硬度都適中，加上少少香草就香D炸魚柳他他汁鬆餅三文治伴薯角 呢個用窩夫黎做三文治都幾特別，同麵包一樣都係鬆軟不過係多左份蛋香夾住好脆既炸魚柳，個口感好有層次，首先係咬落去既鬆軟再係魚柳既脆加上沙津醬，係一個好夾既conbination!!!另外仲有薯條跟，就咁食呢個都幾飽肚Parma Ham芝士薄脆係一個小型既pizza，上面有parma ham同芝士個底係好脆，加上parma ham既鹹味，成個好香口黑糖珍奶其實我好少飲黑糖珍奶，冇咩可以比較不過黑糖味好香好濃，而牛奶好滑既應該係有脂肪個D~好飲既代價就係肥D架啦~~~

朋友恨咗去太子始創中心的「RB Tea」好耐，佢話平時見到好多人幫襯，而且還有又夠幽靜開揚，人多都唔覺得嘈吵，今次終於同佢一嘗心願嚟RB Tea食個靚靚的午餐。先來一個炸魚柳他他汁香鬆脆配薯條，賣相很吸引，味道仲好有驚喜，他他汁酸酸甜甜，好開胃，炸魚柳很脆香，配上雞蛋香味整濃的香鬆餅，超好食~好食到要拍手掌。加上薯條亦不錯，粗身厚肉，炸到熱辣辣，惹味，啖啖薯肉，不停大叫讚！讚！讚！野菌菇芝士脆餅，薄身脆邊，香酥美味，而且野菌菇與芝士好夾，香噴噴煙煙韌韌，必吃之選。蒜香蜆忌廉意粉，非常重香蒜蓉味，蜆肉都很肥美，意粉彈牙，呢個都不錯。飲品是蜜桃冰茶，不太甜仲有多好塊蜜桃片，都算抵飲。 呢杯Terimisu凍飲，很香濃朱古力味，愛似朱古力奶的朋友一定會喜歡。

午餐嚟到太子覓食 因為太肚餓 所以是但揀咗呢間餐廳嗌左lunch set 香濃忌廉蜆意粉 $68同埋香草忌廉三文魚意粉$80質素冇問題 環境唔錯 最大問題在於完全吃不飽😭自問我唔大食 食格仔餅或者魚柳包已經可以一餐 呢個意粉份量真係超少😅 可能要嗌埋甜品先飽不過嘢飲幾好飲🤗我嗌左凍檸水 應該係青檸嚟嘅🤔🤔

今日收工去咗花園街買嘢，然後同朋友搵咗間cafe坐低傾吓計,慢慢食。開OpenRice search，見到太子都有好幾間樓上嘅cafe, 見到一間喺始創，都幾吸引，所以就同朋友上咗去食。佢嘅鋪頭都有好多白兔🐰仔裝飾，好QQ！由於我朋友唔係好食甜野，所以我哋就專注揀d意粉同Pizza食，再叫兩杯飲品。睇吓食乜嘢先。。。餐牌有好多pancake同埋窩夫，唯有留待下次先食啦。。。綜合菌菇芝士薄脆 $52Pizza上面有好多菇，滿滿的。餅底好薄，食完唔會有好飽嘅感覺。香草忌廉煙三文魚意粉 $80淡淡香草味，加上忌廉，但食完會唔會濟。香濃忌廉蜆意粉 $68濃濃的忌廉，加上芝士，好creamy！新鮮水果茶 $38生果茶裏面有橙，有蘋果，有點甜Tiramisu 奶茶 $44兩個味道mixed 埋又幾特別

今日約左個朋友，搵佢比部電腦佢幫手整，順便請佢食餐飯，當係多謝麻煩佢，大家收工都係阻太子旺角個頭方便，所以揀左呢間rbtea 食，一黎自己食過一兩次，味道不錯，二黎環境唔錯坐得都舒服，又幾靚，所以就黎食下。我地叫左d小食同一個主食，仲有2杯野飲，食落都幾飽厚切吉列豬扒三文治豬扒炸得幾鬆脆，粉唔算厚，而三文治原係2舊窩夫夾成，食落幾特別，薯角少少脆，整體不錯香草忌廉三文魚意粉賣相同味道都ok，三文魚鋪滿成個面，忌廉汁又唔會過希或過傑海鮮芝士薄脆呢個幾驚喜，烤得好脆，每件仲要有一隻大蝦係上面，加上少少海鮮同其他配料，色彩繽紛之餘都幾好味鐘意梳打既可以試下呢杯水果梳打，用上唔同既水果，加上湖藍色既調色，感覺好海洋好fresh我就簡簡單單飲杯黑糖珍珠鮮奶~

環境幾恬靜！店內仲有小搖椅比你一邊chill一邊望住熱鬧嘅街道🏙<<白汁海鮮意粉>> 🚁一上菜，白汁味道即撲晒入鼻! 味道好香,令人好想快D試下!海鮮份量OK多! 個汁味道調得不錯! 有小小黑椒係上面, 令到味道更香!!意粉比較既粗同稔身~ 貿感還好 <<炸魚柳脆香鬆餅>>賣相非常不錯! 其實佢係魚柳包個Friend - 魚柳waffle. 上面包面轉左用Waffle.. Waffle食落去甜甜地, 面頭脆脆地而入面就好鬆軟! 而且唔會乾爭爭,食到口都wea埋!! NICE!魚柳非常嫩滑同幾香! 真心覺得唔錯!!! <<Parma Ham 芝士薄脆>>呢個賣相都係幾好! 而且店家仲會幫你分好左4份方便食用^^ 但係就冇得自己進行拉絲行動喇 hahaha薄脆當然係唔錯啦! 而且烤得幾香! 每片都配上一大塊既parma ham 同一條🌱Parma ham 冇臭豬味 goodgood! 👍🏻👍🏻整體黎講呢個薄脆都好OK, 但係我覺得底個sauce唔太夠! 可以多番D 會好D!!

2個閨蜜傾計，當然要選擇一個靜中帶旺既好去處😻 呢個環境寬躺，唔會坐得感覺好迫。最重要係食品選擇多，甜品，小食，主食樣樣齊海鹽咖啡 & 香橙雲呢拿沙冰 杯海鹽咖啡味道比出面飲到既唔同，佢地真係飲得出有海鹽味 而係香橙沙冰更加唔會好酸，而又有香橙🍊，飲個陣我隱約飲到少少橙肉煙三文魚芝士焗飯唔好睇呢個芝士焗飯好似好溜，其實食落一d溜既感覺都無，除左有好香既芝士味之外，個飲本身味道唔係好濃，所以更加可以帶出到煙三文魚既味，成件事食落既味道剛剛好窩夫炸豬漢堡 配 炸薯條🍟粗薯條有口感好咬呢個就眾所周知啦 但呢個特別之處係，用左窩夫代替左漢堡，心思好特別 其次，個炸豬排亦都非常唔錯，外脆內軟多汁Parma ham芝士義大利薄餅其實咁多款食品，我都係情有獨鍾呢個Parma ham pizza 因爲本小姐實在太鐘意食Parma ham，所以對呢個pizza期望好高，好彩都無令我失望 唔會因爲焗完而令個ham無乜味而淡士多啤梨窩夫配雲呢拿雪糕以上開飯食評，只係本小姐個人食後感