Poke Go (大南街)

營業中

休息中

一個想食清淡少少但又唔想悶既星期五晚上, 首選就係男朋友至愛既POKEPoke bowl其實係夏威夷版既魚生飯, 夏威夷人一種料理生魚既方法, 泛指將生魚切塊然後用醬汁醃漬後蓋於米飯上除左魚仲有好多好多既topping可以放上去蓋飯, 大部份都係比較有益既配料例如豆腐, 牛油果, 香菇, 青瓜, 海帶等等, 組合成自己鍾意既款式底就會有沙律, 壽司飯同糙米揀, 或者mix都可以選擇困難既話亦都有已經pre-selected 既6款今日揀左NALU同 ONOONO三文魚, 壽司飯, 溫室青瓜, 雞蛋絲, 蟹棒沙律, 果仁芝麻醬, 芝麻每一樣配料既份量都海量咁多, 色彩配搭鮮艷之餘每一啖都有唔同既口感底味果仁芝麻醬嗌左多醬, 可以足夠拌勻底既沙律菜同壽司飯味道除左清新還是清新, 整體既溫度亦都控制得好好, 唔會太凍但又唔會變左室溫NALU八爪魚,壽司飯, 櫻桃蕃茄, 和式青蔥, 甜栗米, 蟹棒沙律, 辛味蛋黃醬, 芝麻, 辣椒碎差唔多每啖都食到八爪魚粒粒, 味道偏辛口,少少辣但惹味上面一大坨既蟹棒沙律真係做得好出色, 清爽但同時食到甜甜地每一啖都非常滿足而且食完飽飽都唔會重負擔

又想食得健康得黎又夠飽，今次黎食Poke Bowl. 佢地有好多organic食材入面係人可以自選、 但對於選擇困難症嘅人嚟講 ，都係揀SET BOWL會比較輕鬆😂今次揀左ALOHA BOWL其實本身係對ONO Bowl (三文魚 壽司飯 溫室青瓜 雞蛋絲 皇帝蟹棒、果仁醬 ,芝麻 ) 感興趣啲、 但又想揀啲平時難買啲嘢食材、於是揀左ALOHA BOWL 轉咗壽司飯就珍珠糙米。👉🏻ALОНА（牛油果、 珍珠糙米飯、 雜菌香菇、 甜粟米、 豆腐、 赤道紅海帶、 柚子醬油醋、 芝麻）所有配菜都好足料、 第一次食呢個赤道紅海帶、 口感幾爽、味道就係柚子醬醋味、 感覺不起平常食嘅海帶好食🫨 珍珠糙米飯唔會好乾 、有菇同埋其他蔬菜嘅味道， 幾惹味 仲好有咬口 👍🏻 豆腐都好香豆味👍🏻

平日夜晚7:30左右去到，餐廳環境乾淨俐落舒服加埋有音樂。嘢食價錢對得住香港物價，基本嘢食價錢118左右。我嗌嘅牛油果仲有粟米有啲菜，大家都係睇圖片😂😂！唔記得咗大概有啲咩。但係食完就真係飽嘅，啲人覺得呢個價錢係有少少貴，但係佢係一個夏威夷風格嘅食物，如果平時想人少少坐得舒服，呢個都係一個唔錯嘅選擇。落單係用QR code，職員會主動斟水，同職員冇咩過多嘅交流過。感覺OK嘅，或者有啲人會覺得呢啲食物呢個價錢唔抵，但係講求環境加加埋埋呢個價我覺得OK嘅。經常去食就唔係好推介，但係有陣時約咗朋友一齊傾偈想傾耐啲嘅呢一間都唔錯大概坐咗兩個幾鐘，餐廳都冇full同埋冇人趕我哋走

深水埗大南街 除咗cafe 之外，有間食夏威夷飯 的舖頭。有選擇困難嘅我就叫個signature pokebowl 808，裡面有吞拿魚 、枝仁豆、雜菌、三文魚籽 同山葵乳酪醬。份量好大，女仔一個人都食唔曬。

晏晝成得太飽，夜晚想食得健康簡單啲，喺OpenRice search先發現深水埗都有Poke bowl。雖然唔係太近地鐵站，我同男朋友都行咗5分鐘先過到去。附近嘅舖頭都閂得七七八八，加上門口有個Poke Go LED logo，一眼就見到。餐廳門外有個打卡位，充滿夏威夷風情，入去之前都忍唔住打左個卡。餐廳整體都係木質嘅枱凳，配上綠葉牆畫同放滿ukulele嘅bar枱，成間餐廳都充滿住chill chill嘅氣氛。餐廳裡面周圍都放左小鯊魚，唔同造型唔同姿勢，應有盡有。我同男朋友都忍唔住幫佢哋影左幾張相！餐牌上嘅種類好多，男朋友有選擇困難症，一於就試下佢預設嘅配搭，嗌咗碗OHANA配沙律底。男朋友好怕沙律菜嘅草青味，但呢碗OHANA就完全無！甜粟米、櫻桃蕃茄同蜜糖芥末醬都十分清甜，配合埋充滿油脂感嘅三文魚，每一啖都係清爽又清甜。男朋友唔覺唔覺竟然成碗食曬！Poke bowl仲會配搭埋一塊炸蓮藕片，非常香脆，搞到我哋差啲想加多個炸蓮藕片小食。我比較偏食，預設咗嘅配搭唔啱我，於是就叫咗自選Poke bowl。我嗌咗三文魚、芝麻海帶、麻醬豆腐同洋蔥，配搭辛味蛋黃醬同糙米飯。仲有好多配料俾大家自由

店舖環境想找一個地方和兩位朋友聚會談天，就會想到這一間。這間店舖已經幫襯過好幾次，每次十分滿足，因此值得介紹。環境乾淨，氛圍寧靜，座位寬闊，服務良好，店內設計有心思，和朋友聚會一流。ONO食物外觀吸引，顏色配搭舒服，而且未進食就已經聞到食物嘅香味，入口清新，三文魚粒鮮甜，入面的青瓜同解左三文魚嘅膩，配搭一流。同時，蟹肉沙律鮮甜，配合埋醬汁和壽司飯一同進食，口感豐富。丼飯份盡十足，配菜亦十足，十分抵食。

Went all the way to Cheung Sha Wan, I decided to find good west with my sis . As she said she had never tried poke before, we chose this resto at last..I got Nalu, while she ordered Shoyu Ahi. They were both lunch set which included a bowl of soup or a glass of drink. The beef soup tasted savoury and rich. With lots of beef and carrots, the soup was mouthful and smelled aromatic. The Nalu included octopus, tomatoes, scallion, sweet corn, crab stick salad, spicy mayonnaise, seasame, chilli flakes

I have always been a poke bowl fan but I need to cross the harbour every time to visit central or causeway bay for good poke bowls.Super glad that finally there is an amazing poke bowl restaurant in ssp!They offer a large variety of options to customise your own bowl, I like the combo that they allow you to have half rice and salad.Their salon is so rich of fish oil and fresh, and I like their sauce, it matches so well with all the ingredients

今日同朋友黎到深水埗食心心念念好耐嘅poke bowl，大滿足！😆原來除左poke bowl仲有得打邊爐🍲，下次可以黎試下🥣808 $118 🌕🌕🌕🌗🌑份量好多，啲吞拿魚好似食極都食唔完咁🤣😍蘑菇、吞拿、魚子再加飯擺埋入口嘅口感好正，蘑菇爽口，飯都好有咬口。山葵乳酪醬同啲材料都好夾👍🏿不過略嫌個醬多左少少，有啲蓋過其他食材嘅味道。建議大家揀少醬。🥣ONO $108 🌕🌕🌕🌗🌑同樣好有口感😆呢個bowl嘅醬汁冇咁漏&重味，相對健康啲～蓮藕片好香脆，而且碗飯嘅芝麻令成個bowl錦上添花🌸擠埋檸檬汁味道就更清新，冇咁漏😌🥤玄米茶（套餐）解漏一流👍🏿🥤檸檬柚子蜜（套餐）比例剛剛好，不會太甜👍🏿總結～沒有失望而回😋不過如果以健康為首選嘅，可能就要揀啲醬汁清啲嘅bowl啦～

臨近節日，應酬飯局多左，食到飽飽濟濟，朋友今次就推介我去食健康嘅poke bowl.唔係朋友介紹，我都唔知道原來poke bowl係指夏威夷蓋飯，以海鮮為主要食材，加上豆類，蔬菜類等原型食材，配以不太複雜嘅烹調方法，係比較低脂，低油，低鹽嘅菜式。裝飾幾特別，多顏色嘅牆壁，讓人感覺舒服。除左預設嘅款式外，我地可以自選poke bowl, 可以揀自己喜歡嘅食材。今次main protein揀左三文魚🐟，base就係珍珠糙飯加沙律菜🥬，toppings有蕃茄🍅，芝麻海帶同麻醬豆腐, 仲加左蟹肉🦀，蟹籽。嘩，真係好豐富，好大碗呀。三文魚肥美，蟹肉又多，蟹籽脹卜卜，果仁芝麻醬又香又滑，仲有脆蒜，整碗口感多層次，非常豐富，第一次食已經喜歡上這款食物了。和風炸雞唔會好油膩，加上日本醬汁和木魚絲，味道唔錯。食完poke bowl感覺好fresh，唔會飽膩膩添。

十一月都仲熱辣辣🥵無乜胃口要食返啲凍野星期日晚七點鐘嚟到 唔洗等位(明明記得以前嚟都要排下隊🤔)選擇困難症嘅朋友建議好似我咁揀set好咗嘅款🤭1）ONO BOWL ($108)配料有: 三文魚 青瓜 雞蛋絲 蟹棒沙律揀左半飯半菜啱啱好 女仔食唔會太飽果仁芝麻醬特別要求另上 個人覺得唔洗落曬都夠味好足料 餸同飯/菜嘅比例差唔多係1:1一開始食啲料滿到係咁跌😂絕對唔會食到最尾無餸見到餐廳仲做緊all day $88兩杯Cocktail/Wine下次兩個人嚟食就會試埋😛

最近開始認真減肥，所以就周圍發掘一啲健康嘅餐廳😹今日帶大家一齊食Poke Bowl，想要咩protein要幾多carbs任你話事🫶🏻餐廳裝修好文青，係叢林風裝修～見到門面已經嘩一聲，勁有心整咗好多萬聖節裝飾🎃🌟 三文魚 + 壽司飯 +粟米&青蔥&麻醬豆腐 + 炸蒜&辣椒碎 + 山葵乳酪醬 $108友人原本對pokebowl呢樣嘢感覺都嘛嘛，覺得完全唔飽同唔特別，食完佢都話好驚喜！三文魚加壽司飯真係一個不敗嘅組合✌🏻😎配上各款自選配料，口感豐富，食落清新，再配上微微辣味嘅特製山葵乳酪醬，真係會令人食唔停口！🌟八爪魚 + 沙律菜&壽司飯 +粟米&雞蛋絲&豆腐 + All Seasonings + 蜜糖芥末醬 $108呢款相對三文魚較清新～八爪魚爽口彈牙，超大份足料，食到底仲有勁多八爪魚淨😆食落清新，蜜糖芥末醬可以撈晒成個Poke Bowl，仲可以揀all seasonings，啱晒唔想諗嘅大家😋Remarks: 如果再唔想諗可以有指定Poke Bowl提供，餐廳已經幫你提前搭配好所有嘢，乜都唔諗嗌就啱啦✌🏻

通常瞓得少，都會特別肚餓，今日放工之後好想食得健康又豐富，所以過咗嚟試呢間夏威夷魚生飯。原來老闆係外國人嚟，可能因為咁份量都大啲？哈哈。叫咗自選配搭，揀咗吞拿魚，配菜揀咗青瓜、海帶芽、同車厘茄，醬汁就揀咗蜜糖芥末醬（另上）。真係好大份，車厘茄好鮮甜，好好味！海帶芽啲份量都好多，好欣賞佢嘅醬汁，因為好濃味，配上低脂嘅吞拿魚魚生食啱啱好！ 相信男士們食到一定會夠飽！會再encore的～

近排食滯咗，所以就嚟咗依間專門食poke bowl嘅餐廳。入邊有signature bowl即係所有配料已經訂定咗，或者自己配搭都得👍🏻。入邊仲有小食可以揀。而午餐仲會送一杯嘢飲。Build your own bowl1. Main protein: 雜菌香菇2. Base：珍珠糙米飯+沙律菜3. Topping：枝仁豆、豆腐、甜粟米4. Top-up：牛油果5. Dressing：鰹魚醬油6. Seasoning：果仁、木魚絲、紫菜絲成個碗嘅份量都非常之多，上面嘅蓮藕片亦都好脆，嚟到嘅時候係一座山咁多，完全食唔晒。舖頭亦都好好可以俾你揀醬汁另上。而且可以揀嘅餸種類亦都好多。全部嘢食都好健康，想要多啲蛋白質嘅亦都可以再加上去，好正！

之前都食過其他類似嘅日式bowl，呢間嘅特別之處係簡便清新，環境同食物都係。我同朋友各自叫咗一個signature bowl，唔使諗，懶人最鍾意。Aloha個名好夏日風，配料都係。有牛油果、海帶、菇、豆腐、同粟米粒，呢個組合幾夾。牛油果食落新鮮，綠色嘅賣相好吸引，海帶好有韌勁同嚼勁，帶點海洋嘅風味。而且夠晒健康！加埋粟米嘅少少甜味，黃色粒粒非常吸引打卡結合一齊豐富、好味！Nalu朋友嗰個都唔差，有少少香辣，同我嗰個一樣上面啲料係涼拌feel，下面嘅飯都熱嘅。啲八爪魚好嫩滑彈牙，非常開胃。壽司飯粒煮得剛剛好，同八爪魚嘅鮮味完美配合。另外，搭配蕃茄仔同蟹棒沙律，一個字：正！總括而言，兩個都好好食！