Pizza Piazza (已結業)

今晚要喺荔枝角上堂，所以約咗朋友一早喺度食晚餐。位置係大馬路旁，但一啲都唔嘈，隔音非常好之餘，亦都營造左一個鬧市中嘅小小幽靜空間我哋兩個人就叫咗一份Pizza、一個主食，再share食呢度嘅Pizza種類好有特色，有好多係出面冇見過嘅款式，而我哋就叫咗雙蛋風乾火腿。一上枱嘅時候見到個賣相覺得都已經幾靚！兩隻太陽蛋做嘅Pizza真係第一次，香濃嘅太陽蛋加埋帶小咸嘅風乾火腿，配上香脆嘅薄餅，口感非常唔錯，味道亦都唔錯😋另外一份主食，我哋就叫咗西班牙黑毛豬扒，黑毛豬扒燒得啱啱好，仲係好juicy。配合埋用甜番薯做嘅薯條，清新之餘亦都好味！果然唔錯！而全餐飯最有驚喜嘅就係個甜品，香蕉拖肥批，蛋糕嘅口感層次豐富，有香蕉、芝士、拖肥、忌廉等等嘅層次，配合上嚟好味之餘，亦唔會太甜！作為飯後甜品最適合不過，唔會食到好漏，呢一個可算係今晚一個大驚喜啊！！

今日難得放假一天， 就約埋朋友食飯，問佢地有咩好介紹，近近地去左荔枝角食pizza。這間pizza店門面細細，但是座位十分舒適，侍應服務態度亦相當周到。我地叫左西班牙黑毛豬扒配炸番薯條， 切開豬扒D肉汁好豐富，一啲都唔韌， 值得一提，炸薯條食得多，第一次食到炸蕃薯條， 炸得脆而帶有甜味。另叫左自選雙拼12吋薄餅，巴爾瑪風乾火腿和瑪嘉麗塔。巴爾瑪風乾火腿配火箭菜加水牛城芝士，香氣撲鼻，十分好味。而瑪嘉麗塔則味道濃郁，番茄加芝士，令人一試難忘。豬仔包配黑醋，好鬆脆，配黑醋十分特別，酸酸地，夠哂開胃。青檸荔枝梳打， 配搭十分新鮮，夠哂冰凍， 最後加埋意大利芝士蛋糕，真是十分滿足的一餐。

放大假 ，梗係要搵好嘢食㗎啦😚 今日約咗閨蜜去荔枝角香工行街， 肚餓啦 ，咁就啱啱見到對面有間 pizza店， 咁今晚就去食啦服務員十分殷勤安排座位後， 未叫餐食就已經送上熱辣辣的 脆豬仔包😋餐牌十分多選擇， 我哋就決定要過主菜同埋加一個pizza🍕-西班牙黑毛豬🐷 配炸蕃薯條 加埋個梨子醬🍟~豬扒十分juicy厚身， 點埋個梨子醬配搭十分出色👍Pizza有15款之多， 服務員介紹可以試巴爾瑪風乾火腿同埋瑪嘉麗塔雙拼薄pizza😋~🍕巴爾瑪風乾火腿有淡淡的鹹香味配水牛城芝士和火箭菜👍~瑪嘉麗塔， 超多番茄醬和芝士，滿足味蕾😋-青檸荔枝梳打🍋~ 消暑好飲cool最後加多一個布朗尼新地加雲呢拿雪糕😋😋 👩‍⚖下次可以同一大班朋友嚟食可以食唔同款嘅pizza🍕🍕

朋友係呢間食過極力推薦我食咁話話鍾意食漢堡既我一定鍾意今日就黎會一會佢呢到交通幾方便荔枝角站 D1 出行1分鐘左右就到,就係D2商場隔離款式都算多,而且價錢都唔算貴88蚊有個漢堡餐都幾抵食先黎係鬆軟既餐包仲可以按自己喜好加橄欖油而隔離既醬就係用黎一陣食漢堡果陣任你加既唔好以為任你加就會得D頹野黑松露野菌黑松露味好香濃,極力推薦黑松露迷一定要試法式芥辣醬食漢堡點可以冇芥辣?佢好有芥辣獨有既香,而且唔會太咸用黎點薯條都一流當然點少得最經典既茄汁同辣醬終極漢堡漢堡好大個,但又唔會太大,厚身岩岩好可以一啖咬到既大細我鍾意呢個大細多過D得個大字既漢堡依家有好多餐廳為左個噱頭整到個漢堡太大搞到要分開食咁根本就冇左漢堡既原意呢個大細就又夠份量又唔會太大,岩岩好薯條方面都唔輸蝕炸得外脆內軟,而且仲有好香薯味入面有好豐富既配料有炒香過既洋蔥香煎過逼左D油份出黎既煙肉當然唔少得仲有新鮮既蕃茄同生菜仲有既梗係主角漢堡排啦我就叫左七成熟可以見到仲有少少生生地咁就可以好好咁保留到肉汁令個漢堡排咬落去好多肉汁好JUICY~仲要有濃濃既牛味同油脂香88蚊食到呢個級數真係都幾肯定第二到搵唔到食完飯梗係要食個甜品啦我就

今日同左好耐冇見嘅朋友食午飯敘舊。朋友係大忙人，所以特登嚟到工商業區荔枝角搵佢。點早餐無耐就有麵包同埋餐湯送上。簡單細細歌嘅麵包，食落有驚喜。質地類似豬仔包，熱辣辣，外脆內軟，咬落煙韌而且好香。搽牛油或者點湯都一流。 個包係可以添嘅，不過為咗留肚就冇再refill喇今日嘅是日餐湯係南瓜湯，質感濃郁，主調以南瓜為主，忌廉唔重，所以飲完都唔會覺得好飽滯。我自己呢就點左一個凍焦糖咖啡。咖啡味同埋奶味平衡，不過就唔係特別香濃。不過奶泡同埋賣相都做得好好我叫咗一個Parma ham薄餅同朋友分享。可以見到薄餅非常知足料，底層係新鮮嘅茄醬，面頭鋪滿左Parma ham, 水牛芝士同埋火箭菜。所有材料都好新鮮，風乾火腿唔係太鹹，加埋清新嘅火箭菜，食落都好夾。薄餅底亦都非常出色，熱辣辣，火候剛好，薄薄地，外脆內軟。我嘅朋友叫咗黑毛豬扒。值得一提係佢嘅薯菜唔係普通薯條，而係好香甜嘅番薯。炸得啱啱好，好食到停唔到口。配合蘋果蓉同埋沙律醋，成個菜嘅主調係甜甜地，所以番薯條又出奇地夾喎。沙律生菜加黑醋，雖然係配角但係都係非常新鮮。主角黑毛豬扒係今日最滿意嘅地方。切開見到佢熟得啱啱好，啲肉本身唔肥，雖然係厚切，

今日可以準時收工，同事又想食個快閃dinner，今日佢嘈左成日話要食漢堡飽，我話可以，但唔要老麥，想食小店既真材實料big big burger，咁就試左呢間 Pizza Prazza 既 Burger Set。佢個set係再包一個熱辣辣既迷你法包仔，由於想留肚KO佢份Burger，個小法包就takeaway。主角終於出場la，咪睇佢好似好細粒就睇少佢呀，中間既漢堡真係超厚身勁juicy，佢個burger麵包都係熱辣辣勁脆口，由於個burger實在食得太飽，份脆卜卜既薯條只係食左幾條，好好味😋

行開荔枝角想搵搵野食，咁岩路過呢間食pizza 的，我同朋友都想食西餐，但就冇話特別想食pizza!不本諗住放棄架啦 ，點知睇睇餐牌佢都有其他野食嘅，而我地又唔想行於是入去了見到好多人訂咗位，仲未黎 可能我地算早都算多選擇架 我朋友就叫咗一個意粉，而我就叫咗西班牙黑毛豬扒，佢左邊個汁幾特別好似係蘋果味的！而佢地薯條係用蕃薯炸的，甜甜地架！不過好夠脆而佢個沙律就正常水準黑醋沙律！燒得好靚啊！有一格格紋！而且佢d肉肥瘦適中！唔會話好硬架d肉叫咗2杯 荔枝青檸梳打佢仲送包！點黑醋食！個包幾脆！食埋真係包飽哂！你以為完？錯了 叫多個Brownie 就完啦！ 呢個好味，唔會好甜！而且有cream 同雪糕 perfect match 好肥啊！但真心正架

我嗰日咁啱經過荔枝角見到有間西餐廳，係食漢堡包同鋸扒嘅，睇落唔錯，於是入咗去裏邊。睇完個菜單之後，最後揀左，烤西班牙黑毛豬扒。等咗一陣個豬扒嚟喇，個豬扒有沙律同薯條啦。嗰塊豬扒食得出冇落味精嘅，係原汁原味，如果鍾意食啲唔落味精嘅朋友，我諗呢塊豬扒啱曬，我薄薄地切嚟食啦，食得出同普通嘅豬扒肉質係唔同啲嘅。另外有一樣嘢，我見到好吸引啊，下次一定會嚟試下，就係呢度嘅終極漢堡包啊，佢會包埋薯條，同埋佢有四樣嘅醬汁，可以俾你任加。呢個漢堡包價錢都係88，仲會包埋嘢飲，我見到隔離枱喺度食，個漢堡包厚厚地，咬落去應該幾有口感啊，下次一定要試。可惜今次食得太飽啊，所以食唔到，因爲我個餐都包咗餐湯，餐包，同埋野飲。

今日係星期六，噉約咗個朋友去荔枝角D2 place 嗰邊行下，行完肚餓，跟住就諗住搵間嘢食下啦，見到有間餐廳係食披薩嘅。於是入咗去食下啦，噉見到個餐牌有成15款嘅披薩可以揀，多得滯，都唔識揀，原本想揀個芝士四重奏嘅披薩嘅，我諗呢個應該幾重芝士味，會幾有口感嘅，但係最後都係想食啲酸酸甜甜嘅嘢，所以揀咗個夏威夷披薩。噉個披薩有火腿，菠蘿噉都幾開胃嘅。噉另外嗰餐包埋餐包餐湯同埋一杯嘢飲嘅，嘢飲方便我就叫左個牛奶朱古力。環境方面呢度就比較寧静，我哋兩個人可以坐張四人枱，可以算得係一餐休閒午餐啦。食完之後未想返屋企住，又去咗啲D2 place一期嗰邊行下，而家個商場都有好多新開玩樂設施，如果帶埋小朋友嚟玩，啱曬。

今日途經荔枝角工廈附近，朋友介紹知道有間食pizza岀名，一於去試試！我地叫左個雙併pizza 黑松露加蟹肉大蝦。pizza係有八件，仲要係即叫即整，他們自製的薄餅真的好好食, 煙煙韌韌的。黑松露真的很香, 份量都很多,好味！水牛芝士，日本蘑菇，黑松露醬，3樣料睇落去好似好少咁，但味道好好好香。因為新鮮焗起，熱辣辣既批傳出一股好香既黑松露味，皮既厚度岩岩好，做到脆既效果。蟹肉大蝦都好多分量，值得一試！仲要左份西班牙黑毛豬扒，上碟好大份，豬扒肉質鮮嫩，加上配蕃薯條做配菜一流！最後我地叫左個藍莓芝士蛋糕同香蕉芝士蛋糕，好香芝士味，真心好食！

今日去完附近嘅party room 搵野食醫肚！又有d想食pizza 一search OpenRice 就搵到呢間最近事不宜遲緊上睇睇pizza 先 好多味都好似唔錯而且d味都算係大路，當然唔小得有素pizza 。坐咗一陣都算幾full 而且有好幾個人特登黎 訂第2日嘅位！我地叫咗12吋pizza 雙拼的！左邊係雙重芝士煙肉牛肉，右邊係新出嘅蟹肉大蝦🍤個人覺得佢d配搭都幾好味由其係夠多醬而且佢地餅底唔會話好厚，搞到好飽，而個邊都算脆 可以食埋佢 唔洗浪費叫咗杯 荔枝梳打 提提大家要搞勻先好飲啊！味道不錯架仲送麵包！記得熱食會脆卜卜的我點咗是日蛋糕，係佢地嘅 oreo cheese cake 有d 膩 好大件 味道係好味的！只能說今餐太豐富了都幾抵食！

平時好少去呢區食飯, 不過近排D2多左市集, 仲有戲院, 都會黎行下。睇完戲唔知食咩好, 見到附近有呢間評分幾高既餐廳就試左一試。入面都幾多人食, 應該質素有保證我地叫左1個2人餐, 有前菜, 2個MAINCOURSE, 2個飲品, 我地加左1份蛋糕~食到超飽~每人都係200零蚊~特別介紹黑毛豬, 仲有蕃薯條同埋沙律, 好豐富~本身以為個黑毛豬好似好熟會好鞋口, 點知1d都唔鞋, 以為肉味好香, 咁厚都好好食! 蕃薯條新鮮炸起, 好甜好好味呀!覺得小店好用心, 因為餐廳用上環保飲筒, 而且店員有禮, 服務好好

朋友想試下啲特別既西餐廳，於是帶左佢黎工廈區既餐廳，之前我黎過依度食晚飯，今次特登帶朋友黎翻桌。Pizza piazza位置近地鐵站，方便，落車行一陣就到。入去睇下餐牌，有burger、pizza等等既野食。我地叫左西班牙黑毛豬扒，Pizza，chocolate brownies同野飲。西班牙黑毛豬扒，另有黑醋沙津菜同薯條配碟。沙津菜新鮮爽滑，配以黑醋，好掂！外表似薯條既原來係蕃薯條，好少地方有，即炸好食！豬扒厚實，口感結實，豬扒亦非常入味。海鮮Pizza充滿了海鮮和芝士，熱燙之餘鬆軟，十分可口。Chocolate brownies + sundae ，Brownies好厚，但蠻鬆軟，好濃厚朱古力味，朱古力迷至愛。青檸梳打，偏甜，加了蜜糖，令青檸味唔夠出。今次翻桌無令我失望，味道依舊好，服務佳，我朋友都讚好，又令依間餐廳加多左個fans!

荔枝角，係一個工業區，附近主要都係寫字樓同埋工廠大廈，不過，自從開咗D2 place之後，多左區外人黎消費，假日都開始多人流。再加上，工廠區憑住平租，都多左隱世美食既出現，令遊人特意黎觀光，程班長美食就係其中一個好例子。今天黎荔枝角，同朋友去了工廈飯堂的地下食西餐- Pizza piazza 。餐廳就在長沙灣道，門口也有很多去屯門的九巴巴士站。店鋪內裝修別緻，有些美食掛畫，牆身光鮮，配上昏黃的燈，還有輕鬆既音樂，令食客可以放鬆心情。餐牌上有set，如終極漢堡，另有散叫的Pizza、甜品。我們叫了Pizza set - 蟹肉大蝦Pizza 和甜品- Tiramisu Cheese cake。等了一會，先來一個前菜餐包，有黑醋和Olive Oil作調味。餐包是熱烘的，鬆軟得來有熱感，非常滋味。然後再來12吋Pizza，Pizza上滿是蟹肉、蝦肉同Mozarella cheese，足料，且不是平價貨，餅底偏薄，但脆得來不會太硬，好飽，二人食有餘。甜品，tiramisu cheese cake，非常足料，餅底好厚，有好多芝士在中間，食落去，每啖都係好濃厚既味道！最後點了飲品，凍Vanilla鮮

之前同朋友有黎過Pizza Piazza食晚餐覺得味道唔錯，呢日就同左屋企人黎食lunch～ Pizza Piazza位置就腳，荔枝角D1/2出口出左計埋紅綠燈行3分鐘就到。鍾意雲石檯，作為影相背景好好😆👍🏻 餐廳周圍都有d poster好得意😎呢度既午餐餐牌同樣豐富， pizza既選擇多，亦有飯意粉肉burger～ 最後揀左芝士四重奏pizza，再叫左個烤西班牙黑毛豬扒食～店員先送上餐湯餐包，餐湯係西蘭花薯仔湯，味道幾濃郁，亦都唔會太稀。餐包有2款所以同屋企人每款分一半食，餐包熱熱地，鬆軟，唔錯！🍴烤西班牙黑毛豬扒 $138好大塊豬扒🤤 食肉獸見到十分興奮🥳 切既時候已經覺得肉質好淋，食落去都係～ 而且個黑毛豬味濃郁👍🏻 伴碟既番薯條份量都幾大，甜甜地好好味😊🍴芝士四重奏pizza $138有6塊～ 薄批底點讚👍🏻 芝士味好香～🥰 芝士控必叫！野飲方面我要左杯熱既雲尼拿鮮奶。 雲尼拿味好濃！飲落口好舒服🥰🥰整體食物味道唔錯，pizza款式多，份量大，環境舒適，食到飽飽好幸福🥰 而且交通方便，可以再同朋友黎食😊