Pizza Piazza (已結業)

喺香港食西餐不外乎都係食意粉、据扒個d ，所以朋友叫我試呢間嘅時候，我都冇太大期望，點知冇期望就有驚喜！首先呢一間啲食物份量好足，大蝦凱撒沙律係三至四人份量，生菜新鮮，蝦好大粒，調味做得好好，份量雖然多，但因為好開胃，我哋兩個人都食得晒！跟住上咗個香草烤春雞，雞肉一啲都唔乾，配菜係炸蕃薯條，炸得香脆幾特別！我哋仲有點咗個招牌至尊Pizza，上到嚟其實我哋我哋已經飽左一半😌😌😌好彩係薄批，但係個底唔係好脆，不過上邊啲料就好足，有煙肉、磨丶菇、洋蔥、橄欖，有好多拉絲芝士。最後一樣香草燒豬肋骨，豬肋骨上滿滿既香草🌿，香草滲入肉裏面，肉質好juicy ，真係高水準嘅豬肋骨👍👍👍，呢個我覺得係必食！整體來講，呢間餐廳服務態度不錯，食物水準亦高，價錢好合理，下次係會再嚟食嘅！

之前喺荔枝角返工都間唔中去昵間餐廳食因為食物水準很不錯隔左2年再返去食仍然無令我失望,一樣咁好味同個朋友叫咗一份西班牙黑毛豬扒,一份水牛城雞翼其實佢啲Pizza都好正的,不過驚食唔哂就無叫餐包係熱辣辣的雞翼超大份好多隻,而且都幾辣吓好入味點埋個blue cheese dip個配搭都好夾然後份西班牙黑毛豬扒又係比想像中大份2大塊厚切黑毛豬扒最最最驚喜係佢煮得超好味!!啱啱好熟透一啲都唔”鞋”杯hazelnut latte都好香滑最後叫多個甜品banoffee pie拖肥香蕉同cream比例很好唔會太甜又好香成餐飯都很讚下次多啲人去一定要叫埋pizza!

友人係荔枝角返工。推薦呢間餐廳為免無位，預先訂左枱係地鐵站附近既餐廳。屬於大街位置工業區黎講。晚上都算多人流一入去見到甜品櫃。本身想嗌但最後太飽了留返下次先試首先上菜係餐湯今晚既係。西蘭花湯湯好足料，香濃而且好滑一啲都唔馬虎配上餐包餐包熱辣辣，好軟身同湯好夾巴西火腿熔岩芝士薯條唔好睇佢細細盤。原來份量好足值得一讚係，上菜速度算快食物新鮮熱辣辣薯條芝士係無敵配搭芝士香濃西班牙黑毛豬扒呢個必食，做得好岀色！兩件大大塊，雖然厚切但一啲都唔乾身肉汁保持得好好好冧好滑既豬扒配上沙律菜又幾清新配菜，仲有蕃薯條，好甜唔需要點任何醬餐廳仲有岀名既pizza 款式都幾多小店裝潢簡潔清新平日晚上都滿唒。坐無虛席另外。侍應收碟勤快，態度有禮值得幫襯性價比高

係D2睇完早場, 同老公喺附近逛下有冇新嘢食. 見到呢間 Pizza 舖頭櫥窗幾得意, 就推門入去試下啦~ 可能時間都仲早, 我哋入去嗰陣時一點鐘未夠, 只係得四枱客, 但都唔使半個鐘, 就幾乎坐滿曬, 仲有4枱客係預先訂左枱. 哈哈, 我地無入錯地方啦, 星期六係工廠區都咁多熟客, 呢間一定係好嘢第一次幫襯, 我哋都唔知食咩好, 當然係問店員意見啦~ 佢好nice, 介紹我哋食佢嘅 pizza, 話好食. 最後我地點左 2 個 set lunch, 其實 2個人食最後有啲 over, 但好味 先上2個西湯跟麵包.西湯係 blended 嘅, 飲得出吾係罐頭. 甘筍西芹蕃茄薯仔湯打蓉, 真材實料 .麵包夠熱, 外脆內軟, 好得. 店員話係外面訂返嚟, 吾係自家焗, OK呀, 訂個麵包都咁有水準, 讚!主菜1 --- 雙層芝士煙肉牛肉手工薄餅.認真的, 真係好好好好好好食 Cheese 吾算多, 牛肉碎同洋蔥好夾, 煙肉吾係乾身果隻, 焗完都仲好 juicy 彈牙, 餅底又薄又軟, 配埋蛋黃醬, 太正啦, 點可以好食到咁 ga … 主菜2 --- 澳洲A級肉眼扒. Sorry … 食完個

大家，我同朋友（三人行）吃pizza,突然醒起，三個人聚會，吃pizza 是好不理智的，點解？因為一塊pizza 是唔能夠平均分給三個人的，吃pizza 最好是四人行（同打麻雀一樣道理）今次食pizz 三個都係血氣方剛的男子，睇睇餐牌，二人餐不足以應付我地，直接黎個四人餐啦。頭盤揀左大蝦凱撒沙津同埋水牛城雞翼水牛城雞翼就辣辣地，配埋個醬汁，認真係胃架，加埋個沙津（有蝦），都係一個非常開胃的配搭。當然唔少得餐湯同埋餐包啦但小弟志不在此，我黎係要食pizza!!我地叫左 pama 同埋黑松露誘惑兩個pizza, 8*2=16 塊， 到底點樣先可以分比三個人？無得用榨汁機，唯有鬥快食，好似<天演論>所講，物競天擇，適者生存，食得最快就可以食多塊。 呢兩塊pizza 我就鐘意黑松露多d 食落好香！由於佢地太大食，所以就叫多個闊條麵，都幾特別不過如果下次食pizza 都真係要搵夠4個人了！

今晚同朋友相約食晚餐，約左係荔枝角嘅pizza pizza 好近站，D1出口，一分鐘就到，位於地下，好方便。鋪面唔算好大，但勝在安靜，可以慢慢傾下計，牆上中有好幾幅獨有嘅畫，好有心思。入到去已經見到好多人食緊pizza， pizza款式種類都好多。黎到唔叫個pizza緊係唔得啦！急不及待就睇餐牌，叫左好幾味！小餐包第一味大蝦蟹肉pizza， 稱NEW product！緊係想試下啦！熱熱pizza好香，成個pizza鋪滿蟹肉，好嫩，好鮮！大蝦係切碎左家啦，與蟹肉相融！味道唔錯！中叫左個薯條，脆脆地！粗粗地！咸咸地！最後食得好飽！

同朋友喺荔枝角既工廠大廈做完yoga，周圍行搵間餐廳醫肚。咁啱經過呢間piazza pizza，睇落環境唔錯價錢又唔貴，一於試下佢！餐廳大約有十來張枱，裝飾佈置簡約有品味，很有家的感覺，非常舒適☺️佢有dinner special可以揀，分別有二人同理四人餐。睇落非常豐富又抵食，頭盤餐湯主菜手工pizza仲要有埋野飲同甜品，都只係$378加一!!我地兩個女仔食量唔大，加上做完運動唔想食咁飽，我地淨係嗌左個pasta加手工pizza，同一個甜品share🤪先黎個麵包!! 比想像中好食，個包外脆內軟，點olive oil同vinegar，唔錯!!Wowww!! 推介呢個軟殼蟹茄汁pasta!👍🏻👍🏻好足料好好味，pasta既口感好好，值得一試！小店既招牌pizza!! 可以一個pizza揀兩款口味，我哋揀咗parma ham 火箭菜同埋黑松露，新鮮出爐熱辣辣，誠意之作😋😋😋 已經食到好飽，但都想試下呢度嘅甜品。蘋果批配雲呢拿雪糕，為呢餐飯劃上完美嘅句號！

喺荔枝角呢頭睇完戲，行行吓見到有間食pizza，成日幫襯開連鎖餐廳，都係時候支持下香港嘅小店。餐廳裝潢行小溫馨路線，唔算有特別，但勝在休閒，坐得都算舒服。一開始送上嘅法式餐包，最鍾意就係點油同黑醋，酸酸地。如果同我一樣都係鍾意食澱粉質嘅人，相信會鍾意食呢個包。大蝦凱撒沙律🥗 $88好大碟嘅一盤沙律，沙律最緊要就係新鮮，呢度啲沙律菜全部都好新鮮，再加埋啲麵包糠同埋大蝦，配搭適合。堅水牛城雞翼 $78呢個雞翼熱辣辣，都好吸引。但係呢個雞翼都幾辣，外面嘅醬汁好辣，入邊嘅雞肉就好嫩口，相信食得辣嘅人都覺得好鍾意。另外餐廳提供埋西芹同芥末醬都可以點。巴爾馬風乾火腿Pizza $178重點黎啦，今日嘅主菜就係呢個Pizza，size真係好大，覺得夠曬兩至三個人食。呢個Pizza係薄底嘅，唔係我平時鍾意食開嘅厚底，不過其實咁先係正宗，薄底食落有少少似厚身嘅餅乾，都唔錯。

荔枝角工廠林立，有好多其貌不揚的好食餐廳藏於工廠區內，piazza piazza 必定係其中一間優質餐廳，因為聽朋友講呢間餐廳好出名，所以去試一試。餐廳店面不算好大，但環境舒適，而且背景音樂悠和，店員都很有禮貌，整體感覺很好大蜆手打意粉(青檸味粗意大利麵）呢間餐廳毎日廚師都會精心泡製手打意大利麵，今日既是日手打意粉就係檸味粗意大利麵，配上大蜆非常適合，青檸味更能突顯蜆既鮮味，而且第一次食粗意大利麵，很有咬口，質感非常好，好好食原隻燒春雞燒春雞燒得好香，擺碟亦都係經過精心設計，所以賣相好靚，雞肉好嫩滑，雞皮好香脆，而且保存到好多雞汁，又帶點香草味，好開胃，味道亦都非常之夾。呢一個春雞非常之好食，燒雞做得好出色，一定要點。Tiramisu甜品既質素都好好，tiramisu帶陣陣芝士同咖啡味，入口好滑，成為呢餐一個美好的總結總括而言，喺荔枝角搵到一間唔錯既西餐，實在難得，而且價格合理，性價比極高！

呢晚黎到荔枝角～又係唔知食咩既時候見到呢間意大利菜，於是乎又入左去～可能係平日既關係餐廳都唔算多人，唔駛等就可以入去～研究左一陣個餐牌就決定叫呢個二人餐～ 睇餐牌以為係一係叫兩個主菜，一係咁個pizza最後問左店員原來各一都ok!門口仲有甜品櫃俾你食飽之後出黎揀甜品～不過嗌完個二人餐其實份量都幾多 都唔係好食得落甜品～下次再試！叫完之後店員就上左包同忌廉湯～ 忌廉好濃郁令人一啖接一啖咁飲至於面包就跟經典意大利菜食法～點橄欖油同黑醋！點左之後令到成個包冇咁乾身易入口左好多！又係令人一啖接一啖咁食其實未食到主菜都飽左4成小食方面我地就揀左芝士煙肉薯條薯條炸到熱辣辣脆卜卜！正！主菜方面我地叫左燒雞同辣肉醬至尊pizza~隻燒雞簡直不得之了！首先，佢個size 都好大份，除雞之外仲有飽肚蕃薯條，早知唔叫薯條～哈哈～ 然後仲有個沙律係旁邊超大份！另外到隻雞，雞脾位真係超級juicy......一路食一路滴哂d肉汁出黎！至於胸位就乾左少少，點番佢個汁就岩岩好！ 蕃薯條夠脆卜卜仲有好重薯仔味！輪到pizza 啦！ 店員好細心咁問我地個pizza想唔想係食完雞先上～當然求之不得啦！ 得一把口又要應付隻

Pizza Piazza在荔枝角站A出口附近, 由於一早預約, 所以很快便獲店員安排入座。菜單上的款式不算少, 大概有十幾款, 而且充滿意式風情令我期待。先上左餐湯同麵包 麵包算幾唔錯 鬆軟得黎仲係微暖 而且係跟橄欖油 係意式食法點起意式醋就更令人開胃勒。整個晚餐，我本人最最最喜歡的就是 鮮蜆手打麵 ，我的天呀，蜆肉好新鮮，重點是沒有沙粒在裡面！👍粗意大利條麵係today special，夠爽滑又有口感，師傅係手打時加上青檸味，意大利麵撈了好creamy的汁，我好喜歡。另外係香草烤春雞，雖說係春雞但size絕不細，我地索性落手撕黎食，雞皮夠脆而雞肉好滑溜，味道清香，夠晒飽肚。加上伴碟既薯條同埋沙律菜，食起黎夠晒均衡飲食。甜品叫左蘋果批蛋糕，口感鬆軟，用料十足，用黎填滿另一個胃就岩晒。整體黎講餐廳質素唔錯 而且價錢唔貴 食得好飽 下次會再去食

意大利菜入面最鍾意都係pizza，今日朋友就推薦我去食一間地區遠少少既小店手工pizza。店內唔算大最入係開放式廚房，黎到當然要睇下pizza menu，款式都好齊而且寫清楚每款pizza入面有咩材料。點完餐後送左份手工麵包籃熱辣辣好新鮮外脆內軟加上黑醋同橄欖油。點左餐廳既招牌至尊，一個size12吋2個人食一個已經好足夠，pizza厚度適中唔會過薄或者過厚咬落薄餅皮外層烤得脆身平時唔太鍾意食薄餅邊既我反而被呢至吸引，呢到薄餅邊做到好似法包咁外脆內軟熟。內餡都幾足料每啖都食足pizza餡，芝士加上蕃茄醬比起外面唔會太咸，用火腿代替辣肉腸意外地夾。最後食完覺得仲有少少空間所以就點左無咁滯既白酒煮蜆，蜆肉粒粒飽滿多汁吸晒白煮又帶點蒜香味食完啱啱好。

啊媽講好耐無食過pizza,於是我帶佢去呢間pizza小店，我鐘意幫親小店，原因係唔想大財富壓抑香港經濟，而且小店用材更為上心，食pizza唔一定係連鎖店，反而小店更有特色店舖位於長沙灣工業大廈附近，雖然只限工作人員，一般市民訂位都可以黎到是日餐湯：黑松露蘑菇芝士湯黑松露既感覺在湯中好突出，蘑菇磨掉了，即時入口餐包：法式軟包店員好細心，翻叮軟包先上碟，我一切軟包感到熱辣辣，誠意十足Pizza 1:素食主義，zucchini eggplant olive估唔到青瓜，茄子配pizza 既感覺好fresh，食落唔油Pizza2:碼嘉麗塔，basil tomatoes mozzarella 我認為mozzarella係靈魂，撕開一絲絲芝士Pizza 包邊，配合黑松露湯，好趣口，又多一種食法，哈哈配上熱朱古力我覺得服務員好細心，不時為我加水，推薦食材

荔枝角都有唔少食肆、茶餐廳，有平有貴。今次呢間價錢偏貴，但我自己就覺得係幾高質之作。雖然夜晚7點幾入去個陣無咩人，間店又幾暗，一度以為佢無開鋪haha。當晚我地怕太飽所以散叫食物，店家都有附送餐包，微溫且外層頗脆。「堅水牛城雞翼」雞翼惹味香辣，辣到我瘋狂飲水。雞翼鮮嫩入味，愈食愈上癮。怕辣嘅朋友仔可以點白色沙律醬，有助減輕辣度。「雙層芝士煙肉牛肉薄餅」Pizza嘅餡料食落好似老麥漢堡包口味，原來變成Pizza都幾夾噃。批底偏薄但依然做到外脆內軟，醬料酸甜過癮，肉碎粒嘅牛味亦好濃郁。

今日去到長沙灣睇戲後揾下附近有咩美食,行過見到一間小店入面主打自家製pizza.平時好少小店會有自家製pizza而且款式又多就入去打下卡.水牛城雞翼性價比十分高$78價錢足足有8隻雞翼,外面無平時見到既醬汁咁紅同杰但味道完全做出水牛城雞翼既味道帶少少酸又辣口,內裏雞翼鎖住肉汁咬落仲有雞汁流出.白酒煮蜆既蜆肉算飽滿而且彈牙蒜同白酒加上洋蔥味幾甘香又無沙.招牌至尊餅底人手自家製搓得簿得黎又煙靭帶麵粉香,咬落口簿餅邊外脆內軟.至尊有火腿蘑菇黑橄欖同雅枝竹,材料豐富鋪滿晒簿餅面上,出色.