影片
更多
2019-08-02
35 瀏覽
今日同左好耐冇見嘅朋友食午飯敘舊。朋友係大忙人，所以特登嚟到工商業區荔枝角搵佢。點早餐無耐就有麵包同埋餐湯送上。簡單細細歌嘅麵包，食落有驚喜。質地類似豬仔包，熱辣辣，外脆內軟，咬落煙韌而且好香。搽牛油或者點湯都一流。 個包係可以添嘅，不過為咗留肚就冇再refill喇今日嘅是日餐湯係南瓜湯，質感濃郁，主調以南瓜為主，忌廉唔重，所以飲完都唔會覺得好飽滯。我自己呢就點左一個凍焦糖咖啡。咖啡味同埋奶味平衡，不過就唔係特別香濃。不過奶泡同埋賣相都做得好好我叫咗一個Parma ham薄餅同朋友分享。可以見到薄餅非常知足料，底層係新鮮嘅茄醬，面頭鋪滿左Parma ham, 水牛芝士同埋火箭菜。所有材料都好新鮮，風乾火腿唔係太鹹，加埋清新嘅火箭菜，食落都好夾。薄餅底亦都非常出色，熱辣辣，火候剛好，薄薄地，外脆內軟。我嘅朋友叫咗黑毛豬扒。值得一提係佢嘅薯菜唔係普通薯條，而係好香甜嘅番薯。炸得啱啱好，好食到停唔到口。配合蘋果蓉同埋沙律醋，成個菜嘅主調係甜甜地，所以番薯條又出奇地夾喎。沙律生菜加黑醋，雖然係配角但係都係非常新鮮。主角黑毛豬扒係今日最滿意嘅地方。切開見到佢熟得啱啱好，啲肉本身唔肥，雖然係厚切，
點早餐無耐就有麵包同埋餐湯送上。簡單細細歌嘅麵包，食落有驚喜。質地類似豬仔包，熱辣辣，外脆內軟，咬落煙韌而且好香。搽牛油或者點湯都一流。
個包係可以添嘅，不過為咗留肚就冇再refill喇
今日嘅是日餐湯係南瓜湯，質感濃郁，主調以南瓜為主，忌廉唔重，所以飲完都唔會覺得好飽滯。
我自己呢就點左一個凍焦糖咖啡。咖啡味同埋奶味平衡，不過就唔係特別香濃。不過奶泡同埋賣相都做得好好
我叫咗一個Parma ham薄餅同朋友分享。
可以見到薄餅非常知足料，底層係新鮮嘅茄醬，面頭鋪滿左Parma ham, 水牛芝士同埋火箭菜。所有材料都好新鮮，風乾火腿唔係太鹹，加埋清新嘅火箭菜，食落都好夾。薄餅底亦都非常出色，熱辣辣，火候剛好，薄薄地，外脆內軟。
我嘅朋友叫咗黑毛豬扒。值得一提係佢嘅薯菜唔係普通薯條，而係好香甜嘅番薯。炸得啱啱好，好食到停唔到口。配合蘋果蓉同埋沙律醋，成個菜嘅主調係甜甜地，所以番薯條又出奇地夾喎。沙律生菜加黑醋，雖然係配角但係都係非常新鮮。
主角黑毛豬扒係今日最滿意嘅地方。切開見到佢熟得啱啱好，啲肉本身唔肥，雖然係厚切，但係唔乾唔粗，認真出色。本身個豬扒已經好好食，好香豬肉味，如果唔怕肥一定要食埋旁邊嘅脂肪，係會令成個肉味更加香，簡直要瞇埋眼慢慢品嚐
Lunch來講係呢一區實在唔算平，但係$138食到一個咁好食嘅黑毛豬扒，又坐得舒服，其實唔過分
張貼
