Pizza Piazza

營業中

休息中

喺荔枝角工廠區附近都可以搵到一間好有特色嘅西餐， 從個餐廳名得知就係呢一間將會係招牌於食pizza。入到去個環境相當優美，燈光偏暗營造一個浪漫嘅氣氛，無論係吧枱定係餐桌座椅都好有西式嘅味道的確幾印象深刻。餐牌可以選擇嘅食物都唔少但最吸引莫過於好多款嘅招牌pizza，最新奇就係可以雙拼個Pizza咁就可以唔需要全部都同一隻味道。呢一個的確係幾有創意嘅諗法。咁今次就試咗黑松露誘惑拼蟹肉大蝦pizza，因為全部都係即叫即整所以必定會係熱辣辣，果然冇辜負對呢間餐廳嘅期望，Pizza做得好細緻，色香味俱全，Pizza用咗薄批，咁樣可以令到食材味更加突出多個淨係食到麵包味小食方面自己會建議叫水牛城雞翼，雞翼大家都唔會陌生，但要整到一隻雞翼外脆內軟而且保持濕潤並唔係容易嘅事，同樣因為係新鮮製造所以一定要趁熱食先可以感受到真正嘅外脆內軟， 肉質鮮甜絕對唔係冰鮮過， 用左辣椒為原料嘅醬汁及其他醬調味，所以絕對有別於炸雞翼。飲品方面， 咖啡都係呢一度嘅特點，老闆會親自同你講解唔同咖啡嘅口味同埋點樣搭配，今次試左杯Mocha， 最令我印象深刻就係少用糖漿，因為要飲到咖啡嘅精華，雖然大家都係叫朱古力咖啡，不

荔枝角有一間食pizza嘅專門店，我見到佢嘅餐牌上面除咗有Pizza之外，仲有漢堡啊、其他西餐肉類等等。喺荔枝角呢一個工業嘅國度，有一間多元化嘅西餐廳，而且價錢係平民化，其實真係一個飯腳唔錯選擇。.呢度係佢Pizza嘅種類，其實佢都好多種Pizza俾你揀啦，而且好似嗌Pizza嘅話仲可以雙拼，真係可以滿足晒你兩個願望呀！😂😋.不過今次我就冇叫到Pizza，我就試咗佢個西班牙黑毛豬🐷🐽 (推薦指數：😋😋😋😋😋)西班牙黑毛豬有兩大塊，從買相睇落去見到兩個烹調方法有少少唔同，第一片炸少少，第二片係煎。最緊要係兩塊都煮得好琳，用刀好容易切開。男士一定會好爆肚飽肚。.特濃朱古力 (推薦指數：😋😋😋😋)呢個朱古力奶嘅成份比較多，所以飲落有啲似奶昔，不過甜度適中，唔會係死甜嘅味道。面頭仲有朱古力醬同埋花生碎，令到味道都有唔同嘅層次嘅。

入座後，職員為我們遞上menu，除了pizza還有頭盤、特色飲品和甜品，價錢也算合理。過了一會兒，店員便給了餐前的餐包，點上黑醋，有些硬。pizza款式很多，是薄底pizza還可以雙拼。這次點了雙拼pizza，份量對兩個人來說也算足夠。pizza又薄又脆，餡料也算多。另外，也點黑毛豬配薯條，外脆內軟，不算很乾，襯熱切起來還有小小肉汁。飲品方面，不過不失。最吸引的大概是甜品，cheese cake，芝士濃郁。餐廳環境也不錯，比較清靜，適合朋友聚會，是約會談心的好地方！

返工咁辛苦，放工之後梗係想食返餐好，輕鬆一下。呢間西餐廳，鋪頭細細，但裝修非常之溫馨貼地。非常適合同朋友或者同事食飯傾計。餐前麵包，配上橄欖油同醋，好開胃。而且麵包上枱之前烤焗過，令到外皮酥脆，入面就軟綿綿。西班牙厚切豬扒，豬扒好似煎得有啲過咗時間，所以肉質有啲粗糙，下次試吓牛扒先。最鍾意就係佢個番薯薯條，香脆加上甜甜地，非常可口。呢杯係朱古力意大利芝士餅奶昔，有少少咖啡味，曾免曾重鋪左餅乾碎，口感豐富。當日甜品可以選擇意大利芝士餅同埋香蕉拖肥批。

依家食Pizza嘅小店，位於荔枝角商業區，喺D2 place附近，交通非常之方便。見到佢個名就知佢係主打Pizza，而且Pizza仲有得雙拼，選擇兩款唔同嘅味道，就唔會好似平時咁淨係食一款都已經食唔晒。今次叫咗黑松露野菌同埋水牛芝士黑松露味道非常之香，香氣撲鼻，估唔到淨係菇菌加埋芝士就令Pizza整體味道好豐富，一啲都唔會單調。而且Pizza底係薄底，咬落去趣卜卜，好香口。水牛芝士Pizza方面，味道就相比黑松露野菌稍為遜色，可能芝士份量唔夠多，食落去味道唔夠濃郁。另外仲叫咗花生醬香蕉奶昔，即叫即整，用了新鮮。

經常去車站經過呢間西餐廳睇個名已經知pizza必食🤤🎈叫左個二人set有小食x1，主菜x1，pizza x1，湯，餐包同飲品，聽落好似吾誇張，但份量原來好多，多到外賣pack走左啲🥱👉🏻芝士牛肉pizza好似食左個burger咁 好滿足❤️薄批有六大件，兩人真係食吾哂👉🏻ribs燒得唔錯，醬都幾好味👉🏻水牛城雞翼醬汁真係幾辣 平時食開清湯既會覺得非常辣但熱辣辣，好入味雞翼既肉仲滑Encore！👉🏻薯條周圍試不同西餐既薯條呢間合格🥰地方吾算大最好預約定😟唯一大問題 餐廳內冇toilet 要過返d2place至有廁所

今日放晏同同事過嚟荔枝角食晏就，見到呢間賣嘅Pizza同漢堡包賣相唔錯，就入咗嚟試一試，可惜今日食個陣先知漢堡要晚上先有，所以就揀咗食黑毛豬扒。🍕 紅魔鬼Pizza呢個紅魔鬼Pizza好多Cheese同辣肉腸係面 ，味道算幾濃郁，餅底口感都有啲煙韌，唔會好乾身同好難入口。🐷黑毛豬扒佢呢個豬扒都算juice，又冇好似平時自己整嘅豬扒咁又柴又乾，用啲香草得嚟又冇搶到本身嘅肉味。Pizza&黑毛豬扒套餐除咗頭先個Pizza同黑毛豬扒之外，仲可以加錢升級為套餐，包埋飲品同小食，啱曬食Pizza 呢類型較為油膩嘅食物。餐包&餐湯個餐包食落同Pizza 嘅口感差唔多，味道方面亦都有少許咸，唔會好寡；而餐湯就係蕃茄湯，飲落先知唔係用罐頭湯整出嚟。水牛城雞翼水牛城雞翼出名好惹味，作為第一次食嘅我都覺得頗新鮮，感覺十分之合適鐘意食辣嘅朋友仔。飲品🥂伯爵茶&青檸荔枝梳打，因為伯爵茶比較濃味同埋青檸荔枝梳打好清嘅關係，剛好可以抵消Pizza嘅油膩以及水牛城雞翼超辣嘅味道。

門外以為小店，但係內有乾坤，以雲石造型為主嘅裝修，再加上有關Pizza嘅油畫，都幾有Feel🤩🥖🍲餐包及蕃茄湯焗熱之後好軟熟嘅餐包，再配上自家製嘅蕃茄湯，好夾！尤其蕃茄湯飲得出唔係罐頭湯嘅味道！🍗水牛城雞翼跟餐加錢嘅雞翼都好好食，超濃郁嘅水牛城醬，微辣嘅醬汁好惹味！而且雞翼都仲好有肉汁！🍕紅魔鬼pizza9寸Pizza兩個人分啱啱好，滿滿嘅芝士超吸引，茄醬配上辣肉腸勁邪惡！不過最鍾意都係佢夠薄同煙韌嘅餅底，好有口感！🥩黑毛豬扒 +番薯條黑毛豬扒好入味，食落冇雪藏味，而且豬扒比想像中更有肉汁，所以食落口都唔會覺得好柴！另外番薯條比起薯條咁特別，再配上沙律菜一流！🍹荔枝青檸梳打我通常西餐就會叫啲比較清爽嘅飲品，微酸嘅梳打就啱啱好！☕️ 伯爵茶用茶壺上嘅伯爵茶保暖唔錯，也夠濃嘅茶味！

臨近新年要獎勵下自己, 豪d 去食個靚 lunch, 哈哈.呢間 Pizza Piazza 嘅手工pizza 係主打, 出名好食, 之前都有同同事嚟食過. 不過食肉獸都係鍾情於啖啖肉, 所以今個  lunch 我最終都係order 咗個主菜係 “澳洲A級肉眼扒".份扒我order 7成熟, 生得嚟吾見血, 肉質吾錯, 林林地, 有肉味. 真心鍾意佢跟果堆 “炸蕃薯條” , 好特別. 出面D餐廳通常都係跟薯仔或者烚菜, no fun… 呢度會跟 sweet potato, 有心思呀. 沙律菜都ok新鮮.百幾蚊就有呢個質素嘅主菜, 真係掂啦跟餐加錢有4隻 “堅”水牛城雞翼, 呢個名真係不得了, 食肉獸一定要試下有幾堅先得!無預期咁 surprise, 不過係OK tasty 嘅. 大大隻, 皮脆肉滑, 辣辣地, 一上枱果刻熱辣辣最好食, 如果可以多少少汁就堅 perfect.心情靘零捨開胃d, 仲有少少空間, 點多個 homemade香蕉托肥批嚟試下, 又 ok 喎, 甜得嚟吾漏, 可以呀.嘆埋杯 Americano, 呢個lunch 都算對得住自己, 可以安心返去開工喇

餐廳環境氣氛唔錯，餐廳入面有好多唔同嘅pizza主題掛畫，同埋一啲燈飾，令到人有一種好開心嘅感覺。餐廳嘅枱同櫈唔多，所以坐都好闊落好舒服，唔會有好迫嘅感覺。食物方面，我哋今次叫咗一個黑毛豬同埋雙重Pizza。首先講個黑毛豬先，嘢食嘅擺位仲有可觀程度十分高，豬扒唔會整到太過熟同埋令到你好難咬，佢嘅豬扒本身冇用太過多嘅調味料，配返佢嘅嗰個黑醋或者茄汁食啱啱先。之後去到Pizza個方面兩個Pizza味道都十分出色，食完之後個口都唔會覺得好乾，要不停飲嘢。最後最欣賞最鍾意嘅就係佢哋嘅甜品，我哋叫咗一個意大利芝士蛋糕，同埋一個紐約芝士蛋糕。兩個都真係好好食，唔會話好甜好飽，就算食完兩個主菜之後都唔會好想食埋。

荔枝角除咗係工廠區之外仲有好多嘢食喺附近㗎，出咗地鐵站其實行遠啲啲就已經有好多唔同嘅菜式，我咁鍾意食pizza同埋burger梗係試吓㗎啦！入面嘅裝修擺設都好有感覺，係一種好輕鬆嘅感覺，餐牌嘅價錢都唔會太離地，完全係接受到，嘢食嘅選擇都好多！等候時間唔來上菜嘅速度都好快，嘢食嘅份量啱啱好！我就嗌咗佢嘅burger，薯條，仲要左杯朱古力特飲！上菜嘅時候漢堡包會連埋四樽唔同嘅醬汁，自由選擇，醬汁放題，我好欣賞佢嘅漢堡包，因為好實淨咬落去嘅時候唔會鬆晒，而且真係厚㗎！漢堡包嘅肉質好juicy，厚切薯條真係令人一試難忘，食嘅時候真係feel到佢係啱啱炸好嘅！佢嘅朱古力特飲感覺好濃，好香嘅朱古力味而且飲落去好易入口，好豐富嘅感覺！我好欣賞佢嘅甜品，食完成個餐再挨個甜品真係為成個晚餐畫上一個完美句號，佢嘅甜品嘅忌廉應該係手打嘅，因為好smooth而且好實，密度好高好濃，第一次食啲密度高嘅忌廉，真係好好味！

見網上好評多多，餐牌價錢又合理🤔咁就諗住試下呢到唔只有即叫即焗嘅pizza🍕仲有pastas類，意大利飯🍝當然唔少得扒類🥩仲有啲二人、四人set dinner 🍔而我今次試一試佢個pizza，可以雙拼的，咁就可以每樣一半首先，會先上餐包，配上醋同橄欖油，包是暖的，但個人比較鍾意牛油多點🧈雲尼拿味鮮奶，表面平滑而奶味濃郁，唔會太甜岩岩好的🥛😙左面是蟹肉大蝦🍤配上沙律醬🍕 pizza是比較意式風味的薄片，底部十分脆，材料用料豐富，襯托岀蝦的鮮味😄而另一邊是比較經典的夏威夷風情pizza🍕大愛菠蘿比較甜🍍而芝士比例適中🧀我自己係食唔曬的，所以最好同朋友一齊share食👭最後，餐牌還有cheesecake 🍰芝士十分厚實😆分開幾層口感

荔枝角依頭唔算係食店林立既地方，工廠大廈為主，適逢路經依頭，搵食實在不易。咁岩經過依間西餐廳，見佢雖然位於大街但門口細細，有啲神秘感一於試一試佢，點知有驚喜我同朋友坐低後，每人叫左個午餐，先上麵包和餐湯麵包同湯都好夠熱，味道都不錯我餐飲叫左凍mocha ，味道可以但略為淡一啲。依味水牛城雞翼簡直無得彈！！熱辣辣、帶點辣，個醬汁做得非常好！必食推介我叫左招牌至尊簿餅批底薄脆，亦都熱辣辣，配料都好夠，好食依味黑毛豬扒係餐廳既攞介菜式單看樣子已經極為討好肉質偏乾身，十分入味好食至於個配菜就咁睇已經同普通薯條有少少唔同，食落原來是蕃薯條，脆卜卜甜甜地，有另一番味道，都好好食再講下間餐廳內部格局，設計令人幾舒服如果好似我地咁慢慢係度坐黎傾下計食下嘢著實不錯

見到openrice 的食評，依間幾出名，就抱住一試的心態試下啦。出面係sell依個burger ge,但佢竟然話賣哂，搞到有少少失望啦。。。。環境就中中挺挺，有下油畫咁。座位算闊落，唔會坐得迫。叫左雙層芝士煙肉牛肉PIZZA，芝士味都濃,同煙肉牛肉夾埋，都幾配， 餅底唔會太乾。仲有配埋餐包同餐湯,128蚊,都算唔錯。另外再揀左個蟹肉野菌意粉,依樣比較有驚喜，冇諗過蟹肉同野菌既數量咁多,平時餐廳得好少蟹肉，但佢唔係，配埋少少辣味，好香口。最後以一杯熱騰騰的榛果拿鐵咖啡作結，原本諗住食埋舊cake,但真係太飽了，所以都係留返下次先食啦！今次去左依間舒服的cafe,又為一個舒適的週末劃上句號，十分滿足!

本身一開始想同朋友食下PIZZA，於是就決定入黎呢間餐廳。點知睇下MENU見到佢其他野食都好正，咁最後就改變左當初入黎食PIZZA嘅主意同朋友2個人一共點知 終極漢堡($88)、西班牙黑毛豬扒($168)、堅水牛城雞翼(+$28)、青檸荔枝梳打($33)、意大利仁餅朱古力奶昔($38)、香蕉拖蛋糕($48)、意大利芝士蛋糕($48)餐包：落完ORDER後，職員先送上餐包，食落唔係部分西餐廳提供嘅普通麵包黎，佢呢隻麵包上時熱辣辣又香又軟熟另外有橄欖油同黑醋汁可以點黎食西班牙黑毛豬扒 ：黑毛豬煎得好香，食落去肉味濃郁，再加上佢本身加左少許黑椒作調味，令到味道更加突出配菜方面佢跟埋蕃薯條同沙律菜，蕃薯條夠甜又香脆，食完再食返D沙律菜清一清口味 終極漢堡：本身入黎前係想食PIZZA，但見餐牌張相太吸引，結果轉左做BURGER賣相夠吸引，食落去亦出色，塊漢堡肉都幾大塊兼且煎得幾香，再配上PARMA HAM、洋蔥、番茄、菜、芝士等配料，食落非常豐富配菜有埋薯條，同埋夠香脆調味料：有黑松露野菌醬、秘製辛辣醬、法式芥辣醬、茄汁，係食BURGER時可以根據自己想食嘅口味加上去補返張合照 堅水牛城雞翼 ：