Pizza Piazza (已結業)

荔枝角沿住長沙灣道行去美孚，都會經過細細間嘅pizza piazza ，好耐之前都食過，呢晚再次幫襯，因為見到個menu唔同咗，客人亦多咗⋯⋯花生醬香蕉奶昔 $38，聽個名已經好嚇人，一定會係好飽嘅飲品，不過我真係好想試吓，因為花生醬＋香蕉三文治係我兒時帶返學校嘅lunch，有感情嘅配搭，一上枱杯奶昔如普通Vanilla milkshake 無分別，聞同埋飲都有花生醬味道，帶淡淡香蕉味，不過食完份主餐後，花生醬嘅油＋奶嘅蛋白質明顯帶出變化，令口感及質感都變為油膩，所以要快飲為上。西班牙黑毛豬扒 $168，煎得好靚仔，有兩大件，配上新鮮沙律菜及即炸薯條，味道及賣相唔錯，肉質就略為嚡。香蕉拖蛋糕，怪怪嘅名子，英文係Banoffee Cake，中、英文都會聯想到有拖肥，再細看成份，真係有拖肥😄

朋友仔話帶我去工廈食好野，一於疊返心水等朋友拍板。朋友帶我黎到荔枝角的Pizza Piazza，七點幾黎到已經差不多坐滿人，好彩朋友有預約，否則等位都不知道要等幾耐。我叫左終極漢堡配薯條🍟，飲青檸荔枝梳打。朋友叫左西班牙黑毛豬扒，飲意大利仁餅朱古力奶昔，仲叫左堅水牛城雞翼，甜品香蕉拖蛋糕及意大利芝士蛋糕🍰。一落完order，店員就送上香草麵包，沾上意大利醋及橄欖油，味道一流。西班牙黑毛豬扒夠驚喜，食落很juicy，外脆內軟，豬扒上的黑胡椒正正帶出黑毛豬扒的鮮味，把食物昇華到另一層次，極力推薦！終極漢堡配薯條賣相吸引之餘，味道仲不過不失，還可以自由任加袐製醬汁，真係鍾意點食就點食，隨你個人喜好任意配搭。堅水牛城雞翼，正正子，最愛食雞翼的我真心覺得這個堅水牛城雞翼好好味，微辣惹味，熱辣辣，皮脆內軟juicy，食到停唔到口。青檸荔枝梳打Fresh，食咁多熱氣野，飲返杯青檸荔枝梳打，認真解渴，不錯不錯。意大利仁餅朱古力奶昔，濃濃朱古力味及奶香，朋友很喜歡。叫埋甜品香蕉拖蛋糕及意大利芝士蛋糕🍰，晚餐真滿足。

長沙灣約咗朋友喺度dinner，坐低之後我就即刻叫左個終極漢堡套餐，有漢堡包🍔，有香脆炸薯條🍟，同埋一杯飲品，價錢係$88，呢個價錢都算吸引。另外見到餐牌有堅水牛城雞翼，價錢係$78，隔離枱見到有人食緊，啲鷄翼好似好吸引咁，所以又叫左一客。鷄翼上枱時用煎pan保持熱度，又諗得幾周到，鷄翼夠大隻，入口之後辣味開始進入味覺，唔係好辣，但又會吸引你一口一口咁食佢，係久違咗嘅水牛城味道了。漢堡包🍔連炸薯條一齊上枱，薯條外脆內軟，至緊要係夠熱辣辣，唔會好似大牌子連鎖快餐店啲薯條又細又幼又唔熱。漢堡包🍔裡面有一塊咸火腿，成個包賣相都幾好，不過如果可以再juicy啲就好。仲有呢杯milk shake都唔錯。

Heading to Lai Chi Kok today for a client meeting and passing by a pizza shop, was attracted by the name called Pizza Piazza😛With no hesitation, my colleague and I decided to dine there. The staff told us to try their top pizza and we wanna try two favours so we ordered the one with parma ham and another goes to truffle pizza. What most astonishing is that the two favours pretty match with one another. The parma ham one tastes more intense while the truffle pizza is relatively mild. I give it 8

知道荔枝角呢頭有好多小店，今日一於同朋友嚟試吓。經過見到呢間西餐入面人頭湧湧，而且佢價錢相宜，所以就一戰！餐廳入面雖然推枱之間空間唔大，不過牆身掛咗好多油畫，整體俾人嘅感覺都係舒適嘅。睇一睇個餐牌，佢哋呢度主打pizza，不過亦都有啲意粉同埋扒，最特別嘅係佢哋有自家製嘅蛋糕同埋嘢飲。最後我哋叫咗個雙拼pizza，係pama ham拼雙層芝士煙肉牛肉味，兩個味都超級好味！而且佢嘅餅底係傳統薄啲嗰種，焗得好香口！另外佢個黑毛豬扒簡直係喜出望外，完全唔乾，煎得啱啱好而且好多肉汁！再配埋佢個蘋果醬汁中和返嗰種油膩感，如果滿分係10分，我會比11分呢個餸菜！佢個番薯薯條都好好味！係外國食到嘅嗰種味道！佢哋嘅自家製甜品都好好食！甜度適中！為呢一餐寫上圓滿嘅。因為句號！埋單都只係大約$500 蚊，以呢個質素來講絕對係超值！絕對係10分推介！不過一定要去試吓！

去荔枝角做運動，之前先吃午餐。餐廳以pizza命名，但食物選擇，當然不止於此啊。點菜之後，侍應送上餐包及餐湯。餐湯內有菜粒，很有口感。選擇了烤西班牙黑毛豬扒。中文餐牌沒有提及的是原來還包括了蘋果醬，甜薯條和青菜。可以說是一個小小的驚喜。西班牙黑毛豬扒厚厚的一塊，很實在也夠飽肚。配合黑椒調味，與黑毛豬扒非常夾。 甜薯條香脆，比普通的薯條多了一股甜味，更加可口。餐飲是熱朱古力，可可味比較香濃，不會太甜。

位於工業大廈地下，入口極不起眼。推開門後，店內佈置不錯。掛左好幾幅藝術畫，所有餐枱都係雲石紋理面， 好靚。是次晚餐當然有點到手拉pizza啦（雙層芝士煙肉牛肉），重有好多人推介既西班牙豬胺，水牛城雞翼。另外點左一杯意大利仁餅朱古力奶昔。Pizza 夠薄，都幾大塊；水牛城雞翼濃味得黎又唔會咸過頭；豬胺配炸蕃薯條，好好食，不過就覺得塊豬胺油脂分怖得唔均衡，所以d肉比較“鞋”口。 下次應該唔會再點杯奶昔就普普通通， 有杏仁味，但就朱古力味唔夠濃。不過店用不銹鋼飲管，夠環保。唯一唔好就係餐廳唔會跟前菜主菜既次序咁出菜。

逛過市集後走到鄰近的工廈看看，發現原來亦有不少特色食店，行到億利達工業大廈見到呢間 Pizza舖頭櫥窗好透明，配上昏黃的燈，門面都幾吸引就入左去了!!坐低後有輕鬆既音樂，令食客可以放鬆心情。【Pizza Piazza Restaurant】餐牌上有set，如終極漢堡，另有散叫的手工Pizza、甜品。另送上麵包，超好食的說！！！🔺Lime Lychee Soda 青檸荔枝梳打 $33呢杯青檸荔枝梳打酸甜得宜，飲落清爽得嚟帶少少荔枝果香，幾醒胃🔺Cuntuccunu Chocolate Strake $38Cantuccini係義大利中部特有嘅杏仁脆餅，呢杯嘢呈上嚟嗰時就無跟一塊脆餅，但係飲落夾住淡淡嘅杏仁香，中和到朱古力奶昔嗰種甜膩。🔺Shrimp Porcini Risotto 蝦鮮菇意大利飯 $128蝦菇Risotto係意大利燉飯中嘅經典配搭，奶油香同熔化嘅芝士令到呢份risotto口感更上一層樓，美中不足嘅係飯粒較為乾身同「粒粒分明」，如果煮得較為濕潤會有更高評價。🔺Bacon Double Cheese 牛肉芝士 12'' $158呢份pizza以蕃茄醬同蛋黃醬作為薄餅醬料基底，

越來越發覺係香港地想食到正宗又好味既pizza餐廳越來越難搵到啦！以前好多時會幫襯連鎖式經營店Pizza XXX, 不過而家佢地既堂食分店仲繼續經營既數目已經唔多啦，所以我係網上做一輪搜尋之後，揾到呢間有好多正評既餐廳。餐廳位於工廈區，但係在地舖，有別於樓上舖，今晚平日過黎幫襯，比我想像中多人光顧，如果我無預先訂定枱，恐怕walk-in黎未必有位一落完order, 店員立刻送上麵包，可以配上意大利醋及檻㰖油一齊食，每枱放上一瓶水係免費自添呢個漢堡，望落好好味甘，下次先再黎試Pizza menu, 款式選擇甚多，亦可揀選雙併口味 Parma Ham併辣肉醬至尊，兩款口味，材料豐富厚身黑毛豬扒併薯條，豬扒真的好厚身，而且好淋New York Chinese Cake and tiramisu餐飲，涷檬水

一班朋友開開心心相初晚飯，早一晚已電話訂座，點知一去到話無紀錄，等朋友到再入去問清楚，剛在到達前5分鐘電話再confirm，點知去到話無房無預訂，已無位(視意你們仲唔走) 無諗過道歉或補救，只話負責同事行開左。。。都係話已無位，扮做野唔理等我地走。今日再打去搵負責人，佢話負責同事去旅行。。。不了了之這樣服務態度，就算有幾好食我們都唔會再去食。

近來社會不穩，各大商場有時又提早關門不開，幸好個人比較喜歡光顧小店或工廈，見到荔枝角有家Pizza店都幾多人食過話好食，一於試試。順便睇埋戲，工廈活化日漸普及，除了觀塘的工廠有大量商户外，荔枝角也發展得相當不錯。所以假日沒特別節目，蠻喜歡到荔枝角的D2 place逛逛，逛逛他們不定期舉辦的手作市集。億利達工業大廈出名夠多野食，成個 1/F可以食好多次都唔厭，不過今次揀左間未試過既【Pizza Piazza Restaurant】，最愛手工野，入到去覺得環境白白淨淨，幾舒服，有一種Party 同Home cafe 既感覺加上牆上既畫風，裝修別緻令人放鬆左落黎！BTW入到黎一定會叫Pizza架啦，係睇下仲有咩野食叫先。主食點了一個飯同Pizza，因為留肚食甜品，見佢個甜品櫃好兩款Pie都好想食，出面都比較少見係咁既配搭呢。Pizza有15款之多， 服務員介紹可以試Bacon Double Cheese pizza😋佢話比較香口惹味，男女都會喜歡。另外見麵有素pizza，岩素食人士喔 。咁我哋兩個人就叫咗一份Pizza、一個主食，兩個甜品，兩杯野飲。首先要大讚送上嘅麵包🥖，超軟熟又微微熱辣辣

同朋友行完D2 place見餓餓地 又係時候四出搵食喇係附近周圍行下搵下有咩食 最後見到依間好易令人會串錯名既餐廳 Pizza Piazza 記得後面個字係多左個a 店面雖然唔係好大 但裝修幾有特色餐湯幾好飲 不過份量少左啲餐包有特色 同平時外面餐廳食既好唔同 最好點埋個湯一齊食雖然依間係食Pizza既餐廳 但我地就叫左漢堡包同豬排漢堡包幾有特色 薯條亦都唔錯豬排成呎厚 食落好juicy 下面既蕃薯條甜甜地幾好食依度既醬汁都好齊存 大家可以根據自己既口味去調配 最驚喜既係有黑松露醬 點薯條食一流依間餐廳用鐵飲管都幾環保 但檸檬唔係片狀就比較難篤 原本都想叫件蛋糕試下 不過真係太飽 唯有留番下次先埋單$257 都尚算ok 如果有興趣既各位 不妨一試

荔枝角D2 Place係週末好去處，嗰頭工廈多，所以餐廳都特別多！今次就揀咗間位於工廈地下嘅西餐試下😋今次揀嘅係小店，其中一個我鐘意幫襯小店嘅原因係佢地經營得較用心，呢間小店裝修非常別緻呢個終極漢堡嘅menu非常吸睛😍套餐仲包咗薯條、飲品，都只係$88，我地當然要嗌嚟試下！值得一讚嘅係餐廳醬汁非常齊全，普通嘅茄汁、辣醬、甚至係松露油同特色沙律醬都有，用嚟沾配菜或主食一流👍🏻薯條新鮮即炸，熱辣辣，正👍🏻身為一個芝士狂熱粉，見到咁厚嘅芝士即刻流曬口水🤤漢堡排就應該係餐廳自製，因為口感食得出同外面唔同黑毛豬烤完後，略顯粉紅，啖啖肉，啱曬我朋友呢啲食肉獸😝伴碟嘅蕃薯條一樣熱辣辣，非常香口👍🏻

長沙彎茘枝角區，呢幾年開咗好多新潮嘅商場，亦都開咗好多隱世既美食店。以前嘅我只會懂得走過來長沙灣區某工廈買平衫執平鞋，係同事嘅介紹下先知道原來開咗好多好好食嘅餐廳，今日就先嚟試咗呢間食Pizza出名嘅餐廳啦！幸好之前先用電話訂枱，否則眼見walk in客係未能安排到枱既呢！店內環境係甘樣架呢，燈光柔和，店內侍應生招呼好，反應快翻開餐牌，主打pizza, 有好多口味可供選擇，亦可揀選雙併，即兩種材料我地今晚就揀左辣肉醬至尊同巴爾馬風乾火腿雙併Pizza, 係standard size, 足夠兩人食有餘，偷偷望入廚房，應該係一位印度人廚師所做出來的黑毛豬扒配薯條跟沙律，豬扒分量好大份而且好厚身，但係食落一D都唔鞋

好耐都無食過pizza，難得今日朋友仔約我去荔枝角食飯，就試下呢間pizza pizza la。今次叫左兩set野食，一個係終極漢堡，另一個係雙拼pizza。先講個漢堡，份量好大，有好多料，牛肉漢堡排、煙肉、蕃茄、黃瓜等等，感覺好豐富。另外有薯條跟上，餐廳都好細心，提供左四款醬汁比我地配搭黎食：松露蘑菇醬、甜椒醬、蛋黃醬同蕃茄醬。每種都有唔同特色，甜椒醬會食到一絲絲嘅甜椒，松露醬嘅菌類香味都好突岀。配住成個頭咁大嘅漢堡真係一番享受。雙拼pizza都好岀色，如果你中意食薄批，一定會愛上呢到嘅pizza。因為佢係手拉薄餅，食落口感相當唔錯，而且用新鮮香料做配料，所以就算好多芝士係面都唔會好膩。總體黎講，相當不錯！