Pizza Piazza (已結業)

餐廳環境氣氛唔錯，餐廳入面有好多唔同嘅pizza主題掛畫，同埋一啲燈飾，令到人有一種好開心嘅感覺。餐廳嘅枱同櫈唔多，所以坐都好闊落好舒服，唔會有好迫嘅感覺。食物方面，我哋今次叫咗一個黑毛豬同埋雙重Pizza。首先講個黑毛豬先，嘢食嘅擺位仲有可觀程度十分高，豬扒唔會整到太過熟同埋令到你好難咬，佢嘅豬扒本身冇用太過多嘅調味料，配返佢嘅嗰個黑醋或者茄汁食啱啱先。之後去到Pizza個方面兩個Pizza味道都十分出色，食完之後個口都唔會覺得好乾，要不停飲嘢。最後最欣賞最鍾意嘅就係佢哋嘅甜品，我哋叫咗一個意大利芝士蛋糕，同埋一個紐約芝士蛋糕。兩個都真係好好食，唔會話好甜好飽，就算食完兩個主菜之後都唔會好想食埋。