Pizza Maru (希慎廣場)

營業中

休息中

派帖最後直路 今晚有大有細 就揀啲老少咸宜嘅餐廳啦🔹️半半炸雞揀咗蒜香甜辣秘製炸雞+蜂蜜牛油秘製炸雞炸雞即叫即炸 小心辣親咀仔again 😉炸到脆卜卜 小朋友流晒口水 😆🔹️煙燻鴨胸泡菜卡邦尼意粉kimchi + carbonara 🤔 以為會怪怪哋點知又幾夾幾好食 小朋友都啱食 (前提係食得辣嘅小朋友）個汁好creamy 掛到汁至於鴨胸肉都煮得夠稔又juicy🔹️薯角炭燒雞肉芝加哥（蜜糖杏仁邊）芝士拉絲is a must 😍 double mozzarella 不得了最特別一定係個杏仁脆邊Pizza雖細 但都夠厚紮實 一定飽肚 咁重芝士 🤣如果啲雞可以再切細嚿少少就好喇

又去咗食嚟自韓國嘅Pizza Maru，銅鑼灣呢間經常大排長龍平時鐘意食佢嘅signature 芝加哥拉芝糖粉pizza🍕，而家適逢🎅🏻聖誕就快到，餐廳出咗冬日限定新款式，一於try try😋🍕芝味粟米薄脆炸雞薄餅🧀Nacho Bombshell Pize💰$288/ large有得食有得玩嘅pizza😍pizza上面蓋咗半球型粟米薄脆Nacho，先倒上🥑牛油果醬、再倒🧀車打芝士醬，一抽起圓模，醬汁就向四周溢出😍再用小錘仔扑碎Nacho，Nacho碎散落pizza上Pizza饀有炸雞、燈籠椒、洋蔥、意大利香芹、馬蘇里拉芝士、酸忌廉醬、蒜香甜辣醬、芝士粉、紅辣椒粉，口感味道好豐富，Nacho碎好脆好有口感😋🍴煙燻鴨胸泡菜卡邦尼意粉🍝Smoked Duck Breast Kimchi Carbonara💰$178呢款超好食，鴨胸啖啖肉，意粉索晒泡菜汁好惹味好刺激，食唔停口😋🍹Honey Yuza Ade💰$48🍊Orange Juice💰$38🚩Pizza Maru (希慎廣場) (銅鑼灣) @pizzamaruhk 📍銅鑼灣軒尼詩道500號希慎廣場13樓1302號舖

星期六係cwb 阿仔話想食pizza做晚餐，search openrice 見到呢間404好評，試完我真係 404 error!中階餐廳價錢，但係味道不及快餐，完全貨不對辦！pizza 都唔係用芝士！用合成芝士一d味都冇！Pepperoni 都係一樣垃圾！唔好意思 呢間嘢pizza好唔掂！雪藏Pizza 都好吃佢！炸雞又dry又硬。。。 KFC Jollibee 好食d🤣意粉用假狗芝士😑😑😑蕃茄汁又係冇味道快餐店用既材料都好過佢！中伏體驗，希望唔好再有人中伏完全唔掂！

講真 食咗幾年pizza Maru, 食親都係果3樣😂芝加哥pizza系列😂 係真係幾驚艷到我。 黑糖味既pizza包底 ，pizza邊仲有芝士係入面，真係好正。 Also, i will order honey butter fired chicken. D粉 加埋一齊 真係好脆 感覺上好似炸哂d油出嚟咁😂不過， 我最鐘意都係食個藍青口blue muscle 😂食得出，佢係新鮮嘅青口，因為佢真係好滑,個汁真係好好味。 我次次都要飲幾啖！估唔到一間食Pizza同埋炸雞嘅地方，個青口仲震驚到我😍

講到食有芝心邊嘅pizza，pizza maru 一定係我嘅首選，所以我每隔一排都一定會去一去😋😋Smoked Duck Breast Kimchi Carbonara $178Carbonara 大家一定唔會陌生，而泡菜亦都係韓國菜必食，但泡菜Carbonara 你哋又試過未呢🤣佢嘅Carbonara汁煮得好滑好creamy，配埋甜甜辣辣嘅泡菜，出奇地夾同開胃👍🏻意粉煮得好彈牙😋平時食開Carbonara 入面嘅肉都係得煙肉🥓佢呢度仲加埋大大塊鴨胸肉，而啲鴨胸肉係煙燻過，整得好淋，咬落去仲有肉汁😳😳好好食🥹Grilled Potato Chicken Chicago Pizza $223終於到咗今日嘅重頭戲...🥁🥁🥁🥁佢就係Chicago Pizza🍕😋Chicago Pizza同普通pizza嘅分別就係佢個邊皮會比較厚，因為佢入面有滿滿嘅芝士，餐廳一啲都冇吝嗇芝士嘅份量，所以熱辣辣拉出嚟啲芝士真係有拉絲嘅畫面🧀😳仲要個外皮加埋吹卜卜嘅杏仁片，食落口感豐富，今次嘅口味嗌咗烤薯仔同雞，薯仔外皮焗到脆脆地，而啲雞塊焗完都仲係嫩滑😋成塊pizza 都佈滿晒糖霜，每一啖都係享受🥹😇.最衰我

冇人帶位  晚市floor唔見有人店內有很多位但冇員工理會只掛住傾偈泡菜海灣芝加哥.$223可以品嘗到一款不一樣的泡菜PIZZA。這款特色的pizza只有泡菜蛋皇醬和特色牧場醬作為醬料，吃起來微辣而且口感豐富。蛋皇醬的濃郁風味與大塊的蟹肉搭配在一起，絕對是一道推介菜品😼蜂蜜蒜泥牛油炸雞 $123/6件口感酥脆、味道獨特的美食。這道炸雞以鮮嫩多汁的雞肉裹上一層香氣四溢的蜂蜜蒜泥牛油醬，經過炸至金黃酥脆的過程後，口感非常讚。蜂蜜帶來的甜味與蒜泥和牛油的香氣相互融合，營造出一種獨特的風味。這款炸雞不僅外脆內嫩，而且調味恰到好處，每一口都能品嚐到雞肉本身的鮮甜美味。因此，蜂蜜蒜泥牛油炸雞是一道令人垂涎欲滴的美食，絕對值得一試。蜜糖柚子八爪魚沙律 🥗$128份量、醬汁偏少；飛魚子更是吃了都不怎覺。

平時經過見好多人，今日難得見冇乜人就入咗去試吓😛😛叫咗一個辣味嘅炸雞，個皮好脆加埋個汁，好惹味！啲肉都好Juicy😋😋另外亦都叫咗個有青口、蝦嘅海鮮辣醬年糕，都好好味😋 辣汁辣中帶酸，有別於普通韓式辣味 (似水牛城汁）非常特別。但係價錢略貴

我係負責搵Openrice既，我個心都偏向食呢間，咁岩朋友又係選呢間，咁我見Openrice無訂位，咁我咪打電話去訂囉，點知不可訂位，因為印象中係勁多人排隊，咁我咪早左45分鐘去排隊，當日星期四下午5點，餐廳開1745，但今次無人排，我落左下面美食廣場坐，一入坐，朋友負責點，嘩，勁好味喎～ 點左一個牛肉Pizza, 2款炸雞，一個章魚？同一個唔知咩～🙈 因為大佬話事，大佬埋單，呢度個Pizza 食完我都真係好想再食，但真係要趁熱食，一講到耐左，第2款Pizza 明顯入口無咁好食，真係要再約埋鍾意食Pizza既人再黎食🤣🤣🤣

“炸雞度度都差唔多架啦”呢句說話經常聽到人講，所以好多時食完會記得或者回頭再食既唔會多。但呢間我會記得，因為...炸雞我揀左蜂蜜牛油芝士粉炸雞同埋蜂蜜蒜泥炸雞，啲粉/醬多到幾乎可以用口吹起，味道亦好濃郁，而雞塊非常乾身，唔會有油林林既感覺，雞既份量都好夠。蟹肉飛魚子意粉呢個我就覺得不過不失啦，始終炸雞同pizza先係佢既賣點，但伴炸雞係ok既。小總結：因為2個人食，所以只係叫左一份雙併炸雞同一份pasta就夠，炸雞比預期好食好多，如果大班朋友一齊食叫多幾隻味就更開心。

Pizza Maru係香港多區都設有分店，主打韓式炸雞同芝士爆多既pizza🤭餐廳氛圍仿似去左韓國咁，一路食韓國野一路聽住韓國熱歌，掛到我都好想即刻飛去韓國🇰🇷睇泡菜仔！🍗蜂蜜蒜泥炸雞一上檯就聞到好香既蒜香，仲要熱辣辣差啲辣親手🙈雞皮脆卜卜兼沾滿蒜汁，香氣撲鼻，加上香甜甜既蜂蜜，鹹鹹甜甜好惹味。雞肉都尚算嫩滑，唯獨雞胸部位比較嚡口，要點多啲醬汁補夠！🍕薯角炭燒雞肉芝加哥 蜜糖杏仁邊勁厚批，麵皮包滿忌廉芝士慕絲，好似食緊煙韌既bagel配cream cheese咁😍再灑滿糖霜同杏仁片，好甜好肥好幸福，每次黎都要叫呢種杏仁邊！十吋既pizza分成六大件，每件都鋪滿馬蘇里拉芝士同芝士條，一拎起就拉絲，岩晒打卡💯pizza啲餡就一般般啦，主要淨係食到bbq醬既味道🤥🍢韓式海鮮炒年糕 卡邦尼醬炒年糕就真係好麻麻，卡邦尼醬好似被水稀釋左，無味又水汪汪🫠年糕唔夠彈牙偏軟腍腍，又唔掛汁，感覺就係食緊一舊麵團！海鮮就係一般急凍食材，無加以調味，好淡，睇圖以為好吸引添！📍Pizza Maru銅鑼灣軒尼詩道500號希慎廣場13樓1302號舖

今次去咗位於海港城一間好出名嘅韓國菜，而佢哋嘅招牌菜式就係好多唔同款式嘅Pizza☺️特別係啲芝士好似瀑布咁～去過銅鑼灣嘅分店，都知道佢哋非常旺場，而尖沙咀呢一間都一樣😗煙燻鴨胸泡菜卡邦尼意粉 鴨胸煙燻啱啱好，肉質嫩滑，唔會嚡熠熠😌調味亦都好食，最鍾意係泡菜加卡邦尼呢個組合，令到醬汁唔會好滯，酸酸辣辣嘅口感，非常過癮好推介呢一個🥸蒜香雞燒烤醬底pizza呢款Pizza我哋加咗咖啡口味嘅芝心批，令到邊邊苦苦甜甜咁，口味好得意😚😚再加上啲杏仁脆脆，增加咗個口感～蒜香雞嘅份量都唔少得，食落去啖啖肉，非常滿足😋果然佢哋出名嘅Pizza真係相當唔錯！

🍴🇭🇰 #香港 #香港島 🇭🇰Pizza Maru (銅鑼灣)🍕 蒜香雞薄餅 Garlic Chicken BBQ Pizza🦑🍛 辣魷魚烤蛋炒飯 Spicy Squid Fried Rice♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 : 銅鑼灣軒尼詩道500號希慎廣場13樓1302舖(코즈웨이 헤네시 로드 500호 하이산 플레이스 13층 1302호점)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🇭🇰 #홍콩 #홍콩섬 🇭🇰피자 마루 (코즈웨이 베이)🍕 갈릭 치킨 바베큐 피자🦑🍛 장백산 오징어 볶음밥

Pizza同炸雞係我食過最好味嘅：炸雞好香脆，而且好多味道款式選擇，Pizza係厚厚麵包底果種，妹滿足好飽肚。適合一班人一齊happy share，就可以試晒咁多種口味。

之前食過幾次我都覺得幾好味 pizza夠厚夠多芝士醬汁惹味 炸雞夠juicy 上幾次屋企人生日飯都揀黎呢度食今日黎度銅記呢間pizza maru 第一次食呢間分店 滿心歡喜 仲係咁同男友大推呢間野有幾好味點知…食完只有滿滿既尷尬😅因為我地算細食 驚食唔曬 第一轉嗌左個烤牛肉Chicago同埋杯gin tonic先一上枱叫做靚靚仔仔既但一咬落口 mozzarella芝士蓋過曬其他材料既味🥲好漏 食左兩塊已經食唔落而且分開食個茄汁底同烤牛肉個隻甜甜既味完全唔夾 餅底亦唔夠香同鬆軟如果你係求打卡 可以一試既 因為佢啲拉絲好夠澎拜但論味道既話就真係無層次 材料強行堆砌 有美式垃圾食品既味道🥲老實講 新鮮既pizza hxx 仲好味過佢…唯一比多粒星既原因煲佢上面塊烤牛肉係好味既 夠嫩 我只可以話放係呢塊pizza上係浪費曬🥲（如果出單點既話應該唔錯）本身諗住嗌多兜炸雞或者意粉 但食到咁漏都係放棄了 對於排左半個鐘既我地黎講係幾失望（仲要我係咁推介比男友 拉高期待值😫）我諗下次嗌炸雞就算了 希望炸雞可以保持到之前既水準啦

終於有機會食到啦😍佢喺希慎廣場food court度嗰陣，已經知道哩間餐廳。後來越做越大，就搬咗入鋪。佢出名係好邪惡嘅芝士pizza😋不過好多朋友都唔肯同我去試 🙈今日終於拉到邪惡嘅朋友陪我一齊去試😏Maru紫蘇炸魷魚圈 ($126)Maru Calamari Rings除咗魷魚圈，旁邊配椰菜同沙律醬。脆炸章魚仔 ($96)Marinated Deep-fried Baby Octopus原本係諗住叫薯條，但係咁岩餐廳當日無，就試下炸章魚仔，好似唔係好多地方有。同魷魚圈一樣，都係配沙律醬上。兩款小食都做得唔錯，炸到金黃色，好香脆，配埋沙律醬一齊食，好正。韓國烤肉芝加哥薄餅 ($223)Bulgogi Chicago pizza哩個就係我期待已久嘅邪惡pizza😏😏用咗雙倍馬蘇里拉芝士，拉得出絲🤩唔好睇佢好似細細個，成個pizza^_^充滿咗滿滿嘅芝士，食落有啲膩，不過芝士迷一定唔可以錯過👍🏻半半炸雞 ($223/12件)蜂蜜牛油秘製炸雞Honey Butter Fried Chicken芝士秘製炸雞Snowy Cheese Fried Chicken蜂蜜蒜泥炸雞 ($223/12件)