Pepperonis Pizza & Cafe

營業中

休息中

西貢...一個好熱鬧又人多既地方, 由其星期六,日~ 所以我都去熱鬧吓先~ 去到唔算多人, 有好多位, 叫咗個招牌PIZZA~好多料呀, 個底唔算好厚, 好香麵粉味~熱辣辣~ 另外海鮮意大利燴飯, 有蝦, 青口, 鮮尤~ 海鮮都好新鮮唔會話好似平時個D冇味~ 焗薯皮同出面食既有少少唔同~出面食既多數真係得薯皮俾你, 呢到佢係有D薯仔肉係到~加埋芝士肉醬好好味呀~ 煙三文魚意粉佢用咗熟既三文魚粒嚟煮之後再加上幾片煙三文魚, 所以好香三文魚味, 仲要有2種口感, 有生同熟唔同既分別~

好開心好浪漫呀！晚上黎慶祝，本來黎係想食個細，但係大pizza 又只係差幾十蚊，就叫左大！Friday night 有steak 優惠，買任何steak送左一杯紅酒🍷，嘻。周圍啲人都唔係好嘈，兩個人慢慢食環境相當不錯。好多人揸車去門口叫外賣pizza食，一晚都有成四五個咁嘅客，證明啲Pizza🍕🍕🍕都真係新鮮焗就多人食。個牛叫咗Medium rare，都好不錯，好好入口。結果都係食唔晒，打包左兩塊Pizza同少少牛肉第日朝早做早餐添

是日老闆生日，平時我地生日老闆都會好有心機揀地方食飯。今日佢生日，我地就為佢揀左一間喺西貢嘅餐廳。全程唔話俾佢知食咩，只係做人肉GPS😂但去到尾段老闆話都估到去邊喎😂餐廳附近有個大嘅泊車區，方便揸車人士。特別一提，餐廳員工十分友善，好好服務仲為我地落力影合照！☺️返工可以去到西貢食個lunch, 不亦樂乎☺️☺️☺️

星期一行完蚺蛇尖落山餓到肚都扁埋，行下行下去左呢間餐廳又唔駛等位，兩人入去坐低就拿拿聲叫野食:全名唔記得，雞肉藜麥沙律咁上下啦，其實呢碟四人份量都OK , 當然咁開胃既前菜落響兩個行完山既餓鬼面前就梗係唔會剩啦。8吋海鮮薄餅，餐牌有8,11同15吋既薄餅order , 呢塊8吋2人份量有4塊，厚批(口味人人唔同我比較喜歡薄批)，餅夠熱夠鬆化，係海鮮料既種類略嫌太單一，總括黎講都幾好食。炸魚薯條，魚肉夠油夠滑，但塊皮油益味較重。不過唔知點解，薯條好好食，完全無油益味，唔通係唔同油鑊炸出黎?香辣海鮮意粉食落有辣味但唔算好辣，蜆肉用蒜頭爆到開口先起鑊，兜熟意粉再回鑊，所以蜆肉無腥味，辣味同蒜味撈得洽到好處，但都係同一問題，海鮮食材種類太單一，但一碟意粉有十幾廿隻蜆，出面真係叫餸都未必有。星期一同二晚上6-9買一送一，買二送二，送果樣以價錢較低為準。飲埋杯啤酒都係$399,抵食到核爆。

限時優惠星期一至二(6pm至9pm)假日除外買一送一(晚餐)牛柳size 比手掌大外表煎得好靚5成熟肉質鲜嫩(牛肉味濃)燒豬肋骨(全份)嘩~king size外表燒得好靚(金黄色)醬汁(惹味)肉質鲜嫩(肉好厚身)每條肋骨，啖啖肉磨菇意大利飯飯粒有口感，忌廉汁好creamy好香磨菇味好香口的意大利飯香辣蒜蓉蜆肉意粉好香蒜味，微辣(蜆肉鲜甜)意粉有口感餐牌多選擇~服務有禮，最好訂位(座位不算多)食物有水準，無優惠(也值得試)

住係西貢好耐都未食過 既然有人生日就去試下啦點知咁岩撞正星期一同二既buy one get one free(只限main course)第一時間就叫個salad先Caesar salad + salmon好大盤 我地4個人食都夠分而且水準非常高 羅馬生菜好爽口加埋煙肉同面包脆之後叫左個濃汁三文魚闊條面必試個汁味道岩岩好 唔會太濃有三文魚粒係個面裡面闊條面既軟硬都係岩岩好如果唔係叫左個千層面 會再叫一碟呢個新奧爾良pizza餐牌上面每個pizza都有列出材料見呢個幾新奇就試下啦所有材料都出奇地夾平時唔食菠蘿pizza都好鐘意呢隻酸甜味夏天驚太飽太濟可以試呢隻最後既肉醬千層面冇影相 唔太建議食因為冇乜面 接近8成係醬 4人唔夠分另外叫左2杯芒果沙冰 冰同果汁既分量岩岩好 唔會全杯都冰到冇得飲因為buy one get one free既關係計埋野飲加埋一 都唔洗$500服務方面真係冇得頂 全部都好有禮貌而且有位waiter行過望到我地杯水有小小野跌左落去（我地發現唔到） 佢幫我地換過杯提醒大家記得book位先去 我地4人walk in差d冇位坐

很久沒外出用膳了，適逢04/07/2017是小弟生日前夕，因正日需要開派對，所以前夕決定與老婆同女兒去食餐生日飯。呢間餐廳是我一名住在西貢的同事極力介紹，賣點平靚正。開車到餐廳附近，晚市時間要搵車位，一個字難。好不容易搵到位入去試，今次promotion 是主菜買一送一，就算不同菜式都可以任選，但服務員說送價錢平的菜式。另外，此promotion 好似只適用於星期一至三。點了牛扒，pizza，闊條麵同意粉。味道果然好味，地方亦算舒服，最後埋單連加一只係400蚊，超抵！推介！

今日係西貢碼頭遊完船河，就順便係西貢食埋野，行到去滿記甜品附近，發現左一間幾有外國 Feel 格調幾好既餐廳就入左去幫襯。坐低之後就睇下個餐牌有 D 咩好食，無意中比我發現原來餐廳每日都有不同既優惠，而今日就係點指定牛柳餐係 Buy One Get One Free，心諗有無咁著數呀無理由既，所以我就膽粗粗叫左一份試下。雖然係買一送一，但份量都不少，賣相都不錯。牛柳餐配粗薯條，沙律生菜跟番茄醬同黑椒汁，牛柳點了六成熟，好厚身之剩而且啖啖肉，肉質嫩滑。總結 : 以性價比來說已經算不錯，在西貢可以用＄200 就食到二個牛柳扒餐，真係冇乜邊間餐廳可以做到。

相信各位朋友假日都會去西貢行下，特別係養狗的人仕。個道美食多籮籮，想食啲乜都要花啲時間去諗下。今次同你地推介的係Pepperoni，佢地逢星期三晚市便會推出佢哋主打嘅牛柳買一送一優惠，牛柳分量十足，肉質鮮美Juicy，加埋伴碟的薯條炸得好好味，伴碟的還有沙律十分吸引，最重要係價錢超抵，約$180/份再送多1份；但留意返加一係以正價加一的。但總括嚟講都係抵食。宜家好難仲有D平、靚、正的餐廳了。最好預先訂定位啦！

Weekend同成班friends入西貢玩完bowling 經過pepperonis見佢地方幾開揚同埋氣氛不錯所以就試一試佢喇 😋我地嗌左兩個starter , 一個salad同埋一個pasta ,一個pizza已經好飽🙈一個叫做炸芝士，另一個係青口😻兩個都好出色呀另外個pasta好多蜆好足料不過略嫌意粉太粗同乾左少少有進步空間pizza都好足料，同埋係重茄味既中意蕃茄既人應該會幾中意😊Salad就不過不失Overall 呢餐都係不錯的👍🏻

After a day outdoors who doesn't like to relax in a nice environment with tasty Pizza. We ordered a pizza and chicken wings. Was a great end to a great day out. Pizza: 7/10Chicken wings: 5.5/10Environment/decor: 6.5/10Service: 6.5/10Value for money: 6Would return (if I'm in the area)

行完山，一班friends大嚓一番😍😋好彩之前book咗位，晚上8:00都坐無虛席，坐在外面較為舒適又有渡假feel，一大班friends聚會，呢個地方真不錯😍😍每碟餸菜都份量大大碟，沙律好新鮮😋😋Pizza份量好大碟，夠晒足料，又脆又好味👍👍最有驚喜係Baby ribs，好大份，6個人都食唔晒，BBQ汁配埋豬肋骨，夠晒入味😍👍Beer Fish & Chips亦都好好味，魚柳鬆化又有啤酒味😋😋叫咗啤酒、紅酒都不錯🍷🍻朱古力smoothie夠晒份量又有濃濃朱古力味😍😍而待應服務態度亦好好，份量足又價錢夠晒合理，呢餐完滿嘅晚餐，過咗一個開心嘅行山日👍😄👍😄

尼間餐廳好耐之前系赤柱食過 味道好好但之後冇再入過赤柱就冇食過lu 今日行開西貢見番佢 仲唔即刻衝入去一坐低梗係叫返我最鍾意食嘅New Orleans Pizza味道已然保持水準 勁好味尼個真系好推介～～～之後再叫左個沙律同豬排骨。。。。樣樣外貌同水準都有返咁上下～環境方面都唔錯人唔多 我諗因為佢都係喺西貢比較入嗰邊所以人流對比近市中心嗰啲餐廳會少去左幾次都唔使等位 直接入去就有位而且餐廳門口上少少有個細細的停車場我諗閑日應該有位泊 可以行幾步路就到餐廳

入西貢最難找泊車位置，餐廳附近有兩個停車場，經常都full，但為了吃美食，入去不方便也沒關係。食呢間dinner的話記得記得一定要book台，會有較好的位置。如果吾係要坐outdoor 啊！餐廳小擺設也是用鮮花啊，很有情調。Pizza 必吃，誠意推介牛扒份量十足，很大塊，味道不錯啊！炸魚薯條魚的質感很滑，外脆內軟！凱薩沙拉的雞，煎得很香，味道加分湯味道不會太咸！但我建議兩個人share，很大碗會再來啊

今日得閒入西貢行下，見到好多唔同餐廳，其實好想試，不過最終都係去返呢間意大利餐廳。好耐冇嚟過，原來冇咗set lunch, so sad....就叫了一客蘑菇汁意粉，一客Xmas special pork belly,即係焗豬腩。個意粉好大碟，菇菇好多，味道非常好，汁又夠，正！另外個焗豬腩好勁，伴碟d薯蓉係堅嘅，唔係開粉嘅，個焗豬皮好脆，d肉係半肥瘦一層層，好嫩！