PASTEAKO

今晚和太太相約在中環，正煩惱去哪兒吃飯，突然想起在最近在IG見過一家新開的位於PMQ的意式美式fusion餐廳，於是便直接walk in。星期二原以為人流較少，想唔到今晚餐廳都有7、8成滿，8點左右入座並點餐，但因客人較多，因為我哋坐得較近廚房，已經見到一些比我哋早點餐的客人都未上主菜，故我哋都冇乜唔耐煩，但外籍員工已主動向我哋解釋今晚客人比預計多所以抱歉上餐有延誤，亦不時向我哋更新情況。結果差唔多一個鐘先上主菜，但我只能話這一個鐘的等待係非常值得，因為食物質素高，員工招呼殷勤，特別係每20分鐘有餐廳特製意粉供客人試食及員工見我哋有啲飽問我哋需唔需要休息一陣先上甜品等細心位，都令我哋喜出望外。上甜品時（Tiramisu）員工以70%黑朱古力現磨成粉灑在甜品上（仲要話我哋唔叫停佢就繼續磨），又係另一個讃。餐廳營業至晚上11點，又有唔少酒精/非洒精飲品，加上食物質素高及服務細心，未來必定再來幫襯。多謝佢哋為香港餐飲業帶來一片清泉。