Parkview (新城市廣場一期)

營業中

休息中

又有少少餓，經過就試下，我叫咗兩個小食，一個青口，一個雞翼薯條，我好鍾意呢個青口，個汁好味配青口一絕，雞翼薯條嘅雞翼味道好好唔會太喊，不過價錢有D貴，兩個小食加兩杯飲品都2百幾，我諗晚飯可以在嚟試下。

和朋友食lunch，預約寫生日碟，完全無件事。見店員很有禮貌及很忙，也不打擾了，不過希望能改善，至小回覆可以或不可以，食物水準以上，接待員很有禮貌，75分鐘用餐會太短，明白太多人客，但至少可以個半小時會好一點。值得一讚店員很有禮貌

於沙田分店晚餐，入座前知限時75mins, 我同朋友都食得快仲想食完去行街，所以接受的。 坐低之後，發現幾位職員都好熱心會主動講解晚餐選擇，介紹2人餐有咩分別時不hard sell, ☺️令人覺得幾貼心。 而且上菜快速，所以我用餐時間很充裕，其他職員動作迅速，黑衫應該是經理？ 見到同其他客人互動很有禮貌。 😆一開始職員問我係咪會員，本身冇想dl app, 因為覺得整個過程服務非常好，我覺得好值得再黎，所以我去download app, 跟著另一位同事仲主動黎幫我儲分，覺得佢好smart🫶特別再讚賞沙田分店👍

Randomly visiting during lunch hour for a friend catch up. Glad that there is not a queue to rush the meal after. Lunch menu serves variety with reasonable price. Absolutely love today's soup, pumpkin cream. It was silky smooth with mild sweetness from the pumpkin. By cracking some black peppers, additional peppery came through which uplift the dish. Their bread was soft and hot. Butter melted instantly. It was airy that absorbed well with the soup. Appetiser was absolutely delicious.I ordered t

放假同屋企人去左沙田新城市行街，行到肚餓🤤一睇原來已經係下午茶時間🫖 就係最底個層揀左間西餐黎食！ ［四層pancake塔配士多啤梨及雲呢拿雪糕］本身想叫八層但俾屋企人阻止左🥲🥲🥲不過四層都好夠飽😊甜忌廉加上草莓醬搽落塊啱啱煎好既pancake上面！Yummy🥰 下次真係要試個八層既！［北海道帶子意大利飯配野菌南瓜忌廉汁］意大利飯濕得黎夠黏！加埋野菌南瓜汁！ 清清地好啱唔鐘意濃味野食既人！［炸薯條配黑松露醬］太肚餓食左啲先醒起要影相，上茶個陣冇諗過下午茶時間都會禁大碟，條條都係熱辣辣脆口，加埋好濃厚既黑松露醬！ 好快就清曬一盤啦！

4個人去食dinner。個人叫咗無花果salad，無花果同茄好食，菜soso水太tap water味想話問server拎兩片檸檬。佢話已經係檸檬水，ok唔拎得🥲係我要求太多咁問下用嚟擠salad得唔得，然後就呢個salad已經有醬，唔包括檸檬，都唔要得。好嚴謹啊⋯m記都無咁嚴格🥲Maybe is me才是奧客吧應該要睇清楚menu跟咩醬 don’t ask for anything beyond 要乖乖地食完平均百七蚊一個main dish再開心行出去💕

想舒舒服服食個晏，見到依間西餐廳環境唔錯，所以就決定試試💫12:30前埋單有9折，整體CP值唔差～✴️餐包✴️特別表揚依個餐包👍🏻烘到熱辣辣，非常重麵粉香，好有誠意！✴️北海道帶子意大利飯配野菌南瓜忌廉汁✴️有2粒完整嘅帶子on top，表面煎得幾香，但比較熟，如果keep返入面係半熟狀態就更好食😌意大利飯調味自然，食得出濃厚嘅南瓜味，同埋都幾大碟，好似食極都食唔完🙈✴️經典美式牛肉漢堡配炸薯條✴️同樣份量十足，漢堡扒厚身有肉汁，賣相精美唔係亂咁堆疊👍🏻薯條粗身，食完漢堡好飽，食唔哂薯條😅

下午茶時段嚟都冇乜人，職員問我：需唔需要BB凳？我話：好呀2張呀唔該！職員話吓要兩張咁多啊！三大兩細要兩張BB凳好出奇咩……..小朋友想食窩夫，佢有原味窩夫同雜果窩夫，雜果窩夫貴$14，出到嚟所謂嘅雜果係伴碟嘅份量，得1粒士多啤梨切片，4粒藍莓，3片香蕉片。窩夫仲要極度難食！另外仲叫咗個薯條set （好似$60左右），炸 我油冧冧，同樣好難食，麥記都好食過佢！真係食到火都嚟……

晚餐好想食西餐，見到人流不多，坐位舒服，服務態度良好，就試試Parkview吧！🌟酥皮焗龍蝦湯：這是全晚最有驚喜的湯品，酥皮脆卜卜，有蝦肉，湯裏彌漫着海鮮的香氣！🌟麵包是暖暖的，入口鬆軟麥香，好味！🌟全日英式早餐$108食物豐富：卓靈亞腸、煎蛋、燒番茄、炒雜菇、沙律、煙肉、薯蓉、焗豆！元氣滿滿，非常滿足，不過煙肉太咸了！🌟紅酒澳洲和牛忌廉汁意大利飯$168牛肉粒入口軟腍，但肉味不突出，配上溫泉蛋，更為嫩滑鮮味！每粒飯都吸滿了忌廉汁，入口奶味香濃！另有酸酸甜甜的醋漬洋蔥，可以幫助解膩！📍Parkview

💰人均$150🍝帶子南瓜Risotto 好大粒嘅帶子，好多味🥣南瓜湯推薦👍🏻Lunch set好抵食: 湯/沙律+Main+餐包追加優惠：凡惠顧套餐+$15可追加以一款，有四款選擇（香脆薯條，炸薯角，南瓜薯餅，Movenpick雪糕）

收爐前諗住揀間好D嘅餐廳食返個團年飯，同事提議去Parkview。電話訂枱時職員溫馨提示我哋當日好多booking，建議我地早少少到。果然去到已經有好多人等位，等了約10分鐘便可以入坐。午市套餐包括餐湯/沙律，主菜同飲品。我哋叫咗全日早餐、墨西哥手撕豬肉夾餅、巴拿馬卡邦尼意大利粉同忌廉南瓜帶子，另外加$15配南瓜餅。落完單好快所有嘢就泥齊晒，估計預早整好，但味道一D都唔差同夠熱。我自己最鍾意巴拿馬卡邦尼意大利粉，加咗碎芝士同火箭菜特別好味，份量啱啱好，全日早餐都唔錯，有2條豬肉腸加埋煙肉荷包蛋蘑菇同蕃茄，夠晒份量，墨西哥手撕豬肉夾餅入面嘅豬肉有肉汁唔鞋，忌廉南瓜帶子飯味道幾好，只係得2隻帶子扣咗少少分。我哋差不多兩點離開仲有好多人等緊位，下次再去要記得訂枱。職員雖然好忙但都好好禮貌，整體用餐經驗唔錯，值得再去。

今晚去食了二人餐，其實加餐廳個餐牌疫情至依家都冇變過，已經覺得好唔想去食。今晚個蘑菇湯超淡好味。餐廳唔知係咪全部轉左入。之前企喺門口帶位是靚女來的。價錢唔平，但食物質素好差。原本我平時都會隔一個月去一次。其實你覺得一次比一次差。經過今晚之後唔會再去。😡😞😡😞我叫咗個雜扒拼盤塊牛扒超薄羊扒仲細過小朋友的手掌。最好笑係次次啲侍應都會鼓勵你食過和牛餐。總之就係好失望，好失望。仲有餐廳冇客都要話俾你聽坐75分鐘就要走啦。

今日約左我好姊妹食lunch 聚聚服務員都好貼心揀左個比較闊落既位置俾我朋友（孕婦） =）set lunch 都唔錯北海道帶子意瓜意粉帶子煎得岩岩好，入面好juicy香草忌廉汁濃郁有奶香，感覺味道有點似青醬 烤紅酒鴨胸意大利飯有番茄+甜椒係意大利飯度酸酸地幾開胃，感覺冇咁飽滯加埋甜椒 味道層次豐富

係外面睇個餐牌，望落去好似好好食，點知食咗啖，已經feel到賴嘢，我叫咗個黑松露飯，真心未試過可以咁L難食，細佬話寧願食隔離河粉好過，個餐湯都犀利，上枱個陣時懷疑係麥皮😂明明叫嘅係蘑菇忌廉湯，點解上枱嘅時候咁似麥皮，人哋罐頭湯，都好過呢個餐湯，阿爸叫咗個雜扒，個羊架全部羊脂黎嘅，冇咩肉食，個牛扒都OK，但你話會唔會再光顧，三個人食$6-700，我諗就應該唔會啦，真係寧願去隔離食好過，俾錢買難受😅

🤑價錢約 $200 weekend都有dinner set 🪑人齊先可以排隊入坐 星期六晚都唔洗等太耐今次試左個2人dinner set 都幾豐富😋 （$438）Ⓙ 煙三文魚紅甜椒忌廉芝士撻呢個頭盤都幾特別 個撻皮唔會太厚太硬 三文魚都新鮮 Ⓙ 香煎鵝肝意大利飯 鵝肝有2片 都唔算少 鵝肝就襯熱食會比較好 意大利飯配野菌忌廉汁都唔錯👍🏻Ⓙ 慢煮法式鴨髀用南瓜同紅棗紅酒汁都幾特別幾開胃 鴨髀肉質都幾好 唔會好韌 但伴碟ge薯仔粒有唔少胡椒 都有d辣跟餐可揀是日餐湯（甘荀湯）或者沙律🥗仲有香脆蒜蓉包 🍞同餐飲 跟餐仲有2個餐包, 餐飲,沙律🥗或湯 果晚ge南瓜湯都幾好 smooth得黎唔會太膩🎃 沙律就配胡麻醬