PARKSIDE@NINA

營業中

休息中

今天，香港股市大跌，唔見咗好多錢，不如食餐好嘅好過😜呢間餐廳位於如心廣場一期2樓，樓底超高，環境舒適，有很多半圓形的卡seat，是非常適合與朋友敘舊、傾偈的好地方。平日有午市套餐3-course / 4-course, 前菜或及餐湯+主菜一款+甜品，配自選汽水、咖啡或茶。$158/位 或 $178/位。🌸前菜：煙鴨胸蕃茄水牛芝士（食材非常新鮮）🌸 是日餐湯：栗子忌廉湯好濃郁的栗子味，幾特別，好飲。🌸 虎蝦墨魚汁意大利飯意大利飯非常有咬口al dente, 有5隻蝦，不是好大隻那款虎蝦，但好彈牙，墨魚汁味道並不濃郁🌸 烤封門牛柳扒（+$55）牛柳扒配上香草薯角、炒蘑菇配菜，牛柳扒都幾腍，唯也有少少筋🌸 是日甜品：椰絲芝士蛋糕都幾特別，蛋糕佈滿椰絲，唔算膩口主菜還有全日早餐、法式普羅旺斯烤雞、味噌烤比目魚、香腸酸種薄餅（+$25）選擇。手調咖啡需另加$30。

餐廳最大賣點係設計好靚！樓底極高又有落地玻璃引入自然光夠開揚 卡位闊落帶少少北歐簡約風 啱哂拍拖/同閨蜜慢慢傾偈hea足半日 ✧ Fossil Latte (Oreo) ($58) 咖啡面層鋪滿Oreo碎似考古現場😂咖啡奶泡打得綿密企身好似早排興嗰種400次咁夠晒IGable Oreo味香濃但又唔會搶咖啡風頭 飲到底仲有餅碎脆脆驚喜 ✧ 牛肝菌蘑菇湯 ($78) 一上枱菇菌香氣攻鼻 湯身creamy到似飲緊蘑菇醬 飲到粒粒手打菇碎夠真材實料 配埋蒜蓉多士蘸湯食 份量仲要唔細塊暖笠笠飲完成個人即刻醒神 ✧ 風乾火腿蘑菇薄餅 ($158) 薄脆餅底用sourdough做好特別係平時高級西餐嘅餐包味道火腿鹹香夾雜蘑菇鮮味 芝士拉絲效果睇得又食得 邊位焦香脆口似食緊餅乾 兩個人share食份量啱啱好 ✧ 椰棗焦糖布丁 ($78) Topping雪糕好重椰子味下面sticky date pudding係鬆軟嘅椰棗味蛋糕甜度控制得宜唔會漏

最近，和媽媽二人到訪Parkside@NINA，食了一個light dinner，試了他們的水牛芝士蕃茄薄餅、最signature的紅酒糟虎蝦捲意粉和傳統麵包布甸作為甜品。水牛芝士蕃茄薄餅🍕這款薄餅是厚批邊，但烤得恰到好處，邊緣微微焦脆。水牛芝士香氣濃郁與蕃茄新鮮帶有微微酸甜，簡單卻不失美味。紅酒糟虎蝦捲意粉🍝紅酒糟虎蝦捲意粉是一道充滿創意的主菜。意粉口感彈牙，非常適合搭配上紅酒糟的濃郁醬汁，虎蝦新鮮且肉質鮮嫩，紅酒糟的香氣和虎蝦的鮮美，恰到好處。傳統麵包布甸🍮傳統麵包布甸是一道經典的甜品。布甸的口感綿密，甜度適中，帶有濃郁的奶香和麵包的香氣。這道甜品不僅美味，還有著濃濃的懷舊風味，非常適合結尾。裝潢環境🕋Parkside@NINA的裝潢環境非常雅緻且充滿現代感。餐廳內部設計以簡約風格為主，運用了大量的木質元素和柔和的燈光，營造出一種溫馨而舒適的氛圍，而且樓底很高，不會有壓迫感。座位安排寬敞，讓人不會感到擁擠，無論是與朋友聚會還是家庭聚餐，都能提供一舒適的用餐環境。

今日同朋友嚟到位於如心廣場嘅PARKSIDE@NINA餐廳，呢度以木化石為主題，採用咗歐陸式教堂設計，餐廳樓底好高，空間感十足🕍✨。圓拱型天花設計、開揚走廊空間、木座位同巨型落地玻璃窗，引入自然光線，猶如置身藝術館咁，真係到處瀰漫住浪漫氛圍💫🌸，打卡一流📸！今次我哋點咗意式牛肉薄片做前菜🥗，牛肉薄片嫩滑入味，再配上新鮮沙律菜，開胃又健康👍。香茅單骨雞翼配香芒辣汁🍗🍋香脆惹味，香芒辣汁嘅甜酸辣正好中和咗雞翼嘅油膩感，有驚喜😋。主菜我哋揀咗北海道帶子蘆筍意粉🍝✨，帶子大粒新鮮，蘆筍爽脆，口感豐富，甜品我哋試咗特色木化石朱古力蛋糕🍫🎂，蛋糕表層充滿朱古力碎，配上印有木化石木紋嘅朱古力牌，視覺同味覺雙重享受🍫💕。兩杯mocktail分別係Parkside Sangria同Magic Potion🍹✨，兩杯都清爽解渴，適合打卡。

同閨蜜晚飯，要揀一間靜靜地、環境舒適、無限時嘅餐廳。Parkside @Nina 真係滿足晒要求，餐廳樓底頗高，半落地玻璃，採光度適中，長長走廊配上拱形天花裝潢，氣氛滿滿，要打咭先食。是晚很幸運安排半圓梳化坐，空間感十足，兩個人坐超級舒服，枱面可以同時放上三款食物，不急不趕，慢慢食、慢慢傾。沙嗲雞肉串 ＄92放低已經聞到好香，入口好juicy，雞肉嫩滑，配上香濃沙嗲醬，更覺驚喜，胃口即刻撻着咗，一客6串，實在唔夠喉。鹹蛋卡邦尼意粉 ＄138很creamy，意粉入口彈牙，軟硬適中，掛上滿滿的醬汁，與鹹煙肉同吃，味美。如果鹹蛋香味重點應該更正。辣香腸薄餅 ＄138香噴噴芝士撲鼻，薄餅入口超級脆，就像飲食節目一樣，可以用耳聽的，更誇張的是走廊斜對面枱食緊我都聽到（真的沒有誇大）。餅邊脆而不乾，餅底有韌度，配上辣香腸、蕃茄醬、軟芝士，多重口感。三色誘惑＄98整條開邊香蕉夾住士多啤梨、椰子、朱古力味三球雪糕，淋上香濃朱古力醬，再配上焦糖味爆谷和朱古力味煙囪卷，重年回憶啊。服務員態度和藹有禮，整體用餐體驗要給讚。

餐廳的木系裝潢搭配綠植點綴，落地玻璃透入街景燈光，營造出低調溫馨的氛圍，座位寬敞適合聚餐聊天。店員態度親切。今次與友人點了以下菜式：🍕 **薄餅控最愛：瑞士式薯仔薄餅（$138）**  酸種餅底薄脆帶炭烤焦香，馬鈴薯片增添鮮味，馬蘇里拉芝士份量克制，整體清爽不油膩，兩人分享一份剛剛好！  🍗 **重量級主角：原隻香蒜迷迭香烤雞（$198）**  需預留30分鐘烹調，但絕對值得等待！烤雞外皮金黃酥脆，肉質嫩滑多汁，連雞胸部位也不乾柴，附上黑椒醬，蘸醬後風味更升級。  配菜有薯條，車厘茄，西蘭花，紅蘿白，粟米，顏色繽紛的蔬菜，為這道菜式大大加分，都做到均衡飲食的效果👍🍫 **壓軸甜品：特色木化石朱古力餅（$78）**  造型仿照岩石紋理，切開是濃郁黑朱古力慕斯夾脆米粒，苦甜平衡得宜，底層餅碎增添口感，搭配莓果醬解膩，視覺味覺雙重享受！  💰 **消費參考**  高質料理，環境優美，舒適，性價比高！推薦朋友慶生或情侶約會～  

第一次來如心廣場這間高級西餐廳用餐，餐廳環境很有氣派，座位數目超級多，而且座位寬敞很有空間感。我十分欣賞餐廳的設計，樓底極高，設計很有格調，打卡一流，不論吃著美食，還是一邊聊天，身心都十分舒適。環境設計十分了得，除此之外，這裏的食物質素都超級高質。原隻烤雞配薯條，非常滋味。烤雞熱辣辣的，而且烤雞一分為四件，非常方便食用。雞肉嫩，又多肉汁，而且熱辣辣的令人愛不釋手。仲可以淋上秘製醬汁，更加惹味。除此之外仲配上了熱辣辣的粗身薯條，薯條又香又脆，非常美味。仲有一些時蔬，例如西蘭花、蘿蔔、粟米等等，非常鮮甜。風乾火腿蘑菇薄餅，建議及早食用，熱辣辣的薄餅非常可口，超有口感，批底脆卜卜的。而且仲有大量芝士，熱辣辣的芝士處於半溶狀態，不但有拉絲，而且芝士還是流心的，熱辣辣的芝士入口即溶，滋味無窮，忍不着便會多咬幾口。另外薄餅上還有風乾火腿，風乾火腿造型很美，像一朵玫瑰似的，風乾火腿配上芝士薄餅，鹹香香十分惹味。仲有多汁的蘑菇，整個薄餅餡料豐富，滋味濃厚，又脆卜卜，一定要試。餐廳食物非常出色，而且食物份量都不少的。下次來可以再嘗嘗其他美食。

「PARKSIDE」，樓底極高，整座猶如教堂般震懾氣勢的裝潢，木色與米黃色的相間階磚，非常適合打卡。設有半圓形卡位雅座，坐得都幾舒服。從帶位入座至落單，店員服務態度好好👍🏽，會主動收回空碟，食甜品又會主動換碟。龍蝦泡沫濃湯：泡沫濃湯的味道非常獨特，龍蝦湯入口順滑，為了增加其複雜性，用上爽彈龍蝦殼熬煮，不帶苦澀，只帶鮮味，仲可以用蒜蓉包蘸上湯汁，細緻的龍蝦味，不錯。洋蔥德國腸薄餅：新鮮熱辣，用上酸種薄餅，更加自然健康，比較容易消化 而且升糖速度較慢，特別適合麩質過敏者，德國腸吾會過鹹，帶有脆皮餅邊令人一食上癮，洋蔥顆粒可以增加甜味，正。軟殼蟹香蒜辣椒扁意粉：中西合璧的一味菜，軟殼蟹的軟殼蟹經過炸後，外殼酥脆，內裡鮮嫩多汁，帶有濃郁的海鮮風味。大蒜經過橄欖油爆香後，釋放出濃郁的香氣，扁意粉口感彈牙，能夠很好地吸附醬汁，讓每一口都充滿了香蒜、辣椒和海鮮的風味，愛不釋口！泰式奶茶焦糖燉蛋：泰式奶茶的獨特香氣與經典焦糖燉蛋的濃郁滑順，整體風味層次豐富，用上其獨特的泰國手標紅茶和煉乳，將泰式奶茶的茶香融入燉蛋中，帶有淡淡的香料氣息，燉蛋好滑，完美作結。總結：抵食高質打卡西餐廳大推自家製酸種薄餅

最近成日見到Social Media有人post呢間餐廳，一直都以為係尖沙咀或者中環嘅酒店，估唔到原來竟然喺荃灣嘅商場入面，咁靚嘅地方就梗係要去打卡啦。因為呢度太多客人，所以一定要book位。就見到有幾台，因為冇book位而冇位啦，所以大家上嚟嘅記住早啲打過嚟book位。呢度嘅環境真係好靚，樓底好高，好適合打卡影相。而且佢除咗樓底高之外，佢嘅座位都好闊落，好好坐，適合情侶拍拖慶祝節日。我認為呢個烤雞拼盤好值得讚賞，除咗好大隻之外，價錢亦都唔貴。而且佢嘅雞肉好嫩滑，調味亦都啱啱好，雞皮外脆內嫩，唔使點汁都已經好好食。另外我哋仲叫咗呢個德國腸拼盤，又係好大碟，而且有四款唔同嘅德國腸，每一款都好特別，食落唔會太肥，亦都唔使點汁就好好食。而且呢都係Cocktail全部都好靚，好適合女仔飲同埋打卡，而且酒味都幾濃，兩個人share一杯都夠飲。呢間餐廳又靚，而且價錢又平，食材都好高質，非常推薦大家拍拖或者同朋友gathering啊。

之前係社交平台見到依間餐廳好似教堂咁靚，一直都好想去打卡。男朋友好知我心意，於是帶我去咗間餐廳食飯。紅酒糟虎蝦捲意粉捲意粉好特別，我都係第一次食。捲意粉吸滿醬汁味道，口感煙煙韌韌幾特別。螯蝦好彈牙亦都好大隻，虎蝦份量都唔少。招牌牛肉漢堡配蔬菜沙律及薯條份量非常之大，漢堡包上面仲印着餐廳名。牛肉漢堡非常Juicy，又好厚肉。食完真係好飽，好滿足。薯條熱辣辣非常香脆好食。Strawberry Lemonade 成杯都係草莓嘅顏色非常打卡，杯上面仲有一粒士多啤梨。飲落充滿士多啤梨香味，味道酸酸甜甜，幾好飲。

初訪荃灣人氣打卡餐廳PARKSIDE@NINA！行入餐廳好快就被超高樓底吸引到，圓拱形天花設計令人感覺置身歐洲教堂咁，配合落地玻璃窗、雙色地板以及木化石主題，每一個角落影相都咁靚🥰 餐牌上食物種類同樣吸引，西餐或亞洲風味都有，今次點既幾款食物都好滿意！🔸紅酒糟虎蝦捲意粉餐廳其中一款熱門菜式🏅以紹興酒入饌，配合忌廉香味、薑絲、蔥花等成為一碟特色fusion意粉。捲意粉口感煙靭，獨有形狀非常掛汁，必點🤤🔸燒烤醬雞肉絲墨西哥餡餅墨西哥餡餅內夾住手撕雞肉、酸瓜、紅椒、洋蔥及Monterey Jack芝士，每一口配料都好豐富，仲可以配埋墨西哥菜必備既牛油果醬、莎莎以及酸忌廉一齊食🔸牛肝菌蘑菇湯蘑菇湯味道濃郁，口感細滑綿密，配埋附送既香脆蒜蓉包已經係perfect match☺️

終於來打卡呢個所謂【荃灣最美餐廳】嘅主題餐廳。一入來簡直驚喜，好有心思嘅裝修設計，圓拱形木質天花，好高嘅樓底間隔，空間感十足 ，原木風暖色調，好有西式風情。兩個人來撐抬腳，點佐兩樣嘢。原隻烤豬手，配薯仔沙律🥗勁大隻豬手，對得住218蚊呢個價。上檯個時已經切好一塊塊方便食，服務好貼心💕烤過嘅豬手皮肥而不膩，脆炸香口，夾住舊豬手肉一齊入口，口感無敵。👍經典牛肉漢堡🍔牛堡入邊夾住煙肉🥓番茄🍅青瓜🥒芝士🧀同埋件牛扒，咁多層次口感夠曬豐富啦。搭配嘅薯條唔會太多鹽搞到好鹹，呢一個細節位都做得好好。盛為168蚊。食完飯仲可以行去隔離如心園睇木化石藏品，好方便。

紀念日去到超美的餐廳晚飯和打卡，樓底好高，空間感十足🧡 餐廳另一邊擺放了化石櫃讓人參觀，十分特別🪨 ✨風乾火腿蘑菇薄餅 - pizza 皮好脆好鬆化，老公不停大讚，熱溶拉芝十分惹味，配上咸香Parma Ham, 一流享受🍕 ✨燴牛腩粗大管粉 - 粗管粉煙韌有口感，牛腩肉碎令牛味更出眾更香口，加上蕃茄酸甜開胃，讓人吃不停🍝 ✨特色木化石朱古力蛋糕 - 賣相特別💯有化石風格，味道甜而不膩，朱古力味濃郁🍫 ✨ Strawberry Lemonade - 酸酸甜甜好清新🍹

生日來食飯，諗住開心食，環境又幾靚，可惜服務態度真係好唔掂，講到明食120分鐘未夠90分鐘已經開始催……仲要之後催左幾次，上菜慢少少，我都係禮貌地問下，答都答得衰過人……結果真係太耐都未上……催幾次催到都唔想要……成個過程都好唔開心……以後唔會再去…

Parkside@Nina以高樓底的歐陸式教堂長廊為亮點，圓拱形天花搭配流線型木架裝飾，巨型落地玻璃引入自然光線，營造通透感與「城市綠洲」般的舒適氛圍。復古馬賽克地板、紅白地磚與不規則天花設計，結合綠植點綴，打造出錯落有致的層次感，令人恍如置身於教堂裏用餐一樣。⛪️紅酒糟虎蝦捲意粉（$158），彈牙粗長的通心麵捲曲有致，醬汁包覆每一吋麵身，鮮嫩虎蝦飽滿多汁，紅酒糟醬汁點綴其間，層次豐富。雜錦香腸拼盤（$158)，幾款雜肉腸，搭配薯仔沙律、椒鹽捲餅和自家製蜜糖芥末醬，完美展現了德式美食的精髓。💫壓軸的木化石朱古力餅（$78）不僅呼應餐廳主題，口感更是驚艷 - 濃郁的朱古力慕斯配上酥脆的餅底，每一口都是享受。🍫無論是約會、聚餐還是獨自放鬆，這裡都是個令人難忘的選擇。