Owens (砵蘭街)

營業中

休息中

今天晚上預約了四人座，等候了十分鐘左右就安排入坐空間雖小但裝修清新 充滿溫馨感覺今天的菜單有: 前菜有餐湯 另外加了芝士生蠔有層次既芝士包住大大隻生蠔，好有滿足感之後有carbonara，香蒜清酒煮蜆扁意粉， 明太子虎蝦意粉及黃金蟹肉意大利飯。大部分都好有水準！唯獨是清酒煮蜆扁意粉太清，在對比下就無乜味咁啦甜品方面，牛角窩夫配雪糕，一個字「正」個牛角窩夫焗得好脆，雪糕又有兩球，好開心最後餐廳給我們試食了伯爵茶麻糬tiramisu 唔好期望係tiramisu 當蛋糕就啱 ，麻糬甜品黎講，佢做得好出色！yummy！另外一提，餐廳每一位服務員都好有心，好細心。都主動加水換碟，令用餐體驗更順暢。我地一行四人，食飽飽，渡過咗愉快嘅晚上。一定會再來

次次經過都見有人在排隊，今天是轉涼的第一天，所以可能因為天氣冷，竟然出奇地少人。上菜速度快，店員服務態度不錯。食物方面，南瓜湯味道正常，不過不夠creamy。南瓜汁烤雞意大利飯🇮🇹夠creamy，烤雞份量不算少。香茅生薑🫚蜜🍯薑味比較重，飲到最後覺得比較辣，不過頗喜歡那清新感覺，而且適合冷天氣飲用。P.S. 後來越來越多人來光顧。而這店不好的地方是座位比較密。

見網上話佢地服務好好 咪同朋友過黎試下 就上網訂枱 book 19:00 大概等左半個鐘多啲先可以入座 我吾理解 點解我訂左枱仲要係門口額外等多半個鐘？ 我未試過去其他餐廳有甘既服務 吾會再反轉頭食 👎👎👎

是晚和同事飯聚，全部人都食到好飽、好滿足咁回家去。（知咩料喇）真心<Owen’s>你們做得好成功。無論食物、飲品、服務、環境、客量、人氣及所有野。希望你們繼續保持呢個水準，加油啊。第一次-朋友介紹@飲品、甜品及服務有驚喜；第二次-介紹俾朋友@西班牙海鮮意大利飯及服務有驚喜。甜品無得輸，超正正正。超鍾意乳酪系列飲品。P.S 職員們辛苦了。雖然好忙，但仍可以好有禮貌、親切、笑容、盡責。多謝🙏🏻我會介紹俾多啲朋友知。

依間餐廳在地鐵站附近十分方便，坐位經常爆滿今次終於試到啦。百爵茶tramisu 用一個精緻的玻璃容器裝起來好靚，一層淡奶油，一層麻糬 ，一層百爵茶慕絲，味道唔太甜不膩，加上一杯咖啡 又係好值的一天。

這間Owens 餐廳已經第二次黎幫襯，餐廳地點超方便，太子地鐵站D出口一出轉個灣行幾步就到。 餐廳環境不錯，食物水準性價比高，會推介給朋友和會再次幫襯；最好先預訂位，因為都幾爆場！沙律：沙律菜新鮮，醬汁酸酸地好開胃脆炸魷魚鬚：皮脆肉軟，咸咸香香好惹味水牛城雞翼：肉質嫩滑，醬汁少少辣甜甜地好惹味薯條三兄弟：分量勁人（有3兜），上枱時還熱辣辣，外脆內軟，還配有4款醬汁隨你點嚟食（有2款不太肯定係咩醬，好似係他他醬和明太子；另外2款係茄汁和芥末蜜糖），我哋2個女仔根本食唔晒肉醬墨西哥烤餅：肉醬好似肉醬意粉果d 肉醬，餡料都多，但普普通通明太子虎蝦意粉：虎蝦肉質彈牙，意粉煙煙韌韌，好味😋

朋友話一定要食呢度嘅提拉米蘇，今日一於和媽咪來到太子地鐵站一出行幾步、超方便的「Owens」，簡直超興奮❤️我們點了兩個下午茶餐：～芝士及蒜蓉焗生蠔各4隻，分別搭配濃郁的芝士和香氣四溢的蒜蓉，經過焗烤後呈現出金黃酥脆的外皮，內餡鮮嫩多汁，蠔味濃郁👍其實因為生蠔新鮮，兩款整法都美味，但芝士控的媽咪就最喜歡有濃郁芝士味的芝士焗生蠔，對它讚不絕口！～伯爵茶麻糬提拉米蘇及原味提拉米蘇各一杯，前者結合了伯爵茶的香氣和麻糬的嚼勁，為傳統的提拉米蘇增添了一絲獨特的風味(這個就係我嘅至愛❤️）；原味提拉米蘇則保持了經典的味道，濃郁的咖啡和香甜的奶酪層次分明，入口滑順，相當不錯😃～在飲品方面，我們選擇了熱香茅生檸蜜和芒果乳酪。熱香茅生檸蜜結合了茶香和檸檬的清新，口感溫暖宜人，最啱媽媽的口味；我就更喜愛芒果乳酪，有濃郁的芒果風味和柔滑的乳酪口感，清爽又滋味😋另外剛未到五時半，今日特別肚餓的我還趕得切點了一份午餐，揀了日式鰻魚全日早餐加甜品朱古カ心太軟伴雪糕，鰻魚的醬汁入味，肉質鮮嫩多汁；朱古カ心太軟則是一道口感綿密的甜品，搭配香滑的雪糕，甜而不膩，今晚真係大滿足😄

我地三個女仔叫咗一個黑松露軟殼蟹意大利飯、一個芝士肉醬千層麵、dinner set 追加咗一份蜜糖柚子雞翼（4隻）、一個薯條三兄弟同埋兩個tiramisu.個人食到非常飽！特別推薦伯爵茶味tiramisu!!仲有蜜糖柚子雞翼！😋😋😋😋個雞翼少少脆，好入味，個汁係掛曬係雞翼上面😍伯爵茶tiramisu 有麻薯底，好夠伯爵茶嘅味！😍😍薯條三兄弟一共有4款醬，個人鍾意點明太子/黑松露味😋薯條好多！夠熱！軟殼蟹都多肉的，炸得好脆🥳但個意大利飯底有啲粒粒分明嘅感覺，個人認為再淋啲再掛汁啲嘅意大利飯口感更好！肉醬千層麵竟然有茄子係底的！我都未試過😂但好似沒有特別夾🫣份量都夠一個女仔食的！啲芝士焗得好靚😍整體不錯的！店員服務都好好！好友善！我地叫咗兩個dinner set 但佢地都比多咗個餐湯我地🥹太好人了！

今日同朋友去左Owens食飯, 我地就叫左個dinner set, 包括前菜, 主菜, 甜品同飲品,另外附送湯或者沙律菜是日例湯係甘筍湯, 口感棉密幼滑沙律菜配咗沙律醋, 味道清甜新鮮芝士燒生蠔面頭嘅芝士烤香後好幼滑, 生蠔肉質肥美, 滿滿蠔汁水牛城雞翼醬汁完美覆蓋雞翼, 外脆內嫩, 酸酸甜甜, 好香口意式白酒煮蜆蜆肉爽口入味, 後勁仲有小小酒香龍蝦汁虎蝦闊條麵虎蝦好大隻, 闊條麵索滿龍蝦汁, 醬汁香濃,美國安格斯肉眼牛扒岩岩五成熟, 肉質好腍身, 仲有好多肉汁,Owens 牛角窩夫伴雪糕Croffle 焗得好香, 鬆化得嚟牛油味香濃, 配撘朱古力/雲呢拿味雪糕, 冷熱交融伯爵茶麻糬提拉米蘇伯爵茶香濃幼滑, 完美配合咖啡同酒香, 中間自家製既麻糬, 口感煙靭豐富柚子蜂蜜同香茅生薑蜜, 超級足料, 香茅同生薑味道好出

同喂喂出街順便去食個tea～叫左兩個tea set+小食+甜品+飲品食完已經飽到上心口，無諗過tea 份量都咁大😂黑松露軟殼蟹意大利飯大大隻軟殼蟹，炸得好脆口～意大利飯唔會太林如果黑松露味重啲就好啦～我好中意食黑松露😆柚子炸雞牛角窩夫🧇 炸雞好嫩～牛角窩夫好香又夠酥脆，重要好平😆加左炸魷魚鬚同埋4隻蒜蓉蠔蠔好肥美，配上蒜蓉超香，好惹味😍焦糖燉蛋同伯爵茶麻糬蛋卷超好食😋😋伯爵茶蛋卷好重茶味，連啲cream都係茶味😍

尋日晏晝一於去太子一間人氣cafe食lunch，充滿波希米亞裝修色彩嘅店舖果然夠哂人氣，去到又點會少得要等位😜lunch menu 午餐包含是日湯/沙律菜及飲品🥄法式蟹肉龍蝦湯 跟餐 + $38🦞龍蝦湯味道好濃郁，而且好多蟹肉好足料👍🍴紐西蘭頂級肉眼牛扒🥩 $132肉眼牛扒好大塊，肉質鮮嫩🍴香煎比目魚柳扒配薯菜🐟🍟 $102將比目魚柳扒煎封，肉質非常嫩滑，薯條亦炸到非常香脆🍴脆炸魷魚鬚 🦑 跟餐+$28魷魚鬚炸得好香口鬆脆，食唔停口🍴意式白酒煮蜆 跟餐+$38蜆大大粒，肉質肥美清甜，而且完全冇沙，好好味😋🥄法式焦糖燉蛋🥚 跟餐+$38燉蛋香滑，好有蛋味，最鍾意燉蛋上面嗰層脆卜卜焦糖😍🍴牛角窩夫配雪糕🍦 跟餐+$38牛角包窩夫鬆脆，配上兩球雪糕🍨🥤海鹽焦糖朱古力 🍫 $18🥤香蕉朱古力奶昔🍌 $24

🥩紐西蘭頂級肉眼牛扒配薯條（$142）選擇了7成熟，兩面煎得香口，鎖緊肉汁油脂，切開非常肉汁，完全無筋，整體軟腍嫩口，配上脆口粗薯條，分量十足，真心推介！🦪2隻蒜蓉蠔 （+$38）鮮美蠔啖啖肉，配上蒜蓉牛油烤焗，在味道更添層！推介！☕️熱海鹽焦糖鮮奶咖啡少許海鹽提升香甜的焦糖口感，咖啡碰撞純滑的鮮奶，順滑可口！🫚熱香茅生薑蜜一絲絲的生薑蜜，香茅似裝飾，無味😂飲完暖笠笠！🍂伯爵蔗麻糬提拉米蘇（$48）伯爵茶味濃厚，中間有麻糬粒，煙韌又可口，軟糯香甜的滋味令人迷戀，配搭提拉米蘇真是一流享受！🍀抹茶蛋卷 （+$38）令人著迷的組合，灑上浪漫玫瑰花瓣。蛋卷入口質感鬆軟有空氣感，忌廉綠茶味淡淡，不太濃烈！紅豆與麻糬互相輝映，非常有層次感！

一直經過都見有好多人排隊，今日終於有時間黎試下。平日下午茶時段唔算多人，一人即時入座。叫左個下午茶嘅意粉餐$54，跟美式熱咖啡。杯咖啡好快就有，果層厚厚嘅咖啡油尤似泡沫，好吸引。入口温度微燙口，微甘苦不酸 is my cup of tea意粉都好快到，雞胸有5件，大大件意粉唔算al dente, 連埋酸酸地嘅汁醬入口，夠開胃。反而冇期望嘅雞胸真係好有驚喜係超級嫩口同juice架～好正 令我諗起之前食果間拉麵嘅慢煮雞胸更為出色！雞胸厚身但烤得一d都唔鞋口，我最後係食晒d雞胸先慢慢食個意粉架真係好驚艷成間cafe俾人感覺好舒適，所有員工都著晒制度，外觀整齊乾淨，做事又勤快有禮。我見佢地做野係好有合作性，一人執好枱，另一人即時抹枱，再另外一人即時擺好位，唔駛一分鐘就番好枱，超有效率 比好多cafe做得更出色。我一路食就一路分享俾friend知呢間cafe有幾得😂😂😂 仲諗住黎緊生日過黎試埋其他野真心想講，食到一間滿意嘅餐廳真係好開心好想叫埋其他人一齊食

食物好食，份量足，伯爵茶麻糬卷蛋好好味！店員人數唔多，星期日夜晚都好full，上菜需要時間、但係店員們十分有禮貌、服務好好、會主動換碟/斟水，今次整體體驗都好好！香港依家做餐廳都好唔容易，感覺到佢地好有誠意經營，由裝修到食物到服務都有細心安排過，好值得支持！食左2人餐$408 好抵食，另外加點左個芝士肉醬墨西哥烤餅都好食，熱辣辣，好可惜掛住食唔記得影相😂😅最後埋單每人260左右，超級飽，食得又開心🥰總結就係一定會再黎！正👍

今日出去太子做事，最方便就是D出口不遠的 Owens 食午餐。f我點了紐西蘭頂級肉眼牛扒配薯菜$132，餐飲是熱檸檬柚子蜂蜜。7成熟的牛肉配特色燒汁，好味！熱檸檬柚子蜂蜜清香好飲。