Outdark (飛達商業中心)

營業中

休息中

首先點左牛肉炒粉絲，呢道菜用上新鮮嘅牛肉，烤得香噴噴，肉質嫩滑，牛肉嘅醬汁味道濃郁，同粉絲一齊炒，粉絲吸滿咗醬汁，入口時彈牙又夠味，配合上面嘅蔬菜，真係色香味俱全，簡直係完美搭配。🍜🍜之後就點左芝士炒雞，用一個鐵盤來炒，將醃好嘅雞肉炒至全熟，侍應落完水牛車打芝士,會係你面前幫你撈埋，一拉起來就可以拉絲，真係好吸引。每一口都係滑嫩嘅雞肉加上濃厚嘅芝士，而且旁邊仲有小菜配搭，包括韓國雞蛋卷、泡菜、香腸仔同紫菜飯，特別係泡菜，酸酸辣辣嘅味道，正好可以平衡芝士嘅油膩感。🥘🥘最後，飲品方面我點咗藍莓乳酪同熱情果梳打，藍莓乳酪酸甜適中，口感滑順，非常清新；而熱情果梳打就帶有一點點嘅清香與微酸，十分消暑。🍹🍹

#mochicouple_hk旺角搵食團 Miss mochi想食呢間韓國餐廳好耐🥹，之前去釜山都冇食到🥲，今次終於試到🤓！間店好有氣氛😆，夠dark😎，入面好多星星月亮燈飾串🌟🌙，仲播住K-pop🎶。呢間餐廳唔收切餅費👍🏼，好啱同朋友慶生🎂。門口仲有部影相機📸，大家可以影相留念！而且，食物係由韓國人烹調，所以非常正宗😏，所有食物都係自家制，好有家庭式feel😍！1️⃣ 辣炒豬肉($288)好大一鍋！🥰 有泡菜、香腸、紫菜飯、芝士😏 鍋中間有一大堆辣炒豬肉包括芽菜、韭菜同洋蔥🙌🏻 加埋用咗韓式辣醬調味🤤超級入味，微辣的味道不會過於猛烈，反而能夠讓人一口接一口😙 旁邊仲有芝士粟米🌽 用個爐煮熱少少，即刻變成拉絲芝士🤤🤤 如果覺得太辣可以撈埋啲芝士中和返😇好味指數：🍡🍡🍡🍡🍡2️⃣ 甜辣+香蒜蜜糖炸雞(雙拼)($208)標榜用韓國雞肉🐓一盤有10件炸雞🍗件件都無骨勁厚🤤炸雞的外皮金黃酥脆✨肉質非常嫩滑😍雞肉juicy入哂味😙甜辣口味比較偏向泰式甜辣醬的味道，所以唔會話好辣，易入口。香蒜蜜糖味有微微的香蒜味再加上甜甜的蜜糖！仲有波浪薯條、薯角、薯格非常香脆惹味🤪好味指數：🍡🍡🍡🍡🍡3️⃣Cassy啤酒🍺

呢間韓式餐廳位於旺角，喺彌敦道好易搵到。喺ig見過唔少人推介呢間餐廳，又聽過下呢間餐廳係韓國過江龍、韓國人主理，所有食物都係自家製，所以今個禮拜日就試下佢哋嘅食物質素啦！🍖🍗一去到門口就見到佢哋嘅免費 photo box！呢個photo box好得意，佢用帳單打印方式印張相比你。喺餐廳食完飯之後，可以影張相留念！好有心思<3主菜🐷 Butter flavored pork bulgogi with ssam (korean lettuce)呢個豬肉bulgogi真係好香！醬油醃料滲晒入豬肉度，食落好香口同入味。呢個dish唔單止有豬肉，面頭仲有外皮脆脆嘅韓式年糕，最底有牛油金菇同洋葱，仲有自家製酸青瓜同酸紅綠色辣。樣樣少少，夾清甜爽口嘅韓式生菜包住食，加埋佢哋落左麻油嘅 ssam醬同蒜片，層次感爆炸！真係比佢個豐富嘅 texture同味道驚艷左！有餐廳嘅水準同時又好有homemade 嘅感覺，真係jap jap jap唔停口！🥬🐷🍗 Two flavours chicken (boneless 450g) - soy sauce & honey garlic sauce呢個炸雞

其實唔少喺香港嘅韓國菜，整落嘅味道大家都差唔多，因為都知道有啲會邀請韓國人，駐港去料理-所以真係有返咁上下高質而呢一間亦都係我一個100%韓國人嘅朋友推薦-咁佢所有嘅食物都大大份但係調味呢，我覺得適合香港人嘅口味-例如炸雞部份，我揀咗甜辣雞食落真係唔會太過辣，會上癮Keep住食幾舊-之後大大份豬手肉質亦都肥瘦均勻當然有幾舊可能特別肥膩但係唔會影響整體嘅感覺-同埋因為佢喺樓上舖頭嘅關係所以真係要搵吓先至會上嚟食咁都希望佢多啲人認識，多啲人嚟食啦

同朋友慶祝生日，我地揀咗去旺角一間韓國餐廳食lunch，呢間餐廳嘅環境好有韓國浪漫情調，掛滿星星裝飾燈好似置身星空咁，裝潢得幾靚，感覺好舒服。-首先，我地叫咗佢哋必叫嘅芝士炒雞，一鍋咁上菜，份量十足，有齊年糕、芝士粟米、蛋、紫菜飯、泡菜，真係好正！雞肉炒得剛好，份量好多，外脆內嫩，仲有啲香辣味，食落去非常過癮。最吸引嘅係上面覆蓋住一層濃郁嘅芝士，拉絲效果超級吸引，令人忍唔住想多食幾口！配搭埋啲韓式泡菜，味道更加豐富～-我地仲叫咗水冷麵，呢碗麵好清新，特別適合夏天食，剛好可以中和油膩嘅炒雞。麵條爽滑，配上冰涼嘅湯底，味道清淡卻又不失韓式風味。麵上仲有青瓜絲同雞蛋，清清地食起黎非常舒服。-總括來講，呢間餐廳嘅芝士炒雞同水冷麵都非常好味，值得一試！服務態度都幾好，價錢亦都合理，絕對係韓國菜嘅好選擇～

嚟到呢一間韓國人嘅過江龍餐廳侍應都係韓國人梗係要食啲正宗嘅韓國菜菜單上食物係自製 好新鮮芝士雞肉用一個熱鍋呈上勁大份 全部都係雞腿肉！有豐富的肉汁，入口彈牙，確是一個難忘既味覺享受有大量芝士 慢慢用火滾吓佢就變咗熔岩芝士可以包住啲雞另外側邊仲有蛋漿啲蛋漿充滿味道 加埋雞嘅辣汁同埋芝士 豐富嘅口感同埋啲 芝士雞肉好大塊仲有啲年糕嗌咗小辣都真係少少辣相信大部份都可以食到之後叫咗一個蜂蜜糯米酒真係糯米酒成大個碗咁大呢個價錢好抵 兩個人都飲咗好多碗另外仲嗌咗杯芒果梳打加燒酒咁就變咗Cocktail啦

今日同朋友喺旺角行街嗰陣，唔知道食咩好，咁啱見到佢喺樓下有個牌，於是就上去試吓。我哋叫咗個魚糕煲。我幾鍾意食韓國魚糕嘅嗰種煙煙韌韌嘅感覺，佢裏便除咗有魚糕串、獅子狗、魚糕片、年糕、粉絲同埋蔬菜，仲有少少海鮮。好抵食。佢嘅湯底係相對比較清淡少少，唔會太濃味，更加唔會膩，但啲粉絲索咗啲汁又幾好食。呢一個魚糕煲，我覺得配炸雞好啱，因為兩者個味道會有比較大嘅對比炸雞我哋揀咗兩隻味雙拼。整體嚟講兩隻味都幾入味，雞唔會有嗰種冰鮮雞嘅感覺，應該係即時炸的，因為上枱嗰陣仲熱辣辣。炸雞隔離仲有唔少薯格同埋薯角，一樣炸得好鬆脆，點埋蕃茄醬食，好正。我哋另外都叫咗一啲梳打嘅飲品，都比較清新嘅味，而且份量唔錯，唔使驚餵嘢食都未食晒就飲晒。

餐廳位置超方便而且又易搵，一入到餐廳真係覺得同間餐廳名好襯, 都真係幾dark下。但見到天花板上既星星裝飾，真係覺得好靚好有Feel~同朋友2個人，所以無嗌好多野, 我地叫左個無骨既半份炸雞，個side再加左個腸仔年糕串，但有啲估唔到炸雞面仲鋪左堆炸薯條，好開心~~ 個炸雞我地揀左honey garlic, 個雞好juicy好滑, 個皮好脆, 加埋個honey garlic sauce 感覺無咁熱氣。但個人好鍾意腸仔年糕串入面個年糕, 因為年糕都係炸過，所以外面脆脆地，但裡面好軟，無論齋食年糕定連埋個腸一齊食都好夾~~之後係個魚糕鍋, 佢入面勁多魚糕, 仲要有幾款唔同，呢個比較清，所以配埋個炸雞可以Balance番，除左魚糕，佢入面仲要有啲青口、魷魚、著粉同蔬菜，好豐富，同埋飲埋個熱辣辣既湯真係好正!至於野飲，我叫左個蜜桃梳打，朋友叫左個藍莓Yoghurt, 2杯都好好飲~ 今晚好滿足呀~

一行入去Outdark已經有滿滿氛圍感，滿天星星配搭暗暗嘅燈光，令人心情更加雀躍期待用餐🫡Originate Outdark Chicken 必點炸雞👅揀咗雙拼 甜辣味拼honey garlic最中意outdark炸雞有埋伴碟 大量薯餅薯角薯條 滋味滿分💯啱啱炸起嘅炸雞外皮炸到黃金香脆 雞肉好有肉汁 又鬆軟又滑 👍🏻outdark炸雞係我至愛嘅韓國炸雞店之一推介大家一定要order炸雞👋🏼海鮮煎蔥餅煎到金黃酥脆 海鮮餡料好full有好多我中意食嘅八爪魚🐙加上香蔥好惹味 記得要沾配搭嘅醬汁!!飲品方面order咗芒果梳打 & 藍檸檬梳打 同食物一樣大份🤭🤭除咗啤酒 個人覺得梳打都好夾炸雞 👍🏻整體嚟講呢度無論朋友聚會定係普通想食好西，都可以好滿足咁樣享受晚餐，想食正宗韓國炸雞呢度會係一個好出色嘅選擇🫡♥️

今日帶左好少食韓國野既男朋友黎outdark，食完佢都對韓國野改觀! 每次黎到我都係必叫既炸雞，想食多D口味既可以叫半半炸雞。因為今日唔係好餓，就叫左半份甜辣炸雞，呢個口味我都係第一次食。之前怕會好辣所以唔敢叫，但係又OK wo，係接受到既辣，而且有D辣味中和下。炸雞係叫左無骨，所以食落好方便。 外皮好脆，入面既雞肉好juicy。配菜有薯條, 薯格, 薯角，滿足左3個願望! 個人最鐘意係薯格! 另外仲加左芝士條，價錢又唔貴，芝士仲可以拉絲。辣炒豬肉一大鍋辣炒豬肉份量好足，仲有芝士粟米，菠蘿，泡菜同埋紫菜飯。辣炒豬肉有芽菜，所以食落冇咁膩，辣度都係岩岩好。食食下勁想叫碗白飯黎送! 芝士粟米要襯熱食，唔係凍左就會硬! 熱情果梳打就夠曬消暑，仲可以簡少甜少冰!

幾乎每次有朋友聚會都會去outdark食 每次嘅經驗都好好👌🏻👌🏻可以話係香港唔錯嘅韓國餐廳！入邊燈光好有氣氛 店員都好年輕 好熱鬧我們嗌咗一個海鮮煎餅 真係感受到咩叫外脆內軟 仲要好足料 啲蝦都好彈牙🦐🦐 食到有啲膩就可以點一點隔離嘅汁 酸酸甜甜 可以轉一轉風味👍🏻蜂蜜牛油炸雞可以話係Outdark必叫！每次去都會食 鍾意甜鹹嘅人一定唔好錯過😭😭好香牛油 同蜂蜜牛油薯片一樣味㗎！仲要熱辣辣 啲雞會有汁👍🏻 如果諗唔到揀咩味 呢個無死炸醬麵嘅面質好煙靭 仲配有唔同嘅配料(洋蔥，青瓜絲同豬腩肉)份量都幾大㗎 味道香濃嘢飲方面都好推薦西柚梳打 好解渴 有氣嘢飲同炸雞真係絕配💕另外士多啤梨乳酪 口感偏冰爽 但係味道都係滿滿嘅yogurt味👍🏻唔會飲到最後好膩

因為韓國朋友帶路，佢鍾意新派韓國菜，所以我就同佢黎食呢間。#outdarkhk 所有野都係韓國人自家製，所以都還原到韓國新派韓餐既味道。海鮮忌亷炒年糕：年糕本身係非常有米香同彈性，加入咗西式既忌廉汁，食落奶香十足。入面仲有什菜、蝦仁、魚糕，面頭炸過既魷魚有脆感，可以揀點旁旁既芝士/忌廉汁一齊食，味道非常有層次。旁邊仲有菠蘿、泡菜、紫菜飯，食落新派得黎幾得意！但如果芝士可以多少少就好，咁就可以更加邪惡咁包住野食！甜辣炸雞：主角之一炸雞甜味比辣醬勁，會食到淡淡蒜香+果香，裡面既雞肉滑。韓式水冷麵+韓式炒牛肉：水冷麵加入芥末、醋，食落酸酸地，麵條加入冰塊成件事更加有彈性，清新，同埋中和咗其他菜式既膩感。成間餐廳都黑得黎，用埋木台，都幾有格調。最後同朋友走之前仲有得玩免費既photo booth,都幾有體驗感。開心！

放工係尖沙咀行左陣街突然好想韓國菜，search左附近一輪見到outdark，醒起之前都去過旺角果間食幾好味，就黎左依度食，不過今次無嗌到炸雞，想試下其他菜式，雖然Menu上唔算好多選擇，今日只有兩個人，所以都嗌左兩款就夠，份量好多，又飽又滿足！✨芝士炒雞 $328雞肉炒得好嫩滑，啲醬汁辣得適中，唔會太過辣，恰到好處。配上濃郁嘅芝士，一拎起就拉出長長嘅芝士絲，完美中和咗辣味，入口即溶，仲有種特別嘅奶香味。再加埋蛋、紫菜飯一齊食，紫菜香氣同飯嘅鬆軟度非常襯，加強咗每一啖嘅口感。泡菜嘅酸辣味仲可以解膩，提升咗整體嘅層次感。每一樣配料都令呢個菜式豐富，正！✨海鮮蔥煎餅 $138呢次食咗海鮮蔥煎餅，煎到金黃香脆，真係一咬即有脆卜卜嘅口感。餅身唔會太厚，煎得均勻，唔會過油，所以唔會覺得膩。內裡嘅海鮮，特別係蝦同埋魷魚，鮮味十足，每一啖都可以感受到啲海鮮彈牙嘅質感。蔥嘅香氣亦同海鮮嘅鮮味組合好正，整體味道清爽不失豐富。配埋醬汁更加提味，食落有層次。✨芒果梳打 $48芒果梳打清新解渴，芒果汁嘅天然果香突出，唔會過甜，而梳打水帶嚟嘅氣泡感，喝落好爽快，夏日消暑一流

周不時都會來Outdark食嘢，因為餐廳的氛圍輕鬆又chill，特別適合朋友聚會。奶油海鮮炒年糕這個炒年糕鍋的中間是奶油醬煮的海鮮、雜菜和年糕，旁邊圍著拉絲芝士、紫菜飯、一口腸和韓國泡菜！魷魚炸得外脆內嫩，完全不會乾柴！我喜歡的食法是將魷魚裹上鍋邊的拉絲芝士，這個做法會令炸魷魚增添濃郁的奶香。至於鍋中的雜菜和年糕吸滿了奶油的味道，口感層次好rich好creamy！如果食得太多奶油和芝士的時候，鍋邊的酸爽泡菜正好幫助中和油膩感，讓整體味道更加平衡。這個鍋的份量很大，適合四個人一起分享！牛肉紫菜包飯紫菜包飯裡有嫩牛肉、蛋和新鮮的蔬菜，非常足料！配搭生菜、醃蘿蔔和青瓜，咬下去每一口都清脆可口。喜歡芝士的話，還可以將包飯卷上鍋中的芝士，真係超級邪惡！柚子梳打（少甜）+ 1 shot非常清爽，還有一粒粒的蘆薈粒和柚子皮增加口感！另外加了一shot，味道不會太強烈，朋友不喜歡飲酒的也應該會接受！

呢間#outdarkhk由韓國人親自打理既餐廳別具韓風，吾單止野食同環境都似係置身韓國，連waiter、廚房同老闆都係韓國人，係香港食翻韓國人煮既野👍一入餐廳又要用我啲唔鹹唔淡既韓文😂等埋位前都有好多互動可以玩下店家真有心思，食飯前可以去呢部有吾同特效既即影即有機影張相留念🥹入翻正題，首先叫左個牛肉飯卷，好足料好好食🤤可能真係韓國人餐廳關係舊卷包得好實同整齊，食落口感好豐富之後黎左個個人最欣賞嘅一碟海鮮Rose年糕，上枱俾佢嚇親好大碟😂用個爐焊住啲芝士等佢慢慢溶之後點吾同配菜同年糕一齊食🤭上面擺左好大舊炸既魷魚，炸粉吾厚令食落吾會好油膩，魷魚本身又好新鮮👍個Rose醬就會跟翻韓國本身都辣過香港整既另外叫左半份炸雞，性價比都幾高，百幾蚊有好多件雞同而家KFC食吾到既薯格😂炸雞外皮脆但入面鎖住好多肉汁最後都好欣賞佢呢杯西柚梳打👍👍特別在佢最底有好多粒蘆薈，飲落清甜解渴，又可以無咁熱氣