Outback Steakhouse (德福廣場2期) (已結業)

係九龍灣行左陣，唔知食乜好，又想食西餐，同朋友就揀返大路既outback😋😋兩個女仔叫左半份ribs,一份忌廉汁鮮大蝦闊意粉、同埋一個小食蟹餅😋😋落完order，餐廳侍應即刻會上一份黑糖麵包，黑糖麵包食極都唔厭😂可以話佢嘅招牌麵包，麵包夠熱唔會凍冰冰，同埋好鬆軟😋😋跟住就上半份BBQ醬燒烤肋骨，仲配埋薯條🍟，兩個人食份量絕對好足夠😋至於小食蟹餅，味道都好重蟹肉味而忌廉鮮大蝦意粉🍝我好似食左好多次😋😋但都仲係覺得好味，d大蝦真係好大隻😙😙意粉好creamy😋😋

叫左個2人套餐有hsbc信用卡折扣優惠, 食到攬住個肚走先黎黑糖包, 餐湯係白湯,沙律....竟然鍾意佢上菜慢, 有更多時間encore條黑糖包慢慢食, 新鮮軟身既包配埋牛油, 仲係好想食多幾條caesar salad, 味道合格, 可以多少少沙律醬半隻燒雞+半條ribs+海量薯條.....二人餐真係唔需要咁多薯條,建議減量, 我地最後都要打包...薯條係薯仔厚切,有誠意! ribs唔亁,個汁又好味~反而個雞"鞋"口,煮得唔好食...帶子意大利飯, 帶子煮得香口,好食!個飯實在太多青豆,個人唔太喜歡haha~其實個飯係好好味,不過感覺味精勁左少少~下次都係一班人食好d, 可以樣樣試下又唔駛食得太飽唔好浪費食物~

一個中午食午餐，人唔算多，企喺門口見到當見唔到。坐底了，叫完食物，當我們飲完湯，食物就開始到，但枱上放滿碟及湯碗，侍應不理會放在我手上，一個接一個，到第三個我來，我連第二個都未放好，我便動也不動，到無得放嘅時候侍應才收碟。叫飲品及埋單都見到侍應望到，但是轉身向前望。個個都想有人做，自己唔使做。講真食物唔錯，不代表你們永遠好生意，我相信你們好快被取代！現在食物及服務是決一不可,你哋這樣連快餐店都一定服務好過你們！😡😡😡

多年無去，好失望，唔會再去意粉，又粗又幼，問左唔係手工意粉。粗既係唔入味，要加鹽先得意粉上既蝦，都知係雪蝦，勝在都爽口，但無蝦味個rib，又乾，又鞋薯條，食左一條就唔食，又淋，凍左個西冷，牛味唔出，反而個sauce 好食環境必須更整潔，成張椅都係有堆食物碎。抹枱唔好貪快，都無用條濕毛巾包好枱面上既碎屑，張椅就係黑色，所以碎屑明顯就係飛晒薄張椅度

Happy Friday 出街食飯特別開心，因為好想食牛扒，於是嚟Outback.因為朋友和我都細食，所以只order 了香芒雞肉沙律和慢煮肉眼扒，加埋送嚟黑糖包，已好飽、好滿足了😆

都有一段時間沒光顧OUTBACK了，是次同朋友相約晚飯，朋友提議來OUTBACK。說到OUTBACK，第一時間想起的當然是每枱都奉送的黑糖麵包啊第一次來德福廣場的分店，店面大間，座位夠寬敞。和另外兩位朋友點了兩份小食及兩份主食來分享！黑糖麵包，微暖又口感鬆軟，加上淡淡的黑糖香甜味，好吃！！炸蘑菇，是我喜愛的小食之一。炸蘑菇外層炸得香脆，而蘑菇內裡不會乾身，多汁又有菇菌香，令人吃個不停口～～～蘸酸忌廉來吃，能稍減一下油膩感。香草蕃茄海鮮意粉，配料有蝦﹑青口﹑帶子及魚柳，意粉面層灑上一些巴馬臣芝士。意粉的質感稍為稔身一些，不夠爽彈。意粉帶有香草蕃茄醬味，味道不會太酸。海鮮配料並不特別鮮甜好吃。燒肉醬味豬肋骨，伴薯條及酸菜。豬肋骨啖啖肉，肉質較為乾身，醬汁不夠多，味道並不算好惹味。吃點酸菜，令人開胃一點，沒那麼快感膩滯。烤肋骨雞搥芝士薯條拼盤 (Appetizer Combo)，一心只知是小食拼盤，並沒有留意是什麼配搭，原來當中又有烤肋骨！！小食拼盤中的烤肋骨雖然沒那麼啖啖肉，但醬汁卻香濃惹味些啊！！雞搥炸得外脆內較嫩，帶有肉汁，都算不錯～～～芝士薯條，粗身薯條帶薯仔香又夠脆口，加上芝士醬，

都有一段時間冇去outback啦，但係我為黑糖麵包而來的！今日order左牛扒拼加拿大龍蝦尾都係照舊要五成熟左右，我覺得outback嘅牛烤得唔錯，真係即82分同埋我好鍾意食佢整嘅蒜頭😚第二道菜係烤美國帶子煙肉白汁燴飯呢個燴飯，不是我想像中那麼好食，因為飯太硬，汁太少，可以用帶子來補償🤪最後一定係我最鍾意食嘅黑糖麵包，勝在可以無限refill

Outback以黑糖包而聞名，聽講啲人去係為左食黑糖包而唔係當中嘅主菜🤣堂食仲可以無限追加🉐講到咁犀利，即管試下到底有幾好食！不過因為我一點Lunch Hour去到太多人，所以最後嗌左外賣。▪️香辣燒蝦飯 黑糖包跟主菜加$10蝦用左香辣嘅配料去燒，生熟度岩岩好，好彈牙！而且辣辣地嘅調味配埋炒得乾身嘅炒飯，惹味非常！重點嘅黑糖包用錫紙焗製非常軟熟，帶有甜到適中嘅黑糖味，配埋佢跟包嘅牛油，牛油質感非常creamy好特別，簡直係一試難忘！外賣都已經咁好食，堂食一定更正！下次一定要堂食！📍Outback Steakhouse九龍灣偉業街33號德福廣場二期六樓601號舖

係outback，ruby Tuesday,simply life 同mr steak 入面揀左呢間食，全因為佢既黑糖包。夠熱，好味湯有D太杰，正常忌廉湯大蝦寬麵好creamy，個汁食到最後有d膩，蝦都幾多。之前抗疫價抵食D。

一行四人去食outback,叫左3個set lunch,都好夠食,有最出名的黑糖面包，set包main,餐湯,飲品可refill四人食比左兩條黑糖包,如果唔夠，可以同店員講,佢會再比你😍👍,如果一個人食都係比一條黑糖麵包你，所以應該會飽到傻叫左份燒肉醬味豬肋骨、香辣燒蝦飯、燒雞肉意芝士夾餅夾餅同豬肋骨必食‘每次都會叫😍豬肋骨燒得好香好入味，而且非常之大份，配埋即炸薯條🍟，正呀❤️夾餅都配薯條，總共有4塊夾餅，份量足夠，味道一流😜至於飲品就叫左凍檸茶同汽水，由於我係好鐘意飲可樂，所以一杯唔夠喉,要refill多一杯😜每次食outback都唔會令我失望，難怪長期咁爆場，坐滿晒人😆

今日我地三個女人去食晚飯，因為冷氣風位轉左兩次枱，服務員都好好，好樂意幫我地搬水搬menu。跟住last order完，又好主動話我地知可以坐到十點，可以再傾多陣。其實佢地唔係做左好多特別出色既野，但我覺得而家投訴文化下，投訴太多讚揚太少，所以特意出post鼓勵下做服務業既人💪💪💪

燒肉醬味豬肋骨💰128🔸配是日餐湯及黑糖麥包🔸肉質好淋，好濃郁燒烤醬味，燒得唔乾身，好惹味🔸肉份量少，肉和骨容易分離美國精選肉眼牛扒💰268🔸配是日餐湯及黑糖麥包，兩款配菜及蘑菇汁🔸選擇5成熟，肉質嫩滑多汁，重牛肉味特製洋蔥花球💰86🔸炸粉好薄，炸得好香脆，外脆內有洋蔥汁🔸超大份，兩個人都食唔晒 香辣燒蝦飯💰118🔸配是日餐湯及黑糖麥包🔸配料有四隻蝦、肉丸片、洋蔥、蕃茄、炸紅蘿蔔絲，蔥 🔸飯炒得粒粒分明，唔算乾身🙂餐廳座位闊落，坐得舒適

德福分店食過幾次，地方大裝修好 但缺點唔少最慘飲品永遠等好耐，隨時閒閒地要等半個鐘今次又係要追2次先有嘢飲凍檸茶嚟到係無糖水跟，同佢講只係哦咗一聲就走，咁嘅係比唔比番糖水我呢？等咗5分鐘糖水無出現，再問第2個侍應攞糖水，又等5分糖又無出現，今次搵女侍應，終於5分鐘內比咗糖水我叫三次先攞返糖水，真係可怕今次唔止遲嚟，仲漏比糖水愈來愈唔掂 服務態度就你問佢野，會回答你，你叫佢囉野，會回應你，但係做唔做到比你就要睇彩數 雞肉大蝦闊條麵幾好食，但醬汁軟少最慘就係塊扒－－牛扒叫七成熟，10成熟到黑哂又乾又柴真係想講粗口 元朗分店我食過超好，飲品食物又快又好食，超級無敵好，真係天同地比。無諗過同一集團，唔同分店可以差咁遠。

Outback 呢種連鎖餐廳，食物質素種類相信好多人都心中有數。九龍灣嘅分店係佢嘅Training Outlet，成日會見到掛住Trainee 牌嘅侍應，對於餐牌，會員咭各類問題，佢地好多時都要請教經理。廚房出品唔知係咪呢個原因（據知佢廚房都係會train新廚師），都幾參差，有時好食，有時唔好食。呢間分店絕對唔好揀食豬扒，多數overcook，魚就通常好咸。尖沙咀同銅鑼灣係會好食啲。今日食咗個芒果沙律，出奇地好味，想推介一下，～係芒果同埋沙律好好食，尤其是啲沙律汁好襯呢個沙律～（留意返：雞胸係鞋同冇味嘅）今日set lunch 個湯係意大利節瓜湯，又係比平時好飲，好多節瓜。之前飲過呢一個湯係比較透明，冇乜材料，淡茂茂，今日呢個廚師就煲得好好。唔知係咪年紀大咗，以前好鍾意食佢呢個黑糖麵包，而家覺得好甜，咬落去好似淡淡都係食緊沙糖咁，達到甜品嘅甜度，都係唔好浪費quota。總結：食物質素中上，招呼中上，餐廳大，好坐，Lunch 抵食。

由於好掛住佢嘅黑糖包，所以今日lunch就過嚟食。可能泰萊冇食啦， Menu都同之前有啲唔同。諗咗陣又想食肉又想食飯，所以決定每樣一個同朋友share。好欣賞佢呢度嘅牛扒，真係做到三成熟就三成，無血水亦唔會overcook!! 而且薯條都好好食帶子意大利飯都冇失望，當然仲有最重點嘅黑糖包啦！午餐時間嚟到其實都好忙，但啲Staff都好Nice同埋反應好快。雖然佢嘅嘢食唔算好平，但係以呢個質素來講性價比好高！間唔中享受下，都係幾好嘅選擇。