Outback Steakhouse (德福廣場2期) (已結業)

Outback以黑糖包而聞名，聽講啲人去係為左食黑糖包而唔係當中嘅主菜🤣堂食仲可以無限追加🉐講到咁犀利，即管試下到底有幾好食！不過因為我一點Lunch Hour去到太多人，所以最後嗌左外賣。▪️香辣燒蝦飯 黑糖包跟主菜加$10蝦用左香辣嘅配料去燒，生熟度岩岩好，好彈牙！而且辣辣地嘅調味配埋炒得乾身嘅炒飯，惹味非常！重點嘅黑糖包用錫紙焗製非常軟熟，帶有甜到適中嘅黑糖味，配埋佢跟包嘅牛油，牛油質感非常creamy好特別，簡直係一試難忘！外賣都已經咁好食，堂食一定更正！下次一定要堂食！📍Outback Steakhouse九龍灣偉業街33號德福廣場二期六樓601號舖