Outback Steakhouse (德福廣場2期) (已結業)

我們來到店門口時前台完全沒有人接待。問服務員要menu服務員也是一句話不講就把menu丟到我們面前。點了澳洲和牛紐約牛扒，七分熟，但是牛扒比以前吃過的別的steakhouse的全熟還要難嚼。點了炸洋蔥花。之前在土耳其灑鹽哥店裡吃過一次，香味很濃郁口感很好，但這裡的味道就很一般幾乎沒有香味。最後埋單喊了三次服務員，服務員走後完全都沒人來follow up。服務員都是年輕人，完全沒有感受到顧客應得的尊重。簡直是一次相當糟心的體驗

#### 餐廳嘅總體感覺我去過好多間餐廳，但係呢間可能係我最唔開心嘅一間。首先，食物嗰部分真係差到爆炸，全部都係凍嘅，冇咩食慾。人去餐廳嘅預期就係要食到熱辣辣、新鮮嘅食物，但係呢度完全做唔到。#### 牛扒煮得有問題我叫嘅牛扒要求五成熟，但係落嚟一睇，全嘢都錯亂晒。一部分全熟，一部分五分熟，仲有一部分只得三成熟。呢種煮法我真係接受唔到，對於一間餐廳嚟講，煮牛扒呢啲基本嘅技巧應該係必須掌握嘅。#### 服務唔到位再嚟就係服務問題。人手雖然唔少，但係似乎全部人都唔知自己做緊咩，叫佢哋幾次都唔答，就算答都話好忙等一陣先。呢種服務態度真係好唔專業。#### 飲品等到青嘅問題最後就係飲品問題。我哋等咗好耐都未等到，催咗佢哋三次，食物都食晒咗，飲品仲未嚟。呢種情況真係好唔尊重客人。仲有其他嘅客人都走出去催。總結嚟講，呢間餐廳嘅食物、服務同等候時間都令到我好唔滿意，我唔會再嚟。

今日同一大班同事去咗呢間西餐廳食午餐。我就嗌咗個海鮮蕃茄意粉，個蕃茄意粉份量比想像中大，一個人食有啲飽，如果唔係有啲肚餓都食唔晒。呢度環境幾舒服， 服務都OK。如果返工唔係太忙，會再嚟過食。仲要一提嘅就係佢嘅黑糖包，上海嗰陣焗熱咗，加上忌廉真絕配，每人半碟真係唔係好夠喉，最後就外賣咗一條走，其實價錢都唔貴只係$ 12 有1條。我同事見我買咗，佢都後悔自己冇買到。另外我哋仲嗌咗炸洋蔥同炸蝦share食，不過今次個炸洋蔥細，覺得有少少唔抵，炸蝦就保持水準同尺寸，每人都分到兩隻左右，勉強叫做夠啦。我見我同事食比目魚配飯，綠葉煎得好香，所以我冇食到，我都感覺到係好好味，我下次一定會叫呢個。我哋仲有一杯餐飲，我叫咗凍檸茶，我有同事就叫咗凍奶茶。我同事話杯凍奶茶麻麻哋，等你啦，西餐廳叫奶茶又點會好飲呢？檸茶就OK啦，檸檬亦好多，合格。

今日係為咗黑糖麵包而來, 知道出咗獨立包裝既黑糖包, 又唔想特登為咗買個包而走去九龍灣, 即興約個飯局, 晚巿唔算太多人, 但不斷有人去買黑糖包, 未到8點已經賣完了, 之後出既只有鋁紙包裝既, 一心以為可以買到獨立包裝, 結果最後買返舊版美國厚切牛柳配烤龍蝦尾 - 賣相都係一般, 龍蝦肉都好爽口, 牛柳就過火了芝士煙肉墨西哥脆片 - 吹水飲酒必叫之選香煎黑椒日式黃鯺吞拿魚 - 呢款真係幾好食香草蕃茄海鮮意粉 - 意粉份量都多, 濃濃既蕃茄醬汁是日餐湯 - 蕃茄湯底加咗磨茹碎黑糖包 - 招牌菜, 每次都要佢REFILLMANGO MOJITO - 偏甜SOMERSBY APPLE CIDER - 酒味唔濃, 似有氣果汁SPARKLING STRAWBERRY LEMONADE - 普通的士多啤梨梳打總結 : OUTBACK咁多年嚟都係最出名黑糖麵包, 其他菜式冇乜令人深刻印象, 今次都係為個包而來

今日，我地兩個人 去咗德福商場Outback食晚飯。入到餐廳，見到 已經冇咗八成座位。我哋叫咗一個二人餐。二人餐包括黑糖包、餐湯（但係竟然唔記得送嚟）、 普通凱撒沙律、八隻蝦、兩隻蟹腳、比目魚、雞味飯同埋薯條。價錢係 $612再加一。星期六會比平日貴$50一人左右。咁多種食物入邊，覺得嗰啲蝦係最好食。比想像中辣，但係辣得來幾香。兩隻蟹腳看起來都幾大，但係味道一般，唔算好有味道。比目魚煎得幾香，下邊墊咗飯。 薯條炸得幾鬆脆。整體嚟講，份量適中，但係唔算性價比高。

呢日好想食西餐，所以就嚟out back嚟食吓佢個扒！因為記得佢除咗牛之外，仲有羊仲有豬意粉 海鮮都有午市套餐抵好多！但係由於太肚餓嘅關係揀吓揀吓見到人哋揀有隻長腳蟹嗰個正價set， $408 ，比侍應推銷之下食咗嗰個法國有啲後悔，貴得來個扒唔係我特別想食嗰種，我會寧願揀$278嘅lunch set ！同埋朋友揀嗰個$248嘅法式羊扒好味好多！因為個長腳蟹完全係沒有味道，仲慘過食瘦肉極度後悔嘅選擇！賣相一流，但係隻腳真係肚餓都唔想食，差過buffet好多質素，通常buffet都唔會特別好，除非佢主打，但係佢真係非常之差，完全沒有鮮味亦都沒有質感羊架反而比想像中大份好好味好彩朋友分咗一嚿肉俾我！底下仲有炒飯底唔會太油香香地，側邊啲配菜都好出色！甜豆同埋甜椒都非常好嘅質素服務就專業嘅，唔算太友善，合格！ ！環境就非常之鍾意啦，舒服嘅卡位大枱最後黑糖包真係幾好味！原來佢仲出咗俾人買走嘅版本🤣

通常想起Outback大家會聯想起牛排，然而Outback還提供了一些其他的美食選擇。例如，烤雞、豬骨、海鮮等等。是次享用豬肋骨（希望沒記錯）、蟹腳、蝦尾、魚柳及薯條。豬肋骨鮮嫩多汁，烤得香脆。海鮮菜品也很不錯，還有我最喜愛的沙拉、湯和黑糖包等選擇，可以滿足不同口味的需求。最欣賞服務方面，Outback的服務員通常友好並且熱情，雖然今次的服務員的新手又落錯單，但是其資深員工一有疑慮，立即向我們了解，服務以及回應快速。

近日試咗份來自九龍灣德福Outback Steakhouse的外賣，總的來說，它帶給我很愉快的用餐體驗！🥩😋首先，外賣的包裝非常仔細和堅固，確保食物的溫度和質量得以保持。這對於運送這樣的大塊肉非常重要，因為我可以確信食物在送達時會保持熱度和新鮮度。🚚📦當我打開外賣盒時，香氣撲鼻而來～^ _ ^❤️‍🔥首先，肉眼牛排以我要求的完美煎烤程度送上，內裡保持了肉質的鮮嫩多汁，每一口都讓我回味無窮！👌🏼😍 3成不會多血水，保證塊扒鮮嫩多汁🤤🤤❤️‍🔥洋蔥圈也是精心烹飪的，外層酥脆，內部軟嫩，絕對是完美的小吃！沾上濃郁的沙拉醬料，口感更加豐富。💯👍🏼我期待著下次再品嚐他們的美味！👏🏼🤤

朋友生日飯，去咗呢度午餐，五個人叫咗五個套餐，豬肋骨相當唔錯，份量雖然略少，但係覺得火候幾好，味道亦都算係OK，配埋啲飯都足夠飽肚，煎魚柳就細份一啲，雖然雪藏貨都唔可以要求太高啦，一般水準啦，肉醬意粉就好粥份量，味道相對冇咁好，因為醬汁似乎過多，令到個意粉比較「黐立立」，同埋好似「琳」得滯，豬扒就係連骨嘅，夠厚，肉質OK，不過因為係黑毛豬，可以揀幾多成熟，我今次揀咗全熟，覺得太「鞋」，下次有機會我覺得揀八成熟更好，應該肉汁更加多，食落會口感好啲；基本上每個套餐都係跟飯，同埋少量嘅西蘭花、椰菜花、紅蘿蔔片。另外個餐湯係西蘭花湯，都煲得幾好，有足夠嘅西蘭花味，又唔會太過濃，餐包當然不嬲都係水準好好嘅，配酸忌廉令人有一種清新開胃嘅感覺，沙律都唔錯，啲菜都幾新鮮，份量一般啦。唔算太多或者太少，都合適四五個人分享嚟食嘅，餐飲水準一般，冇話特別好，都係普普通通啦總體嚟講性價比都幾好，因為環境坐得舒適。早啲book位就可以book到梳化位，係坐得幾舒服嘅，如果現場排隊就可能要坐其他位置啦，不過都OK嘅，招呼都好好，令人舒適愉快嘅一個午餐地點。今次冇叫牛扒，不過之前試過就覺得肉質好普通，尤其是食唔晒，

前兩晚同朋友行德福，諗唔到食咩，突然醒起好耐無食Outback，就去左拎飛，都係等左5分鐘左右就有位，非常之快。Outback的特色 - 一坐低就會有職員比🖤招牌黑糖麵包🖤，本身比左一份，但又有個職員再比多份我地，勁食嘅我當然OK LA，黑糖麵包暖暖地配埋佢地個淡牛油真係無得輸。我地今次決定散叫，因為我同朋友都無諗住飲餐湯餐飲，叫左個牛油果蟹肉他他，估唔到佢蟹肉非常多，性價比好高唷，基本上我地食晒D脆脆都仲未食完個他他😋主菜我地叫左個雞肉拼燒蝦寬麵同埋燒黑毛豬鞍，雞肉係雞胸肉唷，做GYM嘅我當然好OK，而D蝦都幾爽口，不過個麵就感覺上唔夠熱，只係暖，但味道都算唔錯。食過而個豬鞍因為係黑毛豬，所以我地叫左七成熟，不過今次燒得有d靭，質素略為差過之前少少🤏🏻最後我地仲食左鮮什果美式芝士餅，佢呢款cheese cake係淡芝士味同埋係軟身嘅，撞岩我同朋友嘅口味，配埋d鮮果仲有個淡忌廉，口感幾清新。用餐其間職員都好有禮貌，經常幫我地加水，又有個女職員問我地食物質素如何，十分貼心。又咁岩萬聖節，餐廳裝飾得都好有節日氣氛，整體感覺良好。

午市叫咗兩個餐一個小食食物質素好差，真係好失望！明明之前食晚市都幾好食麵包同埋餐湯都唔錯嘅叫咗一個意粉，味道都正正常常，但係都係冇乜味之後一個類似大蝦炒飯，啲飯好似未熟咁，超級硬同埋乾，上面啲蘿蔔炸到好硬好硬，最後我食咗幾啖飯食埋啲蝦就冇食了另外叫咗一個炸蘑菇小食一上到嚟就已經左一粒右一粒個皮一啲都唔脆腍晒，個底出晒水🥹之前食過真係唔錯，但係唔知點解而家質素好差，真係好失望，價錢都唔係收得特別平，應該質素要好D嘅😖😵‍💫

Openrice 叫完外賣預計取餐時間過左都未拎到最後追問左2次先發現個外賣一早搞掂但係成袋放左係前枱個地下度 大佬呀出左餐又唔講仲要放係地下？枱面咁多位都唔放感覺唔多衞生失望

星期五晚飯時間，門口接待無禮貌，無視顧客，叫左号碼到我又話等，等左陣又叫其他台号碼，再問佢係咪到我又唔啋，行左入去出來竟然叫我排嗰條隊下嗰号碼，問佢我張台點，又唔出聲，有就有，冇就冇，我可以唔食架，話佢無禮貌，做得接待咁服務，體驗好差，下次不會再來九龍灣呢間

今日想搵個又靜又好食嘅餐廳去lunch meeting 💻我哋就決定嚟呢度食我哋叫咗牛扒🥩煎魚🐟同豬鞍🐷肉眼扒叫左5成，肉質甜美，有肉味👍🏻煎魚柳很嫩滑，少少骨。男女老幼都啱食。豬鞍7成熟，係有點過熟，不過肉質還好，唔會好鞋。所以食完下次可以再食👍🏻呢度環境又靜，嘢食又好食。

心血來潮入嚟食吓嘢，今日晚餐滿坐，落完order二人餐就坐喺度等，點知⋯好快佢哋就上咗忌廉湯，但係冇比餐具，問佢哋攞，佢哋好似好忙咁，到沙律都上埋枱，都冇餐具🤣，再問多次終於比到餐具我哋！其他枱都有咁嘅情況發生，真係搞笑！每次都最想食佢個黑糖麵包🥖，之前都係一坐低、落完order就上黑糖麵包，食住等，今次竟然要問多幾次先比到黑糖麵包我哋，但係竟然有啲新坐低嘅一坐低就上麵包，俾我哋早拎到，我又係哭笑不得🥲！好彩除咗以上奇怪事，嘢食嘅質素可以，上菜時間都可以😌。工作人員態度都唔錯，應該係客人多工作人員少，搞到出現以上奇怪事啦！